فى البدايه وحتى لااهاجم من بعض الاعضاء انا ضد الاعتصام فى شهر رمضان بشكل خاص جدا لانه شهر عباده فى المقام الاول والاخير وبصرف النظر عن قناعتى الشخصيه لا اختلف كثيرا على من يرون انه يجب اعطاء الفرصه للهدوء والعمل لاجل مصر وان كان لى كثير من التحفظات على الطريقه التى تم بها فض الاعتصام ولو رجع بنا الزمن لمده 7 شهور سابقه لاتفقنا جميعا ان من اهم اسباب ثوره 25 يناير هو التجاوزات التى يقوم بها جهاز الشرطه وامن الدوله من انتهاكات لحقوق ادميه البشر ضرب وتعذيب وكهربا واهانه لمن يصل ليديهم وتعملهم مع الشعب على انهم اسياد والشعب عبيد لهم

من هنا اقدم اعتراضى على الطريقه التى مورست على المعتصمين وعلى اهالى الشهداء بالتحرير وكان يمكن ان يفض الاعتصام بطريقه سلميه بدون ضرب او اهانه
معنا شهاده موثقه من مندوب قناه 25 يناير عبد الرحمن عز الذى تم القبض عليه مع عشرات المعتصمين واعتقالهم غير الضرب والاهانه التى تعرضوا لها وكذلك مراسله بى بى سى التى تم اعتقالها هى الاخرى وهى مندوبه هيئه الاذاعه البريطانيه

يوثق عبد الرحمن عز اعترافاته ان من اخذه ضابط امن دوله معروف

افاد موقع BBCاليوم ان شيماء خليل التى اعتقلت يوم الاثنين امس مع العشرات من المعتصمين الذين تعرضوا للضرب وتحطيم هواتفهم المحموله وتحطيم اى كاميرا من اى نوع وقد كتبت على موقعها فى تويتر انه تم تحذيرها بأعتقالهم اى فرد يحمل كاميرا للتصوير
ومن ناحيه اخرى تبين ان المعتقلين توجهوا الى الهايكستيبثم النيابه العسكريه فى س28 فى الحى العاشر بمدينه نصر


شيماء خليل مراسله بى بى سى

اكد اللواء اسماعيل عثمان عضو المجلس العسكرى انه تم القبض على 111 بلطجى من فك الاعتصام فى ميدان التحرير معظمهم لابسين تى شرتات مكتوب عليها انا بلطجى
ولذلك ننوهه للجميع ان جميع من يلبس هذه التى شرتات هم بلطجيه يعلنون عن انفسهم

دى فضيحتك أنت... فأنت غير محب للوطن.. كلنا شوفنا الفيديوهات أمبارح ومناظر الرعاع وعدم وجود ثوار حيث أعلن الكل أنهاء الاعتصام... فلا أعلم ماذا تريد من كلامك الباطل... فنحن نصدق ما رأيناه أمبارح ولن نصدق قول شخص الله يعلم بنواياه الخبيثة.. فأنا والاخ عبد الرحمن والاخ زهير وجدة مصرية والاخ زيزو وحتى الاخ ريبيل كانا استنكرنا هؤلاء المعتصمين وأيدنا ما فعله الجيش والشرطة.

دى فضيحتك أنت... فأنت غير محب للوطن.. كلنا شوفنا الفيديوهات أمبارح ومناظر الرعاع وعدم وجود ثوار حيث أعلن الكل أنهاء الاعتصام... فلا أعلم ماذا تريد من كلامك الباطل... فنحن نصدق ما رأيناه أمبارح ولن نصدق قول شخص الله يعلم بنواياه الخبيثة.. فأنا والاخ عبد الرحمن والاخ زهير وجدة مصرية والاخ زيزو وحتى الاخ ريبيل كانا استنكرنا هؤلاء المعتصمين وأيدنا ما فعله الجيش والشرطة.

اخى الزائر كلنا مع فك الاعتصام ولكنى ضد ممارسه العنف ضد اى مواطن مهما كان وكل شخص له رأيه الخاص وانا اعتبر ماحدث يعد فضيحه ليس فى العمل ولكن اسلوب التعامل الذى لم يتغير كثيرا عن ماكان يحدث فى النظام السابق

والله يا اخي انج انا مش عارف اقول ايه بصراحه
بس فعلا احنا خرجنا ضد النظام وطالبنا بسقوط النظام بسبب الفساد واكبر سبب للثورة هو معاملة الشرطه القذره للشعب . لكن ده لان كانت الشرطه وامن الدوله ظالمه للشعب
انما على سبيل المثال لو هناك ارهابي او حتى بلطجي والشرطه او الجيش ضربه بالنار اكيد مش هنزعل عليه لانه ده مخرب . واللي حصل بالامس حتى وان كان هناك بعض القوه في فض الاعتصام فده لان لم يستجيب احد لفض الاعتصام الا بالقوه . يعني لو قالو امشو بالزوق اكيد ما فيش حد ماشي
وخصوصا لما يكون هناك بلطجيه مندسين خلف الثوار الشرفاء.
المشكله كمان ان احنا ذودناها شويه في بعض الامور يعني قالو من الشهر الماضي ان المخلوع يوم 8/3 في القفص واحنا عشان فاقدين المصداقيه بسبب البطء وكثرة الاشاعات بننزل نقول محاكمة مبارك طب ما خلاص المحاكمه يوم 8/3 عايزين ايه تاني ههههههههه والنظام كله في السجن

عبد الرحمن الله ينور عليك بجد... لقد قولت ما أريده.. تحية منى لك وتحيا مصر ويسقط هؤلاء المرتزقة..دول شوية عيال صييع،

هههههههههههههه وانت فرحان لية انك بلطجي
اية الناس دي
ثانكس

الاخ الزائر اللى بيتكلم وبيقول ان انا استنكرت المعتصمين وايدت ما فعلة الجيش احب اوضحلك ان محصلش منى الكلام دا وانا مش عاجبنى اللى حصل فى التحرير من الجيش وفض الاعتصام بالعافية وان دى طريقة همجية وهتيجى بالعكس عالمجلس الزفت دا ولما الفيديوهات تطلع نكذبها ونصدق اللى على مزاجنا واتكلم عن نفسك بس ومتتكلمش عن رأى حد تانى وبلاش الاتهام اللى طالعين فية اليومين دول وتقول دا مش محب للوطن والكلام الفاضى دا عشان كل واحد حر فى رأية


شىء غريب

ريبيل انت واحد غير سوى ودايمآ بتهاجم الجيش ـ قرفتنا ده أنت زفت والجيش أشرف منك . أنت أجدتها شهادة حمرا ولا ايه؟

ولا يوم من ايامك يامبارك ماهوا القوالب نامت والانصاص قامت كل من هب ودب بيتنطط علينا هوكان فيه حد يقدر يعمل كدة خلى الثوار يفرحو حسبى الله ونعم الوكيل فيهم خربوا البلد منهم لله

يا أخى اتقى الله فى البلد ..انت مش شايف اللى بيحصل من مشاحنات وضرب نار فى الموسكى والسيدة وما حدث فى العريش ..البلد بتضيع وشوية عيال لا يوجد عندهم أى احساس بحقوق البلد والناس اللى عايشين فيه عاوزين يوقفو حال البلد ويشلو حركتها ..ده كلمة بلطجية قليلة عليه م ..عاوزين الجيش يستنى أما الشعب ينزل ضرب فيهم ويبقى بحر دماء ..
والله خسارة دم الشهداء فى العالم دول وانت منهم

كلام باطل وعار من الصحه تمام وابسط دليل شوف الاشكال الى كانت موجوده ولو كلفت خاطرك وكنت شوفت ايه هى الاشياء اللى كانت موجوده معاهم ماكنتش ابدا هاتقول الكلام الباطل داه وكمان تسميها فضيح الفضيحه صح انك بتقول كلام عار تماما من الصدق او على الاقل مش بتقول الصدق
وحسبيى الله ونعم الوكيل

ايوة قولو كل حاجة بقى واللى يقوللى العريش والموسكى والسيدة زينب والبتنجان الاسمر وتقولوا كلة بسبب الثوار

هم الثوار دول لبانة فى بقكم ما بتزهقوش منها

يا حبايبى المجلس هو السبب فى الاهمال دا كلة دا اذا ما كانش هو ورا البلاوى دى وان مكانش كدا فدا يدل على عدم قدرتة على ادارة البلاد فى هذة المرحلة واتخاذ الاجراءات اللازمة لحل اى مشكلة

افهمو بقا دا انتو قرفتونى

انا دخلت الموضوع مرتين ومش عارفة ارد اقول ايه صراحة وبعد ما قرأت بعض الاشتباكات بالردود

ولكن ممكن اقول كلمة واحدة فقط وهى ان لابد من الانتباه جيدا لمعنى جميع الأحداث التى نراها على الساحة الآن

والغير مبشرة للتقدم نهائيا بمصر الى الأمام

أصبحنا فى حروب شوارع والجيش غير مدرب على حزم هذه الأمور وهى تخص الداخلية المدربة على ذلك

كل همى الآن كلنا المصريين رايحين على فين ؟؟؟ وهو ده السؤال وطبعا لن أجد عليه اجابة


بالنسبة لرد عبد الرحمن فهو رد بالنيابة عنا جميعا ورده منطقى فعلا وشكرا له

ووو شكرا مشرفنا انج

والله يا اخي انج انا مش عارف اقول ايه بصراحه
بس فعلا احنا خرجنا ضد النظام وطالبنا بسقوط النظام بسبب الفساد واكبر سبب للثورة هو معاملة الشرطه القذره للشعب . لكن ده لان كانت الشرطه وامن الدوله ظالمه للشعب
انما على سبيل المثال لو هناك ارهابي او حتى بلطجي والشرطه او الجيش ضربه بالنار اكيد مش هنزعل عليه لانه ده مخرب . واللي حصل بالامس حتى وان كان هناك بعض القوه في فض الاعتصام فده لان لم يستجيب احد لفض الاعتصام الا بالقوه . يعني لو قالو امشو بالزوق اكيد ما فيش حد ماشي
وخصوصا لما يكون هناك بلطجيه مندسين خلف الثوار الشرفاء.
المشكله كمان ان احنا ذودناها شويه في بعض الامور يعني قالو من الشهر الماضي ان المخلوع يوم 8/3 في القفص واحنا عشان فاقدين المصداقيه بسبب البطء وكثرة الاشاعات بننزل نقول محاكمة مبارك طب ما خلاص المحاكمه يوم 8/3 عايزين ايه تاني ههههههههه والنظام كله في السجن

يااخى عبد الرحمن ماينفعش نبقى بنطالب بشىء ونرضى بنقيضه لازم نكون ملتزمين بمبدأ واحد مافيش اهانه لاى مواطن ولا ضرب ولا تعذيب حتى ولو كان حرامى او سارق او حتى قاتل يحاكم بالقانون ويأخذ جزاءه مهما كان لان ده بيفتح الباب لحاجات كثيره وفى الاخر كأنك ياابو زيت ماغزيت
يعنى مثلا من ضمن اللى انقبض عليهم واحد جاى من الشرقيه بيتعالج فى القاهره وقبل مايروح فات على الميدان يتفرج انضرب واتبهدل واعتقل وراح فى الرجلين ومش بعيد يلبس قضيه كام سنه بمحاكمه عسكريه يبقى فيه ظلم ولكن حتى ولو كانوا فضوا الاعتصام بدون ضرب او اهانه وحتى ولو حاكموهم على الاعتصام بالعدل اعتقد كان ده رصيده حب للمجلس العسكرى وانت عارف يااخى ان الشعب لسه ناره مابردتش من اللى كانت عملاه الشرطه يبقى بلاش بقى نمشى على نهجها لان ده بيخلى الشباب تندفع اكثر ويبقى فيه تهور اكبر احنا عايزين نهدى الامور عشان نوصل بر الامان مش نشعللها وعلى فكره القمع والضرب والتعذيب عمره ماكان يهدى نفوس

ريبيل انت واحد غير سوى ودايمآ بتهاجم الجيش ـ قرفتنا ده أنت زفت والجيش أشرف منك . أنت أجدتها شهادة حمرا ولا ايه؟

يااخى الاخ ربيل لم يخطىء فى حقك ويجب علينا جميعا ان نستمع اراء غيرنا بدون هجوم هى دى الديمقراطيه اللى دايما بنادى بيها نقول رأينا مع احترامنا للرأى الاخر من غير تجريح

ولا يوم من ايامك يامبارك ماهوا القوالب نامت والانصاص قامت كل من هب ودب بيتنطط علينا هوكان فيه حد يقدر يعمل كدة خلى الثوار يفرحو حسبى الله ونعم الوكيل فيهم خربوا البلد منهم لله

ياعزيزى يامن تتحسر على ايام مبارك اكيد انت مكنتش حاسس بالنهب والسرقه اللى كانوا فى البلد منه لله ساب البلد خراب وبعدين احنا بنعتز بثوارنا جدا ونقدرهم وعلى العموم انت حر فى رأيك

انا دخلت الموضوع مرتين ومش عارفة ارد اقول ايه صراحة وبعد ما قرأت بعض الاشتباكات بالردود

ولكن ممكن اقول كلمة واحدة فقط وهى ان لابد من الانتباه جيدا لمعنى جميع الأحداث التى نراها على الساحة الآن

والغير مبشرة للتقدم نهائيا بمصر الى الأمام

أصبحنا فى حروب شوارع والجيش غير مدرب على حزم هذه الأمور وهى تخص الداخلية المدربة على ذلك

كل همى الآن كلنا المصريين رايحين على فين ؟؟؟ وهو ده السؤال وطبعا لن أجد عليه اجابة


بالنسبة لرد عبد الرحمن فهو رد بالنيابة عنا جميعا ورده منطقى فعلا وشكرا له

ووو شكرا مشرفنا انج

عزيزتى جده
انا مش عارف ليه ماحدش قادر يوصله اننى مع فك الاعتصام ولكن ماينفعش بنفس الطريقه اللى كان بيستخدمها الشرطه واللى كلنا معارضين عليها مافبش حد حيسوام التانى علةى وطنيته وحبه لمصر
مهما كان حتى لو كان اللى بينضرب ده من اهالى الشهداء او ناشط سياسى ولا حتى مندس بينهم وبلطجى على اسؤ الظروف والاحوال ليه مابنحاسبش الغلطان من غير ضرب واهانه وتعذيب مش المفروض فيه قانون بيعاقب اللى يغلط معنديش مانع من انهم اعتقلوا المتواجدين لو كانوا اتعملوا معهم بأحترام من غير اهانه ولا ضرب احنا حنفضل نقبل اللى كان بيحصل زمان تانى ولا ايه ؟؟؟؟
مااحنا نقول معلش اصل دول بلطجيه يجوز فيهم الضرب مين يضمن لنا ان الاتهامات تتلفق للشرفاء ويتقال بلطجيه برضه انا برفض بكل قوه اى عنف او اهانه اوضرب لمقبوض عليه انا كل اللى بقوله ان فى مصر الانسان ليه مالوش حقوق او ادميه انا مش مع البلطجه بأى انواعها من الاشخاص او من الشرطه او الجيش واعتقد انى مابطلبش المستحيل ولا ايه

انا عايز اسأل سؤال

لية كل واحد بيطالب بفك الاعتصام من التحرير ؟

هل المطلب الوحيد اللى كان بينادى بية الثوار هو محاكمة مبارك بس ولا اية ولا انتوا بتألفوا من دماغكم وكل واحد يقول ما هو هيتحاكم والكل يروح بيتة ؟

حد يفهمنى النقطة دى وميقوليش بلطجية وغيرة واشكال ضالة عشان دول موجودين من اول يوم فى الثورة وكمان الناس اللى اتمسكت فى الاحداث دول هل كلهم بلطجية ولا اية وكلهم تبع قنوات ومن شباب الثورة

انتوا لية مبتيصوش للجانب الكويس وماسكين فى الجانب اللى زى الزفت من شحاتين وبلطجية وغيرة

حد يرد عليا برد عاقل ومقنع وميلفش ويدور فى الكلام

يا ربيل يا حبيبي . في البدايه كنا نطالب بالقبض على الفاسدين وبعد ما تم القبض عليهم بدائنا نطالب بمحاكمات عاجله لقتلة الثورا والفاسدين وعلى راسهم مبارك وبداء تحديد موعد المحاكمات وبعد كده رجعنا نطالب بمحاكمات علنيه وتمت الموافقه على المحاكمات العلنيه . وطبعا كل ده حق مشروع للشعب وجميع الشعب طالب بهذه المطالب ولذلك تمت الموافقه عليها . مع ان المفروض كله ده كان تم بدون مطالبه طبعا
والان نرجع تاني نقول لا لفض الاعتصام مش كل المطالب اتنفذت طب احنا هنفضل في الميدان كده على طول يعني ولا ايه ما فيش شغل ولا مسؤليات ده احنا بالشكل ده بنثبت للجميع اننا فئه عاطله .
الحاجه الثانيه انت بتقول مش كل حاجه اتنفذت طب انا وانت مثلا عايزين الدستور اولا لكن في المقابل الاغلبيه من الشعب رافضه هذا المطلب يبقى خلاص بقى العمليه مش لوي دراع
انا وانت بنطالب بحكومه انتقاليه مدنيه وعذل المجلس العسكري طب زي ما انت شايف الاغلبيه من الشعب بطالب ببقاء المجلس العسكري كما تم الاتفاق من البدايه يبقى مش هنمشي كلامنا على الجميع بالعافيه .
صح انا معاك ومنتقد للبطئ الشديد ومستغرب ان المجلس العسكري لم يستجيب الا بالضغط . لكن خلاص طالما استجاب ما فيش داعي بقى نفضل معتصمين للابد وبعدين لازم نفهم ان اي حاكم او حكومه لا تستطيع ارضاء الجميع لان ارضاء الجميع غايه لا تدرك . انما المطالب المشروعه والمتفق عليها من الجميع وهي مطلب اي ثورة ولم تنفذ الي الان . ننزل نطالب بها كل جمعه ما فيش مشكله اذا لزم الامر
كل ده طبعا بعيد عن البلطجيه . نيجي بقى للبلطجيه لو انا وانت مش في الميدان البطجي مش هيلاقي فرصه يبلطج .
احنا بننزل الميدان للتظاهر والتعبير عن ارئنا ومطالبنا وشباب زي الورد ولجان شعبيه واي بلطجي بيتم القبض عليه ويوم عطله عن العمل . انما الان في الاعتصام ايه اللي بيحصل فيه لجان شعبيه ولا قبض على البلطجيه .
طب انت شوف الفيديو اللي كان وضعه تقريبا الاخ اينج بعد فك الاعتصام . تفتكر دي اشكال ثوار كل همه انه يمسك عصى او سنجه ويكسر في لوحات المرور في الشارع . هو احنا كسرنا حاجه في الثوره طبعا لا.
صحيح المجلس من ضمن الاسباب التي صعدت الامور بسبب البطئ وفي نفس الوقت المتظاهرين الذين التفو على الثورة ومطالب الثورة بالمطالبه بالدستور وتشكيل مجلس رئاسي مدني تسببوا في تفرقة الشعب . صح ولا غلط
بالنسبه لاخي انج انا مش مع العنف ابدا وكل ما نطالب به هو احترام ادمية المواطن المصري
لكن بصراحه اللي كان ماسك عصايه وبيكسر في لوحة المرور في الشارع ده اساسا غير ادمي ولا يستحق اي احترام والضرب مش خساره فيه . طب شوف الان امام مقر محاكمة مبارك منتهى الهمجيه ضرب وبهدله طبعا مش واضح من قبل المؤيدين او المعارضين بس اكيد انه من المؤيدين للمخلوع لكن السؤال لو انت مكان الحكومه تعمل ايه او تتعامل معاهم ازاي . انا شايف ان فيه ظباط بتضرب بس بصراحه من حقهم . لان ايه الداعي لهذه البلطجه ان كنت مؤيد لمبارك ارفع لافته واكتب عليها ما تريد وان كنت معارض لمبارك ايضا ارفع لافته واكتب كما تشاء انما ضرب وطوب واصابات وقلة ادب ليه ؟؟؟؟؟
هناك فرق يا اخي انج بين تلفيق القضايا والتطاول الغير مبرر على الشعب كما كان يحدث في السابق وفرق بين تأديب البلطجي الذي يسعى في الارض فسادا . النظام الفاسد كان يلفق القضايا ويهين المحترمين ويحترم البلطجيه والنشالين
ثانيا بصراحه انا مختلف معاك بان يعتقلو المعتصمين بالهدواء لان لو كان المعتصمين قبلو بفك الاعتصام بالهدواء فمن الظلم ان يتم سجنهم او محاكمتهم .
انا عارف ان كلامي ممكن يزعل اخواني اينج وربيل ويقولو عبد الرحمن ليه غيروا رايه بس والله ابدا انا عند رايي في كل حاجه بس انا مش بحب الهمجيه ومش عارف البلد فعلا اتملت بطلجيه ومش فاهم كل البلطيجه دي جات من فين .

انا عايز اسأل سؤال

لية كل واحد بيطالب بفك الاعتصام من التحرير ؟

هل المطلب الوحيد اللى كان بينادى بية الثوار هو محاكمة مبارك بس ولا اية ولا انتوا بتألفوا من دماغكم وكل واحد يقول ما هو هيتحاكم والكل يروح بيتة ؟

حد يفهمنى النقطة دى وميقوليش بلطجية وغيرة واشكال ضالة عشان دول موجودين من اول يوم فى الثورة وكمان الناس اللى اتمسكت فى الاحداث دول هل كلهم بلطجية ولا اية وكلهم تبع قنوات ومن شباب الثورة

انتوا لية مبتيصوش للجانب الكويس وماسكين فى الجانب اللى زى الزفت من شحاتين وبلطجية وغيرة

حد يرد عليا برد عاقل ومقنع وميلفش ويدور فى الكلام

اخى العزيز انا اخى كان من ضمن المعتصمين ولولا انه رجع اول ايام رمضان للبيت بسبب عائلى قاهر لكان مع المعتقلين وياعالم حيكون معانا دلوقتى ولا معتقل وبيحكيلنا قد ايه هما بيتحملوا الحر والشمس وعارفين انهم بالضغط بيقدروا يحققوا المطالب لكن الجميع اتفق انهم يفكوا الاعتصام فى رمضان والغريب ان الجيش والشرطه فك الاعتصام قبل الميعاد اللى حددوه المعتصمين بساعتين فقط علشان يعتقلوا الناشطين بس انا بأعترض هلى الطريقه اللى اتفك بيها الاعتصام نفس الاسلوب ونفس الغباء اللى كان بيتعمل زمان

بالنسبه لاخي انج انا مش مع العنف ابدا وكل ما نطالب به هو احترام ادمية المواطن المصري
لكن بصراحه اللي كان ماسك عصايه وبيكسر في لوحة المرور في الشارع ده اساسا غير ادمي ولا يستحق اي احترام والضرب مش خساره فيه . طب شوف الان امام مقر محاكمة مبارك منتهى الهمجيه ضرب وبهدله طبعا مش واضح من قبل المؤيدين او المعارضين بس اكيد انه من المؤيدين للمخلوع لكن السؤال لو انت مكان الحكومه تعمل ايه او تتعامل معاهم ازاي . انا شايف ان فيه ظباط بتضرب بس بصراحه من حقهم . لان ايه الداعي لهذه البلطجه ان كنت مؤيد لمبارك ارفع لافته واكتب عليها ما تريد وان كنت معارض لمبارك ايضا ارفع لافته واكتب كما تشاء انما ضرب وطوب واصابات وقلة ادب ليه ؟؟؟؟؟
هناك فرق يا اخي انج بين تلفيق القضايا والتطاول الغير مبرر على الشعب كما كان يحدث في السابق وفرق بين تأديب البلطجي الذي يسعى في الارض فسادا . النظام الفاسد كان يلفق القضايا ويهين المحترمين ويحترم البلطجيه والنشالين
ثانيا بصراحه انا مختلف معاك بان يعتقلو المعتصمين بالهدواء لان لو كان المعتصمين قبلو بفك الاعتصام بالهدواء فمن الظلم ان يتم سجنهم او محاكمتهم .
انا عارف ان كلامي ممكن يزعل اخواني اينج وربيل ويقولو عبد الرحمن ليه غيروا رايه بس والله ابدا انا عند رايي في كل حاجه بس انا مش بحب الهمجيه ومش عارف البلد فعلا اتملت بطلجيه ومش فاهم كل البلطيجه دي جات من فين .

صدقنى ان كل الحكايه ان بعض المعتصمين كانوا حيفطروا وبعدين يفكوا الخيام والكل كان مروح بيته ده غير اللى روح فعلا من الصبح وده كلام من قلب المعتصمين لكن اللى جننهم انهم استعملوا معاهم القوه وليه قابل ياعبد الرحمن استعمال العصا والقوه للشرطه والجيش ومش قابل انهم يدافعوا عن نفسهم لو كان الجيش جه سلمى وصبر ساعتين زمان كان كل حاجه اتحلت بدون صدام وبعدين ده اول يوم فى الشهر الفضيل ينفع الناس تعتقل وماتفطرش وعلى العموم اختلاف الرأى لايفسد للود قضيه

صدقنى ان كل الحكايه ان بعض المعتصمين كانوا حيفطروا وبعدين يفكوا الخيام والكل كان مروح بيته ده غير اللى روح فعلا من الصبح وده كلام من قلب المعتصمين لكن اللى جننهم انهم استعملوا معاهم القوه وليه قابل ياعبد الرحمن استعمال العصا والقوه للشرطه والجيش ومش قابل انهم يدافعوا عن نفسهم لو كان الجيش جه سلمى وصبر ساعتين زمان كان كل حاجه اتحلت بدون صدام وبعدين ده اول يوم فى الشهر الفضيل ينفع الناس تعتقل وماتفطرش وعلى العموم اختلاف الرأى لايفسد للود قضيه

مين قال كده بس يا انج يا حبيبي انا ما قولتش ابدا اني قابل العصى او القوه انا قلت العكس
القوه فقط لمن يستحقها وكلامي على الفئه اللي كانت بتكسر في الشوارع وفي لوحات المرور بالعصي والحديد كما ظهر في الفيديو ويسيئوا للثوار . لكن انا مش فاهم هل هم بالفعل هؤلاء من كانو متبقين في التحرير وقت الهجوم .

يا عبدة باشا احنا مش كل يوم فى ثورة وشغل كل يوم جمعة دا تطويل زى عدمة مفيش منة اى فايدة

يعنى اية نتجمع كل جمعة نهتف شوية ونطالب وبعد اسبوع نرجع تانى

بالذمة دا كلام ولا دى تبقى اسمها ثورة

ثورة يعنى اعتصام لحد تنفيذ جميع المطالب او عالاقل اتخاذ قرارات ووضع خطة زمنية وانا قولتلك لازم تلاقى بلطجية وناس بتعمل شغب وغيرة من اللى انت شايفة لكن لاز بردة تبص للى مبيعملوش كدا ونشوف بيطالبوا بأية وهل طلباتهم مشروعة ولا لا ؟ وانت شايف ان الثوار لما عملوا اعتصام مفتوح المجلس اتحرك غصب عنة مش بجمع وغيرة ولا انا غلطان

فكلام الجمع دا ونرجع كمان اسبوع مش كافى

اليوم بيفرق يا عبدة كتير اوى مش اسبوع بحالة

احنا عايزين كدا عشان نخلص وننقل عالمرحلة اللى بعدها ونشوفها عشان لحد الان ولا اى حاجة اتنفذت واتاخد فيها قرارات زى الناس ولا انت اية رأيك

يا عبدة باشا احنا مش كل يوم فى ثورة وشغل كل يوم جمعة دا تطويل زى عدمة مفيش منة اى فايدة

يعنى اية نتجمع كل جمعة نهتف شوية ونطالب وبعد اسبوع نرجع تانى

بالذمة دا كلام ولا دى تبقى اسمها ثورة

ثورة يعنى اعتصام لحد تنفيذ جميع المطالب او عالاقل اتخاذ قرارات ووضع خطة زمنية وانا قولتلك لازم تلاقى بلطجية وناس بتعمل شغب وغيرة من اللى انت شايفة لكن لاز بردة تبص للى مبيعملوش كدا ونشوف بيطالبوا بأية وهل طلباتهم مشروعة ولا لا ؟ وانت شايف ان الثوار لما عملوا اعتصام مفتوح المجلس اتحرك غصب عنة مش بجمع وغيرة ولا انا غلطان

فكلام الجمع دا ونرجع كمان اسبوع مش كافى

اليوم بيفرق يا عبدة كتير اوى مش اسبوع بحالة

احنا عايزين كدا عشان نخلص وننقل عالمرحلة اللى بعدها ونشوفها عشان لحد الان ولا اى حاجة اتنفذت واتاخد فيها قرارات زى الناس ولا انت اية رأيك

اخى العزيز مافيش حد كمان يقدر ينكر انه لولا الاعتصام لما تحقق لنا اننا نشوف مبارك وراء القضبان هو واولاده والعادلى واعوانه وبرغم عدم ارتياحى على التهم الواهيه المنسوبه له طبعا بعيد عن قتل المتظاهرين لانه ده طلب المعتصمين ولولاهم ماكان اتحاكم بيه ابدا لكن الحمد لله ان اليوم ده جه وشفناه ولك كل التحيه على وعيكم الزائد الذى ارفع له يدى احتراما

هههههههههههههه وانت فرحان لية انك بلطجي
اية الناس دي
ثانكس

هههههههههههههه
ده ممثل بيتريق على انه بلطجي
عشان بيتهمو الثوار بالبلطجيه

هههههههههههههه
ده ممثل بيتريق على انه بلطجي
عشان بيتهمو الثوار بالبلطجيه

فعلا يااخ زهير ظهر فى الفتره الاخيره تى شرتات مكتوب عليها انا بلطجى على انها تريقه وان كل شويه يطلع علينا حد يقولنا ان اللى فى التحرير دول بلطجيه والشباب كتير لابسين التى شرتات دى من باب الهزار الغريب جدا ان حصل تصريح من احد افراد المجلس العسكرى بيقولوا فيه انه تم القبض على كل من يلبس تى شرت مكتوب عليه بلطجى وكأن ده اعتراف ممن لبسوا التى شرتات انهم بلطجيه بالفعل بالذمه ده كلام ناس عاقلين