|
لاقي قيام حبيب العادلي وزير الداخلية الاسبق قيامه بمصافحة بعض من ظباط الشرطة المدنية والشرطة العسكرية غضب الكثيرين حيث انهم اكدوا ان تلك الصور استفزازية تماما كون العادلي الان متهما ولم يعد وزيرا وب لابد من معاملته كمتهم وليس بتكريمه والتسليم عليه فى صور ومشاهد اثارت استياء الكثيرين على الفيس بوك
|
|
الاستفزاز مش في ضحكة العادلي . هو حر يضحك براحته انما الاستفزاز والعيب فعلا من تصرف الظباط الكلاب واحد بيسلم عليه ويقول له تفضل والظابط التاني بينحني له . ولا كأن العادلي متهم ولا شاف تهمه |
|
الاستفزاز مش في ضحكة العادلي . هو حر يضحك براحته انما الاستفزاز والعيب فعلا من تصرف الظباط الكلاب واحد بيسلم عليه ويقول له تفضل والظابط التاني بينحني له . ولا كأن العادلي متهم ولا شاف تهمه |
|
الكلب اللى لابس ازرق ( المسجون ) ربنا يديله على قد نيته فى ( الناس و الضباط و المجندين اللى ظلمهم ) اسف على الفاظى لكن طول عمره كلب مستفز جدا و دى طبيعته لاننى عاشرته عن قر ب و ما شفتش منه الا كل غدر و خسة و تغليب مصلحته على الاخرين ( حتى و قبل ما يبقى زفت وزير ) ربنا يجحمه و يرمى فى غياهب السجون نهائيا و اشهد الله اكون اول واحد يزوره و ( بكل صراحة اتشفى فيه ) لانه ياما ظلم و شهدت ذلك بنفسى .....
و خير الختام ذكر النبى عليه الصلاة و السلام **** |
|
صدقونى الجبروووووت تأثيره فعال الى أن يموت صاحبه
انه العادلى الجبار وكلنا نعلم من هو العادلى واذا كان الضباط والرتب الكبيرة قدموا له فروض الولاء فليس من قلوبهم ولكن من الرهبة كان انسان فظيع بمعنى الكلمة وهو مازال يعيش فى نفس دوره ويعلم داخله انه اضعف من النملة ولكنها تصرفات من هو بالانفاس الأخيرة ونتركه يضحك ويعيش والى أن نرى من سيضحك بالنهاية شكرا لك مشرفنا العام حامد |
|
كلامك مظبوط يا جده
حنشوف مين اللى حيضحك فى الاخر تحيا مصر |
|
تصرف غير حكيم من ظابطى الجيش والشرطة ويدل هذا التصرف على الأستهزاء بأحاسيس هذا الشعب والتهاون فى حقه والمتاجرة بمشاعره. وللأسف أسمحوا لى أن أوجه هذا السؤال ..... هل ستعود الثقة التامة بين الشعب والشرطة؟؟؟؟؟ لا أعتقد
|
|
كلامك مظبوط يا جده
حنشوف مين اللى حيضحك فى الاخر تحيا مصر كلنا جميعا سنضحك بالنهاية ان شاء الله |
|
تصرف غير حكيم من ظابطى الجيش والشرطة ويدل هذا التصرف على الأستهزاء بأحاسيس هذا الشعب والتهاون فى حقه والمتاجرة بمشاعره. وللأسف أسمحوا لى أن أوجه هذا السؤال ..... هل ستعود الثقة التامة بين الشعب والشرطة؟؟؟؟؟ لا أعتقد
اذا نظام الشرطة من أول العامل ولغاية الوزير كله اتغير تغييرا جذريا اذا تبقى واحد فقط من النظام الماضى فتأكد سيصاب الحاضر الجديد بالعدوى لازم كله يتغير وطبعا هذا التغيير محتاج لوقت |
|
اولاً الي سلم عليه هو ضابط من الشرطة العسكرية وليس من الامن وربما سلم عليه بعض الافراد والضباط هنا او هناك
الي حصل انه الثورة قامت على الشرطة نفسها ولم تخرج من رحم النظام نفسه كما جرت العادة ولهذا فليس من المستغرب ان نشاهد هذا التعاضد من قبل رجال الامن اتجاه مرؤوسيهم السابقين فالكل يشعر بانه مستهدف الشيعة كانوا مستائين من محاكمة صدام حسين وسماح المحكمة له بالتحدث بسهولة وراحة بالرغم انهم كانوا شبه مقتنعين بان الاعدام مصيرة النهائي لكنهم كانوا ياملون في اذلاله قبل ذلك ولم يتسنى لهم لان الرغبة الاميركية في اظهار بعض رتوش العدالة وفي اظهار عزم صدام وجبروته لارضاء بعض محبية فاميركا تحب النهايات المفتوحة في افلامها كما تعلمون الان تتكرر نفس التجربة تقريباً سجناء لكنهم ليسو خائفين من احد سجناء بوجوه فولاذية تتحدى كارهيهم ويثيرون اعجاب محبيهم مره بعد مره الكل اذن فائز في النهاية لكني اظن بان الفوز الاخير والاهم هو لدولة المصرية التي تدير المشهد وتتحكم في المسرح |
|
ادى اللى بنتكلم فية وبنقول ان البلد لسة بايظة ويرجعوا يقولوا لبتوع التحرير روحوا وانتوا خاربين البلد
محدش فاهم حاجة الثورة مستمرة عشان الاشكال دى ويا ريت زيزو باشا وعبدة يردو عليا ويقولولى نعمل اية دلوقتى ؟؟؟؟؟؟؟؟؟؟؟؟؟؟ |
|
الثوره مستمره يا اخ زيزو بس يا ريت نصبر لغايه ما نشوف المحاكمات حيحصل فيها ايه و بلاش نقدر البلا قبل وقوعه
اللى بيعملوه ده تمثيل و اى عالم نفس حيقولك انهم زى اللى سرقاهم السكينه لازم يفلفص و يعمل حركات نشوف المحاكمات لاخرها و نعطى الجيش اللى اثبت حسن النيه اهو و القاضى و الوزاره فرصه و نعدى رمضان على خير يا جماعه و بعد العيد يحلها الحلال خلى الناس ترمضن و تصلى و تتعبد و تعيد و التحرير موجود هو حيروح فين بس مش حنعتصم علشان عم العادلى سلم على ظابط و الا عسكرى و تحيا مصر |
|
يا اخت بديعة
الفساد موجود فى الجيش والشرطة ودى حاجة معروفة مش بتتعرف من سلام والكلام دا بس اللى انتى شايفاة دا اكبر دليل على كدا ولازم بقا نسيبنا من المحاكمات واننا شوفنا مبارك فى قفص وغيرة عشان كل دا كلام فاضى وادى اللى بيحصل تأجيلات وغيرة فالكلام دا مش تقدير بلا قبل وقوعة ولا كدا خالص واهو الدليل اهة فبلاش نقول تحليل نفسى وكلام من دا وحطى نفسك انتى مكان اللى بيسلموا وبيبتسموا دول كنتى هتعملى اية يعنى واللى قدامك متهم وقاتل كل الشباب والناس اللى استشهدوا دول؟ كنتى هتضحكى وتوطيلة وتسلمى علية اللى بيحصل دلوقتى واكيد انتى ملاحظاة فى المنتدى ان اغلبية الناس اقتنعوا واستكفوا بمحاكمات كلها منظرة وليست فعلية والحقيقة ان كلة هيطلع براءة من المواضيع دى كلها طول ما احنا شغالين بالدستور اللى ما يعلم بية الا ربنا عشان دا معمول ليهم فقط والمجلس دا كان فين خمس شهور واللى انتى بتقولى علية بيثبت حسن نية وهل انتى تعرفى المغزى ورا الكلام دا كلة والمحاكمات والمنظرة دى اية؟ اللى هقولك علية ان الكلام دا كلة الغرض من وراة كسب ود الشعب وان البلد تهدى شوية ويفرقوا الناس ويشتتوهم عن مطالبهم وعن وحدتهم تحت مطالب واحدة وانتى شوفتى اللى حصل وكان موقف المجلس اية لما الكل نزل فى الميدان وكان بيطالبوا بسقوط المجلس العسكرى هل لو فية حسن نية من الاول مش كان المفروض الكلام اللى حصل دا يحصل من فترة كبيرة من تعيين وزرا زى الناس والقرارات اللى بناخدها بالقطارة ولا اية ؟ الكلام عندى كتير واعتقد ان المجلس نجح فى خطتة عشان الناس دى متفرقش معاها اهانة ولا لا اهم حاجة دلوقتى المصالح وازاى يعرفوا يفلتوا باللى نهبوة واللى خدوة ويدفنوا اى ادلة موجودة واليومين اللى بتقولى نصبر والناس تعيد وتفرح برمضان دا كلة كلام فشنك عشان اليوم دلوقتى بيفرق جامد اوى لو الثورة لسة مستمرة اعتقد ان الثورة فشلت وان الثورة المضادة نجحت فى خطتها ولكى الله يا مصر |
|
ريبل يا بنى انت بتتكلم زى ابنى بالضبط الفرق انك بتقول كلام فشنك و ابنى بيقول لى يا ماما فاكس فاكس
و الله مانا عارفه اقولك ايه كلامك صح طبعا بس يا ابنى لازم يكون فى شويه تفاؤل من غير امل فى بكره مش حنعرف نعيش و بالامل و الاصرار حتعملوا المستحيل ان شاء الله و عمره ما يضيع حق وراه مطالب الدور عليكم يا شباب احنا اتسحلنا خمسين سنه مش حاقولك ثلاثين سنه لكن من اول ما الثوره اللى فاتت فشلت و العسكر حكم و ادينا عايشين فى عماره يعقوبيان و اكتر كمان و لعلمك اول ما نجحت ثوره 23 يوليو اول رئيس لمصر قال كفايه كده العسكر نرجع ثكناتنا و يحكم مدنى راحو نفوه و حليت فى عنيهم السلطه و من ساعتها و احنا فى حكم العسكر و انتوا رفعتوا راسنا و حسستونا بغباوتنا و عجزنا رغم المقاومات الكتيره اللى احبطت و ما بانش لهم صاحب فى الفتره بين الثورتين لكن اللى يعزينى اننا ربيناكم صح و الثوره خير دليل ربنا اراد تكونو السبب فى التحرير و الثوره ابتدت و لم تنتهى علشان تحكم عليها بالفشل دول بيلعبوا معاكم لعبه النفس الطويل خلى نفسكم اطول و اصراركم على استرداد الحقوق اقوى و بيراهنو ان الشعب اغلبه له طبيعه خاصه زى انهم يتفرجوا على المسلسلات فى رمضان و يتعبدوا و مش حيكون عندهم وقت لثوره او اعتصام علشان كده قلت خليكم لبعد رمضان و خلال فتره رمضان خليكوا صاحيين و كلنا صاحيين لكل اللى بيحصل و خططوا صح لما بعد العيد علشان الناس اللى منها عايز يفرح بالعيد هو و اولاده و اللى عايز يسترزق و غيره و ان شاء الله حتنتصروا لاننا كلنا وراكم و معاكم الجهاد الكبير اللى انتو فيه استمروا فيه و يد الله فوق يد الجماعه و تحيا مصر |
|
مش عارفة بحس انة تعلب كدة مش انسان طبيعي
ناس مستفزة اووووووووووي ثانكس |
|
بصى يا اخت بديعة انا الصراحة تعبت من كتر الكلام فى الموضوع دا والحال اللى انا شايفة ان خلاص معدتش فية امل فى الثورة فى ظل الكلام اللى بيحصل دلوقتى والمجلس والمسئولين لعبوا على حاجة واحدة بس وهى جهل الشعب
انتى ام واكيد ايدك فى الموضوع نظام مبارك فى ال30 سنة اللى مسك فيهم خللى الشغل الشاغل للمواطن هو لقمة العيش وازاى يعرف يكفى مصاريف بيتة وعيالة ويطلع من الشهر وتبقى مستورة معاة سواء مديون او يا دوب المصاريف مكفية وهو دا اللى حصل دلوقتى من كلام عن زيادات وعلاوات وحد ادنى ومفيش حد اقصى عشان الحرامية يفضلو ينهبوا بردة ودا اكبر دليل عالسياسة الزبالة وحتى الناس اللى كانت مقتنعة بدا كلة اتفرقوا فى سلفيين ومؤيد للمجلس ومعارض وغيرة واللى مع الدستور واللى ضدة واللى مع محاكمة مبارك واللى مش معاة والتخوين فى حركات ومنهم 6 ابريل وغيرة المجلس نجح فى زرع بلبلة وقضايا تلهى الناس عن مطالبهم والواحد يقعد مع بعض الناس الكبار تلاقى فكرهم ازاى يقبضوا اخر الشهر وان اى قلق ميحصلش عشان مفيش حاجة توقف مصالحهم ويرجعوا يلوموا الثوار والمعتصمين فى كل حاجة خلاص كل اللى كانوا متجمعين فى الميدان حتى اتفرقوا وزهقوا ان مفيش دعم من بقية الناس ليهم عايزة اية بعد كل دا ونقول خللى فية امل الامل دا لما نلاقى فية تقدم فى اى حاجة لكن دلوقتى انا شايف احنا كل دقيقة بنتأخر ورا كتير اوى اشكرك عالتواصل |
|
المحكمة
وماجرى بها اكبر مسرحية تمثيلية ابطالها النظام السابق تاليف المجلس الاعلى واخراج وزارة العدل والمتفرج الشعب هي دي محكمة مجرمين متهيمين بقتل الابرياء ام عرض تشريفي لهم اللي حصل عليه مبارك من المحكمة اكتر من اللي كان عايش فيه |
|
أبنى العزيز ريبل
الحكايه ابتدت فى الخمسينات بعد ثوره 23 يوليو فى ناس كتير حسوا ان البلد فى النازل (ناس ذكيه مثقفه و فاهمه) و طلعوا بره مصر و ايام السادات و الانفتاح و الحراميه و المتسلقين كتروا و كرد فعل ناس محترمه اكتر سابو البلد و هاجروا اوربا و امريكا و فى كل حته فى العالم و سابوا البلد للمتسلقين و ايام مبارك (بالاخص ايام علاء و جمال) لان البلد اتحكمت عشر سنين من مبارك و عشره من علاء و عشره من جمال برضه ناس تانيه مشيت و سابت البلد و الناس دى اثبتوا وجودهم و بقوا علماء و مستويات عاليه لكن بره مصر و اللى فضل او اغلب اللى فضل زى ما قلت هم الجهله و الجهل مش فقر لكن ناس بسطاء ماشيين بسياسه القطيع دول كلمه تجيبهم و كلمه توديهم و انا لو خلفت ولد البواب حيخلف تسعه (ده واقع) الناس اللى بره ابتدى يكون عندهم اقتناع بان فى امل فى مصر و ممكن يرجعوا و يخدموا بلدهم و صدقنى دول ولائهم لمصر اكبر من اللى عايشين فيها لانهم عايشين على الشوق ليها و على امل الرجوع و خدمه بلدهم اوعى تفتكر انك حتعمل ثوره النهارده و بكره مصر حتبقى قشطه و بعده حترجع مصر قبل ثوره 23يوليو اللى جابتنا ورا انت مش بتتصدى لثلاثين سنه بس دول خمسين سنه على الاقل و الطائفيه و اخلاف الاراء و الاحزاب موجوده من زمان من قبل الثوره لكن خليك فاكر ان وقت الجد الكل انصهر فى الثوره و بقى شعب واحد و لما الدنيا ريحت شويه لانهم اسقطوا مبارك و خلصوا من التوريث و استهانوا بالفلول و البلطجيه ابتدت تظهر توابع الزلزال (الثوره) و طبيعى تلاقى ناس اللى خايف على اكل عيشه و اللى بيفكر فى نفسه لكن اللى حرك الشعب ده كله و جمعهم على كلمه سواء هى الثوره هى انتم يابنى و قادرين باذن الله انكم تجمعوهم تانى وقت الجد و المجلس العسكرى عارف كده كويس و فاهم طبيعه الشعب المصرى حاولوا يتهمو 6 ابريل و ما نجحوش كلنا ورا سته ابريل و انا يا ريت اعرف خدوا الكورس ده فين و اخده معاهم  حاولوا يطلعوا البلطجيه و ده اسلوبهم و ما فيش بلطجى اتحاكم لدلوقتى لا عسكرى و لا مدنى عادى دول كلابهم و طبيعى يسيبوهم على الناس بيعتقلوا شباب ؟ ما هم بيعتقلوا اكتر من كده قبل الثوره و حيطلعوا كلهم باذن الله غصب عنهم طلعوا كرت الارهاب؟ و ابتدى اللعب على التيارات الاسلاميه لانهم عارفين الشعب متدين بطبعه يبرطعوا براحتهم مش حنشوف اكتر من اللى شفناه قبل الثوره السر حيفضل فى اصراركم على الاستمرار و توعيه الشعب و جلب العقول المصريه فى الخارج و توحيد الاحزاب و الائتلافات و كلمتكم لان دى قوتكم (الوحده) لو كل واحد وعى اللى حواليه حنوصل و الاحزاب كانت مقيده دلوقت ممكن تعمل حاجه المهم ما تيأسش لا انت و لا الشباب اللى زيك و ما تخلهومش يراهنو على قصر نفس الثوره و الثوار و خليك فاكر ان بين ثوره 25 يناير و بين اللحظه اللى مسك فيها العسكر البلد (سنتين) يعنى مش خمس شهور سنتين يعافر معاهم الرئيس نجيب و امثاله من معتنقى مبدأ الدوله المدنيه و بين محاربتهم ليهم علشان احلوت السلطه فى نظرهم و برضه خليك فاكر ثوره 23يوليو قام بيها الجيش و بمثابه انقلاب على الحكم لكن ثوره 25 يناير انتو اللى عملتوها و انتو اليد العليا و ربنا حينصركم لو يأستوا يبقى بتحققوا لهم اللى هم عايزينه و لو ما كنتوش قوه و مؤثره ما كانش من اساسه اتزاح مبارك و اعوانه و لا كان اتحاكم ابدا لا صورى و لا مش صورى و المحاكمات بتاخد وقت اللى قتل المسلمين فى البسنه و الهرسك بيتحاكم دلوقتى بعد 11 سنه من المدبحه المهم بصوا لقدام بصوا لمصر و مصلحه مصر اللى فوق الجميع و ربنا حينور طريقكم و يهديكم للطريق المستقيم هى دى سنه الحياه و شعب مصر مهما كان فيهم جهله او فقراء الانتماء دايما بيغلب و وقت الشده ايد واحده اليابان مش احسن مننا البلد اتدمرت بعد القنبله الذريه و دلوقتى من اكبر الاقتصاديات فى العالم و الصين مش احسن مننا عملوا 13 ثوره على المخدرات و الجهل و الفقر و اديهم دلوقت سدس عدد سكان العالم عايشين فى اقل من نص مساحه مصر و اكبر اقتصاد فى العالم و المانيا مش احسن مننا اللى سابهم هتلر بعد الحرب العالميه التانيه ما فيش طوبه فوق التانيه و اهم من اعظم دول اوربا و الالمان جم مصر و شافوا اللى بيحصل و لا تزال الثوره المصريه فى نظرهم من اعظم الثورات التى لا بد ان تدرس و تكون مثلا يحتذى ده اذا كانو اسرائيل غاروا مننا و عملو ثوره سموها الربيع الاسرائيلى و هتفوا بنفس هتافاتنا و بنفس النغمه بالاراده و الاصرار و الوحده و التخطيط الصح حنوصل ان شاء الله و ترجع مصر من ارقى دول العالم لان الجينات تحمل حضاره سبع الاف سنه كلنا معاكم و ربنا معانا جميعا يد الله فوق يد الجماعه و تحيا مصر |
|
كلامك جميل جدا بس تنفيذة صعب ولسبب واحد وهو ان الناس دى لما اتجمعت والشعب كلة بقى واحد اتجمعوا عشان مطلب واحد سطحى لا قيمة لة اذا وقفنا عندة ودا اللى حصل
الشعب كلة كان عارف ان النظام لازم يسقط ولازم تغيير بس منعرفش بعد التغيير هنعمل اية او اية التحديات اللى ممكن تقابلنا وهنا المشكلة ان عندك اكتر من نص الشعب جاهل سياسيا حتى وان كان منهم المتعلم تعليم عالى ومنهم اللى اقتنع بفكر معين وممكن يكون مش هو الفكر السليم والنص التانى منقسم والاغلبية بيدوروا على المصالح الشخصية من اخوان وعلان وغيرة بس كلامك دا وبعد ما المجلس مسك خلاص وبيحاول يعدي الفترة اللى جاية دى بأى طريقة وعمل انتخابات وغيرة اعتقد ان الموضوع انتهى ودا اللى الواحد كان بيقولة بتأجيل الانتخابات والكلام دا كلة لحد ما الشعب يبقى عندة وعى سياسى لكن ما دام الكلام دا حصل بقى يبقى علية العوض والقلة اللى باقية مش هتاخد فرصتها زى ماهى عايزة وهتاخد فترة اطول فى توصيل فكرها بحكم حجمها اللى هتاخدة فى المرحلة الجاية ودا اللى مش عايزينة وهو البطىء فى كل حاجة عشان احنا عايزين نشتغل صح مش نعانى من اول وجديد |
|
دا زى ما يكون خارج من اجتماع فى الوزاره
طالع بيضحك على ايه مش عارف |
|
الثقة ممكن تعود أدودى فى حالة واحدة فقط
اذا نظام الشرطة من أول العامل ولغاية الوزير كله اتغير تغييرا جذريا اذا تبقى واحد فقط من النظام الماضى فتأكد سيصاب الحاضر الجديد بالعدوى لازم كله يتغير وطبعا هذا التغيير محتاج لوقت |
|
انت السفاح
|
|
حقيقي استفزاز بجد
ازاي ظابط او مجند يروح يسلم ع الكلب دا ويضحك في وشه بجد ايه دا باشا ماشي ع الارض دا مسجون كلب ولا يسوى |
|
فاكس الحوار ده ياجماعة هو العادلي نجم علشان نحكي علي سلامة وضحكتة
محروق هو والظابط اللي سلم عليه وبعدين الراجل اللي انحنالة ممكن كان بيتلافي حاجة م الارض حلوة يتلافي دي شعارنا في المرحلة القادمة عادي يامعلم عادي يامعلم |
|
يا سلام عليكى يا ست بديعه كلامك حكم وكله حب لمصر =======وانا معاكى ملييييون الميه ان اللى بيحبو مصر اللى همه راجعين من الخارج صعبان عليهم حال مصر وشعب مصر وبيحاولو يعملو لمصر حاجه علشان تنتعش وترجع تتنفس هواء نقى وتكبر وتكبر وترجع لها حضاره الفراعنه واكتر ===واللى هينجحنا فى كده جيناتنا اللى هيه جينات الفراعنه بس ياريت ما يبقاش حماسنا كلام وبس او على ورق لا يكون بالعمل والحب والاخلاص=المشكله فينا لازم ننضف رواسب 50 سنه تراكميه==========جنااااااااااات
|
|
دى حلاوة روح وانظروا الى الدجاجة المدبوحة فهى ترقص من شدة الالم
|
|
مش عارفة ليه إن إحساسي بيقولي إن الراجل ده سبب أكبر مصايب مصر
يعني انا مشفتش الاجرام في وجه مبارك زي ماشفته في وجه العادلي |
|
معلش يا جماعة متتهزوش بالمصافحة والضحكة يضحك ويصافح حتى منصة الاعدام انشاالله هو حر المهم العدالة
|
|
الاعدام هو اقل حكم من الأحكام التى تطبق بالحق فكل الأديان و كل الشرائع و كل القوانين تدل على ذلك و فى هذه الحالة أن لم ينفذ((((( حكم الله ))))) العادل بالأعدام لهم جميعا لن ينصلح حال هذا البلد و سوف تضيع و يكون الخراب و الحروب والضياع لضياع الحقوق
الأعدام الأعدام للقتلة الأعدام للظلمة الأعدام لعصابة الظلم الأعدام للخائنين الأعدام لأعداء الله الأعدام للكفرة |
|
الراجل ده كان رئيس امن الدولة فهو ماسك ذلل علي كل الناس . اعلي مكان رقابي وتفتيشي باحدث الاجهزة العالمية من مصلحه كل الي علي راسة بطحه انة يخرج
|