شبيك لبيك

لقيت الفانوس مرة ودعكته طلعلى عفريت قالى شبيك لبيك

قلت
خلاص الذل انا ودعته ويا عفريت بالطلبات ههريك

قالى
ماشى يا إنسان دانا العفريت بن الجان

ما
يهمنيش زمان او مكان واطلب وعندى البرهان

قلتله
عاوز قمح زرع فى مصر ومسئوليين يبطلوا فشر

وحكومة
متعصورنيش عصر ومرتب يسترنى لأخر الشهر

وعاوز
عيش بدون طوابير وحكومة ضد التبذير

وانتخابات
من غير تزوير ورئيس سابق اشوفه كتير

وعاوز
فى بيتى سكر ودقيق سبب مقنع لأى حريق

ومجلس
شعب بدون تصفيق وفى كأس العالم يبقى لينا فريق

وعاوز
ازور شرم الشيخ وصباعين كفته بتاع السيخ

واشرب
مرة عصير بطيخ واخرج من القسم بدون تلطيخ

ونفسى
الضحكة ترجع تانى وحتة لحمة كندوز أو ضانى

وجنيه
مصرى زى البرانى ورصيف للمشى انا وخلالنى

رد
العفريت عليا بغشم وقال يا مصرى مكنش العشم

بص
انا ممكن انقلك الهرم واسدلك الاوزون الى اتخرم

وارجعلك
الاكل الى اتهضم واعملك بقرة من الغنم

بس
طلباتك طلبات ملموس عقله خلاص اكلها السوس

ده
تخطيط يبنى ومدروس إنك تعييش على طول موكوس

واحنا
بناخد منكو دروس إزاى نخلى العفريت متعوس

ويا
رب ترجعنى تانى الفانوس وزى بعضه أعيش محبوس

بدل
مأخرج واتبهدل زيكوا أعيش موكوس على معتوس



يا رب الاحلام دى تتحقق والثورة تحقق مطالبها وأهدافها
ويخلصونا من مبارك ويحمكموه علشان الناس تهدئ

جميل اووى

يااااااااارب احمى مصر وشعبها

تسلم ايدك

امين
نورتينى بمرورك

امتى مصر يعود ليها الامان زى زمان حرام عليك يادى الانسان خربت بلدك كمان وكمان وانا من الغربه ندمان على ام الاوطان يابلدى تعيشى لينا ويحميكى رب العزه والدين وتكونى يامصر قويه بولادك المسلمين والمسيحيين وفاالله متحابين تعيشى يابلدى لينا اخوكم المتغرب هيثم الكويت