امس امام مسجد عمر مكرم تجمع مجموعة صغيرة لا تتعدى العشرات من الاهالى لعمل إفطار جماعى بميدان التحرير واذا فجأة انقلب عليهم هذا الافطار الى معركة من قبل قوات الجيش والامن المركزى للمتواجدين بالميدان حتى من النساء والاطفال ففض التجمعات السلمية بالقوة لا تبرير له ومع ذلك تم ضربهم ببلطجة وكهربتهم واصابتهم فقد كانت القوات التى في التحرير عبارة عن كتيبة شرطة عسكرية لا تقل عن 500 جندي بالإضافة لكثير من قوات الأمن المركزى وقد أضاف الكثير من شهود العيان أن قوات من الشرطة العسكرية فى ميدان التحرير اعتدت بالضرب على العشرات الذين كانوا ينظمون إفطاراً فى الميدان وبعد الانتهاء من الإفطار الذي كان مقرراً إقامته في الميدان طارد العشرات من أفراد الشرطة العسكرية الشباب واعتدوا عليهم بالضرب بالهراوات والعصي الكهربائية

واليكم صور هؤلاء البلطجية وفيديوهات لإفطارهم

بلطجيه ومتشردين فعلا

للأسف اننى بحثت فى الصور وفى وجوه هؤلاء الناس الجميله مره واتنين وتلاته ولم اجد سبب يتم مجازتهم عليه بهذا الشكل
لم اجد غير الأسف

[youtube]KRvkqXYKZS8[/youtube]

شهادة سلمي الدالي خريجة اعلام و طالبة دراسات عليا حالياً

[youtube]kLkIK2ZREsk[/youtube]

شهادة واحدة من المصابين ( صحفية ) والدم مغرق راسها ..

[youtube]fOxCAfmLCUo[/youtube]
لكى الله يا مصر

التعدي عليهم بالقوه بصراحه امر مؤسف وغير مبرر الا اذا ظهرت اسباب جديده لهذا التعدي
وفي المقابل الخروج للافطار في ميدان التحرير او بجوار الميدان ايضا غير مبرر الا اذا كنا بندور على المشاكل . ما كل انسان يفطر في بيته ونتلاشى المشاكل في هذا الشهر الكريم
الفيديو رقم 2 هل صاحبت هذا الفيديو صائمه وكانت تريد الافطار في الميدان بهذا المنظر . يا شيخه حرام عليكي الدنيا رمضان غطي شعرك واحفظي نفسك على الاقل في شهر رمضان شهر العباده

مش هما دول اللى كانو قافلين طريق ميدان التحرير وبعدين اكيد لكل واحد من دول ليهم بيت

بغض النظر عن الجيش وفض الميدان.. ايه البنات اللى لزقة جمب الشباب وتقولى صايمة،،، وبعدين هى الحرية انى افطر فى الشارع كده هى بقت هيصة؟؟؟؟ وايه الاخت اللى فى الفيديو التانى دى أوع حد يقولى كانت صايمة . بصراحة الجيش عنده حق.

بصراحة حاجة تقرف وتشوه منظر البلد.ـ. يعنى أنا أعزم حماتى وأهلى ونروح نفطر فى الشارع ونقول دى حرية ،، بجد حاجة تقرف.

والله يا جماعه الجيش عنده حق....ولو ما كنش فى الميدان غير البنت الكدابه اللى بتتصنع وتتشدق وعايز ة تعملها موضوع وتتسلق باى شكل دى كان لازم الجيش يضربها بالجزمه على اقل تقدير !!! دى واحده صايمه دى بدمتكم دى واحده مسلمه فى شهر رمضان؟!!! .....كل واحد او واحده هايفة شايفيين الجيش هفيه..كل ما تشتم الجيش اكتر وتوقع بين الشعب والجيش اكتر كل ما المقابل الامريكى يكتر..!!!!!!!!!!!!!!111

اللي اسمها سلمى دي شكلها ياإما مجنونة أو شاربة حاجة ،ياريت ما نحكمش على الجيش إلا لما نسمع منهم أكيد ليهم عذرهم وعارفين الناس دي وراها إيه .

للأسف اننى بحثت فى الصور وفى وجوه هؤلاء الناس الجميله مره واتنين وتلاته ولم اجد سبب يتم مجازتهم عليه بهذا الشكل
لم اجد غير الأسف

ليك حق جميل وفعلا كلهم محترمين جدا
بصراحة اللى حصل معاهم اكبر غلط وكان ممكن توجيه بالذوق بترك المكان ولكن بالطريقة دى عيب جدا
والبنت قالت انهم فعلا كانوا ماشيين فعلا وبدأوا بالرحيل
وهذا الموضوع لن يعدى على خير فى الأيام القادمة وسيكون فيه تحدى وبعدوانية

شكرا جميل

ياريت ماحدش يحكم على أي حد إلا لما يسمع من الطرفين عشان هو ده العدل والإنصاف , إحنا مش عارفين الجيش غمل كده ليه ممكن يكون عارف أو شاف حاجة تستدعي ذلك ولم يذكرهاأحد في هذه الفيديوهات

التعدي عليهم بالقوه بصراحه امر مؤسف وغير مبرر الا اذا ظهرت اسباب جديده لهذا التعدي
وفي المقابل الخروج للافطار في ميدان التحرير او بجوار الميدان ايضا غير مبرر الا اذا كنا بندور على المشاكل . ما كل انسان يفطر في بيته ونتلاشى المشاكل في هذا الشهر الكريم
الفيديو رقم 2 هل صاحبت هذا الفيديو صائمه وكانت تريد الافطار في الميدان بهذا المنظر . يا شيخه حرام عليكي الدنيا رمضان غطي شعرك واحفظي نفسك على الاقل في شهر رمضان شهر العباده

عندك حق يا عبدالرحمن

ايه يا جدة مصرية؟ يعنى هو الصح اننا نفطر فى الشارع وفى ميدان عام؟؟؟ هم عايزين ايه؟؟؟ هو احنا عملنا الثورة عشان نفطر فى الميدان؟؟؟؟؟؟؟؟؟؟؟؟ ده كفاية المنظر ؟؟ يعنى احنا دلوقتى نفطر فى الشوارع والميادين والجيش والشرطة يسكتو،،، ما أحنا عارفين ان الجيش لو كلمهم بالذوق وقالهم أمشو حتلاقى المجموعة كلها رفعت الشعار،الشعب يريد يفطر فى الميدان،، هو احنا عملنا الثورة عشان نفطر فى الميدان؟؟

ياريت ماحدش يحكم على أي حد إلا لما يسمع من الطرفين عشان هو ده العدل والإنصاف , إحنا مش عارفين الجيش غمل كده ليه ممكن يكون عارف أو شاف حاجة تستدعي ذلك ولم يذكرهاأحد في هذه الفيديوهات

فعلا كلامك مضبوط
نورتنى

انا مش عارف انتوا بتجيبوا الغلط على اللى رايحين يفطروا لية ؟

ماللى يفطر يفطر ولا ميفطرش خالص كل واحد حر هو انتوا هتحكموا علية انة يفطر فى بيتة ولا برة ولا اية

فيها اية ناس فرحانة بالثورة الهباب دى ونازلين يفطروا فى الميدان فيها اية مش فاهم

واللى مش لاقى كلمة يقولها ويقوللى البت واقفة جنب الولد وشكلها صايم ولا لا ولا نافعلها صوم ولا مش نافع

انت مالك انت مش ممكن يكونوا اخواتها ولا مش ممكن ولا انتو مش لاقيين حاجة تتكلموا فيها وبتتكلموا اى كلام والسلام والكل سايب الضرب اللى الجيش ضربة ونازل كلام فاضى ولوم عالناس اللى بينضربوا

ما تفوقوا بقا من الغيبوبة اللى انتو فيها دى