|
فى البدايه و تعقيبا على العنوان هنحط مليون خط أحمر تحت العنوان و نقول أن الشرطة مش شايفه شغلها بحق الله , مفيش ضمير و مفيش خوف على الشعب و مفيش خوف من ربنا و نكمل خبرنا , و هرب 6 سجناء من مركز شرطة الزرقا بدمياط متهمين فى قضايا مخدرات و سلاح , طبعا هتقولى هربوا ازاى هقولك زى الأفلام العربى بواسطة منشار و تم نشر الشباك الخلفى للسجن و كأن السجن مفيش كلب حتى حراسه عليه , بالنسبه للمتهم تامر قاسم البغدادى سلم نفسه مرة تانيه للعقيد أيمن الشبراوى مأمور المركز و بعد تسليمه للمركز أعترف على باقية زملائة بأنهم أجبروه على الهرب معهم و لكنه لم يتمكن من المواصله فى الهرب , اسامى المتهمين سعد وحيد زيادة، وإيهاب السعيد عبد المنعم، وعماد أحمد العيش، وعطية بديع شمس الدين، وسامح إسماعيل بركات , و أنتقل اللواء طارق حماد مدير أمن دمياط للمركز و عمل تشكيله زى بتاعة المعلم حسن شحاته عشان يجيب المجرمين الهاربين و يا رب يكون عنده ضمير و يشوف شغله صح و يصحح أخطاء منعدمين الضمير و الأخلاق إلى سابوا المجرمين دول يهربوا
|
