لو ممكن اساعد فى أي حاجة فى أي وقت انا تحت امرك يا .........
جملة عادية ممكن كتير يقولوها
لأي حد فى أي ظروف
مع تغير ...... ووضع اى اسم يخصهم
لكن لما قريت الجملة
حسيت ان معايا جرين كارد
انى ارجع فى اى وقت اختاره
بامبينو من تاني
واتكلفت فى بطانية ناعمة ورقيقة
واتمطع براحتى مستمتع بالدفا الناعم
وماشلش اى هموم
لان صاحب الجملة هيطبطب عليا لحد ما انام
وخصوصا لو الجملة دى جت فى وقت
تحس فيه انك متفشفش من جواك
ومتعرفش بالظبط
هو انت متفشفش فى روحك؟
ولا فى مشاعرك؟
ولا فى انسانيتك؟
لكن الاكيد انك مكسور من جواك بشكل ما لدرجة الفشفشة
والجملة دى تيجي تلم اجزائك المتفشفشة
وتدور على اكبر كام حتة فيك
وتلزقك ببعض
وتديك امل انك ممكن ترجع زى الاول
وتعدي بسلام من اللي مفشفشك
منقول
----------
هل انتم حصل معاكم كدا قبل كدا يعني كنت فعلا متفشفش خالص من جواك وحد جه
وطبطب عليك وشال عنك همومك شويه
او العكس لقيت حد متفشفش وانت اللي طبطبت عليه وشلت عنه شويه من همومه
مستنيه ردكم ويارب يعجبكم