ياجماعة انا بجد عايزة اعرف رايكو في الجامعات واللي بيحصل فيها من حاجات كتييييير ليها علاقة بالدراسة ولها علاقة بالطلبة الدراسة زي زياده المصروفات اللي جت فجأة كده والطلبة العلاقة بين الاولا والبنات

اقولوكو رايي بصراحه زياده المصروفات جت وهما متأكدين اننا لازم ندفع غصب عننا هنعترض شوية وبعدين هندفع عشان الامتحانات ولو مدفعناش في الاول هيتراكمو علينا وغصب عننا بردو هندفع في الاخر عشان ناخد ورق التخرج ...

اما بقي بالنسبة للعلاقة ين الاولاد والبنات في الجامعه فاانا شايفة انها مبقيتش جامعه دي بقت كافتيريا ده لو مقولناش شارع الاولاد بيقعدو مع البنات بأوضاع بجد مش كويسة ويقولولك اصلنا بنحب بعض ومش بنشوف بعض غير في الدراسة والاجازة لاء وطعا الحب مبررهم وحتي البنات اللي ملهاش ولا في الطور ولا الطحين تلاقي شوية شباب من الجامعه بيعاكسوها وهي ماشية جوه (الحرم الجامعي) وياريت علي كده وبس لاء ده كمان امن الجامعه تلاقيه واقف علي البوابة وبيعاكس البنات بتوع الجامعة لاء ويشطرو بس علي الخناقات اللي تحصل في الجامعه بالذمة دي جامعة ؟؟؟؟؟

يلا شاركو وقولولي رأيكو ايه في الجامعة ؟؟؟؟

زياده المصروفات اللي جت فجأة كده والطلبة العلاقة بين الاولا والبنات

انا رايي فزيادة المصروفات دا امر طبيعي
ومتوقع
مع زيادة الاسعار
اما بالنسبة للعلاقة بين الشباب والبنات فدا بالنسبالي صدمة
انا اصلا في كلية طب
ولما نزلت الجامعة ملقيتش واد وبت قاعدين محترمين كلو بيمد ايدوا على كلو
وهيصة
هزار بالايد واستحلال التلامس بشكل طبيعي وعادي جدا
حسيت باكتئاب والله
امال انا المفروض بقى اتجوز منين لو عاوز واحدة اكون على الاقل اول واحد يلمسها - مش بقول اول واحد يكلمها او يصاحبها
وقدرت برضوا بنات كلية طب المحترمين

و الله موضوع الجامعات ده موضوع زى الزفت يطلع عين الواحد علشان ياخد الشهاده و فى الاخر ياخد على دماغه و مفيش شغل و كل سنه زياده فى المصاريف و الدكاتره يعملو فيها بهوات و احنا عبيد و نحل فى الامتحان زى الفل و فى الاخر تاخد مقبول و يوم ما الشيطان يغويك و تتشتكى الدكتور يسقطك و تروح تنام جانب و لا بلاش

مرسي ياعبده علي مشاركتك اللي انت بتقوله صح بس هقولك حاجه مش معني كده اللي كل البنات كده لدرجة ان الواحد ميلاقيش واحده يثق فيها ويخليها مسؤلة عن بيته واولاده في المستقبل بس بصراحه معظمهم دلوقتي كده الا من رحم ربي يعني وبعدين الطيين للطيبات انت اذا كنت طيب ربنا ان شاء الله هيديك انسانة زيك تماما طيبة ....

رنا يوفقك

مرسي ياهاري علي ردك بس بالله عليك بلاش التشاؤم ده انا بطرح الموضوع عشان احنا اللي جوه المشاكل بتاعة الجامعة دي وبنحاول يمكن نحل حتي لو حاجة واحده من كل المشاكل اللي بتحصل في الجامعات (وبعدين ايه اللي يخليك تشتكي للدكتور المفروض ترضي ده دكتور برده !!!!!!!!!!!!) ولا ايه ياهاري؟؟؟؟

ميرسى ياسمين على طرحك الموضوع المهم فعلا انتى بتتكلمى فى موضوع صعب جدا من كل اتجاة
بالنسبة للمصروفات بجد دى بقت حاجة صعبة كل شوية تذيد تذيد دى حاجة بقت غريبة فعلا بس هنعمل اية بقى حكم القوى
........... اما بالنسبة لعلاقة البنات بالولاد دى فى الاول وفى الاخر حاجة بقت من المهازل فيها كل انواع الغضب والسخط والبعد عن الدين وعن التقاليد وبردوة مش هنقول غير ربنا يهدى الجميع ... وتانى بردوة هقولك ميرسى على موضوعك المتميز وطرحك لية

مرسي ياm&m علي مشاركتك واهتمامك بجد ياجماعه ردودكم دي بتأكد ان بجد طلبة الجامعة دول تعبانين ومحتاجين جد يتكلمو معاه لان بجد المشاكل كتييييييييييير جدا في كل حاجة وعلي رايك ربنا يهدي الجميع ان شاء الله

زيادة المصاريف دى طبعا لازم تزيد

عشان الغلى الى احنا عيشين فيه

والعلاقة بين الولاد والبنات

والله دى مش جامعة دا كبارية

مش ممكن والله انا مصدومه

مش صاحب وصاحبة محترمين

لا حاجات اكبر من كدة بكتير مش علاقة صحبية

ناس طيشة مش عارفين بيعملوا اية

وميرسى على طرحك للموضوع

تسلمى ياقمراية

انا شايف ان كلامك صح وغير كده فأن انحراف البنات في الجامعه بيبدء من البيت لأن الأب والأم والأخوات الرجله لكل بنت في منزلها يشهدون ابنائهم البنات بملابس غير محترمه ولا ينبهوان علي ابنائهم البنات بأن هذه الملابس تظهر اجسدهم والغريب ان في بعض البيوات تشجع الأم بنتها علي ذلك والأب ايضآ يشاهد بناته ولا يتكلم والأغرب من ذلك ان الأب بيشوف بناته تدخل علي النت والبنت عندها كميرة تستعملها في الشات علشان تتعرف علي الشباب فأللي بيحصل بظبط ان البنت طول النهار في الجامعه جالسه مع شاب والشاب قاعد يلعب في شعرها ويمسك ايدها وقد تطور الأموار في بعض الأحيان الي الذهاب في مكان او شقه لأن ما اجتمع رجل وامرأه إلا وكان الشيطان ثلاثهم وطبعآ احنا سمعنا كتير علي الزواج العرفي بين طلبة الجامعات وفي بعض الأحيان تحمل البنت وتفاجئ البنت بذلك واول ما الشاب اللي غلط معاها يعرف يقول لها انا بصراحه مفيش معايا فلوس علشان اتزوج ده انا لسه بأخد مصروفي من واهلي وغير كده ممكن يطلع ندل ويقول للبنت انا اسف مقدرش اتزوج وحده غلطط معايا وهنا تبدء مئسات البنت وتعيش حياتها مظلومه علشان متعه 5دقائق ده طبعآ اللي بيحصل مع بعض شباب وبنات الجامعات في الجامعات غير كده نرجع تاني لموضوع الدخول علي النت بسبه للبنات بعد ما تخلص فترة الجامعه وترجع الي البيب طبعآ عايزه تسهر طول النهار مع الزبون وممكن توصل العلاقه علي النت ان البنت والشاب يخلعم ملابسهم والشاب يشوف جسم البنت والبنت تشوف جسم الشاب لأن طبعآ الأب والأم مفيش رقابه علي البنت وفي اخر السنه طبعآ البنت والولد يعيدو السنه طبعآ الأب بيدفع طول السنه علشان اولدهم تنجح في الدراسه وفي حاجه غيربه بتحصل كمان ان ممكن البنت تصرف علي الزبون طبعآ البنت مفكره ان ده زبون وحطه في دمغها ان الشاب ده ممكن يتزوجها وفي اخر المطاف تعرف البنت انها كانت زبونه وممكن كمان تضيع نفسها لأن الشيطان بيحب يخدم الحبياب وفي اخر كلامي اقول لكل اب وكل ام اتقو اللة في اولدكم لأنكم مسؤلين عن تربية اولدكم امام اللة فعلشان كده لاذم يكون في رقابه من الأم في البيت علي بنتها والأب ميجراش حاجه لمه يفضي نفسه نصف ساعه كل اسبواع ويشوف بناته في الجامعه وصدقوني انا شوفت في حياتي كل الكلام ده وانا في الجامعه

موضوع جميل و طرحه في وقته المظبوط الجامعات دلوقتي بقت اخر مسخره شئ مقزز


بالنسبه لزياده المصروفات و ده طبيعي في زمن النصب و السرقه اللي بقت عيني عينك


و غلاء الاسعار و الدكاتره اللي لسه مكملوش تمن الفيلا و لسه مجابش عربيه لابنه اللي في اولي ثانوي


اما بالنسبه للمسخره و علاقه الشباب بالبنات فده يرجع للتربيه و البنت المحترمه محترمه لو كانت في وسط مليون شاب


تسلم ايدك عالموضوع

مرسي ياسونة علي مشاركتك وفعلا عندك حق هما فعلا ينطب عليهم لفظ ناس طايشة زي مانت قولتي وبجد مرسي علي ردك

مرسي ياحسن علي مشاركتك وعندك حق فعلا الجامعات بقي اللي بيحصل فيها ده انحراف بس انت ليه متحامل علي البنت لوحدها انت عندك حق ومش غلطان طعا بس الولد كمان لازم يبقي عنده ضمير وده طبعا مش مبرر ولا عذر للبنت بس هي مسؤلية مشتركة مش غلطة بنت طايشة بس ولا غلطة ولد معندوش ضمير لوحده هي غلطتهم الاثنين وكمان انا عندي اعتراض صغير علي كلامك لو تسمح طبعا معلش انت عمال تقول الاب والام والاخوات الرجالة علي فكرة في معظم الحالات بيبقي فيه اب بيسال وام بتطمن واخوات بيشدو بس دلوقتي في الزمن اللي احنا فيه ده مبقاش الام والاب والاخوات الكبار هما اللي بيربوا بقيت للاسف الاصحاب في المدرسة والجامعه وفي الشارع بقي التليفزيون والنت ودول طببعا ونعمة التربية !!!!!!!ولا ايه ....:صدقني والله الاسرة في معظم الحالات وانا مش بعمم مبقاش ليها ذنب في انحراف ولادها لان تأثير اصحابهم والتليفزيون والافلام والمسلسلات اللي زي الزفت اللي بتتعرض تقريبا كل ساعة لاء ولو ارتاحو وجاو فاصل يبقي فيديو كليب وماادراك مالفيديو كليب اكيد انت فهمت اللي عايزة اقوله وشكرا مرة تانية علي مشاركتك الجميلة دي

مرسي نور القمر وعلي رأيك الجامعة فعلا بقيت شيء مقزز وبالنسبة للزياده المصروفات فالفلوس مبتروحش للدكاترة دي تروح لناس اكبر من الدكاترة ولا انت ايه رايك!!!!!؟؟؟ الدكاترة ليهم دور تاني قوي وفعال في خراب بيت الطلبة ده طبعا عن طريق الكتب اللي ثمن الكتاب بيوصل ل65 جنيه وتقدر متجيبوش ؟ انت حر الكتاب عليه شيت واسئلة الشيت لو مجاوبتش عليها وقدمتلو الشيت _(الاصلي اوعي تصوره من حد قدر يجيب الكتاب) هتسقط وتشيل مادته متظلمش الدكاترة وتقول اني المصروفت زادت عشانهم دول غلابة ياعيني

تحياتي لكي يا ياسمين علي الموضوع الجميل ده وانا معاكي بأن السبب الرئسي هوه الأعلام في التلفزيون لأن ده مبقاش القمر نايل سات ده اسمه منيل البنات والستات لأن القمر المصري بقا حاجه غريبه وفي بعض قنوات اكيد بتدعم من الخارج علشان نشر الفساد حتي افلام السينما المصرية بقت اخر رزاله لدرجه ان في فيلم اسمه حين ميسره والفيلم ده بيعلم البنات السحاق وده اكبر غلط لأن احنا بلد مسلمه والفنانه الغير محترمه سميه الخشاب بتمارس جنس السحاق مع الفنانه الغير انسانه غاده عبد الرازق وطبعآ ده موضوع اختر من علاقة الشاب مع البنت لأن ده جنس محرم وحرام لأن في بنات اخوات بينامو مع بعض فممكن البنات تتعلم ممارسه الجنس مع بعض واكيد فلم زي ده مدعم بفلوس من الخارج علشان نشر الفساد في مصر واحنا دوله مسلمه والمفروض مفيش عندنا حاجه من دي وطبعآ دول اليهواد عايزين مصر تخرب فأكيد الأعلام اللي في مصر الوقت صار اوسخ مليون مره من الدول الأوربيه والقمر الأوربي

مرسي ياحسن بجد علي ردك بس علي فكرة مش حين ميسرة وبس ياريت جت علي أد الافلام الي بتتعرض مدة 45دقيقة لاء ده المسلسلات بقت ألعن من الافلام يعني 30 حقة ويمكن اكتر من مشاهد وكلام وماخفي كان أعظم وعلي رأس المسلسلات دي المسلسل المدبلج نور طبعا مصر كلها عارفاه ةمش مصر بس وكل حد اتفرج علي المسلسل عايز يقلده لاء ومش كده وبس دول ابطال المسلسل كمان بقو ا المثل الاعلي والقدوة لاكتر من تلت تربع الشباب والبنات بجد الاعلام بقي حاجة تقرف

أنا معاكوا أن البنات بتلبس لبس مش كويس بس ياترى البنت هى الحاجه الوحيده اللى مخليه الدنيا عامله كده فى الجامعه لا طبعا البنت مش لوحدها هى اللى بتعمل كده أقولك ايه أهم حاجه غيرت الدنيا كلها فى كل المجالات مش الجامعة وبس
غياب التربية الدينية قولوا لى كام واحد عندهم بيبى جديد فى العيلا بيشوف باباه او مامته وهو بعلموا الكلام بيقولوا قول الله أو قول الحمد لله كلهم بيقولوا غنى كذا ارقصى أو ارقص كده مين علم أولاده وهم فى سن 3 أو 4 سنين القراءن طبعا مفيش الا من رحم ربى وكمان انتوا نسيتوا حاجه مهم دى فترة مراهقه يعنى البنت برضه مظلومه أول ما حد يقولها بحبك تفتكر أنه فارس احلامها اللى هتفضل معاه العمر كله وهو يادوب بعد شهر ده لو كمل بيكون طار ليه الولد ميعملش البنت دى على أنها اخته ويحط دايما فى دماغه ياترى انا احب اختى يحصلها المواقف دى

مرسي اسيرة الليل علي المرور بس احنا مقلناش ان البنت هي اللي مخليه الحياة في الجامعة عاملة كده مش هي الحاجة الوحيدة بس اسمحيلي هي اللي عليها العامل الاكبر ماشي ياستي هخليني معاكي واقول فترة مراهقة واول ماحد يقولها بحبك هتفتكر انه الفارس الشهم وهو طبعا ولا شهم ولا نيلة ياستي ماشي تصدقه تحبه بس هو لازم عشان تحبه يمسك ايديها ويبوسها واكتر من كده بيحصل والله العظيم البنات عندنا في الجامعة بتبقي ماشية في الحرم وتلاقي الولد نايم في علي رجلها وقاعدين تحت شجرة قوليلي بقي ايه ده ايه دخل ده بمراهقة ولا غيره انا برده مبقولش بنت بس بس هي لو قالتله لاء متعملش كده هيعمل غصب عنها هي اللي في ايدها زمام الامور وربنا يحفظنا يارب من اللي شوفناه والي لسه هنشوفوه ومرسي علي مرورك ياقمر

شكرآ يا ياسمين علي قراءة ردي وشكرآ علي ردك وبجد يا ريت كل اعضاء المنتدي يعلنو عن موضيع مفيده تنفع الناس لأن احنا في مجتمع حامل بجميع التلوثات التي تهدر حياء الناس بدون علمهم وتفسد علي الناس حياتهم ومع الأسف الأعلام الموجود الأن علي الساحه والذي يعرضه النايل سات ليل نهار يخيل لشبابنا وبناتنا ان هذه هي الحياة التي تعرض في وسائل الأعلام والتلفزيون هي الحياة الصحيحه ومع الأسف فأن شبابنا وبناتنا بدأت تحلم بهذه العيشه الغير موجوده إلا في الخيال من حب مزيف وضحك علي الشباب من زخرف في الأماكن الذي يتم فيها تصوير هذه المشاهد الكاذبه علي الناس فعندما تشاهد البنات هذه المتعه من زخرف وحب وحياة كذابه تبدء تحلم بهذه العيشه الشيطانيه وهذا يكون اول الوقوع في الخيال والضحك علي بناتنا من وقواع في الغلط مع اي شاب او اي رجل كبير في السن لأن هذه الحلم بنسبه لهذه الفتاه لا يتحقق إلا في وجواد هذه الشخص وطبعآ البنت بتفكر ان ده زبوان وبعد ما الراجل الكبير في السن او الشاب يضحك عليها تفاجئ انها كانت زبونه لهذا الشخص والشيطان وبهذا تكون البنت وقعت في مصيبه بعد فوات الأوان وفي الأخر الأعلام هو السبب والأب مش فدماغه وقاعد يجيب دش عربي واوربي ودخوال النت وكميره لنت من اجل ابنائه ومفيش رقابه وبناته او اولاده الشباب طول اليل سهرانين علي الشات وقد يتطور الأمر إلي المحادثه علي العريان من شباب وبنات

مرسي ياحسن علي متابعتك وبجد ربنا يحفظنا ويحفظ شباب وبنات المسلمين ويرزقهم ويرزقنا العفة يارب آمين

شكرآ يا ياسمين وربنا يهدي شباب وبنات المسلمين مع وافر الأحترام لكي ولجميع الأعضاء وشكرآ

أنا موصلتش لمرحلة البوس والنوم تحت الشجر دى البنت اللى ترضى بكده لنفسها تبقى رخيصه أوى عند نفسها قبل الناس تستاهل اللى يحصلها وطبعا مفيش أى ولد بيشوفها يحترمها أبدا

عندك حق اسيرة ومرسي علي مرورك وربنا يحفظنا احنا وكل بنات المسلمين

موضوع موفق اوى يايسمين يستحق المناقشة

بالنسبة للمصاريف هى فعلا بقت كبيرة جدا ولا هما كمان بيخلصوا ذمتهم ومدينا ورقة بتحلل المصاريف دى مش عارفة 50 جنيه تأمين صحى
على 20 جنيه تعويض لكارنيه ضايع وغيرهم كتير لغاية لما تجمعى المصاريف كلها

لكن بالنسبة لعلاقة الولاد والبنات فى الجامعة بصراحة بقيت اوفر اوى
لدرجة ان فى ناس من برة الجامعة بيجوا علشان مجرد معاكسة البنات هناك والجامعة بقت شارع بيحصل فى كل حاجة

دا اذا كان الامن المركزى اللى هناك اللى المفروض بيبقى موجود علشان يفضوا الخناقات والمظاهرات هما اللى بيعكسوا بطريقة مقرفة

يبقى الشباب اللى هناك يعملوا ايه
انا مش هرمى اللوم ع الشباب بس والبنات كمان هناك بقت اخر مسخرة الصراحة اشكلهم بقت فظيعة والتقاليع اللى بيعملوها فى نفسهم
الصراحة انا ببقى قاعدة فى الممر تحت ببقى حاسة انى قاعدة فى بلكونة بتفرج على بيحصل

يالا ربنا يهدى الناس ويحسن الامور اللى موجودة دى

مرسي جوليت علي مشاركتك الجامدة دي وعلي رايك الامن بيعاكس البنات وياريت الامن المركزي اللي بره البوابة وبس لا ده امن الجامعة اللي واقفين جواه الجامعة ده كده يبقي ناقص الدكاترة وناخد جايزة نوبل في المعاكسة

ربنا يهدي كل عاصي ويجعل اخر كلامنا من الدنيا شهادة لا إله إلا اللة محمد رسول اللة _قولو امين لأن دي حسن الخاتمه

امين ياحسن والله ربنا يستر علينا بس ياتري احنا هنعرف نوقف المهازل اللي بتحصل في الجامعة دي ولا هنسكت ونقعد نقول ربنا يهدي؟؟

الجامعه وما ادراك ما الجامعه

-- اولا انا الحمد لله فى كليه طب المنصوره

انا اول ما دخلت الكليه دى ..قلت دى كليه طب

يعنى الاحترام كله


** هههههههههههههههههه**

طلعت حاجه تانيه خالص

بلاوى بتحصل عندنا فى الجامعه

والاختلاط فى السكاشن والضحك والهزار

وربنا يسترها علينا

thanks

its a nice topic

مرسي my stero بس برده محدش جاوب ياتري احنا في ايدينا حاجة نعملها عشان نوقف المهازل دي علي الاقل في الجامعات ولا لاء هنسكت وخلاص؟؟؟؟؟؟؟؟؟؟؟؟؟؟

العفو

احنا عندنا فى الكليه اسره الاخوان المسلمين

عملوا حاجه كويسه جدا

وهى انهم قدموا طلب لعميد الكليه بالغاء السكاشن المختلطه

وعليها توقيه اكتر من 200 طالب

وان شاء الله خير

ويمكن تكون اولى الخطوات الايجابيه ان شاء الله

بالنسبة لمصروفات دى مش مشكله

لكن بالنسبة لعلاقات البويز بالبنات فدا امر مئلوف وهو موجود من ايام المدرسة لكن بيزيد فى الجامعة عشان العيال دمغهم فتحت