نجوم مصرية
منتديات نجوم مصرية منتدى المدونين واصحاب المواقع منتدى الربح من موقعك منتدى ادسنس



تابع نجوم مصرية على أخبار جوجل




إستلام أرباح جوجل أدسنس من شركة ويسترن يونيون western union

 

يتسائل الكثير عن إستلام أرباح جوجل أدسنس من شركة ويسترن يونيون western union
وكيف يتم إستلام الأرباح وماهى الإجراءات اللازمة لذلك واليوم على مدرسة أدسنس سنتعرف
على كيفية إستلام ارباح جوجل أدسنس من خلال أى فرع ويسترن يونيون western union
سوف أقوم بشرح مثال عملى لإستلام الأرباح من أحد فروع ويسترن يونيون western union


معلومة تهمك : أرباح جوجل أدسنس يتم إعتمادها إبتداءاً من يوم 20 إلى 25من كل شهر ويمكنك صرف ارباحك من western union فى اليوم التالى لإعتمادها


تجربتى الشخصية : يوم 25/10/2010 قررت أفتح حسابى علشان أشوف أدسنس
أعتمدت أرباحى للشهر الماضى سبتمبر ولا لسه
الخطوات :
- سجلت دخولى إلى جوجل أدسنس.
2- من تبويب حسابى >>> إخترت سجل الدفعات
3- أثناء مراجعة حسابى لمعرفة تفاصيل الأرباح
وجدت الجملة التى يشتاق إليها الجميع فى هذا اليوم من كل شهر


بعد على رابط التفاصيل ظهرت لى تفاصيل الحساب
ظهر لى تقرير أرباحى لشهر سبتمبر 2010 وهذه صوة التقرير



هذا التقرير يبين لك معلومات الدفع
والبيانات اللازمة للحصول على أرباحك من ويسترن يونيون
1- طريقة الدفع " الدفع النقدى السريع بواسطة ويسترن يونيون "
2- تاريخ الدفع : 24/10/2010
3- رقم الــ MTCN وهذا الرقم هام جدا بدونه لا استطيع صرف أرباحى
وهذه الحروف إختصار Money Transfer Control Number
وهو رقم تحويل الاموال الخاص بى من شركة جوجل
4- إجمالى مبلغ الارباح 913,99 دولار
5- تاريخ الحصول على أرباحى وصرفها : 27/10/2010
6- بيانات مرسل التحويل ويتضمن اسم الشركة وعنوانها .

طبعا أنا قمت بطباعة هذا التقرير وإحتفظت به معى لحين
صرف التحويل يوم 27 /10/2010
تابع نجوم مصرية على أخبار جوجل


يومين من يوم 25/10 إلى 27/10 وذهبت لإستلام ارباحى

يوم 27/10/2010 الساعة 3 العصر

توجهت إلى فرع ويسترن يونيون - وسط البلد – القاهرة
للعلم : جميع الفروع تعمل من 9 ص إلى 10 مساءاً



دخلت على موظف الفرع هناك وقولتله : مساء الخير
رد وقالى : مساء الخير .. أقدر أساعدك ازاى
قلتله : ليه تحويل عايز اصرفه
رد وقالى : إتفضل حضرتك وأعطانى ورقة
بنكتب فيها بيانات التحويل .. نفس البيانات اللى فى التقرير
اللى طبعته لو فاكرينه لما فتحنا تفاصيل الدفع
نشوف الورقة بتكون بالشكل ده :
الورقة دى شكلها كدة



كل البيانات بتكتبها من ورقة التقرير اللى وصلتك فى تفاصيل الدفع
وأهم شىء هو رقم الــــ MTCN أو رقم التحويل

ثم قدمت الورقة إلى الموظف وطلب منى بطاقتى لأخذ صورة منها
بعد أن قام بتصوير البطاقة أعطانى البطاقة وقام بعد المبلغ ووضعه فى ظرف
وأعطانى ورقة تتضمن بياناتى والمبلغ المستلم للتوقيع عليها بإستلام أرباحى
والحمد لله إستلمت أرباحى وسيبت الفرع ومشيت لأول مكتب صرافة قابلنى
قمت بتغيير جزء من المبلغ من عملة الدولار إلى عملة الجنيه المصرى علشان
أشترى أى حاجة أنا عايزها .

وبكدة إنتهى الموضوع والسلام ختام .. مع تمنياتى لكل المتابعين إنهم يحققوا
أفضل الأرباح والنجاح مع برنامج جوجل أدسنس .






المقال "إستلام أرباح جوجل أدسنس من شركة ويسترن يونيون western union" نشر بواسطة: بتاريخ:
Make Ur Self
بسم الله ما شاء الله
4- إجمالى مبلغ الارباح 913,99 دولار
انا بقالى سنه ونص ويادوب عملت 83 دولار!!
Make Ur Self
بما انك راجل خبير انا مش عندى طريقة الدفع بالويسترن يونيون موجود عندى شيك وشيك سريع وبيخصموا حوالى 25 دولار
مش موجوده عندى ويسترن يونيون دى خالص
غير كده انا فضلت فترة اشتغل على سكريبت اختصار الروابط بسببه عمله حوالى 30 دولار قبل ما اعرف انه مخالف وكده
تفتكر لو انا وصلت ل 100 دولار ممكن تقفلوا الحساب او يخصموا ال 30 دولار دول ؟؟ ولا ها يعملوا ايه
ولا هما بيراجعوا عمتا كل شهر فا انا كده فى الامان ؟؟!! والف شكر ليك لو رديت
aliatwa2020
يا عم الموضوع منقول من من مدونة مدرسة ادسنس



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
هنا عنوان ويسترن يونيون Western Union في دمياط
اماكن وكلاء ويسترن يونيون في مصر Western Union وهواتفهم
جميع فروع ويسترن يونيون في مصر western union egypt branches

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية