مفاجأة جديدة كشف عنها مصدر رفيع المستوى بشأن قضية قطع الإتصالات التي ترددت عنها انباء بان المشير حسين طنطاوي بصفته وزير الدفاع اثناء اندلاع ثورة 25 يناير هو الذي اصدر امر قطع الإتصالات ، وهو ما تم نفيه بالدليل حيث تم اثبات اجراء محادثة هاتفية بين وزير الاتصالات السابق طارق كامل و المشير طنطاوي يستشيره فيها بشأن عودة الاتصالات التي كان قد تم قطعها ايام الثورة ، وجاء رد المشير على الوزير طارق

خلي اللي أعطاك الأمر بقطع الخدمة..يعطيك الأمر بإعادة الاتصالات مرة أخرى

وهو ما يثبت براءة المشير من هذه التهمة التي اراد بها اتباع مبارك الإساءة للقوات المسلحة عامة والمشير طنطاوي خاصة في محاولة منهم للوقيعة بين الجيش والشعب ، كما ان رد المشير يؤكد أنه استنكر قرار قطع الإتصالات اثناء الثورة .

جميل جدا وهو المطلوب لسبب جوهرى
عدم فقدان الثقة فى المجلس العسكرى وحتى تمر فترته الباقية على خير

شكرا كتير زاباطا

اية السذاجة الجميلة دة يا اخوانا
والمجلس العسكرى وطنطاوى ما كنش بيقاسم مبارك
طيب خليكم ترجعوا زى زمان ونصدر قفانا

لو لم يكن للمجلس العسكري حسنه غير انه وقف بجوار الثوره ورفض ضرب الثوار فهذا يكفينا وال عنده وجهه نظر تانيه ينظر علي سوريا وليبيا ويقول لي كان ها يبقي ايه الحال لو كان الجيش بتاعنا لا قدر الله عمل زيهم مش عاوزين نشكك في بعض اكتر من كدي وعاوزين نبني بلدنا بقي ونحسن الظن ببعض لغايه ما يثبت العكس

مع احترامي

المشير طنطاوي مش ملاك عشان الناس تبجله بالمنظر دا

طنطاوي كان تابع لمبارك


ولكن طنطاوي ذكي وكسب الشعب
ومبارك كان غبي


ياريت بلاش نتملق وننافق المجلس العسكري اكتر من كدا

انا ملاحظ ان الكل مش بيهاجم المجلس العسكري او طنطاوي
والنفاق شغال على ودنه في التلفزيون والجرائد

ودي كارثه


لان دي عادتنا ,, اي حد يحكمنا نبجل فيه ونطاطيله ومش بننقده وننخاف نقرب منه
ودا اللي حاصل حاليا


محدش يقدر ينتقد المجلس العسكري
والا يبقى مش مصري ومش خايف على البلد