في عودة جديدة لاساليب النظام السابق في التزوير وشراء الاصوات واستغلال حاجة الفقراء للمال قام احد افراد وهو شاهد عيان علي الواقعة بتصوير تلك الواقعة من داخل مقار الشهر العقاري بالجيزة حيث فوجئ باذدحام شديد من النساء وعندما سال تبين له ان احد سماسرة التوكيلات يقوم بدفع مبلغ خمسون جنيه مقابل اخذ بيانات البطاقه الشخصية لعمل توكيلات خاصة بانشاء حزب الوعي والذي يؤسسه شادي الغزالي حرب مدعي البراءة للثورة ومن المعروف ان شادي هو عضو في حزب عمه اسامة الغزالي حرب ( حزب الجبهة ) والذي يموله نجيب سويرس

والسؤال هنا الذي يطرح نفسه من يمول شادي وغيره لانساء تلك الاحزاب بتلك الطريقه المشينة واستغلال حاجة الفقراء فمن المعروف تكوين الحزب يحتاج الي 5000 صوت

انا مش شايف ان الموضوع فية حاجة يعنى حتى لو فية فلوس بتندفع وانت الناس عندك غير مؤهلة ومعندهاش اى وعى سياسى ودا لسبب واحد وهو التعجل بأجراء الانتخابات وعدم اطالة الفترة الانتقالية وانت اساسا معندكش اى احزاب والوقت القصير دا ميساعدش اى حزب اساسا انة يتكون وانة ينشر برنامجة واهدافة بطرق مشروعة دلوقتى وانت معندكش غير احزاب قديمة ومعاها تمويلها من اخوان ووفد وحزب الحرية والعدالة بتاع ساويرس واللى ممكن يعمل 10 احزاب لو عايز عشان عندة تمويل وعندة شعبية بحكم شغلة وشركاتة فمعتقدش ان الحزب دا بيمولة ساويرس

فمتلومش بقى موضوع الدفع دا وانت معذور وزى ما قولت للاسباب اللى فاتت وثانيا انت تعرف منين ان غرض انشائة للحزب تمويل من برة ولا مش عايز مصلحة البلد ولية ميكونش العكس وانت عندك الظروف اللى فى البلد اليومين دول متساعدش فى اى حاجة بتفكر تتعمل

انا معاك اني الوقت قصير لتكوين احزاب جديده بس لو حضرتك اتكلمت عن الوعي السياسي وانه مش موجود حاليا فده مش مبرر لشراء الاصوات والا بقي كل شخص معاه فلوس يروح يشتري اصوات ويعمل حزب يعني في الحالة ده الحزب هايكون معمول لاغراض شخصية مش لغرض خدمة الشعب والوطن
اما بالنسبة للتمويل الاجنبي فانا ماقلتش اني فيه تمويل اجنبي انا تسالت بس من اين لهم بهذه الاموال الطائلة لشراء 5000 صوت

يا سيدى الفاضل اذا مكنش دا مبرر يعملوا الكلام دا امال يعملوا اية ؟ يسيبوا الاحزاب القديمة واللى مسنودة وانا بقول مش كلها اللى ليها مصالح هى اللى تستولى على كل حاجة ولا يعملوا اية

ثانيا انت فاكر ان الاحزاب الجديدة اللى اتأسست لحد دلوقتى اتأسست لافتناع الناس ببرامجهم وانهم مضوا على اقتناع وانهم عرفوا برنامج الحزب واهدافة ؟ لو تعتقد كدا يبقى انت غلطان عشان كلهم اسسوا الاحزاب دى عشان عندهم جماهيرية زى ساويرس ويكفى اللى شغالين عندة فى شركاتة او موقعة عند الاقباط وهكذا حزب مصر القومى بتاع طلعت السادات كفاية بس ينزل البلد وهيلم التوقيعات دى فى ثوانى لكن الشباب اللى قاموا بالثورة دول هيعملوا اية ولا مين يعرفهم وانت شايف دلوقتى بقى كل واحد بيشكك فى التانى فمبالك لو اللى ادامهم صغير فى السن هيقولوا علية هيودى البلد فى داهية وانة لسة صغير

المشكلة فى الوعى السياسى بين الناس يا سيدى واللى الفرصة دى راحت من ادينا ان الوعى دا يتواجد عند الناس بأتخاذ قرار سرعة اجراء الانتخابات والوقت دا ميكفيش ان حزب يتكون اساسا مش ينشر برنامجة ويعمل مؤتمراتة وانا قولت على موضوع التمويل دا انة من برة عشان الناس كلها فكرها هيروح بعبد ويقولك ايران والسعودية وحركات من سوريا والكلام الفاضى دا

ثانيا مين بنظرك اللى هيدفع 50 جنية للصوت الا واحد مؤمن بالقضية وعايز يكون حزب وينافس خصوصا وانت عندك دلوقتى بتوع الحزب الوطنى معروفين وخلاص الكل بقى عارف اللى عندة فى الدايرة وكان تبع الحزب الوطنى بس الشغل والمصداقية بقى هنا اللى هيفرقوا فى استمرارية الاحزاب دى مش نروح بعيد ونقول مين اللى بيمول والقصص اللى مش هنخلص منها دى

اظن بان آن الاوان لمن يدعون بانهم ثوار ان يتنبهوا الى ان معركة المجلس النيابي قد خرجت من ايديهم فالجهوية والحزبية التاريخيه وبقايا الوطني سوف يكون لهم قصب السبق بلا شك ولهذا فعليهم التفكير بابقاء الحال بما يخص صلاحيات رئيس الجمهورية والتركيز على شخص محدد ودعمه بكل قوة ودون مواربه ولو كنت مكانهم لدفعت بشخصية من الجيش لاحراجة هو الاخر
لا يمكن بناء دولة مدنية في يوم وليلة وهذا الامر يحتاج الى سنوات وسنوات اذن فالبديل هو شخص قوي باقل نسبة ممكنه من الاخطاء والخطايا ففي الديمقراطية انت لا تنتخب الاحسن بل تنتخب الاكثر حظا بالنجاح من بين من هم الاقل سوءاً

ردى بعد مشاهدة الفيديو

مفيش فايدة

شكرا مشرفنا العام خالد

انا معاك يا عبد الكريم فى ان دى اول المشاكل الحقيقية اللى هتقابلنا ودى بس مجرد البداية والكل هيعرف هم غلطوا فى اية واللى وصلنا للحالة دى ولسة المشاكل جاية كتير عشان احنا نستاهل اكتر من كدا عشان مبنفكرش ومشغولين بتفاهات وكلام فاضى

النقطة التانية اللى احييك عليها هى نقطة ان ممكن اللى يمحو جميع الاخطاء دى كلها هو التركيز على شخص محدد وندعمة بقوة عشان من عندة هى البداية والانطلاق عالطريق الصحيح ويصحح الاخطاء اللى عملها المجلس فى الفترة دى عشان دا الحل الوحيد اللى ادامنا دلوقتى وفعلا بكرة المجلس هيرشح من داخلة الشخصية اللى هتمسك الرئاسة والحل الوحيد هو ترشيح واحد تانى من الجيش لاحراجة

بس السؤال هنا لو احنا مدركين الكلام دا اساسا تفتكر كنا وصلنا لحالنا دا دلوقتى عشان الحل دا ما هو الا نتاج وعى سياسى والوعى دا مش موجود اساسا ؟

المقصود ان احنا بنلف حولين نفسنا مش اكتر

اتمنى اننا ندرك الموضوع دا قبل ما اخر امل يضيع من ايدينا وندخل مرحلة فساد تانية تحت مسمى جديد ومصدقينة وهو التغيير والاصلاح

تحياتى ليك يا عبد الكريم وكل سنة وانت طيب

انا مش شايف ان الموضوع فية حاجة يعنى حتى لو فية فلوس بتندفع وانت الناس عندك غير مؤهلة ومعندهاش اى وعى سياسى ودا لسبب واحد وهو التعجل بأجراء الانتخابات وعدم اطالة الفترة الانتقالية وانت اساسا معندكش اى احزاب والوقت القصير دا ميساعدش اى حزب اساسا انة يتكون وانة ينشر برنامجة واهدافة بطرق مشروعة دلوقتى وانت معندكش غير احزاب قديمة ومعاها تمويلها من اخوان ووفد وحزب الحرية والعدالة بتاع ساويرس واللى ممكن يعمل 10 احزاب لو عايز عشان عندة تمويل وعندة شعبية بحكم شغلة وشركاتة فمعتقدش ان الحزب دا بيمولة ساويرس

فمتلومش بقى موضوع الدفع دا وانت معذور وزى ما قولت للاسباب اللى فاتت وثانيا انت تعرف منين ان غرض انشائة للحزب تمويل من برة ولا مش عايز مصلحة البلد ولية ميكونش العكس وانت عندك الظروف اللى فى البلد اليومين دول متساعدش فى اى حاجة بتفكر تتعمل

ياعيني عن كلامك
ياريت الناس بتفكر زيك

شعب هايفضل طول عمره مستهترلاثوره ولاغيره شعب مادي وطبعا ده علشان الحياه غاليه ياريت الحكومه تظبط الاسعار وتعمل حملات علي التجار والاسواق السوده

عفوا الشعب هايفضل طول عمره كده خدام القرش وده مش بس غلتط الشعب لالالالا غلتط الحكومه اللى مش عرفه تمسك بزمام الامور كان يجب علي الحكومه مرعاةالموقف اللى فيه مصر مش بس كده عليها ان تبداء في لم الزمام

Rebel

انت مين وفاضى ولا ايه

بركات الثوره مين لسه بيقول ان دول ثوار؟ بجد ربنا يكملكم بعقولكم الطرفين اسوا من بعض سوواءا النظام او مدعي الثوره




لك الله يا مصر

50*5000= 250000 جنيه !!!!

50 * 5000 = 250000جنيه !!!!!!!!!!!

تلك مصيبة كبري