|
اكد وفد المجلس القومي لحقوق الانسان الذي يتكون من كلا من محسن عوض والدكتور فؤاد عبد المنعم والدكتور ضياء رشوان والدكتور ة سهير لطفي وناصر امين والذي زار سجن طرة لمدة 3 ساعات تفقد فيها احوال مستشفي طرة واكد علي ان هناك تواطي من ادارة سجن طرة علي عدم تجهيز المستشفي الموجودة بالسجن لاستقبال حالة الرئيس السابق مبارك كما اكد ناصر امين عضو المجلس علي ان سوزان مبارك في اخر زيارة لنحليها قامت بمخالفة القوانين عن طريق الدخول بسيارتها اخاصة الي العنابر الموجودة بالسجن ولكن غير ذلك لم تقم باي مخالفة فلقد كانت مواعيد الزيارة متاحة وكانت وفق القواعد والضوابط المحددة
|
|
نفسى افهم استمرار نفوذ سوزان من اى جهة بالضبط ؟؟؟
لا يمكن تقوم بهذا التصرف الا اذا كان لها ظهر قوى حاليا شكرا باراديس مان |
|
نفسى افهم استمرار نفوذ سوزان من اى جهة بالضبط ؟؟؟
لا يمكن تقوم بهذا التصرف الا اذا كان لها ظهر قوى حاليا شكرا باراديس مان يا جده ريحي نفسك سوزان والناس دي عايزين عبد الناصر جديد غير كده ما فيش فايده هيفضلو شايفين نفسهم اسياد الشعب . وسلام كبير اوي للعيسوي باشا |
|
يا جده ريحي نفسك سوزان والناس دي عايزين عبد الناصر جديد غير كده ما فيش فايده هيفضلو شايفين نفسهم اسياد الشعب . وسلام كبير اوي للعيسوي باشا |
|
الناس دول مبيمشوش عالارض دول تلاقيهم علطول فى الهوا
فكرتنى بفيفى عبدة الله يمسيها بالخير لما كانوا بيقولوا عندها اسانسير للعربية بتاعتها بتطلع بية وهى راكبة العربية لحد الشقة وبتدخل الشقة بالعربية كمان هم يضحك وهم يبكى وهم برجر |
|
يا سيدي معلهش في حكاية مخافة التعليمات بدخولها بالسيارة الي العنابر جايز اجراءات امنية لحمايتها من بطش بعض المسجونين المهم ان تكون السيارة تم تفتيشها والتأكد من عدم وجود ممنوعات طبقاللوائح السجون . واتمني ان تلتزم ادارة السجن باللوائح والتعليمات المنظمة للعمل داخل السجون لان الشعب وصل لمرحلة الملل من تلك القصة باكملها ونتمني ان تنتهي تلك المرحلة الانتقالية سريع
|
|
و النبى يا عبد الرحمن
و النيى يا جده بلاش عبد الناصر مش عايزين فقر تانى و طوابير جمعيه و زوار ليل و زوار فجر و تعذيب و اعتقالات و مخابرات و حروب فاشله و نكسات خليكوا فاكرين جمله سعيد صالح فى مسرحيه العيال كبرت اللى اتحذفت من تسجيل المسرحيه و اللى اخد فيها ست شهور لكن قال كلمه حق و لسه عايشه لما قال (الاول أكلنا المش و التانى علمنا الغش و التالت لا بيهش و لا بينش) هههههههههههههه ادينا بفضل الله خلصنا من ثلاثى المرح كفايه بلاش نرجع من اول السطر و نقول جمال تانى و هو كويس بس ما كانش عارف اللى حواليه هم السبب و الكلام الهايف ده لا كان عارف كل حاجه و كلهم عارفين عملو فينا ايه بالضبط و منهم لله الثلاثه بقى و تحيا مصر |
|
و النبى يا عبد الرحمن
و النيى يا جده بلاش عبد الناصر مش عايزين فقر تانى و طوابير جمعيه و زوار ليل و زوار فجر و تعذيب و اعتقالات و مخابرات و حروب فاشله و نكسات خليكوا فاكرين جمله سعيد صالح فى مسرحيه العيال كبرت اللى اتحذفت من تسجيل المسرحيه و اللى اخد فيها ست شهور لكن قال كلمه حق و لسه عايشه لما قال (الاول أكلنا المش و التانى علمنا الغش و التالت لا بيهش و لا بينش) هههههههههههههه ادينا بفضل الله خلصنا من ثلاثى المرح كفايه بلاش نرجع من اول السطر و نقول جمال تانى و هو كويس بس ما كانش عارف اللى حواليه هم السبب و الكلام الهايف ده لا كان عارف كل حاجه و كلهم عارفين عملو فينا ايه بالضبط و منهم لله الثلاثه بقى و تحيا مصر حاضر يا بديعة وعلشان انا بحبك خالص خالص مش حا ازعلك أبدا طيب ايه رأيك فى شعبان عبد الرحيم ههههههههههههههههههههههههههههههه اضحكى وبلا هم وماحدش واخد من الدنيا حاجة وعلى فكرة اللى ربنا حا يريده حا نشوفه حبيبتى ربنا يبارك فيكى يا بديعة يارب ولا يحرمنا من ردودك الرائعة وبجد |
|
تسلميلى يا جده ربنا يخليكى لينا يا رب و ما يحرمناش منك ابدا
شعبان كويس بس عيبه انه غنا اغنيه باحب الريس ههههههههههه لو كان اكتفى باغنيه باكره اسرائيل كان ممكن مسيرها تفرج ان شاء الله صدقينى مصر محروسه مهما حصل فيها قبلاتى للجده الغاليه و تحيا مصر |
|
تسلميلى يا جده ربنا يخليكى لينا يا رب و ما يحرمناش منك ابدا
شعبان كويس بس عيبه انه غنا اغنيه باحب الريس ههههههههههه لو كان اكتفى باغنيه باكره اسرائيل كان ممكن مسيرها تفرج ان شاء الله صدقينى مصر محروسه مهما حصل فيها قبلاتى للجده الغاليه و تحيا مصر بس عيبه انه غنا اغنيه باحب الريس ههههههههههه يااااااااااااااه نسيت هذه الأغنية واذن لا يصلح بتاتا هههههههههههههههههههههه أشكرك حبيبتى وانتى ايضا غالية عليا جدا و100 مواااااااااه على جبينك الغالى |
|
"نفسى افهم استمرار نفوذ سوزان من اى جهة بالضبط ؟؟؟"
هو مش نفوذها لوحده ده نفوذ عيلة مبارك كلهم النفوذ مازال مستمر وغبي من يتصور انهم مساجين اصلا |
|
يعنى مبارك يحط الجزمة فى وش المحكمة وسوزان خايفة على جزمتها من تراب السجن لانة فال وحش ف تدخل لغاية العنبر بالسيارة واكيد السيارة دى يا غيرت كاوتش يا ح تتباع علشان وشها وحش على جوزهااا وولادهاا وطبعا كلاب الحراسة التابعيين بينفذو رغبة الست ولا نسيتو ان زعل الست بيتعملو 100 خاطر
كاتكو القرف .... حاجة تخلى الواحد يرجع |
|
و النبى يا عبد الرحمن
و النيى يا جده بلاش عبد الناصر مش عايزين فقر تانى و طوابير جمعيه و زوار ليل و زوار فجر و تعذيب و اعتقالات و مخابرات و حروب فاشله و نكسات خليكوا فاكرين جمله سعيد صالح فى مسرحيه العيال كبرت اللى اتحذفت من تسجيل المسرحيه و اللى اخد فيها ست شهور لكن قال كلمه حق و لسه عايشه لما قال (الاول أكلنا المش و التانى علمنا الغش و التالت لا بيهش و لا بينش) هههههههههههههه ادينا بفضل الله خلصنا من ثلاثى المرح كفايه بلاش نرجع من اول السطر و نقول جمال تانى و هو كويس بس ما كانش عارف اللى حواليه هم السبب و الكلام الهايف ده لا كان عارف كل حاجه و كلهم عارفين عملو فينا ايه بالضبط و منهم لله الثلاثه بقى و تحيا مصر هههههههههههههههه كلامك مظبوط يا اخت بديعه وانا اصلا من المنتقدين لمعظم افعال عبد الناصر ولا اتمنى عودته ولا اتمنى اي عسكري بعد اللي شفناه من العساكر وكفايه انهم من قصر الرئاسه الي المقابر يعني بيتبتو في الحكم وكانها مملكه هههههههه . لكن فقط ما اتحدث عنه هنا هي خاصية الشجاعه التي تحلى بها هذا الرجل (عبد الناصر ) وهذه لا نستطيع انكارها مهما بلغة اخطائه وتاميم قناة السويس من دول عظمة رغم اعتراض مجلس قيادة الثورة خير دليل على الشجاعه والقضاء على الاقطاع في يوم وليله لم يكن امر هين هذا ما اقصده بعوده عبد الناصر جديد . انما اخطائه وزوار الفجر والحروب الفاشله والغير مبرره هنا وهناك وفرد العضلات فهذا حدث ولا حرج . لكن مات شحات وتركنا شحاتين هههههههههه ومن باب احقاق الحق اعتقد انه كان شريف ونزيه فعلا ويحمل الكثير من الوطنيه |
|
هههههههههههههههه كلامك مظبوط يا اخت بديعه وانا اصلا من المنتقدين لمعظم افعال عبد الناصر ولا اتمنى عودته ولا اتمنى اي عسكري بعد اللي شفناه من العساكر وكفايه انهم من قصر الرئاسه الي المقابر يعني بيتبتو في الحكم وكانها مملكه هههههههه . لكن فقط ما اتحدث عنه هنا هي خاصية الشجاعه التي تحلى بها هذا الرجل (عبد الناصر ) وهذه لا نستطيع انكارها مهما بلغة اخطائه وتاميم قناة السويس من دول عظمة رغم اعتراض مجلس قيادة الثورة خير دليل على الشجاعه والقضاء على الاقطاع في يوم وليله لم يكن امر هين هذا ما اقصده بعوده عبد الناصر جديد . انما اخطائه وزوار الفجر والحروب الفاشله والغير مبرره هنا وهناك وفرد العضلات فهذا حدث ولا حرج . لكن مات شحات وتركنا شحاتين هههههههههه ومن باب احقاق الحق اعتقد انه كان شريف ونزيه فعلا ويحمل الكثير من الوطنيه لا انكر ان عبد الناصر كان شخصيه كارزميه و كان عايز يحقق حلم الملك فى وحده العرب (الملك هو اللى عمل جامعه الدول العربيه مش عبد الناصر) علشان يتقال اللى ما عرفش يعمله الملك عمله عبد الناصر و سماها الجمهوريه العربيه المتحده لكنه طبعا حلم صعب مش سهل عايزاك تبص حواليك و تشوف كل المبانى التاريخيه و القصور و المساجد الكبيره زى عمر مكرم و مجمع التحرير و جامعه الدول و غيره كل ما نفخر به من مبانى و حتى قناه السويس كانت على ايام الملك فاروق و لعلمك تمثال الحريه اللى فى امريكا بتاع مصر لانه اللى عمله مثال فرنساوى بناء على طلب الملك فاروق علشان يتحط فى افتتاح قناه السويس او ذكرى افتتاحها (مش فاكره) و الملك دفع تمنه و لما حصلت الثوره راحت علينا فلوسه و فرنسا اهدته هديه لامريكا (بفلوس مصر) بعد ما غير فيه المثال شويه لكنه اصلا كان فلاحه مصريه شايله الشعله و كتاب و على ايام الملك كانت مصر مركز من مراكز الموضه فى العالم و اديك شايف الافلام القديمه و كانت مصر احسن اقتصاد و احسن صناعه سينما كنا ماشيين مع امريكا فيلم "ذهب مع الريح" افتتح فى مترو امريكا و مترو مصر مع بعض و الرسوم المتحريه كانت زى ديزنى نفس التقنيه هنا و هنا لكن ازاى بقى امريكا و انجلترا يسيبو مصر تمشى بتحدى للعالميه لازم نعيش فى عماره يعقوبيان بص حواليك دلوقت و شوف المبانى اللى طلعت على الاراضى الزراعيه و الردم اللى حصل للنيل لما ما بقاش فيه حاجه كلها مبانى على النيل لصالح اللى كانو سارقين البلد مش حاكمين البلد و شوف الزباله فى الشوارع و الامراض و الشقى فى عيون الناس و قله الحيله و قله الادب و انت تعرف انجازات ثوره 23يوليو اللى غرقانين فيها لغايه دلوقت فى حكم عسكر سرقوا و شجعوا على سرقه البلد كلها من اثار و مجوهرات الملك و القصور و خيرات مصر كلها نهبت حتى طمى النيل اتحرمنا منه و ادينا عايشين على فتات خير بلدنا و الحمد لله مستوره يا عبد الرحمن يابنى احنا مش محتاجين حد بكارزمه ممثل و لا حد منفسن و لا حد يحط ايده فى ايد عدو و لا حاجه من دى احنا محتاجين واحد يحب مصر اكتر ما يحب نفسه يا اخى الطريق الى جهنم مفروش بالنوايا الطيبه و تحيا مصر |
|
ما احنا كده مش مختلفين على شخصية عبد الناصر يا اخت بديعه وكل اخطاء العسكر كما اننا متفقين في شجاعة الرجل وتاثيره . لكن عذرا بالنسبه لحرمان مصر من طمي النيل اعتقد لم يكن هناك خيار ثالث
اما ان نحرم من طمي النيل او نتحمل الري الموسمي ونحرم من الري الدائم ونظل مهددين ايضا بالفيضان كل عام ونحرم من الكهرباء التي انارة منازل مصر وشغلت المصانع وحركة الصناعه . بالنسبه لفاروق ايضا لم يكن ملاك وكان هناك الفساد في الملكيه كما هو الحال حاليا والا متى كان وجود البشوات والاقطاع ومتى كان الشعب الغلبان يضرب بالكرباج وتسلب ارضه ويعمل بها بالاجر ناهيك عن وجود الاستعمار الانجليزي في وقت الملك ولم يطرد الانجليز الا بثورة يوليو ايضا . قناة السويس حفرت على ايد المصريين ومات من مات تحت سياط الملك وزبانيته اثناء الحفر وفي النهايه تمتع بها الانجليز ولذلك ثورة يوليو قالت نحن احق بها وتم تاميمها . اعتقد تمثال الحريه كان على عهد الخديوي اسماعيل وهو الذي رفضل التمثال لانه تم استبدال البلاص او الجره التي تحملها الفلاحه الي الشعله معلومه قديمه لست متاكد منها . وربنا يكرمنا ونخلص من حكم الملكيه اللي كان عايز يجدده المعلم المخلوع ونخلص كمان من حكم العسكر لان بجد زهقنا . |
|
[quote=paradiseman3;1165586]اكد وفد المجلس القومي لحقوق الانسان الذي يتكون من كلا من محسن عوض والدكتور فؤاد عبد المنعم والدكتور ضياء رشوان والدكتور ة سهير لطفي وناصر امين والذي زار سجن طرة لمدة 3 ساعات تفقد فيها احوال مستشفي طرة واكد علي ان هناك تواطي من ادارة سجن طرة علي عدم تجهيز المستشفي الموجودة بالسجن لاستقبال حالة الرئيس السابق مبارك كما اكد ناصر امين عضو المجلس علي ان سوزان مبارك في اخر زيارة لنحليها قامت بمخالفة القوانين عن طريق الدخول بسيارتها اخاصة الي العنابر الموجودة بالسجن ولكن غير ذلك لم تقم باي مخالفة فلقد كانت مواعيد الزيارة متاحة وكانت وفق القواعد والضوابط المحددة[/quote]
اخى العزيز تصحيحا لمعلومات الخبر المنشور مخالفات سوازان كانت كالاتى : اولا : بدئت الزياره الساعه 3 العصر واستمرت الى الساعه 6 مساء قبل المغرب ( بفارق ساعه كامله عن موعد قفل الزنازين على السجناء المفروض تقفل فى الخامسه مساء ) ثانيا : جائت بسياره تابعه للحرس الجمهورى يحرسها تشريفه من سيارات الشرطه كما لو كانت لاتزال السيده الاولى ثالثا : دخول السياره الخاصه بداخل السجن كما ذكرتم  |
|
يا اخي المشرف هذا ما ذكرة عضو اللجنة اللي كان بيفتش في سجن طرة ولست انا حيث ذكر ان هذا هو الخطا الوحيد الذي ارتكبتة وليس انا وعلي العموم شكرا علي توضيحك الجميل واتمني ان اكون عضو مفيد لمنتدي نجوم مصرية
|
|
ما احنا كده مش مختلفين على شخصية عبد الناصر يا اخت بديعه وكل اخطاء العسكر كما اننا متفقين في شجاعة الرجل وتاثيره . لكن عذرا بالنسبه لحرمان مصر من طمي النيل اعتقد لم يكن هناك خيار ثالث
اما ان نحرم من طمي النيل او نتحمل الري الموسمي ونحرم من الري الدائم ونظل مهددين ايضا بالفيضان كل عام ونحرم من الكهرباء التي انارة منازل مصر وشغلت المصانع وحركة الصناعه . بالنسبه لفاروق ايضا لم يكن ملاك وكان هناك الفساد في الملكيه كما هو الحال حاليا والا متى كان وجود البشوات والاقطاع ومتى كان الشعب الغلبان يضرب بالكرباج وتسلب ارضه ويعمل بها بالاجر ناهيك عن وجود الاستعمار الانجليزي في وقت الملك ولم يطرد الانجليز الا بثورة يوليو ايضا . قناة السويس حفرت على ايد المصريين ومات من مات تحت سياط الملك وزبانيته اثناء الحفر وفي النهايه تمتع بها الانجليز ولذلك ثورة يوليو قالت نحن احق بها وتم تاميمها . اعتقد تمثال الحريه كان على عهد الخديوي اسماعيل وهو الذي رفضل التمثال لانه تم استبدال البلاص او الجره التي تحملها الفلاحه الي الشعله معلومه قديمه لست متاكد منها . وربنا يكرمنا ونخلص من حكم الملكيه اللي كان عايز يجدده المعلم المخلوع ونخلص كمان من حكم العسكر لان بجد زهقنا . ما كانش فقرنا لدرجه ان كان فى يافطه على باب سينما مترو مكتوب عليها (السينما مكان عام الرجاء عدم دخول السينما بالبيجاما) دى انا قرتها بنفسى و ضحكت عليها قوى و مش حاحكيلك على الطوابير و الجمعيات و الزيت و البيض و روسيا و السفارى و الفيات ما كانش ادى الشعوب العربيه و خاصه الفلسطينى حقوق فى مصر اكتر من المصرى نفسه لدرجه اننا كنا فعلا مركوبين (سورى فى اللفظ) منهم و هو فاكر بكده حيعمل وحده عربيه و يكسب العرب على حساب المصرين الحركه دى خلت للمصرى قيمه بره مصر انا ما بنكرش و الشعوب العربيه حبته قوى لكن برضه كل ده احنا كشعب اللى دفعنا تمنه مش هو ما كانش دخل بينا حروب ابرزها حرب اليمن اللى ماتو فيها ماتو لى ايد اليمنيين و حرب فلسطين و النكسه (النكسه مسئوليته مهما الناس قالت فى النهايه هو زعيم و مسئول عن كل قراراته) يمكن ابرز انجازاته هى تأميم قناه السويس و لما حبوا يعملو عنه فيلم كان ناصر 56 (دى السنه اللى انا اتولدت فيها) تأميم القناه و العدوان الثلاثى بعد منها و من ستر ربنا امريكا هى اللى طلعت العدوان الثلاثى علشان عملوه من غير ما يدخلوها فيه و علشان تتحدى روسيا و تبين انها قوه عظمى و الليسته طويله يابنى حاقولك ايه و الا ايه المهم حكايه طمى النيل اللى كان مخلى لكل حاجه طعم و ريحه و صحه للى ياكلها (اللى بيتباع و بيتصدر بره دلوقت للعالم اللى حاسين بقيمته اكتر مننا) طيب ليه ما يرجعش الطمى لناسه (الفلاحين و الارض المصريه) بدل الموبيدات المسرطنه و السماد الكيماوى (المحرم دوليا دلوقت) ما حدش بيستخدمه الا مصر ليه؟ علشان لما مصنع كيماوى واحد اتعمل و كسب راح الكل بقى عايز يعمل مصانع كيماوى و اخدوا قروض من البنوك و اتعملت المصانع بالهبل حيروحوا بيها فين؟ لازم الشعب ياكل كيماوى و اللى حيصدروه بس هو اللى يبقى طليعى و باللاورجانك لان الكيماوى اليوم لا يصلح للاستخدام الادمى و الريس السابق قال لو قفلنا المصانع حيتخرب اقتصاد البلد و مش حيعرفوا يسددوا القروض اللى اخدوها (كلام فاضى) تتخرب صحه المصريين احسن و دى حتكلفهم اكتر بكتير من القروض اللى خايفين عليها هم شافوا ان اسرائيل تاخد الطمى و الناس تاكل المسرطن و الكيماوى احسن لما اتبنى السد قالو الكهربا فى مصر حتبقى بنكله تقدر تقول لى مين فى مصر راضى عن فاتوره الكهربا؟ و يا ويلك لو فى الحر ده فتحت التكيف تبقى مصيبه نصيحه منى ما تصدقش كل اللى بيتقال فى الافلام يعنى انا عيطت بالهبل على فيلم جميله بو حريد و بعدها شفت مقابله ليها بتقول ان الفيلم بالغ فى وصف اللى حصل لها و انها متجوزه من فرنساوى ساعدها فى الجهاد اما بقى مهازل رد قلبى و الارض و المظ و عبد الحمولى و الكلام ده كله صدقنى ما كانش ب دى و لو على الفرض الجدلى برضه اللى انا شايفاه ان القمع و التعذيب و المعتقلات و زوار الفجر و البلاوى اللى قومت ثوره 25 يناير اهون بكتير من فلاح ينضرب بقلم او بكرباج لانه مش شايف شغله و لو عندك حته ارض عايز فلاحين يشتغلوا عليها شوف حيعملوا فيك ايه و يطلبوا ايه و شوف اغلبيه الفلاحين لما اخدو ارض اصلا جرفوها و بعد ما كانت مصر ارض زراعيه فى الاساس قولى الزراعه فين دلوقت و الفلاح فين؟ و الارض الزراعيه فين و النيل فين؟ معلومه تمثال الحريه صح اللى انت قلتها فعلا انا فاكره حاجه زى كده برضه و حكايه ان قناه السويس اتبنت سخره و بالكرباج دى اثبت التاريخ عدم صحتها كانو بياخدوا اجر دايما احنا نحب نقول كلمه سخره دى من ايام الفراعنه حتى و التاريخ بيقول الاهرامات و ابو الهول ما اتبنوش سخره زى ما يشاع الا بقى لو فى حال قناه السويس كان منهم مساجين و محكوم عليهم بالاشغال الشاقه يخدوهم يعملو حاجه مفيده فى حياتهم بدل هدم الجبل و الله اعلم فاروق ما كانش ملاك و لا اللى بعده لغايه دلوقتى لكن كان اقتصاد البلد احسن بكتير على ايامه و الناس احسن حالا بكتير و لو عندك حد كبير جدتك او جدك يحكولك زى ما كنت عايشه طول عمرى مع امى فى ذكريات الماضى الجميل مصر كانت ازاى زمان و شوارعها و ناسها و دلوقتى بقت ازاى و كانت الله يرحمها دايما يقول احنا كنا عايشين فى حلم جميل اتقلب كابوس من الاخر احنا محكومين طول عمرنا بقراعنه مع اختلاف المسميات ملك او رئيس جمهوريه او قائد ثوره او غيره النظام اللى كان بيحكمنا لمده خمسين سنه على الاقل هو نظام مسخ ليس له ملامح واضحه فى ظاهره الديمقراطيه و فى باطنه القهر و القمع و الظلم و السبب انه ما حدش حكم مصر بيحب مصر اكتر من نفسه الا محمد نجيب اللى ما عمرش فيها بسبب حبه لمصر و قوله كلمه حق و ربنا يسترها علينا يابنى و تقف مصر على رجلها تانى و تحيا مصر |
| مواضيع مشابهة: | ||||
| › بعد زيارة سوزان الاخيرة لنجليها في سجن طرة تسوء حالتهما النفسية "و جمال يرفض الخروج من الزنزانة " | ||||
