اليوم كان وقفة للمدرسين امام نقابة المعلمين و قد وصل على المتظاهرين الى 5000 مدرس و قد هدد المتظاهرين بعدم الذهاب الى المدارس فى اول يوم فى الدراسة و ذلك بسبب تجاهل مطالبهم و الذى كانت ادخال المدرسين فى الحد الادنى و اعطائهم حافز ال200 % الا ان سقف هذه المطالب ارتفع كثير بسبب تجاهل وزير التعليم لهم و طالبو باقالة هذا الوزير و الذى قال لهم ان هذا اخر ماعنده و ان المتضرر يذهب الى القضاء يذكر ان وزارة التريبة و التعليم قد قاعطت المدرسين حوافز يسمى بحافز الاداء و يصل الى 75 % للمدرسين المساعدين و قد قال كثير من المتظاهرين ان المرتب بعد هذا الحافز الجديد لن يتعدى 540 جنيه و ذلك للمدرسين المساعدين و قالو انه لو استمرت الوزارة فى تجاهلها لمطالبهم فسيقومون بعمل اضراب فى المدارس التى يعملون بها

عندهم حق بصراحة

والله حرام هى نقصه كمان المدرسين فيه ناس مش لاقى تاكل غيركم

يا مستر هشام
مش الوزير كان وعدهم وكانوا سعداء والمشاكل انتهت ؟؟؟
والا دى مطالب جديدة ؟؟؟

شكرا مشرفنا العام مستر هشام

والله انا مش فاهم بس كل فئه لها مطالب مش نهمد ونتهد شويه بقى سنه ولا سنتين وخلي حال البلد يمشي وبعد كده نطالب يعني ساكتين 30 سنه وفي كام شهر نعمل وقفات واضرابات . هو عريان سنه واشتكى الخياط في يوم ههههههههه طب ما فيه ناس عاطله مش لاقيه تاكل اصلا ورزقها يوم بيوم تعمل ايه تكسر الدنيا .

يا مستر هشام
مش الوزير كان وعدهم وكانوا سعداء والمشاكل انتهت ؟؟؟
والا دى مطالب جديدة ؟؟؟

شكرا مشرفنا العام مستر هشام

ايوه فعلا الكلام صح لكن هو ما نفذش الوعد و الغى حافز ال200% و عمل حوافز جديده كده هتخلى المدرس يبقبض مرتب اقل من الحد الادنى و ده فى الوقت الى كل موظفين الدولة هيقبضو مرتبات اكبر من الحد الادنى

يا جماعه ياريت محدش يرد الا لما يكون فاهم الموضوع
اول ما وزاره الماليه قالت ان مفيش حد ادني للمدرسين المدرسين قرروا انهم يقاطعو امتحانات الثانويه العماه لكن وزير التربيه الكذاب قال ان المدرسين ليهم حد ادني و بعد الامتحانات قال مفيش حد ادني لانهم بياخدو كادر
معني كده انا مدرس من سنه 1997 يعني 14 سنه و مرتبي 740 جنيه بعد الكادر اللي فضحونا عليه في حيث ان الفراش في المدرسه حيطبق عليه الحد الادني يعني الفراش اللي لسه متعين حياخد 700 جنيه اقل مني باربعين جنيه؟؟؟؟ ده يرضي حد لازم المدرسين تتكلم و ان شاء الله حناخد حقنا

الجماعه اللي بيقولو اصل المدرسين بتدي دروس طب ما المحامي الصبح شغال في المحكمه و بعد الظهر عنده مكتب ليه محدش قال بيعمل قضايا خصوصيه؟؟؟
المحاسب شغال الصبح في شركه و بعد الضهر شغال في مكتب
الدكتور الصبح في المستشفي و بعد الضهر في العياده ليه مش بنقول بيعمل كشف خصوصي؟؟
يا جماعه اتقوا الله و محدش يقول حاجه من غير ما يفهم

والله حرام هى نقصه كمان المدرسين فيه ناس مش لاقى تاكل غيركم

ماشي يا حبيب قلبي لما ظباط الشرطه عملو اضراب عشان الزياده منطقتش حضرتك ليه؟
و لما الدكاتره عملو اضراب عشان الحد الادني سيادتك مفتحتش بقك ليه
روح اتلهي يا عم و بلاش كلام كتير

والله الجماعه الى بيهاجموا الحمله دى

لو قعدتوا وسط شويه مدرسين بيتكلموا عن الموضوع ده

لهيصعبوا عليكم .. انا مليش علاقه بالتدريس

بس شفت المدرسين وكلامهم والمعاناه الى بيعانواها

واصلا المفروض يهتموا بالتعليم لانه اساس المستقبل

يا جماعه ما فيش حد بيهاجم المدرسين ولا حاجه وعارفين انهم مظلومين والبلد فيها ناس مظلومه اكتر من المدرسين كمان بس الكلام بصفه عامه بنقول نهدي شويه لغاية ما حال البلد يمشي .
وفيه بطاله وناس مش لاقيه شغل خالص ولا وظيفه ولا حتى 500 جنيه في الشهر وفيه ناس كانت كاتبه وبتشتكي لانها لا تملك حتى بطاقة تموين . يعني المدرسين مش اقل ناس في البلد وكله هيتحل وكله يتصلح باذن الله هو خراب 30 سنه يتصلح في يوم . بس كمان ما فيش داعي للحكومه تفضل تكدب وتوعد الناس الافضل يكون فيه صدق شويه .
واللي تشوفوه يا رجاله

الحكومة مش هتذود المدرسين لانها عايزاهم يسافروا يشحتوا من الخليج ويحولولهم الدولارات

المعلم مظلوم اللى عنده عيل واحد فى البيت بيتشقى شويه بيكون مش طايق البيت
الله يكون فى عون المعلم الذى يكون لديه فى الفصل 60 او 70 تلميذ المفروض انه يعلمهم
فى ناس تقول أن المعلم ينتظررررررررررررررر لمتى؟
وبعدين فى تفاوت فى مرتبات المدرسين بين المحافظات وفى تفاوت اكبر فى الادارات ليه وخصوصًا فى الصعيدليه؟

يا جماعه ما فيش حد بيهاجم المدرسين ولا حاجه وعارفين انهم مظلومين والبلد فيها ناس مظلومه اكتر من المدرسين كمان بس الكلام بصفه عامه بنقول نهدي شويه لغاية ما حال البلد يمشي .
وفيه بطاله وناس مش لاقيه شغل خالص ولا وظيفه ولا حتى 500 جنيه في الشهر وفيه ناس كانت كاتبه وبتشتكي لانها لا تملك حتى بطاقة تموين . يعني المدرسين مش اقل ناس في البلد وكله هيتحل وكله يتصلح باذن الله هو خراب 30 سنه يتصلح في يوم . بس كمان ما فيش داعي للحكومه تفضل تكدب وتوعد الناس الافضل يكون فيه صدق شويه .
واللي تشوفوه يا رجاله

يا عبد الرحمن المدرسين متكلمتش خالص ايام الثوره الا مدرسين العقود اللي مرتبهم 104 جنيه في الشهر يعني يطلع عين اهله طول الشهر عشان 104 جنيه
انما لما انضحك علينا و لازم نتكلم امبارح كان فيه اضراب في السكه الحديد ليه محدش اتكلم عليهم و قال مهو همه بياخدو مرتبات عاليه انما المدرسين الاعلام بتاعنا مصورهم انهم وحوش مفترسه و لا انا غلطان؟
انا معاك ان فيه ناس مش لاقيه بس لما واحد مرتبه 740 جنيه و بقاله 14 سنه و عاهل اسلاره يصرف منين؟؟حتقولي الدروس فرضا يا عم كل المدرسين بيدو دروس انت ناسي ان الدروس في شهر 10 /11/10/3/4/5 بس يعني ست شهور و الباقي علي المرتب بس