شايل مادتيين ومخدتش درجات الرأفه، هل فيه حل؟

السلام عليكم ورحمة الله وبركاته
انا طالب فى كلية أداب سنة تانية والسنادى هى سنة الإعادة بالنسبة ليا
وانا شايل 5 مواد فى الترم التانى بس ومعييش حاجة فى الترم الاول
المهم انا شلت منهم مادتين، مادة ميتة "الفلسفة المعاصرة فى آسيا وأفريقيا" وجبت فيها 4
والمادة التانية "مدخل إلى الفلسفة السياسية" وجايب فيها 8 ليه بقى مرفعوش ليا المادة دى وضافوا درجتين بس؟
انا اعرف واحد شايل مادتين فى الترم الاول "مواد اساسية فى السنة اللى هو فيها" وشال اتنين فى الترم التانى "كانوا مواد هو شايلهم من السنة اللى فاتت" يعنى اربع مواد والاربع مواد اترفعوا وخد درجات الرأفة لمواد السنة دى ودرجات رأفة للمواد اللى شايلهم كل على حدة
انا عايز استفسر هل فيه اى امل حتى لو ضعيف انى ارفع ال 8 دى وتبقى 10 لأن الترم التانى السنة الجاية كده هيبقوا 10 مواد وهيبقى ارهاق كبير اوى عليا فهل ينفع اعمل تظلم او اى حاجة واطلب درجتين رأفة لمادة واحد بس؟
وهل ينفع انى اطلب اعادة تصحيح "مش اعادة رصد درجات" لو فيه مادة انا متاكد انى حالل فيها كويس لكن درجاتها مش منطقية؟
وشكراً جزيلاً لكم...