مساء الخير على أحلى منتدى
حبيت فى بداية انضمامى ليكم انى اقولكم نكتة بس لما دخلت على النكت لقيت ان كل نكتى قديمة وبايخة فحبيت اتعرف بيكم من خلال قصيدة ؛ انا طبعاً مش باكتب شعر بس باتذوقه كويس و فى بداية تعرفى عليكم احب اهديكم قصيدة عامية للشاعرة المصرية عواطف حافظ اتمنى يارب تكون بداية تعارف حلوة وتعجبكم واسيبكم مع القصيدة :

ما بتحبنيش


ما بتحبنـــــيـش
طب ليه فى كل المشاعر دى
خلتنى أعيــــــــش
وليه معاك دوبتنى
وأخدتنى لسابع سما
كأنى طير بجناح وريــــــش

وليه زرعت فى دنيتى
جنة أمل
وسعادة نيلها ما ينتهــــيش

ما بتحبنــــــيش
طب كنت سيبنى فى وحدتى

أبكى وأدارى فى دمعتى
وأصبر وأعـــــيش

دلوقت هاعمل إيه أنا
بعدك ماليش أصحاب هنا
وأحباب مالــــيش

طب كنت قول من وقتها
قبل الحكاية دى كلها
كنت قول
ما بحبكـــيش

شكراً يا جماعة على الترحيب
لأ لأ كفايه ؛ مش معقول كل ده
طب ايه ؟؟!!