أعلنت وزارة الاسكان و التعمير انها ستطرح 6100 قطعة أرض للاسكان العائلى فى 25 سبتمبر المقبل كدفعة أولى من اجمالى 100 ألف قطعة أرض و تبلغ مساحات الاراضى المعروضة 210 و 275 مترا.

و صرح فتحى البرادعى وزير الاسكان طرح الأراضى فى 12 مدينة كل 4 أشهر حتى يمنع ظاهرة تسقيع الاراضى. و اشار وزير السكان ان الدفعة الاولى للاراضى المطروحة ستقسم على النحو التالى:

ما يزيد عن 500 قطعة أرض فى مدينة الشروق.

ألف قطعة أرض فى مدينة 15 مايو.

700 قطعة أرض فى مدينة بدر.

775 قطعة أرض فى مدينة السادات.

215 قطعة أرض فى مدينة العاشر من رمضان.

ما يزيد عن 500 قطعة أرض ببرج العرب.

675 قطعة أرض بمدينة بنى سويف الجديدة.

670 قطعة أرض بالمنيا الجديدة.

261 قطعة أرض بأسيوط الجديدة.

261 قطعة أرض بسوهاج الجديدة.

و باقى قطع الأراضى فى أسوان و الصالحية الجديدة.

وأوضح وزير الاسكان انه سيتم طرح هذه الأراضي بنظام القرعة بعد إقرار قانون الاسكان الاجتماعي الذي وافق عليه مجلس الوزراء تمهيدا لإصدار مرسوم به.

و سيتم عرض الأراضى ب380 و 580 جنيها للمتر على أن يتم دفع 25% مقدم و الباقى على أربع أقساط سنوية و يتم البناء فى خلال خمس سنوات و لا يجوز التصرف فى الارض الا بعد خمس سنوات ضمانا لتعمير المدن الجديدة.

مشروع فاشل وبدون دراسه ولا تخطيط

عاوزين مشروع قومي بجد

مشروع فاشل وبدون دراسه ولا تخطيط

عاوزين مشروع قومي بجد

عندك حق الخطير جدا
اى كلام بيتقال وخلاص ليشغلوا الشباب

شكرا مووون

لا حول ولا قوة الا باللة
لسة برضة الحكومة ماشية بنظام تخلص من حمامك القديم
المهم يكون فية سيولة فى الوزاراات
والخبر الاكيد ان شاء اللة هى المواجهة مع وزارة الداخلية حيث ان الوزارة نشطة فى تحرير مخالفات مرورية وطبعا دة مش علشان اعادة النظام للشارع لا دة الهدف الوحيد منة جمع المال واللى انا متاكد منة ان المخالفات على الملاكى فقط لعدم الاحتكاك بسائقى الميكروباص والتاكسى خوفا من الاعتداء عليهم اذا حررت ضدهم مخالفات وطبعا المخالفات المرورية والسير عكس الاتجاة وافتعال ازمة مرورية وبلطجة لن تكون من الملاكى
لكى اللة يا مصر

على مايبدو ان الاراضى ليها ناس معينة وبكره نشوف ونسمع

انا زهقت من المشاريع الفشلة دية مفيش مرة مشروع بجد ويكون كويس

انا مفيش مرة قدمت فى القر عة ونجحت انا ما زلت متاكد ان هذه الارض ليها اصحابها

الاسعار غالية جدا
دي اراضي في اماكن بعيدة المفروض تكون ارخص من كدا
يعني اقل قطعة متقلش عن100 الف جنية
غير البنا

امال فين الاراضى ام واحد جنيه وام خمسين قرش ولا خلصت !!!!!

امال فين الاراضى ام واحد جنيه وام خمسين قرش ولا خلصت !!!!!

للاسف دي كانت لصاحبها بس يا عم مش لي انا وانت والغريبه يا اخي كانت بالمليون متر حسبي الله ونعم والوكيل فيهم وفي المخلوع ابن الكلب الواطي .
وحكومة ما بعد الثورة كمان جيه تبيع لنا المتر بـ 500 جنيه ههههههههههه يعني لو عايزه شقة يدوب 200 متر بـ 100 الف جنيه . الله اكبر

اناشايف ان الاسعار عادية ومناسبة لجزء كبير من الناس ولا انتوا عايزين الارض شكك كمان

يعنى اشتغل ومراتى تشتغل وابويا يشتغل وامى تشتغل علشان اعرف اسدد المبلغ ومش هيكفى وتتسح منى يا سلام ادفع 25الف مقدم طب انا لو معاى 25الف جنية طب ماسافر احسن وعلى اربع اقساط ازاى ادفع 20الف فى السنة هو انا حرامى دالناس بتكح مسامير شيش

لا مش عايزنها ببلاش عوزنها من 2 الي 5 جنيه للمتر
زي الحرمية الي خدو

أرجوكم اشعروا برب الأسرة شوية

يعنى احنا مش هنقول 2ال5جنيه المتر زى الى خدو بس تكون بسعر معقول دى الصحراء عندنا مفيش اكتر منها يعنى لما يكون 100 معقول جدا بس المهم المرافق امال فين الثوره وحكومه ما بعد الثوره والناس الى كانو بيكلمو كتير على كده مشروع ابنى بيتك يكسب

اما فين بقيه الاعلان والرشوة بتتدفع نقدى قبل التسليم او امضاء العقد انا زهقت وشكلك هسيب البلد خلاص

يا شباب .. حاولوا تدعموا مشروع الباز للتنميه
هو بحق مشروع قومي سيجلب لمصر الخير
علي مدار السنوات القادمه
تواصلوا معه علي صفحته بالانترنت
ويا رب يصلح الحال

حرام عليكوا بقى وحسوا بينا شوية تعبنا من العقود المحددة المدة ونفسنا نستقر ده انا بقى عندي45 سنة

والعدد المطروح للبيع هيكفى مين ولا مين .. رجعت ريما..........

خلاص رجعوا فى كلامهم واليوم9/14 بتقول مصادر إنهم رجعوا فى كلامهم وأجلوا طرح الأراضى علشان قلة الوارد

فى العهد الفاسد كان سعر المتر فى ابنى بيتك 70 جنيه بالمرافق بالاضافه الى تسهيلات فى تكاليف الترخيص للبناء
الشعب يريد سعر الارض بعد الثوره اقل اقل اقل اقل اقل اقل اقل

انا اعرف ان هذة الحكومة ليست حكومة الشعب انها حكومة مبارك علشان كدة مريح دماغى دى حكومة الجنية

طيب ازاي التواصل مع المشروع ده

الواضح ان مفيش فيــــــــــــــــــــــــــــــــــــده الاسلوب هو هو وربنا يرحمنا

حاجه وسخه يا وعمرها ما هتنضف الحرامى ياخد الاف الامتار بشوية جنيهات وصاحب احق ياخد شوية امتار بالاف الجنيهات فين العدل - يا ريت البيه المسءول يراجع ضميره ويوزنها لعله يتفهم الوضع .... واخيرا سلملى على السياسه الموحدة للوزراء

كويسه بالنسبه للشباب هنتعب دلوقتي شويه بس معلش

هيه معقوله شوية وانشاء الله ربنا هيعنا بس يارب يصدقوا

الواحد مش لاقي كلام والله الاراضي اللي في البلد كتيير مش بتاعتهم بتاعتنا يا ناس نعمل ايه الحق ليه مش عاوز يرجع لصحابها

يعني لو هاخد 200 متر × سعر380 جنيه يبقى هدفع 19000 جنيه مقدم ... وكل شهر تقريباً 1500 على مدار 48 شهر والمطلوب في نفس الوقت اني ابني دور أرضي وثلاثة أدوار خلال الخمس سنوات يعني مطلوب على الأقل 100.000 جنيه يعني مطلوب حوالي 2000 جنيه كل شهر كمان على شان ابني خلال مدة الخمس سنوات يبقى المجموع الكلي
2000 جنيه بناء + 1500 قسط شهري = 3500 جنيه شهرياً
! ! ! ! ... فعلا الأراضي ديه في متناول محدود الدخل أو متوسط الدخل متوسط الدخل متوسط الدخل
بجد أنا أسف اني صدعتكم ... لا إله إلا الله محمد رسول الله

عايز اعرف الشروط والاوراق المطلوبه لحجز الارض ضروري ضروري يا ريت اعرف بسرعه واي حد يقولي لى الورق المطلوب