نشرت جريدة الوفد خبر عن قيام الدكتور عصام شرف رئيس الوزراء بانقاذ حياة طفل رضيع فى محافظة السويس و ذلك بعد احد المواطنين بالذهاب الى المستشفيات الحكومية و التى رفضت استقبال حالة ابنته الرضيعة " سما " و ذلك بسبب اصابتها بانسداد في المرىء و على ذلك لم يستطيع الوالد وضع ابنته فى مستشفى خاصة بسبب ارتفاع التكاليف و لذلك ارسل شكوى الى السيد رئيس الوزراء و الذى قام على الفور بتحويل " سما " الى مستشفى ابو الريش لاجراء العملية خلال ساعات و قد شكر هذا المواطن الدكتور عصام شرف على هذه الاستجابة السريعه و اعتقد اننا لو كنا فى عهد مبارك فكان سينظر الوالد ربنا شهور حتى يتم اجراء العملية

والله شرف ده راجل محترم جدا بس عايزين نصبر عليه شوية

شكرا للدكتور عصام شرف

جزاك الله خيرا عن هذا الطفل و اهله و كل شعب مصر
بس برضه العمليه فيها قلق
لسه ما فيش حاجه بتحصل الا لما يدخل فيها رئيس الوزراء
كويس انه انقذ هذه الطفله و ده من فضل الله
فمن ينقذ باقى الاطفال الذين ترفضهم المستشفيات و مش عارفين طريق عصام شرف او المشير او رئيس مصر القادم؟
نداء الى الدكتور النبيل عصام شرف
لا بد من حل المشكله من الجذور اول باول لتصل مجهوداتك الطيبه لكل اهل مصر المحتاجين
و تحيا مصر

شكرا يادكتور

الله يبارك لك يادكتور عصام شرف
حفظك الله يامصرنا الحبيبه

موقف انسانى يحسب للدكتور شرف
شكرا على الخبر

ربنا يبارك له فى صحته و اولاده و يكتر من امثاله يارب يارب يارب ..

شكرا يا دكتور

دكتور شرف معروف بطيبة قلبه واخلاقه العالية
بارك الله فيه

شكرا مشرفنا العام مستر هشام

جزاه الله خيرا فهو فعلا رجل محترم

رد على الموضوع مكرر واسف

هو موضوع زي ده وحق لكل مواطن
ما يتحلش الا بامر من رئيس الوزراء
انا مش عارف الثورة جت عشان نغير مبارك وبس.........!!!!!!!!!!!!!!!!!!!!!!
ده يتحسب عليه مش له
فين التغير اللي حصل بوزراة الصحة
اللي كان الموطن يعاني منها الكتير بالرعايه الصحه
حتى دخول عيان بالواسطه
مصيبه والله

هو موضوع زي ده وحق لكل مواطن
ما يتحلش الا بامر من رئيس الوزراء
انا مش عارف الثورة جت عشان نغير مبارك وبس.........!!!!!!!!!!!!!!!!!!!!!!
ده يتحسب عليه مش له
فين التغير اللي حصل بوزراة الصحة
اللي كان الموطن يعاني منها الكتير بالرعايه الصحه
حتى دخول عيان بالواسطه
مصيبه والله

ده اللى انا حاولت اقوله فوق يا اخ زهير و يا ريت الشعب يكون على وعى اكتر بمجريات الامور
و اخشى ان تكون مثل هذه الاخبار تلميع للدكتور عصام شرف علشان رئاسه الجمهوريه
لانه فى مقابله من مقابلاته قال انه جائز ان يستقيل من رئاسه الوزراء قبل الانتخابات و يترشح للرئاسه
و اقول للدكتور عصام شرف اذا اردت ان تصل الى رئاسه مصر لازم ترجع لميدان التحرير و لنفس الروح و تمد يدك للثوار و الشعب و تحقق المتطلبات و الفرصه كانت و ما زالت امامك فلا تضيعها
و لن ينفعك من اضاعوا مبارك من قبلك
و تحيا مصر