موقف عايز أخد رأيكم فيه أولا أنا كنت بشتغل مسئول مخزن لمحل ملابس كبير في إسكندرية و كان ليا وضعي و مرتب كويس بس الشغلانة دي ملهاش أمان المهم إتعرفت على زميلة ليا هناك آية في الأدب و الأخلاق و الجمال كنت بحس من نظرتها ليا بحب كبير و خوف عليا و تقدير لطبيعة شغلي الشاقة فقررت بيني و بين نفسي إني أتقدم لها و أهلي وافقوني بس كنت معلق الموضوع بسبب ظروف عملي الغير مستقرة و قلت مينفعش أدخل في الموضوع إلا لما ألاقي شغل ثابت ولو بعقد بعد فترة لاقيت أخوها جه يشتغل معايا قلت فرصة أشرحله وجهة نظري بس من غير تفسير منعا للإحراج و إقتنع برأيي فضلت أدور على شغل تاني لحد محصلت مشكلة بيني و بين صاحب الشغل و سبته بس فضلت متابع الموضوع لحد ملقيت الفرصة في شركة أدوية رحت الشغل أسأل عليها عرفت إنها و أخوها سابوا الشغل إتصلت بيه مبيردش و لو رد يبقى بعد مدة طلبت منه إني أقابله كذا مرة ساعات يوافق بس ميجيش و ميتصلش بيا و من يومين واحدة زميلتها بتقول أنها سمعت إنها إتخطبت هل أنا غلطان ؟ حد يقول لي !

--------------------------------------------


كام واحد حصل معاه الموقف ده ؟؟

و يا تري الحل أيه ؟؟

لا أنت مش غلطان لانك لو كنت أتقدمت لها بظروفك دى مش كانت هتوافق ولو هيه وافقت اهلها كانو هيرفضوا
انت عملت الصح ووجهة نظرك انك كنت تستقر في شغل بس بردو كنت كلمتها ووضحت لها ظروفك علي الاقل يبقي عندها فكره انها في بالك هيه ممكن تكون ظنت انها مش علي بالك بس تأكد أن ربنا شايلك الافضل لعله خير