عجبتني فكرة اني اتابع اخبار الشعب المصري وانقلكم يوميات مواطن مصري متجددة كل اسبوع حكاية حقيقية من الشارع المصري وخصوصا اني انا مواطن وموظف حكومي وده بيخليني في قلب الحدث ساعه بساعه وهنبدأ الحكايات من اول الاسبوع الجاي إن شاء الله ويا رب اكون عند حسن ظنكم وحكاياتي تكون عجباكم

حكاية مواطن مصري بسيط موظف حكومي غلبان مرتبه يا دوب مواصلات يخرج من بيته الصبح يروح وظيفته ويرجع البيت العصر بس طبعا مش بالساهل نشوف حصل ايه في يوم عادي جدا من أيام العمل الرسمية بدأت طبيعي بالفطار طعمية وفول وبعدها كوب شاي يعدل الدماغ ادي اول ساعه ضاعت من اليوم يدخل بعد كده بقى على شوية شغل من الي مركونين وهات يا قراية وتعديل وكتابه لحد ما يزهق ياخد راحة بقيت اليوم الي هما ساعتين يحل فيهم كلامات متقاطعه بس موظفنا ده مثقف جدا بيحل سو دو كو كمان يعني مخه شغال
يبقى انت كمواطن بتضيع وقت العمل في حاجتين الفطار والكلمات المتقاطعه يبقى ومع ذلك متضايق من قلة المرتب والدخل تفتكروا ده حله يكون ايه على فكرة دي اول حاجة حبيت اوضحها الاول عن حياة المواطنين المصرين قبل اي حكايات تتقال حقيقية لان ده حال الموظفين في مصر ومش هعمم عليهم كلهم لان في ناس بتشتغل صح بس مش كتير قلة قليلة واكيد هيكون في حكاية مواطن مصري متجددة كل اسبوع حكاية معانا