|
بعد ان قام المتظاهرين اليوم فى المظاهرة المليونيه والمسماه بجمعه تصحيح المسار بالتوجه الى السفارة الاسرائيليه وهدم الجدار العازل التى قامت السفارة ببناءه بعدما قام المتظاهرين فى السابق بالقيام بمظاهرة استمرت عده ايام امام السفارة وقام احد المتظاهرين بالتسلق الى اعلى السفارة وانزال العلم الاسرائيلى ورفع العلم المصرى قام المتظاهرين اليوم بأقتحام مخزن تابع للسفارة الاسرائيليه والحصول على بعض الوثائق ويقوم بعرضها على شاشات الفضائيات وقامت العديد من الفضائيات تصوير بعض تلك المستندات
 
         |
|
طيب وايه الفايده من هذه الوثائق . هل تفيدنا في اي حاجه ؟؟؟؟؟؟؟؟؟؟ ولا احنا بندور على المشاكل وخلاص |
|
هي لو كانت مهمه كان سابوه كده
لو كان في الخير مارماه الطير بس الناس عايز اي حاجه تفش غلها بيه وبس مهما كانت |
|
اسرائيل مش هتعدي الحكاية دي ع خير وكمان حكاية الورق دي هتستفزها اوي
ثااااااانكس |
|
اسرائيل مش هتعدي الحكاية دي ع خير وكمان حكاية الورق دي هتستفزها اوي
ثااااااانكس طبعا مش هتعدي وكفايا الكلام اللي ممكن نسمعه من كلاب اسرائيل زي مثلا مصر لا تستطيع حماية سفارة فكيف لها بحماية سيناء وخدي عندك بقى تلكيك واستفزازات وحرق دم . وانا مش فاهم الشباب بيتصرفو كده ليه ويحطو الحكومه والجيش ومصر بالكامل في هذه المواقف . ربنا يستر بقى |
|
اكيد طبعاااا الوثائق دى مش مهمه خصوصا بعد المظاهرات اللى فاتت واللى حصل فيها وتسلق السفارة اكيد حتى لو فيها اوراق مهم اخدوا احطياتهم
|
|
احلى شباب الثورة
الى الامام الى الامام الى الامام |
|
احلى شباب الثورة
الى الامام الى الامام الى الامام دار وزنجه زنجة ههههههههههههههههههههههههه |
|
ايه اللى هيفيد لما يجيبوا الورق دة لو كان الورق مهم كان زمانهم ماتوا
|
|
انتو عارفين ان السفير الاسرائيلى فى مصر يبقى ابن جاسوسه اسرائيليه اذت مصر كتير زمان؟
نسيتو اللى ماتو على الحدود ؟ و اسرائيل بعد ما قالت تحقيق مشترك قالت تحقيق من طرفها بس و طبعا حنطلع احنا اللى عضينا الكلب و المصرين اللى ماتو على الحدود ماتو على ايد مصريه؟ انتو ناسيين اطفال بحر البقر و اطفال سينا اللى اصبحو نشان للقناصه على الحدود الاسرائيليه و اطفال غزه و فلسطين اللى بيموتو كل يوم و المستوطنات اللى بتوسع و المسجد الاقصى اللى بيتهد و القدس اللى بتنتك كل يوم؟ ناسين الاستفزازات من اسرائيل و من الحكومه المصريه رفع العلم بعد انزاله و كمان بناء جدار عازل يحميهم حنستحمل و نخاف من القوانين الدوليه لامتى؟؟؟؟؟؟؟ هم ليه مش بيعملوا حساب القوانين الدوليه و الا القوانين الدوليه دى معموله علشان احنا نطاطى و بس و اسرائيل تبرطع براحتها و تقتل فينا و فى اولادنا و تفضل على طول فوق كل قانون و كل عرف؟؟؟ لو الحكومه رجاله بعد اللى حصل يسترجلوا و يقطعو العلاقات و يسحبو السفير المصرى و يطروا الزباله بتاعتهم دى ابن الجاسوسه اللى شغال عبث و غباوه و اذى فينا دول اللى دخلولنا المسرطنات و دول اللى دمنا و دم العرب كلهم رخيص عندهم دول اللى فاهمين انهم شعب الله المختار و دول اللى اختاروا مقر السفاره دى علشان تكون اول حدود الدوله الاسرائيليه المنشوده من النيل (من مقر سفاره اسرائيل فى مصر) الى الفرات كل ده نسيتوه و خفتوا من القانون الدولى؟؟؟ اول رد فعل لاسرائيل انكرت انهم دخلو السفاره و اقتحموها (عايزه تلم الدور) و علشان يثبتوا انهم اقتحموها رمو الوق و لسه اسرائيل بتقول لا دول فى المدخل ما اقتحموش السفاره لو القوانين الدوليه دى فعلا مفعله و فعلا لها اى فايده كان من زمان اتقاقيه السلام دى و التطبيع مع الزفته اسرائيل بخ لكن القوانين مععموله علشان احنا نطاطى و هم يحققوا حلمهم فى الدوله الزباله من النيل للفرات و تركيا اجدع مننا لو الحكومه المصريه ما قطعتش العلاقات بعد اللى حصل فوقوا بقى و ارفعوا راسكم فوق و خليكو مع الشباب اللى عايز يرفع راسكم مش مع ابن الجاسوسه النجس و تحيا مصر |
|
ما فيش حد مع ابن الجاسوسه يا اختي بديعه الله يحرقه هو وامه بجاز وسخ لكن هل تركيا طردت السفير تاني يوم ولا بعد سنه من الموقف وليه تركيا طردت السفير هذه الايام بالتحديد وهل تركيا كان فيها انفلات امني ومرحلة انتقاليه وعدم استقرار . وبعدين الخراب اللي حاصل ده كله من الثوار تبقى مصيبه . الداخليه ومدرية امن الجيزه ولسا ربنا يستر وبعد شويه نسمع ان المتظاهرين فضو التظاهر بعد المغرب والتخريب من عناصر مندسه وايادي خفيه ومش عارفين العناصر المندسه هي اللي هترفع راسنا ولا ايه بالتخريب والبهدله دي |
|
وليس لها اى نفع هذه الاوراق لكن فعلا اخ عبد الحمن اسرئيل هتعملها شماعه وتبتدى تشتغل علينا ربنا يسترها الايام الجايه
|
|
اصلا اسرائيل مش ساذجة يعنى عشان يعملو اوراق و ارشيف و يحتفظوا بيه في مخان زينا
الموضوع دة من زمان مش موجود الا عندنا احنا بس لكن الاوراق دى لها هدف معين و ربنا يستر |
|
ما فيش حد مع ابن الجاسوسه يا اختي بديعه الله يحرقه هو وامه بجاز وسخ لكن هل تركيا طردت السفير تاني يوم ولا بعد سنه من الموقف وليه تركيا طردت السفير هذه الايام بالتحديد وهل تركيا كان فيها انفلات امني ومرحلة انتقاليه وعدم استقرار . وبعدين الخراب اللي حاصل ده كله من الثوار تبقى مصيبه . الداخليه ومدرية امن الجيزه ولسا ربنا يستر وبعد شويه نسمع ان المتظاهرين فضو التظاهر بعد المغرب والتخريب من عناصر مندسه وايادي خفيه ومش عارفين العناصر المندسه هي اللي هترفع راسنا ولا ايه بالتخريب والبهدله دي الشعب التركى هاجم سفاره اسرائيل فى تركيا عادى ما هم لازم توصل لهم رساله و وصلت و السفير غار فى داهيه هو و عيلته (قشطه)؟ مين اللى ابتدى؟ احنا و الا هم؟ ليه الاستفزاز ده؟ قتل الناس على الحدود على طول مش اول مره و اخرهم بناء الجدار العازل و المجلس العسكرى قال انه لم يأمر ببناء الجدار و مش عارف مين اللى بناه؟؟؟ غلطه و صلحها الشعب و هد الجدار و نزل العلم تانى المره دى خمس شباب يرفعو عليهم قضايا براحتهم الحرق و الخراب ده تمثيليه تانيه ابتدت بدهس المتظاهرين بسياره شرطه تانى و حرق المديريه تانى باين قوى مين له مصلحه فى كده ما تخفش مصر يحكمها الشعب دلوقتى مع المجلس العسكرى يعنى الجيش و الشعب فى القانون الدولى اللى انا مش فاهمه فيه حاجه خالص ههههههههه اكيد دى ظروف طارئه و لازم اسرائيل تلم الدور و تخلى السفير بعيد لغايه ما يبان لنا رئيس و تحيا مصر |
|
برافوا يا عبد الرحمن
انت قلت اللي عايز اقوله بالظبط يا جماعة احنا بقي عندنا انفلات امني واضح جدا و الهبل ده ما لوش اي لازمة |
|
بصراحة حكومتنا جبانه اكثر من اللازم وصاحبة واجب اوى
يعنى كان لازم يطرد السفير او نستدعى سفيرنا هناك والجدار ده كانوا عملوا بثمنه عيش وزعزة على الناس وزودوا حصص المخابز الفقرانه منهى الاستفزاز من الداخل والخارج وبصراحة بقى اللى يعمل نفسه مداس مايزعلش منار |
|
يا جماعه فى حاجة اسمها اجرائات دبلوماسيه وفى حاجة كمان اسمها مخابرات عامه وعسكريه بيبقوا عارفين حاجات احنا مش عارفينها فياريت منحكمش على المجلس العسكرى بالباطل كدة وبجد نسيب الناس تتصرف والله انا حاسس ان مصر بتضيع ربنا يستررررررررررر
|
|
تشرفت بمروركم الرائع
وربنا يحمى |
|
تكسير الجدار ووضع علم مصر مكان علم اسرائيل جميل جدا
ولكن ما حدث من تجاوزات فيما بعد فهى التى لا تجوز اى شىء لازم يكون بحدود والأهم من الأوراق اننا نحافظ على بعش المصريين ومش نفرج العالم على نفسنا واحنا بنعادى بعض شكرا مشرفنا العام جهاد |
|
و الله يا جده كلامك جميل و فى الصميم
لكن فى ميت سؤال بيدور فى ذهنى الان احب دايما اشغل دماغى اللى مش مريحانى اليومين دول ابداااااااااا باتكلم عن احداث الداخليه سيبكم من المليونيه الحمد لله نجحت و احداث السفاره عدت على خير و الثلاث اهداف حققت بطريقه او باخرى اتهد الجدار و اتشال العلم و السفير غار فى داهيه لا ترجعه لكن اللى بيحصل امام وزاره الداخليه ايه؟ مين الاطفال دى اللى بترمى حجاره؟ ايه رد الداخليه الرسمى قبضت على كام واحد و جارى التحقيق برضه بجمله المحاكمات و التحقيقات اللى ممنوع نشرها و ليه الهجوم من الداخليه على قناه الجزيره لانها الوحيده تقريبا اللى تابعت على الهوا الاحداث دى لاخرها؟ و ليه التلفزيون المصرى بقنواته اللى العدد فى اللمون كلها طبيخ و رياضه و كوميدى و تمثليات و التوك شوز واضح انهم ماشين فى اتجاه واحد و مش مفهوم الهدف ما فيش صراحه مطلقه و لا احترام لعقليه الناس فى مصر ليه؟ ليه لغايه دلوقت مش فاهمين ايه اللى بيحصل و ليه التعتيم؟ ربنا يسترها معانا لما نشوف اخرتها و تحيا مصر |
|
فعلا كلامك صحيح جدتنا الغاليه
تشرفت بمروركم جميعا |
