اكدت وزارة الداخلية فى بيان عاجل انها تعلن حالة الاستنفار الامنى فى جميع اقسام شرطة القاهرة الكبرى والغاء الاجازات وزيادة الحراسة على تلك الاقسام تخوفا من اقتحام تلك الاقسام عقب محاولات لاقتحام وزارة الداخلية ومديرية امن الجيزة , واكد وزير الداخلية منصور العيسوى انه لم يصدر اى اوامر باستخدام الرصاص الحى وانه امر الشرطة باستخدام ضبط النفس مع المتظاهرين الذين احتشدوا بقوة وقاموا باقتحام السفارة الاسرائيلية وتسريب اوراق هامة داخل السفارة الاسرائيلية والاشتباك مع قوات الامن المركزي فى المنطقة ذاتها

يبدو ان حالة الطوارئ قد تعود من جديد بعد تازم الموقف
وفى خبر عاجل ايضا ان مديرية امن القاهرة هى الاخرى كثفت من قوات الامن المركزي امام اقسام الشرطة وبالتحديد الاقسام الحيوية واملتواجدة بالقرب من مناطق عشوائية خشية اقتحامها

يبدو ان مصر تدخل على وضع جديد

وزير الداخليه بيقول ان الاوراق هامه و اسرائيل بتقول مش هامه هههههههههه
و كلها اورراق من عشر سنين على الاقل
عجبى
و تحيا مصر

اه يا بلد عايزة الولد الدكر صح .. و مش خسارة فيكى اعلان الاحكام العرفية علشان المساخر دى تبطل بقى ؟؟ و اوؤكد 100% ان ما فيش ولا واحد من المحترمين بالتحرير ( الاصليين مش راكبى الموجة ) اشترك فى المساخر دى نهائيا لانه شباب واعى و مسئول خلص تظاهرته بالتحرير و انصرف بكل احترام و لم تحدث حتى ( حالة اغماء واحدة ) بالرغم من الحرارة صباح اليوم .. لكن الباقى ده مسخرة عينى عينك عايزة الكرباج للبلطجة و الحديد و النار ... مش كده و الا ايه ؟؟؟
و خير الختام ذكر النبى عليه الصلاة و السلام ******

يا رب احمى مصر وانصر الحق و عليك بالظالمين جوة مصر و برة مصر و احفظ لهذا البلد كرامته حريته امنه

لو الثوار مس السبب بس ساعدوا فى اللى بيحصل ده مش قدرين يسيطروا على الناس بيخرجوا برة ميدان التحرير ليه القنوات بتقول ان المتظاهرين خرجوامن التحير على وزارة الادخلية وخرجوامن التحرير على السفارة الاسرائيلية مادام مش قدرين يسيطروا على الموقف بيعملوا ملليونية ليه

تانى ؟؟؟؟؟؟؟؟؟!!!!!!!! هو انا حارد على النقطه دى كام مره و فى كام خبر؟
المليونيه نجحت و مالهاش دعوه باللى حصل لا فى السفاره و لا فى الداخليه
المليونيه ميعادها لغايه سته او سبعه مساءا و ما حدش من اى حزب فى المليونيه راح السفاره
اللى راحوا شباب شرفاء اللى كانو بيطالبو بهد الجدار بالشاكوش على الفيس بوك و راحو و حققوا اهدافهم كلها ربنا نصرهم بحق كلمه الله اكبر اللى قالوها و الصلا اللى صلوها كانو عايزين يهدوا الجدار اللى المشير قال مش انا اللى امرت ببناءه و المحاقظ قال آسف مش حابنى جدار تانى و اتهد الجدار و طالبو باسقاط العلم و طرد السفير و الاثنين حصلوا فعلا
بعد كده اللى حصل فى الداخليه حاجه تانيه اللى كانو فى السفاره راحوا يطفوا الحريق لقوا اشكال غريبه جنب (قسم الاحكام الجنائيه) معروف طبعا مين اللى وراهم الفلول و اللى بيتحاكموا
بلاش نخلط الحابل بالنابل كل حدث و له حديث
و تحيا مصر