ممكن تلاقي خبر كدة
انه مواطن مصري
انتحر بسبب حالة الاكتئاب التي يعاني منها
و اكيد بعدها
ها تلاقي شوية توابع للخبر
انه كان في مشاكل عائلية
ادت الي ذلك
و جريدة تقول انه كان عايز يهرب من الديون
و ممكن كمان بسبب مصاريف المدارس
و ربما تكون هناك شكوك انه زوجته قتلته عشان علي علاقة باخر
او انه اهانها قدام العيال و قال لها يا هابلة
و ربما يكون الفقيد اساس مش متزوج
ده اعتراف مني
انني الفاعل الحقيقي
لكل ما يحدث
يا الله عشان استريح
يا جماعة
حد بقي يجي بسرعة يمسكني
و يا ريت يقتلني
بدل الواحد ما يموت من الحسرة
علي بلده و علي نفسه
و علي ولاده
و امه
و ابوه
ناس مصر الطيبين
اللي بقوا يخافو
لو شافوا حد غريب ماشي في الشارع
انا بجد زهقت
من اللي بيحصل
قربت يحصل لي انهيار عصبي
يا جماعة عايزين مصر بلدنا تبقي احسن
البلد حالها بيتدهور يوم بعد يوم
البلد بتنزف و مش لاقين حد عنده نفس فصيلة الدم
البلد حالها واقف
و الناس قربت تبيع نفسها
بعد ما باعوا هدومهم عشان ياكلو
و باعوا عيالهم كمان
هل الثورة هي السبب
و الثوار هم من قاموا باشعال الحريق في وزارة الداخلية
هل الاخوان هم من فعلوا ذلك لاثبات وجودهم
و انهم لسة صاحيين
هل الاحزاب فعلت ذلك لوجود مشاكل بينهم
هل السلفيون
ولا كانت خناقة بين المسيحين و المسلمين
ولا الداخلية ولعت في نفسها عشان تتهم الثوار
و تفسد محاكمة مبارك
و كبار رجال الدولة و الوزراء السابقين
و سفارة اسرائيل
اكيد الاسرائيلين هم من فعل ذلك
لان الجدار اكيد كان بيمنع عنهم الهواء الملوث بتاع العربات اللي فوق الكوبري
و لا التراس الاهلي
اكيد هم من فعل كل ذلك
و انا اساسا مش عارف ايه الالتراس ده
ولا عايز اعرف
هل فودا فون هي من فعلت ذلك
عشان اعلان السلعوة و التعليقات التي لاقاها
ربما تكون موبينيل
طبعا و سويرس اكيد وراء كل ذلك
بسبب الخسائر التي لحقت به
قام قال ايه اشغل تفكير الناس عشان ينسوا
الثورة كانت لحماية البلد
كانت عشان ننهض بمصر من الذل و الهوان
و لا عشان كل اللي عايز يخرب في البلد
يتحامي في الثورة
هوا اللي بيحصل ده لمصلحة مين بالظبط
و بعدين نسمع انه الامن المركزي اعتدي علي الثوار امام المحكمة
طيب هوا كمان الامن المركزي مش هايقدر يحمي المحكمة ولا ايه بالظبط
و الله العظيم اللي بيحصل في البلد
مش في مصلحة مصر
هوا خلاص ما بقاش حد بيفكر بعقل
و لا كل واحد بقي بيفكر في مصلحته و بس
هوا شعب مصر
بقي نصفه عنده لا مبالاة
و النصف التاني
نصفهم
اصبحوا ثوار
و نصفهم اصبحوا حرامية و بلطجية
ده سؤال مش عارف له اجابة ؟
هي دي بلدنا
و لا احنا في بلد الوك واك
يا جماعة
ملك بنوتة صغيرة
عندها 4 سنين
بتقول انها بتخاف تنزل الشارع
احسن البلطجية
يموتوها
لما قلت لها انه الظابط هايمسك الحرامية
قالت انه الظابط ممكن يضربها بالمسدس
هيا دي بلدنا
و لا نغور ندور علي بلد اجنبي نتنيل نعيش فيه
يا جماعة عايزين البلد تهدي شوية عايزين مصر احسن من الاول
عايز امي لما تنزل الصبح تروح السوق
ما تبقاش خايفة
و ماشية تتلفت وراها
علي فكرة انا اعتقد
انه المتظاهرين
الموجودين الان
ليس لهم اي صلة
ب بتوع 25 يناير
و لا 6 ابريل ولا 7 ابريل
دول مندسين علينا من ليبيا
و تقريبا
باعتهم
الزعيم معمر القذافي
يبحثوا عن الجرذان
يا عالم
يا مصريين
فين ارفع راسك فوق انت مصري
ها نرفعها ولا هانفضل
حاطين راسنا في الارض
يا جماعة حد سامعني
ولا انا
في وادي و انتم في وادي تاني
فين الناس بتوع الفيس بوك
ينادوا بالاستقرار ولا اعمل انا جروب
عشان البلد تستقر
يا جماعة البلد دي امتي هاتستقر
و امتي هاتبقي بلد الامن و الامان
هانشتغل ولا هانشحت
طيب لو هانشحت
في حد يشحتنا ولا ايه ؟
طيب انا حالي واقف
و عايز اكل للعيال اعمل ايه
و الناس ما بقاش نعاها فلوس
و اللي معاه قرشين خايف يطلعهم
ماهو ما فيش حد عارف بكرة هايحصل ايه
ولا نولع في نفسنا و نرتاح
حد يقول لي بس