انتى متفائلة زيادة عن اللازم وبتاخدى بالظاهر اللى ادامك من غير تفاصيل
تقدرى تقوليلى مصر فى ايدها اية ومصدر قوتها اية اللى مخلياكى تقولى التحليل دا وحالا خليتى فلسطين دولة معترف بيها وحالا خليتى امريكا واسرائيل مختلفين ودا حاجة مش طبيعية وكل دا على اساس خبر او تخمين
خلليكى واقعية شوية وبلاش التفاؤل الزيادة عن اللزوم دا اللى مش هيخليكى تشوفى الامور بطبيعتها
فى مظاهرات جوا اسرائيل لاسقاط الحكومه او تعمل اصلاحات بسبب المسكن و المعيشه ده ضغط داخلى
ضغوط على اسرائيل من امريكا بسبب عدم اعتذارها لتركيا و لم الدور معاها و تركيا فى طريقها للتصعيد
ضغوط من امريكا لاسرائيل علشان تلم الدور مع مصر لان امريكا مش فاضيه لحرب دلوقت اوضاعها الداخليه و الاقتصاديه فى النازل و جيوشها فى كل حته فى افغانستان و العراق و باكستان و ليبيا و مش ناقصه الشعب حياكل الحكومه من كتر المصاريف اللى بيصرفوها على الحروب فى كل حته
مشاكل بين امريكا و اسرائيل لان امريكا كل شويه تكتشف جواسيس اسرائيلين عندها و شبكات من كل نوع دعاره و بيع اعضاء و بلاوى و اصحابها يهود
ضغوط من تركيا على اسرائيل تكاد تصل لقطع العلاقات قريب ان شاء الله
ضغوط من ايران على اسرائيل بسبب الملف الننوى و التهديدات المستمره
ضغوط من مصر على اسرائيل للاعتذار و تلويح بتغير او تعديل او الغاء معاهده السلام بسبب الشعبى و معاهده السلام بالنسبه للاسرائيل خط احمر و امن قومى بالنسبه لنا عبء عايزين نخلص منه و مصر دلوقت ليها اليد العليا علشان قتلو اولادنا على الحدود و قانونا اخترفوا المعاهده و من حقنا نلغيها اصلا
ضغوط و تهديدات من حماس متواصله على اسرائيل صحيح هى بتضرب غزه كل شويه لكن كل ده ضغط و تكلفه و تهديد لامنها القومى
ضغوط و تهديدات متواصله من حزب الله و تلويح بالحرب
ضغوط بسبب التوتر على الحدود علشان اللى بيحصل فى سوريا و معروف ان اسلحه حزب الله فى سوريا و اللى بيحارب المتظاهرين فى سوريا هم حزب الله و ايران مع الفلول و الجيش اللى محترم منه انشق و بقى فى صفوف المتظاهرين
ضغوط من فتح و عباس بالذهاب الى الامم المتحده للحصول على اعتراف دولى بدوله فلسطين و حصلت فعلا فتح على موافقه دول كتيره حتى لو امريكا استخدمت الفيتو برضه ضغط لان لو فلسطين حصلت على حق العوده ملايين حترجع و حياكلوهم و لو فلسطين بقت دوله يبقى حيرفعوا عليها قضايا فى المحكمه الدوليه بجرائم الحرب كلها اللى عملتها
ضغوط من الاردن علشان اسرائيل بتلوح بكرت الوطن البديل و عايزه الفلسطينين يروحوا الاردن وفى مظاهرات ضدها دلوقت و الشعب الاردنى بيطالب بقطع العلاقات جنب السفاره
ضغوط على اسرائيل بسبب القلق اللى بيحصل نتيجه الثورات العربيه و تغيير الخريطه السياسيه للشرق الاوسط (و مش فى صالحها طبعا)
ضغوط من فرنسا و دول اوربيه بسبب استخدام اسرائيل جوازات سفر مزوره من دول اوربيه كتيره علشان اغراض تجسسيه و عمليات اغتيال زى اللى حصلت فى الامارات و ده معناه ان صوره اسرائيل عالميا ما بقتش الحمل الوديع اللى بيعيط علشان المحرقه لكن فعلا ليها يد شريره فى كل حته فى العالم
كفايه دول و الا عايز تانى؟ مين اللى يعيش على ارض الواقع ؟
فى وسط كل ده عايز اسرائيل تدخل فى حرب؟
خليها تلم الدور احسن لها لان الناس خلاص جابت زيت منهم و حتاكلهم و الضغوط الداخليه من يهود دعاه السلام اللى ضد حكومه نتن يا هو و ضد عمايله السودا
فى النهايه ايدنا هى العليا و يدهم هى السفلى
و تحيا مصر
