|
بسم الله الرحمن الرحيم
أعلن الجيش الإسرائيلى حالة الطوارئ والتأهب القصوى تحسباً لأى مخاطر تأتى من سيناء وذلك بعد ان زعم ان احد دورياته علي الحدود مع مصر تم اطلاق النار عليها من جانب مصر في سيناء. جاء ذلك في اعلان لاذاعة الجيش الاسرائلي عن ان احد دورياته والتي كانت تمر علي الحدود قرب مدينة إيلات الاسرائيلية قد تم اطلاق النار عليها ولم يتم الاعلان عن سقوط جرحي او قتلي الي الان. سنوافيكم بالجديد, تابعونا |
|
اللى يحرق اسرائيل واللى منهاااااااااااااااااا
|
|
انا سمعت الخبر قاله معتز فى محطه مصر النهارده فى حينه
بس قالو انهم سمعو طلق نار جاى من ناحيه مصر من بعيد عنهم ما قالوش ضرب نار انضرب عليهم و لم تصبهم حاجه و الله اعلم بالحقيقه و تحيا مصر |
|
مش عارف أيه المصايب أللى ملاحقانا دى؟ مافيش راجل بحق فيكى يامصر يعرف يتكلم لغة الشعب؟ كله يتكلم لغة المنصب ولغة الكرسى ولغة الوعود الخالية ولغة الفلوس ولغة الطوارئ ولغة المحاكم العسكرية ولغة ضرب وسحل شعب ولغة بلطجة وجميع لغات حماية النظام القديم وأعوانه وآلاف من اللغات الأخرى التى لا يتكلم بها الشعب فين الرجل البطل الشهم الذى يستطيع أن يفهم ويتكلم نفس لغة الشعب وهى أسهل بكثير من اللغات التى تتكلم بها حكومتنا ومجلسهم العسكرى؟ من ينوب عننا فى الرد والتعامل المثلى وأمام الرأى العام العالمى على إسرائيل ووضعها فى المكان الذى يليق بها بدل ما هى مبهدلانا قتل وهجوم وشتيمة وتهديد وأرغام وفرض سلطة0 فضحتونا وبهدلتوا كرامتنا وعلشان مين؟ آل أيه معاهدة كامب ديفيد طيب المعاهدة دى سايرة لمصلحتهم وبس؟ عايزين راجــــــــــــــــــــــــــــــــــــــــل يدافع عننا ولنا وعلى كرامتنا بقى مش يدافع عن مبارك وأولاده وشريف وسرور وعز
وغالى ونظيف وظباط وداخلية وحزب خرة وطنى وغيره وغيره وغيره وغيره أيه العيشة الأرف دى؟ الصراحة ماتزعلش ياعالم ياهووو مصر رايحة فى داهية علشان شوية أوساخ كانوا بيحكموها وبيتحكموا فيها والآن بيحموهم وبرضه على حسابنا ياترى آخرتها أيه؟ بعد كدة الشعب كله هايبقى نصه فى السجون والنصف الآخر نسوان0 دى نتيجة ثورة لم تكتمل ياللا بينا كلنا نشرب المقلب الثورى |
|
وليه مايكونش الخبر صح--ادا كنا بنضرب فى بعض وبنقتل بعض ونسرق ونروع الناس والمحلات ونستحل دماء اخونا وبنخرب بلدنا ونضرب اقتصاد بلانا ونخون الشرفاء وهايزين نهد اسوار مصر وحصنها الحصين ومسامير ارض مصر واسود مصر المجلس العسكرى بقاده نبلاء مصر اللى حموا شعب مصر وقت الثوره ووقفو معانا وواقفين يحربو بره وجوه وفى جميع الاتجهات وانتو يا مصريين بتخربوها وعايزنها حرب بره وجوه-----خلاص كفايه شوفو مصلجتكم مل البلاد العلربيه كلها اسرائليين وبيشوفو مصلحتهم من اقتصاد بلادهم بعروض سياحه بلادهم وكله بيروح لبلده ايه امريكا ملايانه كل الجنسيات شوفو مصلحتكم لمصلحه مين ده كله عايزينها حرب هوه ده وقته يلا لمو بتاوع التحرير وبتوع المظاهرات ويلا على الجبهه حررو فلسطين للفلسطنيين يا حلوين وابوقو قابلونى لما تحررو فلسطين الفلسطين اللى فى جميع بلاد العالم يرجعو بلادهم ولا قابلونى لو اتدكرت انكم دخلتم حروب علشانهم كله بيدور على مصلحته وهمه عايزنكم تدخلو حرب علشانهم وما اسهل لبس زى اسرائل واضرب واقتل واقول اسرائليين علشان تولع والامن يتكهرب اكترواكتر ولا هيهمهم مصر دى خالص فوووووقو هتودوا مصر فى داهيه
|
|
اذا فعلا اسرائيل قالت كده
تبقى بتعمل حركة لتنتقم بعد اقتحام السفارة ولابد من الانتباه لها كل دقيقة وكل ثانية ربنا يحمى قواتنا بسيناء شكرا كرم فوكس |
|
شكرا لردودكم جميعا,
انا اريد ان اوضح ان اسرائيل يجب الانتباه لها فعلا في كل ثانية ودقيقة لان اهم اسباب بقائهم كدولة هو انتهائنا كدولة, الله كتب علينا ان تكون هذه المنطقة هي منطقة النزاع في كل وقت منذ بدء التاريخ وحتي يوم الحشر |
|
إسرائيل عدو وكل حاجة متوقعة منها
وخاصة بعد أحداث السفارة لكن الأهم أن إسرائيل تعيش رعب من يقظة النظام في مصر بعد سقوط عملائها المتمثلين في رموز النظام السابق |
|
اسرائيل ابتدت تستهبل اهو ينفع كده
|
|
الشغل الازرق هيشتغل
بس انا اجزم ان مفيش حرب على الابواب زى ما الناس بتقول كله هيتلم ويتدارى سواء الحقيقة (اقتحام السفارة ) او التبلى (اللى هو الخبر بتاع اطلاق النار ده ) هيشوفوا اى ضحيه عشان يرضوا اسرائيل .... اصلنا مش قدهم (طبعا فى نظر انصاف الرجال) منار |
|
الموضوع الاساسى و اللى هو السبب فى كل اللى حصل و اللى مش لازم ننساه هو جنودنا اللى ماتو على الحدود و عددهم سته جنود شهداء انضربوا غدر (اسرائيل بتحاول تلهينا عن السبب الرئيسى ده ) اعتقادا منها اننا ممكن نتهدد
و بقتل شهداء سته اخرهم قبل كده اكتر تبقى انتهك اسرائيل معاهده السلام و مازالت مصره على انتهاكها بعدم الاعتذار و باتهام مصر بانها مش عارفه تحمى سينا و دى ورقه كويسه فى ايد الساسه المصريين فرصتنا نعدل المعاهده و ناخد حقوقنا و سيادتنا الكامله على ارضنا بالفانون الدولى (سينا لازم بجد ترجع لينا مش بالمكر و التحايل على القوانين و معاهده سلام بتنتهك كل شويه من اسرائيل) و ان شاء الله ده اللى حيحصل و انا متفائله خير عسى ان تكرهوا شيئا و هو خير لكم و تحيا مصر |
