النكتة اللى جاية دى (جدييييداااا). مرة وزير إعلام كان عايز يعمل لنفسه جو وهيبة وحركات، راح قافل محطة كانت مفتوحة من قبل ما هو يبقى وزير أصلا، وقال لك عشان التراخيص (بام با را را رم.. بام بام). مرة واحد وزير داخلية قال لك مافيش قناصة وهو عنده جوة (بام با را را رم.. بام بام). مرة التليفزيون المصرى قال لك المجلس العسكرى رفض استقالة رئيس الوزرا وهو ماقدمهاش أساسا (بام با را را رم.. بام بام). مرة ناس ط...البوا بلدهم بطرد سفير إسرائيل، راحت تركيا هى اللى طارداه بدلها (بام با را را رم.. بام بام). مرة 85 مليون واحد كانوا مستنيين شهادة اتنين، فالاتنين ماراحوش، وقالوا لك عشان ظروف البلد (بام با را را رم.. بام بام). مرة ثورة قامت والناس اللى بيقولوا إنهم بيحافظوا عليها، رجعوا لها قانون الطوارئ اللى هى قامت أصلا عشان تلغيه (بام با را را رم.. بام بام). مرة ناس عملت مليونية عشان علانية المحاكمات ذاعوا لهم محاكمتين فرط ع الهوا، وبعدين عملوا حظر نشر وبث للمحاكمات (بام با را را رم.. بام بام). مرة ثورة قامت وما عرفتش تقعد تانى عشان اللى بيحموها سحبوا الكرسى من تحت منها وحطوا خازوق (بام با را را رم.. بام بام). مصر اللى جاية بالطريقة دى عمرها ماهتكون (جدييييدااااا)

منتداكم جميل نتمني لكم دوام التقدم والاذهار

هم يضحك وهم يبكى ربنا يصلح حال البلد يارب