كابتن خالد بيومي كان ضيف في احد البرامج الرياضية وكان بيتكلم على فرص الاهلي في مباراة اليوم ضد الترجي
الغريب والعجيب ان كابتن خالد معجب جدا بفرقة الترجي واتكلم عن دفاعها في الاول وقال ده اقوى دفاع في البطولة حتى الان
ثم انتقل لخط الوسط وقال انه بيمتلك اطوال وسرعات عاليه تتفوق على خط وسط الاهلي ، اما بقى هجوم الترجي فهو مميز جدا
لاعب افريقي ولا اسرع ورجله مظبوطه وعارف طريق الجول وتحته الدراجي غني عن التعريف ،، وعندهم حارس مرمى ثابت وقوي
.................................................. .................................................. ............
من طريقة كلامه وتحليله للفريقيين حسني ان الترجي ده فريق اوروبي او كأنه ريال مدريد او برشلونة وانه مميز جدا عن باقي الفرق الموجوده
معاه في المجموعه ، طيب لما هو مميز اووي كده ايه اللي خلاه يحصد 9 نقاط من 5 لقاءات ؟؟
المذيع بيسأله هل الاهلي عنده اللاعب الذي يمكن ان يحدث مفاجأة ؟
طبعا كانت الاجابة لا ، انما الترجي ايوا عنده
وبعدين لما هو فريق جميع خطوطه متناسقة وكلها تتفوق على خطوط الاهلي ..ليه هزم الاهلي في تونس 1\0 فقط ؟
لابد من تغيير سياسة البرامج الرياضية والمحللين ، يعني انا النادي الاول عندي في بلدي عنده ماتش مهم جدا ، مش اقعد بقى امدح في المنافس
واقلل من قدرات لاعبينا واتغزل في الدراجي والقربي ، وانسى ان الاهلي هو ملك افريقيا .
مفيش فريق معندوش نقاط ضعف والا كان من المفترض الترجي عنده اقل شيء 13 نقطة مش 9
، والله لو كان عندنا حارس مرمى راجل ومميز فعلاا ...كنت هبقى واثق اننا هنغلب ، لكن مفيش اي شيء تاني يقلقني على الاهلي يا كابتن خالد .