|
قرر محافظ القارهرة بتفعيل قانون المرور حيث حظر سير مركبات التوكتوك نهائيا في شوارع القاهرة كما امر المحاقظ بالقضاء على ظاهرة انتشاره فى بعض أحياء العاصمة والتنسيق مع الأحياء وشرطة المرافق فى ضبط والتحفظ على التوك توك، حيث إن القاهرة لم تصدر ترخيصا واحدا بسيره فى شوارعها وذلك بعد الجولة التي اقضاها داخل شوارع القاهرة والتي استمع خلالها الي العديد من شكاوي المواطنين ومعاناتهم من انتشار التوك توك، واستغلال سائقى الميكروباص وعدم التزامهم بالتسعيرة المحددة من قبل جهاز النقل الجماعى بالمحافظة كما امر بالتحفظ علي جميع السيارات التي لا تحمل لوح رقمية والتي لا تلتزم بنظام المرور مع الالتزام بالتسعيرة المحددة.
|
|
طيب بدل مشروع التوك توك ايه ولا حاجه ايه الارف دا
|
|
و يا ريت عربيات الكاروا كمان اللى بيجرها دونكى و هورس هههههههههه
لان دول عمرهم ما مشيوا مع اتجاه السير و لا راعوا اداب مرور و سبب فى حوادث كتير علشان البلد تنضف بالمره و تحيا مصر |
|
كام عدد من التوك توك بمصر للترزق ؟؟؟؟؟؟؟؟؟؟؟؟؟
يخلوه فى الشوارع الطويلة الضيقة والمسافات بها طويلة جدا وبلاش فى الشوارع والميادين المساكين اللى بيسترزقوا منه حا يعملوا ايه ومش عاوزين بلطجية يزيد عددهم هذا المنع سيجعل اصحاب التوك توك يتحولون الى مجرمين قرار خاطىء طبعا وحرام شكرا مشرفنا العام سمارت ماااااااااااان |
|
الحمدلله ان التوك توك ده اتشال لان كل اللى كان بيبقى عليه شباب وصيع ومش كويسين و واخدين التوك توك ده كا هوايه عشان يقدرو يعكسو بنات و يضيقو فيهم ودى اصلا ظاهره مش كويسه وبيئه وياريت كمان العربيه الكرو دى اللى بيجرها دونكى عشان نخلص من الحاجات اللى عملت شبه للبلد ميرسى على الموضوع ده
|
|
طيب بدل مشروع التوك توك ايه ولا حاجه ايه الارف دا
طيب والناس اللي عايشه عليه مايشوفو ليهم حل يلغو ومافيش بديل هما الناس عملت الحاجات ليه اساسا الا لما حست الحكومة ما بتعملش حاجه ابسط واسهل حاجه " الغاء " ياعيني حل لكل المشكله "لمساكين اللى بيسترزقوا منه حا يعملوا ايه ومش عاوزين بلطجية يزيد عددهم هذا المنع سيجعل اصحاب التوك توك يتحولون الى مجرمين " ليهم ربنا |
|
اية رايكم يا جماعة في الفيديوهات
|
|
السلام عليكم ورحمة الله وبركاته
والله يا جماعة الموضوع محتاج النظر فى نقطتين الاولى ان فعلا التوك توك ده وباء وانتشر فى القاهرة زى الذباب كده بيعمل مشاكل ولغبطة فى المرور وحوادث وبجد وجوده امر صعب وسيئ جدا مع بقى انه بقى مصدر دخل للصيع ومتعاطى المخدرات مع السماعات العالية اللى فيه بالاغانى اللى تجيب مرض فى انحاء الجسم وان كمان فى ولاد صغيرين بيسقوه النقطة التانية ان فى عدد ايضا من الشباب والرجال هو فعلا مصدر رزقهم الوحيد يبقى لابد ان الحكومة تجد لهم البديل واحنا بس نصبر على بلدنا شوية صبرنا سنين فى ذل وقهر نخليهم سنين وسنتين تلاته نصبرهم بالمرة علشان نحس بحلاوة تحرير البلد من النظام الفاسد وبأذ ربنا مصر عتبقى احسن بلد بفضل الله واخلاص شبابها المؤمن ( رَبّنَآ أَفْرِغْ عَلَيْنَا صَبْراً وَتَوَفّنَا مُسْلِمِينَ) |
|
و يا ريت عربيات الكاروا كمان اللى بيجرها دونكى و هورس هههههههههه
لان دول عمرهم ما مشيوا مع اتجاه السير و لا راعوا اداب مرور و سبب فى حوادث كتير علشان البلد تنضف بالمره و تحيا مصر يااااااااااااااااااااااااه عندك حق والله اهو ده يبقى قرار فوق الممتاز يوم ما يخلصونا من الكاروا اللي بيجرها دونكي واخلاق صاحبها ...... ولا بلاش استغفر الله العظيم . يا رب يخلصونا منها نهائيا دي عار كبير على البلد . واقل واحد فيهم يقدر يشتري بدل الدونكي سوزوكي ويؤدي نفس الغرض ونفس الربح واكثر واريح بس يبقى منظر البلد على الاقل شيك شويه |
|
يااااااااااااااااااااااااه عندك حق والله اهو ده يبقى قرار فوق الممتاز يوم ما يخلصونا من الكاروا اللي بيجرها دونكي واخلاق صاحبها ...... ولا بلاش استغفر الله العظيم . يا رب يخلصونا منها نهائيا دي عار كبير على البلد . واقل واحد فيهم يقدر يشتري بدل الدونكي سوزوكي ويؤدي نفس الغرض ونفس الربح واكثر واريح بس يبقى منظر البلد على الاقل شيك شويه و يرجع لنا اعلان يا بهيه قولى لبوكى انا عايش عيشه ملوكى .... خليه يخلص من الكارو و يجيب عربيه سوزوكى هههههههههههههه يا جده و الله انتى طيبه و ست زى السكر بتقولى عليهم غلابه ده احنا اللى غلابه انا فى مصر القديمه فى الحته اللى انا فيها مالا يقل عن ميت توكتوك ظهر بعد الثوره و اللى بيسوقوهم اطفال بين تسع و 14 سنه و حاطين فيهم ساوند سيستم اكبر من التوكتوك نفسه و شغال اغانى شعبيه بصور عالى جداااااااااااااا يعدى التوكتوك من دول تحت الشباك و لا كانه فرح غير بقى الخناقات طول الوقت لانهم بيسوقوا بسرعه و تهور و بيدوسو ناس و بيخبطوا فى عربيات و يطلع الولد يقل ادبه على العربيه و سواقها بالرغم من انه غلطان و ماشى عكس الاتجاه بجد عيال مش مظبوطه ابدا و عمرنا ما شفناهم قبل الثوره ما حدش يقدر يكلمهم علشان بيقلوا ادبهم بعد القرار ده بجد انا مش شايفه الا تكتك او اثنين و اللى بيسوقوهم رجاله و ما فيش مزيكا عاليه ايه الهنا اللى احنا فيه ده يا رب ديمها نعمه و احفظها من الزوال و الغلابه دول يشوفولهم حل تانى يروحوا يعمروا سينا و الا توشكا و الا يعمروا اسرائيل حتى بس يرحمونا من البلطجه انك تكون غلبان حاجه و انك تقل ادبك و تبلطج دى حاجه تانيه خالص الغلابه على راسنا من فوق و اللى يقدرنا ربنا نعمله معاهم اهلنا و منا و فينا بس فى ناس بجد صعبه قوى مسيرها تنضف و تحيا مصر |
|
حرام فعلا وقرار خاطىء ولا هو غباء وخلاص
احلى حكم تاخدها من التوك توك والله وعلى سبيل المثال لا الحصر سكينة تدبحنى ولا بنت تجرحنى ما تبصش بعين ردية دى الحلوة عليها اقساط دلعها فى الغيارات وارحمها فى المطبات دا الباشا يا عم |
|
وكمان يخلصونا من بتوع الكرشة والفشحه اللي فارشين في الشوارع وماليين الشوارع دم وبراز وعفانه ودبان
وكل فرش عليه مليار دبانه . الله يرحمنا |
|
انا شاب جامعى بدرس فى كلية تجارة جامعة عين شمس قسم التعليم المفتوح وربنا كرمنى وجمعت مقدمة لتوكتوك واشتريته بالتقسيط
اعمل ايه فى الشيكات اللى عليا بتواريخ لما التوكتوك يتصادر ؟ اسافر اشتغل بيه فى الارياف عشان سيادة المحافظ مش متقبل منظر التوكتوك ؟ ماشى صادر التوكتوك بس عوضنى عنه ادينى فرصة عمل وبلاش تزيد من مشكلة البطالة لو مش عاوز المتعلمين يتحولوا لمجرمين ويا رب ارزقنا باللى يتوللى امرنا ويشوف الخير لينا مش يقطع عيشنا وحسبى الله ونعم الوكيل |
| مواضيع مشابهة: | ||||
| › قرار وزارى بحظر استيراد التوك توك والدرجات البخارية لمدة عام وقرارات وزارية أخرى هامة .. تعرف عليها | ||||