|
اليوم صدر حكم ضد وزير االسياحة الاسبق زهير جرانة بالسجن 3 سنوات و ذلك بسبب التربح و استغلال منصبه كوزير للسياحة فى تكوين شركات سياحية خاصة به و قد كان جرانة متوتر و لن يرضى عن هذا الحكم و قد تحدث للكاميرات قائلا " حسبى الله ونعم الوكيل" "انتو كده ارتحتو" " انا بتحاكم عشان شغلت مليون شاب" و ذلك فى اشارة الى انه خدم البلد ولا يستحق هذه المعاملة و قد قال ايضا محامى جرانة انه سيستمر مع موكله حتى يصل الى البراءة يذكر ان هذا ليس الحكم الاول الذى ينله جرانة و لكن هناك حكم سابق بالسجن 5 سنوات اى ان جرانة الى الان محكوم عليه السجن 8 سنوات و تم اقصائه عن وظيفته
|
|
اشطة يا محكمة
هو دة الحكم تلاتة بس دة الموظف لو اختلس الف جنية من اى مصلحة حكومية بترزع عشر سنين مالهمش حل ودة اللى ضيع مليارات ياخد حكم نشال فى اتوبيس تلات سنين يا نهار اسود |
|
هههههههههههههههههه
هو اللى بيحسبن علينا اومال احنا نعمل ايه ؟؟؟؟؟؟؟؟؟؟؟ نكشف راسنا و ندعى عليه |
|
فعلا
الضرب فى الميت حرام حرام عليكم طلعوة براءة ومسكوة الوزارة تانى بس كلام فى سرك انا مش مرتاح لحكمك دا المفروض براءة |
|
اشطة يا محكمة
هو دة الحكم تلاتة بس دة الموظف لو اختلس الف جنية من اى مصلحة حكومية بترزع عشر سنين مالهمش حل ودة اللى ضيع مليارات ياخد حكم نشال فى اتوبيس تلات سنين يا نهار اسود لو تاخرت عن السداد تتحكم 11 سنة هو ده العدل اللي بيقولو عليه |
|
اشكركم باتاحة الفرصة للزوار بالمشاركه
انا لست مصرية لكنني احب مصر بل اعشقها وهذا الحب منذ الصغر فقد درسنا وتزاملنا مع مصريات وعندما ازور مصر ازور مدرساتي 00 بالنسبة لموضوع الحكم اتمنى ان تصدر احكاما عادله في حق من ضيع مصر بلد الجميع وليست المصريين فقط ومهما تكن الاحكام فهي قليلة في حقهم نحن الذي نقول حسبنا الله ونعم الوكيل |
|
لا انت مش بتتحاكم علشان شغلت مليون شاب يا عم المعايره انت
انت بتتحاكم بسبب التربح و استغلال منصبك كوزير للسياحة فى تكوين شركات سياحية خاصة بك و المليون شاب اللى شغلتهم فى السياحه مش عواطليه لو مالهومش لازمه عندك ما كنتش شغلتهم بتراب الفلوس طبعا و تحيا مصر |
|
كان وزير فاشل ....كل كام شهر اتوبيس يتقلب فيه سياح والسياح تموت وتتصاب
يعنى ربنا قال ادخلوا مصر ءامنين وهو بيخرج السياخ منها مقتولين ومتقطعين سواقين الاوتوبيسات السياحية بيناموا وهم بيسوقوا ومش متدربين كويس على الطرق والاماكن السياحية انت مات ف عهدك مليون سايح |
|
اشطة يا محكمة
هو دة الحكم تلاتة بس دة الموظف لو اختلس الف جنية من اى مصلحة حكومية بترزع عشر سنين مالهمش حل ودة اللى ضيع مليارات ياخد حكم نشال فى اتوبيس تلات سنين يا نهار اسود ده اخد 8 سنوات مش هو واخد حكم بـــــــــــــــــ 5 سنين سابقا ؟؟؟؟؟؟؟ وآدى 3 ويبقى أخد 8 سنوات سجن ان شاء الله تظهر قضية من حيث لا نعلم ويتمم 10 سنوات ويونسوا بعض بطرة وربنا ما يفرقهم من طرة لاند ابدا شكرا مشرفنا العام مستر هشام |
|
لما أنا قولت القضاء المصرى بالقوانين المصرى بتلعب دور المحامى فى قضايا المتهمين زعلتوا أوى و كأنى أرتكبت جريمه أو شئ من الكبائر
و لما قالوا الحكم زعلانين أوى عشان أخد حكم بسيط و مخفف جدا على إلى عمله والله أنا بدأت أيئس لأن الشعب المصرى أجدع شعب بيركب الأمواج رغم أننا عندنا البحر هادى جدا ومفيش فيه موج و المفروض كل واحد فيكم يبقى له رأى ثابت عليه يا أما القضاء و القانون المصرى غلط فى غلط يا أما تستسلموا للأمر الواقع و تفرحوا بالحكم إلى صادر على الحراميه إلى سرقوكم و سرقونا معلش أنا عارفة أن ردى قاسى عليكم كلكم و لكن دى الحقيقة يا ريت تفوقوا و يبقى ليكم نظرة مستقلة |
|
والله انت شوية جهلة حاقدين, هذا الرجل كان ومايزال مليونير من قبل مايدخل الحكومة والحكومة هى التى ترجت رجال الاعمال علشان يمسكوا الوزاراتو شركة جرانة تكونت منذ عام 77 وعائلة جرانة عندهم عزبة فى المريوطية تجروا فيها سنة من قبل مايدخل الوزارة. والاحكام التى تصدر الان كلها احكام لتهدئة الاغبياء والجهلة لان لو حد منكم بيفهم فى القانون او عنده اى فكر ديمقراطى وبيحب مصر مش ممكن يوافق على هذا الفساد القضائى وهذه الاحكام التى ليس لها اى مستند او خلفية قانونية , يعنى مجرد اجكام سوف تنقض فى النقض ويطلعوا براءة وابقوا شوف مين بقى من الشرفاء ممكن يدخل وزارة بعد كده او يشغل مصريين ... وللعلم ايضا ان الاذدهار السياحى فى عهد جرانة تسبب فى اشغال اكثر من مليون وثلاثمائة مصرى وهذا ثابت بالدليل والى مايشفش من الغربال يبقى اعمى ...
|
