كلنا عارفين إن البنات أنواع ،
فيهم المجنونة ودى عشان تمتلك قلبها قدامك إختيارين إنك تنتحر عشان تعرف إنك مجنون زيها أو تصبحها بعلقة وتمسيها بعلقة عشان ترجع لعقلها .
وفيهم الهادئة اللى بتحب كل حاجة سمباتيك ومش بتفطر غير بالتوست ودى يا برنس لو عايز تمتلك قلبها إعمل نفسك قطة .
وفيهم العصبية اللى تنكد عليك ليلك ونهارك ، بسبب ومن غير سبب ودى حلها إنك تاخد بريك كل يوم من تسع لعشر مرات عشان تقدر تكمل وتفضل على قيد الحياة .
وفيهم التِنكة اللى لو نازلة من البيت عشان تجيب صاحبتها من قدام الباب لازم تحط علبة الميكاب فى وشها ودى بقه لو ربنا وعدك بيها إستغفره وتوب إليه وادعى عليها وربنا يسهل.
وفيهم الغيورة اللى لو سمعتك بتقول ماما تقولك ماما مين ، ولو تليفونك ويتنج يا ويلك وياسواد لياليك هتعيطلك وتدبدبلك وتشك فيك وفـ اللى .......ودى بقه حلها إنك تبقى باااااارد واعصابك ف تلاجة .
وفيهم السطحية اللى متعرفش أكتر من المطبخ دا لو ربنا كرمها وبتعرف تعمل الرز ودي بقه متكلمهاش لا فى كورة ولا فى سياسة ، والأفضل ما تكلمهاش خالص.
وفيهم المثقفة اللى تسألها عن اى حاجة ف اى حاجة تقولك ، المتابعة لكل شئ حوليها ، ودي عشان تحلها لازم تبقه اينشتاين ولو منفعتش يبقه تعمل نفسك أينشتاين ( الحدق يفهم ) .
وفى الفترة الأخيرة لقيت نوع من البنات ملوش تصنيف ، مش غيورة ومش سطحية ومش تنكة ومش هادية ومش عصبية ولا مثقفة ولا مجنونة ، بتصل بيها بقالى حوالى ست شهور وما بتردش
أعمل اييه ؟