* استشهاد نقيب شرطة و اصابة مجند فى مطاردة مجهولين بمدينة السلام
* شرف : تفعيل قانون الطوارئ مؤقت و هدفة حماية الثورة
* اتحاد العمال يفتح باب منح شهادات الصفة العمالية لمرشحى الشعب و الشورى
* تاجيل محاكمة 14 ضابطا من المتهمين بقتل الثوار بالحدائق لجلسة الغد الخميس 22/9/2011
* البنك المركزى : 75.60 طن احتياطى الذهب بعد الجرد بقيمة 4.4 مليار دولار
وزير الصناعة د. محمود عيسى
مليونية تصحيح المسار , مئات الالاف من الناس في كل مكان في مصر,خرجوا يبحثوا سبل تصحيح مسار ثورتهم ،، او ربما كانت بتبحث عن مسار حقيقي للثورة اللي لحد دلوقتي و بعد ثمانية اشهر ,مش شايفين ولاعارفين ايه مسارها ,او مصيرها ،، هذا الواقع لم يتحدث عنه الشارع فقط ولكن الحكومة ايضا تتحدث عنه ، على سبيل المثال لا الحصر ,الدكتور محمود عيسى وزير الصناعة والتجارة ،، اكد في كتير من حواراته أن الثورة لم تدخل وزارته بعد ،، بل إنها لم تدخل مؤسسات ولا وزارات كثيرة, فمشوار تحقيق اهداف ثورة 25 يناير كما يقول وزير الصناعة لايزال طويلا.
اذا كنا بنطالب بنهضة ،، اذا كنا بنطالب بتقدم ورفع لمستوى المعيشة ،، اذا كنا بنطالب بخفض نسبة البطالة ،، اذا كنا بنفكر في مسقبلنا ، يجب علينا ببساطة ان نتحدث عن الصناعة وعن التجارة ،، ومن هنا تأتي أهمية لقائنا اللية مع د/ محمود عيسى وزير الصناعة و التجارة الخارجية
ليه دايما بنغيب عقلنا
كان نفسي العودة,تبقى سعيدة بشوية أخبار كويسة ,بعد جمعة تصحيح المسار,ولكن للأسف,جت احداث السفارة الاسرائيلية ,علشان تعكنن علينا كلنا .
الحقيقة اكتر حاجة ضيقتني أنا شخصيا من اللي حصل,مش الاحداث نفسها,يعني مش اقتحام السفارة الاسرائيلية ,ولا الاشتباكات بين المقتحمين ,وقوات الأمن, صحيح مقدرش اقول انها ماازعجتنيش ....لكن اللي ضايقني فعلا هو ردود أفعال المصريين,اللي قاعد اتابعها من امبارح بليل,ولغاية دلوقتي. على الفيسبوك والتويتر ومداخلاتهم على الفضائيات والقنوات الأرضية ...ردود الأفعال دي بتخليني اطرح سؤال واحد, باعتقد انه مهم,ليه اغلبنا دايما,لما ييجي يتفاعل مع حدث سخن بيبقى عامل كدا؟ يعني ليه بيبقى عصبي,متسرع ,عاطفي,مستفز جدا,أوقابل للاستفزاز بسهولة ,ليه اغلبنا في المواقف السخنة المفاجئة اللي زي دي, بيبقى عنده استعداد أنه يغيب,أو يستغنى عن أهم عضو عنده, عقله ,ونتيجة لكدا ,بيقى عنده ميل شديد ان يشتم علاطول,أي حد مختلف مع الكلام او الهرتلة أو الهلاوس اللي هوا بيقولها.
ليه كل واحد فينا من ساعة الثورة ما قامت في 25 بيناير اللي فات,وهوا كل حاجة ما تحصل,مبيفكرش فيها بمنطق انه يحللها ويعرف هي حصلت ليه,وب هو هيتعامل معاها ازاي على حسب موقفه والاهداف اللي عايزها تتحقق,وبدل كدا تلاقيه علاطول واخد موقف انفعالي اما ابيض او اسود,يعني اما يتقلب تماما على الثورة وتبقى الثورة دي كارثة ومؤامرات واصابع اجنبية ,وكفاية بقى مظاهرات وعايزين نرجع عجلة انتاج ,يأما على الناحية التانية نلاقي ناس بتشتم في الناس الأولانيين وقاعدين يبرروا أي حاجة أو اي غلطة أوأي سلوك,بيتم ارتكابه من حد محسوب على الثورة.
طب نعمل ايه ؟ ونفكر ازاي؟..خلينوا اقولكم الدليل اللي انا باستخدمه, لتقييم اي حدث يحصل,في الفترة الآخيرة,يمكن يعجب اي حد فيكم فيستعمله,او ميعجبوش فيركنه على جنب ,ولكن من الأول باقولكم ,ان الطريقة بتاعتي دي ,الحاجة الوحيدة اللي اضمنهلكوم بيها ,ان استعمالها,هيجنبك على الأقل العصبية والشتيمة والنرفزة,ويخليك مركز على تحقيق الأهداف اللي انت عايزها