فى مفاجأه غير متوقعه اعلن المستشار طارق البشرى انه لايحق للمجلس العسكرى تمديد قانون الطؤارى الا بأستفتاء شعبى حسب نص ماده القانون 59 من الاعلان الدستورى الذى يحكم به مصر حاليا وأكد ان قانون الطوارىء قد اعتبر منتهيا بحلول اليوم 20 سبتمبر 2011
وكان المستشار طارق البشرى وهو الخبير القانونى ويشغل رئيس الجمعيه العموميه للفتوى والتشريع فى مجلس الدوله سابقا وقد رأس اللجنه الدستوريه التى صاغت التعديلات الدستوريه التى تم عليها الاستفتاء الشعبى بعد الثوره فى 19 مارس 2011
وقد اكد انه لايجوز للمجلس العسكرى مد حاله الطوارىء مستندا فى هذا ان الاعلان الدستورى الذى بدأ فى 20 مارس 2011 نص به انه لايجوز امتداد حاله الطوارىء اكثر من 6 اشهر واذا كانت الحاجه ملحه لمده فعلى السلطات ان تلجأ للاستفتاء شعبى لذلك والشعب وحده من يملك الموافقه من عدمها على مد القانون وبحسبه بسيطه نرى ان اليوم الاربعاء 21 سبتمبر يكون قد اكتملت السته اشهر بالامس ولايجوز ان يستمر العمل بقانون الطوارىء وكان المستشار قد صرح هذا التصريح لقناه الجزيره مباشر مصر التى يتم بثها الان من الدوحه بعد غلق مكتبها بالقاهره لعدم حصولها على ترخيص الى الان

نص الماده 59 من الاعلان الدستورى الذى وافقنا عليه بعد الثوره وحدث عليه الاستفتاء
======
(مـــــادة 59 )

يعلن رئيس الجمهورية، بعد أخذ رأى مجلس الوزراء، حالة الطوارئ على الوجه المبين فى القانون ويجب عرض هذا الإعلان على مجلس الشعب خلال السبعة أيام ليقرر ما يراه بشأنه ، فإذا تم الإعلان فى غير دور الانعقاد وجبت دعوة المجلس للانعقاد فوراً للعرض عليه وذلك بمراعاة الميعاد المنصوص عليه فى الفقرة السابقة ، وإذا كان مجلس الشعب منحلاً يعرض الأمر على المجلس الجديد فى أول اجتماع له ، ويجب موافقة أغلبية أعضاء مجلس الشعب على إعلان حالة الطوارئ ، وفى جميع الأحوال يكون إعلان حالة الطوارئ لمدة محددة لا تجاوز ستة أشهر ولا يجوز مدها إلا بعد استفتاء الشعب وموافقته على ذلك .

فعلا النص واضح جدا و لا غبار عليه
بس يمكن من طول مدة الحكم (المجلس العسكرى بطل يقرأ زى اللى قبله)

بارك الله فيك يا باشمهندس

فى رد لما جاء عن انتهاء قانون الطوارىء رد المجلس العسكرى عن طريق تأكيد رئيس هيئة القضاء العسكرى اللواء عادل المرسي أن حالة الطوارئ مستمرة وقائمة حتى 30 يونيو من العام المقبل 2012 وفقا للقوانين واللوائح. مؤكدا أن حالة الطوارئ معلنة بالقرار الجمهورى رقم560 لسنة 1981، وتم مدها بمقتضى القرار الجمهورى رقم 126 لسنة 2010 الذى نص فى المادة الأولى منه على مد حالة الطوارئ المعلنة بالقرار الجمهورى رقم 560 لسنة 1981 لمدة عامين اعتبارا من أول يونيو 2010 وحتى 30 يونيو 2012، وأصبح له قوة القانونبموافقة مجلس الشعب عليه( متناسيا ان مجلس الشعب ورئيس الجمهوريه السابق ليس لهم صلاحيات الان )
واعتبرقرار رئيس المجلس رقم 193 لسنة 2011،مجرد تعديل لبعض أحكام قرار رئيس الجمهورية رقم 126 لسنة 2010

البشري ردا على العسكري : نص الإعلان الدستوري على قصر الطوارئ في ستة أشهر ينسخ أي قرار أو حكم سابق له بداهة


أجمع فقهاء دستوريون وقانونيون على أن استمرار تطبيق حالة "الطوارئ" بالبلاد يمثل مخالفة صريحة للإعلان الدستوري الصادر في مارس الماضي والذي يحكم النظام السياسي المصري الآن ، والذي ينص على عدم جواز تمديد الطوارئ بعد نهاية المحددة - ستة أشهر انتهت بحلول 20 سبتمبر الجاري - إلا من خلال الموافقة على ذلك عبر استفتاء شعبي، وهو ما أعاد المستشار طارق البشري النائب الأسبق لرئيس مجلس الدولة، رئيس اللجنة التي صاغت التعديلات الدستورية التأكيد عليه متمسكًا برأيه بهذا الصدد، حتى مع وجود نص بالإعلان الدستوري بالإبقاء على ما قررته القوانين واللوائح من أحكام قبل صدوره، لأن ذلك لا يسري على القوانين التي أدخل عليها تعديل بعد الثورة، ومن بينها النص المتعلق بتمديد "الطوارئ"،، فلابد أن يسري التعديل ولا عبرة بما سبق.

عشان كده المجلس العسكري
قال بمره من المرات ان قانون الطوارئ هيتلغي قي يونيو 2012
وكنت عارف دستوريا ان مجدد وسينظر به في يونيو القادم

فى رد لما جاء عن انتهاء قانون الطوارىء رد المجلس العسكرى عن طريق تأكيد رئيس هيئة القضاء العسكرى اللواء عادل المرسي أن حالة الطوارئ مستمرة وقائمة حتى 30 يونيو من العام المقبل 2012 وفقا للقوانين واللوائح. مؤكدا أن حالة الطوارئ معلنة بالقرار الجمهورى رقم560 لسنة 1981، وتم مدها بمقتضى القرار الجمهورى رقم 126 لسنة 2010 الذى نص فى المادة الأولى منه على مد حالة الطوارئ المعلنة بالقرار الجمهورى رقم 560 لسنة 1981 لمدة عامين اعتبارا من أول يونيو 2010 وحتى 30 يونيو 2012، وأصبح له قوة القانونبموافقة مجلس الشعب عليه( متناسيا ان مجلس الشعب ورئيس الجمهوريه السابق ليس لهم صلاحيات الان )
واعتبرقرار رئيس المجلس رقم 193 لسنة 2011،مجرد تعديل لبعض أحكام قرار رئيس الجمهورية رقم 126 لسنة 2010

يعنى يبقى رئيس الجمهورية و رئيس مجلس الشعب فى السجن دلوقتى
وكلامهم ماشى علينا لغاية السنة اللى جاية
وبعدين كان ايه فايدة الاستفتاء اللى اتعمل ده و اتاخد عليه موافقة الشعب اذا كان سيرمى به عرض الحائط بعد ذلك.

حاجة تغيظ بجد

شكررررررراااااااااااااااااا مشرفنا انج على التوضيح

فى رد لما جاء عن انتهاء قانون الطوارىء رد المجلس العسكرى عن طريق تأكيد رئيس هيئة القضاء العسكرى اللواء عادل المرسي أن حالة الطوارئ مستمرة وقائمة حتى 30 يونيو من العام المقبل 2012 وفقا للقوانين واللوائح. مؤكدا أن حالة الطوارئ معلنة بالقرار الجمهورى رقم560 لسنة 1981، وتم مدها بمقتضى القرار الجمهورى رقم 126 لسنة 2010 الذى نص فى المادة الأولى منه على مد حالة الطوارئ المعلنة بالقرار الجمهورى رقم 560 لسنة 1981 لمدة عامين اعتبارا من أول يونيو 2010 وحتى 30 يونيو 2012، وأصبح له قوة القانونبموافقة مجلس الشعب عليه( متناسيا ان مجلس الشعب ورئيس الجمهوريه السابق ليس لهم صلاحيات الان )
واعتبرقرار رئيس المجلس رقم 193 لسنة 2011،مجرد تعديل لبعض أحكام قرار رئيس الجمهورية رقم 126 لسنة 2010

مشرفنا الفاضل / انج ... تحياتى .. وبعد التوضيح القانونى فى غاية البساطة ... القرار الجمهورى المشار اليه تحصن قانونا ابان صدوره عام 2010 و اصبحت له قوة القانون و لا يملك ( نسخه ) بمعنى الغاؤه الا بقرار رئاسى اخر يعنى بعد انتخاب الرئيس القادم لمصر ان شاء الله ... و القرار المتخذ من السابق ليس له اى علقة من قريب او من بعيد بانه حاليا محبوس او حتو متوفى الحالتين واحد .. تحصن بقوة القانون عقب مرور 45 يوم على صدوره 2010 لذا لزم التوضيح لعدم البلبلة و الاثارة بدون اى داعى ......
و خير الختام ذكر النبى عليه الصلاة و السلام *******

ويعنى المستشار طارق البشرى طالع فى الوقت ده يقول ان قانون الطوارىء منتهى واحنا وسط مظاهرات وخلافات عليه كل واحد عايز يظهر ويبان يطلع يرمى بقنيلة تعمل بلبله

وحتى لو انتهى وعمل استفتاء كلنا واقصد الشعب المصرى هيوافق عليه وشوف قد ايه طلع فى جمعة لا للطوارىء يعتصم لاننا فعلا فى حاجة ليه وسط البلطجة والحالة السيئة اللى عايشنها اللى مش عايز قانون الطوارىء عارف انه بيعمل غلط وخايف ليتمسك وهو ده اللى هيلم البلطجية وغيرهم من اللى بيبوظوا صورة مصر وبيخلوا بأمنها

وانا متأكده ان المجلس العسكرى هيلغوه بس بعد ما الحال يهدى ومصر ترجع احسن من الاول

ربنا يحمى مصر وشكرا بشمهندس ع الخبر

عشان كدا احنا عايزين الفترة دى تعدى بسلام وامان ويمسك البلد ناس تخاف على الوطن والمواطن مش عايزين ناس شغالين ترزية بيفصلوا القوانين حسب مقاس مزاج كل واحد فيهم
والمفروض نكسر كل محلات الترزية ونستعمل الجاهز والمستورد

عشان كدا احنا عايزين الفترة دى تعدى بسلام وامان ويمسك البلد ناس تخاف على الوطن والمواطن مش عايزين ناس شغالين ترزية بيفصلوا القوانين حسب مقاس مزاج كل واحد فيهم
والمفروض نكسر كل محلات الترزية ونستعمل الجاهز والمستورد

ههههههههههههه فعلا ترزيه القوانين لازم يختفوا بس ممكن نستعمل الجاهز على رأيك بس بلاش المستورد خلينا فى الصناعه المحليه احسن ههههههه

السلام عليكم ورحمه الله
عندى سؤال يحيرنى ليه الشرطه اغلبهم عباره عن جهلة
بمعنى ان الصول والعريف كبيره معاه الاعداديه بالعافيه
ليه المتعلمين والجامعيين العاطلين لا
يعنى بدل الوظائف اللى مش هاتيجى
على الاقل يبقى فى وعى ودرايه فى جميع المجالات والتخصصات الشرطيه والعامه
ومن هنا هنلاقى حد بيحمينا مش يسوقنا
وفى رائى الشخصى ان كبرات البلد عايزين جهله علشان محدش يعرف حاجه عنهم وعن بلويهم ومصايبهم وظلمهم
اللى هنروح احنا ضحيته
وشكرااااا راى شخصى احمد محمدعبد الوهاب

انا مش فاهمه هو النقاش على ايه؟
الثوره قامت و من اهم متطلباتها الغاء قانون الطوارئ يبقى يتلغى و الكل ينزل التحرير علشان يتلغى
هي الثوره محتاجه نص قانون فى دستور او استفاء علشان تقوم و تسقط دكتاتور ظالم؟ ما تبقاش اسمها ثوره على استبداد و ظلم و قهر و تعتيم
و تحيا الجزيره مباشر رغم تكبيل يدها و رغم قفلها لسه بتساند الثوره و الثوار و بتقول كلمه حق
و يسقط التلفزيون المصرى اللى لسه بيدس السم فى العسل و كل اللى بيجبهوم بيغنوا استقرار بقى و عدو الموضوع و خلاص بقى علشان الشغل
مسيرها تتعدل
و تحيا مصر

يا جماعة العسكرى بيعتبر ان مجرد اكلك وشربك رفاهيه حرية ايه اللى عايزها من عسكرى

مشرفنا الفاضل / انج ... تحياتى .. وبعد التوضيح القانونى فى غاية البساطة ... القرار الجمهورى المشار اليه تحصن قانونا ابان صدوره عام 2010 و اصبحت له قوة القانون و لا يملك ( نسخه ) بمعنى الغاؤه الا بقرار رئاسى اخر يعنى بعد انتخاب الرئيس القادم لمصر ان شاء الله ... و القرار المتخذ من السابق ليس له اى علقة من قريب او من بعيد بانه حاليا محبوس او حتو متوفى الحالتين واحد .. تحصن بقوة القانون عقب مرور 45 يوم على صدوره 2010 لذا لزم التوضيح لعدم البلبلة و الاثارة بدون اى داعى ......
و خير الختام ذكر النبى عليه الصلاة و السلام *******

أخى زيزو باشا لو كان مبارك محبوس ولا متوفى بصورة طبيعية شىء أخر غير اللى احنا فيه دلوقتى, ولكن دا تم (خلعه) و معه (مجلس الشعب) بثورة شعبية, و كان أحد أهم أسباب خلعهم هو ذلك القانون, يبقى ازاى كل ده يحصل و البلد تنقلب رأسا على عقب ويبقى القانون لسه سارى المفعول.
وبعدين لو كان الكلام ده صحيح فلماذا تم الاستفتاء على تمديد قانون الطوارىء لستة أشهر فقط.
ولا هى القوانين بقت بتتفصل اليومين دول عند الترزية حسب الطلب يعنى لما يبقوا عايزينها 6 شهور تبقى 6 شهور بموجب الاستفتاء, ولما يحبوا يمدوها شويتين يقولولنا أصل ده قرار جمهورى و منقدرش نغيره.
وبعدين لو هى كده كنا سيبنا عمر سليمان و أحمد شفيق بوزارته مهما برضه متعينين بقرارات جمهورية!!!!!!!!!!
يا عالم عايزين نحس مرة واحدة بأى تغيير يثبت أن هناك ثورة حصلت و نجحت

يا عالم عايزين نحس مرة واحدة بأى تغيير يثبت أن هناك ثورة حصلت و نجحت

بالضبط يا اسلاماز معاك فى كل كلمه
يا مصريين فى قوتين بتشد فيكم قوه عايزه تجركم للحريه و العداله الاجتماعيه و العدل و النور و قوه بتشد فيكم علشان ترجعكم للظلم و التعتيم و القهر و الفساد و القوه التانيه بتتهم الاولى بكل الانحلال و الانفلات الامنى و الركود الاقتصادى و اى مصيبه فى البلد
حتكونوا واعيين للدور و تقفوا مع اللى عايز لكم الخير و الا تبقوا عليهم مع قوى الفساد؟
الخيار ليكم
و فى النهايه انا واثقه ان ربنا حينصر الخير
و تحيا مصر