|
منذ بضع دقائق قليلة قام مجموعة من الهاكرز باختراق صفحة قناة التحرير الفضائية علي الفيس بوك وتويتر وتركوا رسالة نصية ب "تمت السيطرة علي حساب قناة التحرير لحين انتهاء قعدة التحشيش اللي شغالة دلوقتي" والجملة الاخيرة من " قعدة التحشيش اللي شغالة دلوقتي" تشير الي برنامج عمرو الليثي "في الميدان " والذي يستضيف فيه الكاتب الصحفي مصطفي بكري وأحمد ابو بركة القيادي بجماعة الإخوان المسلمين والكاتب سعد هجرس والخبير الأمني سامح سيف اليزل وجائت الرسالة الاهم علي الصفحة "أحلى تحية للهاكر اللي بيعاقب قناة التحرير على نفاقها ..
|
|
عمرو الليثى ابن القواد ممدوح الليثى
ياريت الناس تعرف يعنى ايه ابن ممدوح الليثى |
|
مسخرة و قلة ادب مش كده و الا ايه ؟؟؟؟؟؟
و نشكر مشرفنا الفاضل بارااااااااااديس مااااااااان ........ و خير الختام ذكر النبى عليه الصلاة و السلام ****** |
|
انا ماعرفش كل دول انتوا ادرى بيهم
لكن يا جماعه مصطفى بكرى كويس و الا ايه؟ حد يقهمنى هو عمل ايه غلط؟ انا باحترم الراجل ده و اللى له رأى تانى يقول لى ليه و تحيا مصر |
|
اعتقد ان مصطفى بكرى مش محترم ولا حاجة ده اكبر منا فق كلهم النهارده بينافقوا الثورة لتضليل الشعب المصرى عن الواقع المر الذى نعيشه
|
|
و خير الختام ذكر النبى عليه الصلاة و السلام ******
|
|
بس مصطفى بكرى هو اللى مقدم اغلب البلاغات بتاعه الفساد اللى بيحقق فيها المدعى العام دلوقتى و هو اللى كشف سوزان و عز و ناس كتير و مش بعد الثوره الكلام ده و هم فى عزهم كان واقف لهم و ياما تعبوه و حاربوه
و بعد الثوره لا رشح نفسه لرئاسه و لا طمع فى حاجه يا دوب عمل برنامجه (بمنتهى الصارحه) و استمر فى طريقه اللى كان ماشى فيه قبل الثوره و هو فضح الفساد و الفاسدين فى البلد و الراجل صعيدى و اصيل و فى ناس كتير قوى شكرولى فيه و محبوب فى دايرته الكلام ده كله اعرفه من مقربين يبقى ليه فى ناس مش بتحبه؟ مش عارفه علشان كده سألتكم يمكن تكونوا تعرفوا عنه حاجه انا ماعرفهاش او يمكن يكون عمل حاجه وحشه انا ماسمعتش عنها و الله اعلم و تحيا مصر |
|
اخت بديعة انا هقولك على حاجة
انا معدتش احترم اى مذيع او صحفى او اى حد فى البلد دى دلوقتى ولسبب انهم شغالين فى الهيافة دلوقتى وسايبين مواضيع اهم للمناقشة كمصير مصر بعد الثورة والى اين تتجة وغيرة من المواضيع اللى لازم نبصلها واللى انا مبشفوش بتاتا فى البرامج غير الحواديت بتاعة بكرى اللى كترت ورخمت وبقا دمها تقيل اوى والواضح ان موضوع المعارضة قبل النظام كانت معمولة عن قصد سواء لابراهيم عيسى او بكرى او غيرة وبدليل ان النظام محاكمهمش بل افرج عنهم وسابهم يكتبوا ويعارضوا ويتكلموا والا مكانش هيكون دا مصيرهم لو كانوا معارضين بجد الموضوع طول وبقا رخم والظاهر اننا مش هنتغير ابدا وفى الاخر دا رأيى مش اكتر |
|
اخت بديعة انا هقولك على حاجة
انا معدتش احترم اى مذيع او صحفى او اى حد فى البلد دى دلوقتى ولسبب انهم شغالين فى الهيافة دلوقتى وسايبين مواضيع اهم للمناقشة كمصير مصر بعد الثورة والى اين تتجة وغيرة من المواضيع اللى لازم نبصلها واللى انا مبشفوش بتاتا فى البرامج غير الحواديت بتاعة بكرى اللى كترت ورخمت وبقا دمها تقيل اوى والواضح ان موضوع المعارضة قبل النظام كانت معمولة عن قصد سواء لابراهيم عيسى او بكرى او غيرة وبدليل ان النظام محاكمهمش بل افرج عنهم وسابهم يكتبوا ويعارضوا ويتكلموا والا مكانش هيكون دا مصيرهم لو كانوا معارضين بجد الموضوع طول وبقا رخم والظاهر اننا مش هنتغير ابدا وفى الاخر دا رأيى مش اكتر كل اللى لابس قناع حيقع لان ما فيش حد يقدر يمثل و يضحك على كل الناس طول الوقت لازم الحقايق كلها تنكشف و حتنكشف و قريب و بطريقه مذهله للجميع ان شاء الله زى ما فاجئتنا الثوره و كشفت حقايق ما كناش نتخيلها و لسه بتكشف كل واحد من دول حينكشف فى يوم و فى النهايه تفضل مصر و تحيا مصر |
|
لالالالا تقلقوا يا جماعة
الحقائق ستظهر بعد ما يموتوا جميعا مثلما حدث بكتاب اعتماد خورشيد بعد الجميع ما ماتوا ظهرت الحقائق كلها كتب كثيرة ستظهر بالأسواق وبدلا من الترحم عليهم سندعى عليهم كما فعلنا بصلاح نصر وغيره وللعلم انا زهقت من البرامج وباتفرج على محطة توم وجيرى وبجانب توم وجيرى بتوع هيما هنا وبالصدفة البحتة بالأمس شاهدت فقط حديث وزير الداخلية العيسوى وبعد الانتهاء لحديثه حولت على ما استقريت عليه رغى ولت وعجن وتمثيل ونفاق بجميع المحطات وتحياتى وشكرى لك سمارت مان |
| مواضيع مشابهة: | ||||
| › بالصور : هاكرز يخترقون صفحة الأمر بالمعروف ويؤكدون: ارجعوا إلى السعودية فمصر بلد الأزهر | ||||
| › بالصور .. هاكرز شيعة يخترقون موقع عمرو خالد | ||||
