كعادة الشباب المصرى لا يفوتون أى حدث مهما كان سعيد أو حزين ..جيد أو سىء إلا ويعلقون عليه تعليقاتهم الساخرة على الفيسبوك وتويتر وهنا ننقل لكم بعض التعليقات التى نشرها الشباب على تويتر على شهادة المشير محمد حسين طنطاوى فى جلسة محاكمة مبارك أول أمس السبت الموافق 25 - 9
-برغم شهادة المشير التايهة دي، فيها أهم نقطة ايجابية، المشير قال إن مافيش عناصر من حماس وحزب الله أثناء الثورة.. طلع عمر سليمان كداب.
-فيلم العيد - شاهد ماشفش حاجة بطولة حسين طنطاوي وأحمد رفعت - مايفوتكش.
-هو طنطاوي بيقول إنه "لم يتم القبض على أي عناصر أجنبية؟".. بالنسبة للجاسوس الإسرائيلي ده طلع ابن عنان في الآخر ولا إيه؟
-الشهادة كانت عبارة عن تبادل أحضان وقبلات وواحشني ياريس والبلد وحشة من غيرك.. مبارك: ايه والله وتمر فيك يا طنطاوي.
-طنطاوي لا يفعل ذلك بدافع الولاء لكن سقوط حسني يعني أن رقبة المشير ستكون بعده.. هو إذن لا يحمي أحداً بل يحافظ على نفسه.
-أنا مبسوطة أوي من شهادة طنطاوي لأنه بيوحد قوى الثورة، بيدعم وجوه جديدة للثورة، هايتزحلق من الحكم بدري.
-أقوال مشير طنطاوي في المحكمة في مصر أخفقت في إدانة مبارك بقتل المتظاهرين.. قال إنه لم يكن موجوداً في اجتماعات اتخذت فيها القرارات الحاسمة.
-بعد خرق حظر النشر في شهادة طنطاوي.. مطلوب القبض عالعصفورة لتقديمها لمحاكمة عسكرية!
-شهادة طنطاوي في المحكمة هي القشة التي قسمت ظهر المشير مع الاعتذار للبعير.
-خريف الحكام العرب يتحول إلى ربيع بعد شهادة طنطاوي لمبارك ومراوغة صالح في اليمن وصهينة العالم عن بشار.
-لما سألوا المشير عامر في 67 قال (ماعرفش) ولما سألوا المشير طنطاوي في 2011 برضه قال (ماعرفش).. كدا عرفنا إيه هي طلبات الترشح لمنصب المشير.
-اللي انت شايفه ده كله مسرحية، طنطاوي بيضحك بيها علينا وعلى مبارك، ويقلنا هعدمه ويقول لمبارك هطلعك براءة، وفي الآخر، مبارك هيموت.
-بجد حاجة محزنة للغاية إن الحب اللي متأصل في قلب الشعب المصري لجيشه من 35 سنة عرف طنطاوي ورفاقه يخلصوا عليه في 8 أشهر