بسم الله الرحمن الرحيم

انا اسمي عمرو

بحب حبيبتي لدرجه محدش ممكن يتخيلها

بقالنا 3 سنين مع بعض و ماشيين في السنه الرابعه

مجتش في مره طول ال 3 سنين و زعلتها ابدا و لا عمري جرحتها

انا واقع في مشكله صعبه جدا مع حبيبتي و هي بتقول اننا لازم نسيب بعض

الموضوع كله هقولهولكم و يا ريت تفيدوني

من حوالي اسبوع لاحظت ان حبيبتي متغيره مش علي عوايدها ديما ساكته وديما بتعيط

و كل ما اسألها تقولي مفيش مفيش وفي الاخر قالتلي انا خايفه اتعود عليك اكتر من كده و في الاخر مبقاش ليك

قولتلها مش هسيبك و وعدتها و انا فعلا كنت هخطبها اول ما تخلص اخر سنه ليها دراسه

المهم بعد كده عرفت من المنتدي بتاعي و هي مديره فيه من رد انها هتبعد كام يوم لانها تعبانه نفسياً و قفلت موبايلها و الميل وكل وسيله ممكن اوصل لها بيها

و بعت رساله علي موبايلها و علي ايميلها و مرضتش اتصل بالبيت قولت لا اعملها مشاكل و عدي اول يوم وتاني يوم

بعتلها رساله علي ايميلها بقولها وحشتيني و كده

فتحت 3 يوم بس مش فتحت الموبايل و كلمتني و بتقولي انت مش بتسأل عليا و الدليل مفيش منك و لا اوفلاين غير

امبارح بليل قولتلها شوفي موبايلك قالت لا مش هشوف حاجه

و من النهارده اعتبر كل اللي بينا المنتدي بتاعنا و انت زيك زي اي حد

حاولت معاها مفيش فايده و قفلت و قالتلي سلام للابد

و بتتهمني بالغدر و اني مش بسأل عنها

هو انا غلطان ؟؟ و لا هي اللي نفسيتها لسه تعبانه ؟؟

و حتي لو انا غلطان هو كل واحد مش يسأل عن حبيبته يوم يسيبوا بعض ؟؟

انا مش عارف و تايه و بجد انا بحبها اووي و مقدرش اعيش من غيرها

بالله عليكم ساعدوني

ارجوكم

علفكره معلش يعني دي بتتلككلك اوي كل ده عشان مسالتش وافرض انت فعلا مسالتش تسيبو بعض بالسهوله دي يبقي هي اصلا مش بتحبك ومتزعلش من كلامي بس هي بتتلكك واكيد في حاجه مخبياها عليك اناراي تقعد معاها وتشوف اي اللي حصلها وابقي قولنا عملت اي

حاول انت تجلس معها وتشوف ايه اللى مضيقها ممكن يكون عندها مشكلة فى البيت وماثرة عليها
وحاول تتطمئنها انك لا تستطيع ان تبعد عنها
والبنت دايما بتحب الانسان اللى بتحبه دائما يحسسها انه بيحبها دا طبع فى البنات
وهى مش هتسيبك ولا حاجة لاانها مهمت غابت عنك فترة هترجع لك تانى لو هى بجد بتحبك
لاان البنت لما بتحب لا تستطيع ان تبعد عن الانسان الى بتحبه بسهولة
اجلس معها ولازم تعرف فى ايه متسبش الموضوع كدا
الحب مش كلام ممكن تقول كلمة بحبك كتير بس لا تستطيع ان توصل هذه الكلمة الى الانسانة التى تحبها
الحب احساس انت ممكن مش قادر توصل لها هذا الاحساس حاول توصل لها الاحساس انك بتحبه بجد
علشان كدا هى ممكن تكون خايفة

في مثل مصري بيقول من حبنا حبناه وصار متاعنا متاعو ومن كرهنا كرهنا يحرم علينا اجتماعو

الحكاية بما فيها ان شكلها شايفة حد احسن منك او متقدملها عريس
وعملت الي عملتو علشان تلاقي حجة ومتكونش جت منها او تكون هي خسراانة

هي اكيد بتتلككككككككك مش مستاهلة يوم او اتنين وتقول مسالتش فيها وكمان دي اختفت يعني هي الي قفلت كل وسيلة اتصال ممكن توصلها بيها

ونصيحة مني الي باعك بيعو وبارخص تمن والي اشتراك اشتريه

من الكلام اللى انت حكيتة انت عملت اللى عليك ويمكن زيادة حبتين وانت مش غلطان فى اى حاجة هى كدا الى شكلها زهقت او بتفك بالذوق ويارييييت متبنش ليها ان انت هتموت عليها او مش هتعرف تعيش من بعدها هى الدنيا كدا الولد لما يحب ويخلص البنت هى اللى تتكبر والبنت لما تحب الولد هو اللى يسبها زمن الحب انتهى خلاص

طبعا مع احترامى لكل الناس الى ردوا
بس ياجماعة هو بيحبها يعنى مش لازم تقفلوها كدة
بص انت فعلا مش غلطان ولا حاجة بس هى ممكن تكون مدايقة شوية
سيبها يومين تهدى شوية وبعدين اتكلم معاها وقولها انك متقدرش تعيش من غيرها وحاول تطمنها
وان شاء الله مش هتسيبك وربنا يوفقك

الحب ده نعمة
اوعى تسيبها حتى لو هى قالتلك هنسيب بعض
اوعى يا بطل اوعى
ممكن ده يكون اختبار هى عاملاه ليك
ممكن تقع فى الفخ
وممكن تنجح وعلاقتكم تقوم تانى
البنات مش زى ما انت عارف
دول اذككياء جدا

هى يمكن مجروحة منك او شافت حاجة على المنتدى يمكن
وربنا يوفقك معاها لو هى تستهلك

انا رايى انك تحاول معاها تانى مش علشانها لا علشان انت بتحبها حاول تتكلم معاها يمكن فعلا فى حاجه مضيقاها ويمكن مفيش حاجه خالص الله اعلم لان انت مغلطتش فى البدايه ويمكن تكون غلطت فى حاجه وانت مش واخد بالك فانت حاول تتكلم معاها وتشوف فى ايه وتحاول تصلحه لكن لو مفيش حاجه ورفضت الكلام معاك تانى يبقى هى فعلا كانت بتتلكك وماتستهلش انك حتى انك تيجى على كرامتك تانى علشانها وانت ان شاء الله مع مرور الوقت هتتاقلم ع الوضع الحياه مش هتقف.

بص يا عمرو هقولك حاجة اولا هى خايفه ومعاها حق دا احساس طبيعى لاى وحدة بس عايزا اقولك ان الحب مش حاجة ممكن تيجى بالساهل والوحدة لما بتكون تعبانه بتقول نبعد بس بتكون مستنيه من حببها يتمسك بيها مهما هى حولت البعد دا بيطمنها وبيرجعها تانى وهى مطمنه ولله دى نصيحة من اخت بصدق انا بنت واعرف احساس البنت ايه وايه اللى طمنها تمسك بيها مهما عملت دا هيطمنها ويخليها تثق ف حبك وترجع وهى مطمنه لكن لو انتا استسلمت هى تنجرح وتحس انه مكنش حب صادق جواك اوع تسمع كلمها معلش هى طبيعة المراءة محيره شويا وربنا يوفقك يارب تشوف تعليقى وتعمل بيه بسرعه