نجوم مصرية
منتديات نجوم مصرية المنتدى العام أخبار مصرية




تعليقات ساخرة وغاضبة على جولة المشير باللبس المدنى بوسط البلد .. مدنيّة الدولة.. لا مدنية «البدلة»



 

بسم الله الرحمن الرحيم



بعد عرض التلفزيون المصرى اليوم للقطاء للمشير محمد حسين طنطاويالقائد العام و رئيس المجلس الأعلى للقوات المسلحة مرتديًا بدلة مدنية ومتجولاً في شوارع وسط البلد


و
خاصة بعد تعليق أحد الضيوف أثناء إذاعة اللقطات بأن دلالة ذلك أن المشير يصلح لرئاسة مصر خلال المرحلة الانتقالية







بدأت على موقعى التواصل الأجتماعى الفيسبوك وتويتر

تعليقات لعدد من
نشطاء وكتاب وفنانون على الإنترنت






كان منها :-



- بنفس نظرية الزيارة المفاجئة للمسئول المصري المشير نازل يتمشى وبالصدفة كده قابل كل كاميرات وصحفيي البلد وقنوات التليفزيون المحلي

- المشير لبس مدنى والشعب لبس عسكرى

- يوم الجمعة اللي جاي المظاهرة "فورمال" يا جماعة...محدش ينسى البدلة بتاعته.
- نزول المشير طنطاوي وسـط البلد في هذه الظروف أخـــطر فعل سياسي شفته من أول الثورة، إنه إعلان النية بالبقاء طويلًا، إذاً إنه مبارك جديد.

- المشير الحق هو الذي يلبس الميري ليحاكم الثوار عسكريًا، ثم يهدأ ويلبس مدني ليحكم الشعب أبدياً.

- حد يقول للمشير: يا سيادة المشير نحن نطالب بمدنية "الدولة" لا مدنية "البدلة".

- العالم دي فاهمه غلط..واحد يلبسلنا بلوفر والتاني بدلة.. برضه هيفضلوا عسكر.

- طيب ما انا عندي كام بدلة جامدة.. هاضرب لي واحدة والتليفزيون يصورني في وسط البلد برضة و يقولوا عليّ إني أصلح لقيادة مصر..عادي جدا.
- هدوم صنعت تاريخ: بدلة المشير.. تريننج المخلوع.. بلوفر شفيق.. بُرنُس العادلى.. وجلابية الراجل بتاع ماتش الزمالك.
- بعد موقعة البدلة ممكن تتخيلوا طنطاوي رئيساً لمصر ونائبه عمرسليمان، ووزير الدفاع عنان، ورئيس الوزراء شفيق وسلم لى ع الثورة والمدنية.
- بعدما المشير نزل ببدلة مدني بكرة نلاقي البرادعي وأبو اسماعيل وحمدين صباحي نازلين لابسين بدل ميري وبيلفوا في الشوارع.

- السيناريو يتضح: المجلس يعاني أزمة التعامل الخارجي معه كحكم عسكري.. يصر علي الفردي في البرلمان ليسمح بدخول التابعين له وتفويض الرئاسة للمشير.

-حيث اعتبر النشطاء أن هذه الخطوة تهدف إلى «تلميع المشير» كمرشح لرئاسة الجمهوري

-«المشير الحق هو الذي يلبس الميري ليحاكم الثوار عسكريا، ثم يهدأ ويلبس مدني ليحكم الشعب أبديا»


-ايضآ دشنت صفحة على «فيس بوك» اسمها «على جثتي يا طنطاوي No SCAF»، يرفض مؤسسوها ما اعتبروه محاولات لتقديم المشير مرشحًا لرئاسة الجمهورية، وإعلاناً بنية المجلس الأعلى للقوات المسلحة البقاء طويل


-انه
بنفس نظرية الزيارة المفاجئة للمسؤول المصري، المشير نازل يتمشى وبالصدفة كده قابل كل كاميرات وصحافيين البلد وقنوات التلفزيون المحلي


-
قال الكاتب بلال فضل عبر حسابه على «تويتر»، إذ قال «هو مين اتفاجئ بالتاني المشير ولا كاميرا التلفزيون ولا البدلة؟».

و كتب أيضًا «نهنئ المشير على البدلة الجديدة المدنية وبالنسبة لموضوع أنه يصلح لقيادة البلاد نحب نقول له إذا كنت تحب مصر حقًا إنسى يا فندم»، مؤكدًا في «تغريدة» أخرى «السادة المستشارين من بتوع المشير النمرة غلط».

«كان أولى بالمشير طنطاوي أن ينزل ليتفقد إمبابة والعشوائيات والأحياء الشعبية التي غاب فيها الأمن بسبب إصراره على عدم هيكلة وزارة الداخلية»


-
المشير يبدأ حملته الانتخابية من وسط البلد».


-
المشير لبس مدني، وإحنا لمؤاخذة لبسنا عسكري


-
يقول إبراهيم الملط على «تويتر» أيضًا «أعتقد أن المشير أذكى من أن يرشح نفسه للرئاسة، هو نازل يكسب دعم للجيش وليس لنفسه شخصيًا»


-
تساءل الفنان نبيل الحلفاوي على «تويتر» «نفسي أعرف مين المستشار.. صاحب الفكرة العبقرية». ولكنه حذر «أرجو من كل المخلصين، لا تسمحوا باستغلال هذا الموقف للتصعيد الجمعة القادمة»



- المخرج والسيناريست محمد دياب قال «نزول المشير باللبس المدني رسالة ليك وهو مستني إجابتك. موافق على الحكم العسكري ولا معترض؟؟؟ لو موافق يبقي متنزلش يوم الجمعة الجاية»



-وقال وائل غنيم عبر حسابه على «تويتر» يقول: «بالمناسبة، دي لم ولن تكون ثورة 52 يناير»










المقال "تعليقات ساخرة وغاضبة على جولة المشير باللبس المدنى بوسط البلد .. مدنيّة الدولة.. لا مدنية «البدلة»" نشر بواسطة: بتاريخ:
Shaymaa Sayed

كاركتير | كارلوس لاتوف وبدلة المشير




Shaymaa Sayed
%u0632%u0627%u0626%u0631
والله محدش ليه حكم على حد يدخل الانتخابات والصندوق يحكم مش بلال فضل ولا غيره هيتحكموا فى ارغبة الناس فيه حاجه اسمها صندوق انتخابات
جدة مصرية
شكرررررررررررررررررااااااااااااااا شيماء
طايشه بس عايشه
ربنا يهدى الجميع ويحفظ مصر من كل شر
%u0632%u0627%u0626%u0631
قلة ادب وسفاله شوية عيال خدو علي قلة الادب اي حد ممكن يحكم مصر هيقلوا ادبهم عليه كده محدش في العالم بيعمل كده مين انت عشان جثتك ولا مش جثتك انت واحد من 80 مليون يعني ممكن رئيك ميكونش ليه لازمه ولا تأثير
وياريت كل واحد يعبر عن رئيه بأحترام وميقديش رأيه اكثر من اللزم عشان الديمقرطيه حكم الاغلبيه
%u0632%u0627%u0626%u0631
موش المزيع والضيف اللى فى الفيديو دول بيكرروا نفس اغانى التليفزيون المصرى القديمه برضوا. هما مبيحرموش حد يرد عليا ياريت
رياوسكيتة
ايه قلة الادب دى وايه يعنى لما المشير يرشح نفسه مش هيه دى الديمقراطيه يلى اسمك فضل انتى ولا اسمك ايه بصوا لسوريا وال بيحصل فيها صح شوية عيال هل من الديمقراطية ان تتطاول على غيرك ام تحترم راى الاخرين
hema4ever
لا حول ولا قوه الا بالله هوا بدام لبس بدله ونازل يشمي ف الشارع يبقي نازل الانتخابات؟
حتي لو نزل محدش ليه دعوه كل واحد ليه صوت يتحرق بيه
%u0632%u0627%u0626%u0631
يا جماعة الخير .. مش معنى أن فيه ناس رافضة المشير كرئيس أنهم رافضين عشان شخصه .. يا ناس بلاش سذاجة .. اللى رافضين رافضين النظام السابق وفساده وحيتانه .. وعفونته .. اللى رافضين لنهم حاسين أن المجلس العسكرى ناوى نيه محدش عارفهه إلا هوه .. نفس طريقة مبارك ورجاله .. حرام والله .. مصر أكبر من مبارك .. وأكبر من المشير بصفته طبعا .. وأكبر من أى واحد .. يا ناس الهند عندها ديمقراطية .. ماليزيا عندها ديمقراطية .. بلاش ماليزيا .. أندونيسيا اللى مش لاقيين ياكلوا عندهم ديمقراطية وبيحكمهم مدنيين .. بلاش أندونيسيا .. إسرائيل عندها ديمقراطية.. دول بيعيرونا أن معندناش ديمقراطية ...
سيادة المشير .. آسف ... وأعتذر .. ليس هذا المنتظر منك .. اذا كنت ترغب فى الترشح فلتستقيل من رئاسة المجلس من الآن .. أما اذا كنتم ناويين تعملوا زى عبد الناصر .. فربنا يستر على مصر ..
%u0632%u0627%u0626%u0631
هى دى مصر يا عبله مصر عمرها ما هاتتغير
%u0632%u0627%u0626%u0631
المسألة اخطر بكثير من التعليقات ايها السسسسسسسسسسسادة والسسسسسساسة وخطورته تكمن فى ان الموضوع برمته سيناريو امريييييييييييييكى فامريكا ترى فى المجلس العسكرى اخف الاضرار عليها من الثورة المصرية وعلى صنيعتها الصهيونية ويمكن ان تستنسخ نظام قريب من النظام المخلوع هنا تكمن الخطورة فنقول بالفم المليان لالالالالا لحكم العسكر مرة اخرى نريد صندوق الانتخابات وليأتى الشعب بمن يريد
%u0632%u0627%u0626%u0631
انا لا انتمي لاي حزب وشايفة الموضوع في غاية البساطة نزول المشير للشارع ليس فيها ما يريب اليس الافراد الذين قابلهم المشير من الشعب وكانوا في منتهي الحفاوة به بس للاسف احنا اصبحنا نشك في كل شيء ونتطاول على بعض بدون ان نبدي الاحترام لبعض وانا عن نفسي اقدر المشير واحترمه من الذي منعه للان انينفرد بالسلطة وهو يملك زمام الامور وما يحدث في اليمن وليبيا وسوريا ليس ببعيد وارجو منبلال فضل وغيره ات يرحمونا منكثرة كلامهم الفاضي ويحتفظوا بيه لانفسهم (اللهم ماولي علينا خيارنا )






9
%u064A%u0627%u0631%u0628
يا جماعة علشان خاطر ربنا نعمل وننشتغل علشان خاطر البلد ، وبكفاية مظاهرات واعتصامات.
نسيب البلد تمشى فى هذه الفترة الانتقالية وبعتقد ان كل واحد على الساحة بداية من المشير الى عصام شرف عايزين يستريحوا من شعب فقد مصداقيته فى كل واحد .
بكفاية هنخرب بلدنا بايدينا ونفرج علينا كل الدول اللى عايزة تشمت فينا والبركة فى الجزيرة والجزيرة مباشر مصر والمرتزقة المصريين اللى بيطلعوا ياكلوا عليها عيش
نونا الجميلة
واللهى انا شايفة ان المشير نزل عشان يثبت ان الناس اهى بتحبه وان الاصوات اللى بتهاجمه وبتهاجم المجلس لا تمثل الشعب المصرى...متنسوش ان الهجوم عليه زاد قوى فى الفترة الاخبرة



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
تعليقات ساخرة وغاضبة على خسارة الزمالك الكآس
بالفيديو.. المشير فى جولة بوسط البلد بزى مدنى وبدون حراسة
بالفيديو والصور : المشير طنطاوى باللبس المدني "بدون حراسة" في جولة مفاجئة قبل قليل لمنطقة وسط البلد
تعليقات ساخرة على تويتر بعد سماع اصوات مدوية في القاهرة اليوم

Powered by vBulletin Version 3.8.8
Copyright ©2000 - 2021, Jelsoft Enterprises Ltd
جميع الحقوق محفوظة © fmisr.com منتديات نجوم مصرية