من اهم اخبار مصر اليوم الخميس الموافق 29/9/2011 الاتى :

* قرر نادى الاسماعيلى اقالة حسام حسن و تعيين محمود جابر مديرا فنيا للفريق بدلا منه

* اعادة التداول بالبورصة بعد توقفها نصف ساعة بسبب هبوطها لاكثر من 5%

* الجنايات تقرر سجن الشيخ 5 سنوات و الفقى 7 سنوات و تعزلة من وظيفتة

* الحكومة تبدأ تنفيذ حكم استرداد عمر افندى بتسلم جميع الفروع

* تاجيل محاكمة المتهمين بقتل الثوار بالبحيرة الى 22 اكتوبر 2011 المقبل لسماع الشهود

* القضاء العسكرى يحقق مع ضباط جيش و شرطة فى واقعة تعدى على متهمين

* اخلاء سبيل ألتراس الاهلى و المحكمة تقرر الحكم فى القضية 30 نوفمبر 2011 المقبل

حوار خاص مع جمال عبد الناصر حفيد الرئيس الراحل جمال عبد الناصر

دعم سوق المال بـ 1% من الإحتياطي


مناقشة مقترح دعم سوق المال عن طريق استغلال 1% من الاحتياطي النقدي بالبنك المركزي مع أ. وائل عنبة رئيس مجلس ادارة شركة الأوائل لإدارة المحافظ

حوار خاص مع محمد كامل عمرو وزير الخارجية

اعترافات خطيرة لقيادى سابق منشق عن الجماعة الإسلامية

مقابلة مع وزير التعليم احمد جمال موسى للحديث عن اضراب المعلمين

مناقشة اضراب المعلمين وتعليق احد المدرسين واحد اولياء الامور على حديث وزير التعليم

القنصل المصري في إنجلترا يهدد أم ثكلى


عندنا فضيحة جديدة لوزارة الخارجية المتخاذلة من أيام مبارك في رد حقوق المصريين في الخارج .. الفضيحة دي تتمثل في مقتل دكتور مصري في إنجلترا يوم 24 أغسطس الماضي وحتى الآن والدته مش عارفة تستلم الجثة ولا عارفة تنزل بيه عشان تدفنه في مصر .. أهل الضحية المصري في لندن الدكتور كريم أسعد عايشين أيام صعبة ولما لجأوا للخارجية محدش عبرهم وهو ما دفع أسرة كريم في الإسكندرية إلى تنظيم وقفة إحتجاجية إعتراضاً على مقتل الدكتور كريم بإنجلترا.
الوقفة كانت إمبارح العشرات وشارك فيها العشرات من أهل الدكتور أمام كلية الطب بالإسكندرية وعبروا عن غضبهم من عدم قيام الخارجية المصرية بإسترداد جثمان المرحوم من إنجلترا.
فينك يا خارجية .. ثورة إيه وكلام فارغ إيه اللي مش قادرة تغير عقلية وزارة مسئولة عن ضفر أصغر عيل خارج حدود بلدنا .. اللي عمله القنصل المصري في إنجلترا فضيحة وكارثة ودم كريم في رقبته .. وبنقولها من هنا مش هنسكت على القضية دي .. واللي قال للست أم كريم لو كلمتي الإعلام مش هنرجعلك ابنك بنقوله هيرجع يا مسئول يا كبير يا محترم .. عاوز اي جدع في الخارجية يرد ولو عنده كلام غير اللي قالته أم كريم وأخته يرد علينا .. بس هتقول إيه والجثة في ثلاجة في لندن من شهر وانتوا ولا انتوا هنا .. الموضوع فتحناه ومش هنقفله غير لما كريم الله يرحمه يرجع ويندفن في مصر

إستمرار إضراب المعلمين .. هل يطيح بوزير التعليم


إضراب المعلمين مستمر .. لأ وبيتصاعد .. الأسبوع اللي فات فتحنا الملف على مدار يومين مع أطرافها وحاولنا نوصل صوت المعلمين لمعالي الوزير لعل وعسى الأمور تتعدل والوزراة تلاقي حل يرضي المعلمين وحذرنا من تصاعد الأمور لو تجاهلت الحكومة مطالبهم .. لكن ولا الهوا .. كله في الطناش والقرارات اللي طلعت لا علاقة لها بما يطلبه المعلمون ..
الوزير ودن من طين والتانية من عجين .. لا حل الازمة ولا المعلمين راضيين يبدأوا الشغل .. وبالطبع الطلبة مشتتين لا عارفين يذاكروا ولا لاقيين حد يدلهم حصص .. الإضراب وصل لذروته إمبارح والمعلمين تظاهروا امام مجلس الوزراء .. الدكتور عصام شرف الله يعينه على ما بلاه عمل حاجة غريبة جدا برضه بعد ما رفض المدرسين يقابلوه لحين إقالة الوزير الحالي .. فكان رد فعله الاجتماع باتنين من وكلاء وزارة التربية والتعليم . هل ده معناه الإطاحة بجمال الدين موسى خلال ساعات .. هنعرف الدنيا رايحة على فين وتطورات الأوضاع من ضيفينا الأستاذ أيمن البيلي وكيل نقابة المعلمين المستقلة والمتحدث الرسمي . والأستاذ حسام محمد ،عضو المكتب التنفيذي لنقابة المعلمين المستقلة

حملة فوق الخط .. لانتشال المصريين من الفقر


خط الفقر .. فاكرين الخط ده اللي أيام النظام السابق ماكانش فيه حد تحته وبعد سقوطه اكتشفنا إن معظم المصريين تحت الخط المشئوم ده .. في الظروف اللي بتمر بيها البلد قد يكون خط الفقر خطا احمر يصعب تخطيه بسبب الازمات الاقتصادية التى تعصف بالعالم كله.
فى ظل القمع والانظمة الديكتاتورية التى كنا نعيش تحت حكمها تدهورت الأوضاع المادية للمصريين اكثر واكثر واصبح خط الفقر دائرة يدور اكثر من 10 ملايين مصرى ويمكن أكثر .. الناس دي ممكن ما يلاقوش قوتهم اليومى ومايعرفوش يدبروا وجبة واحدة .. السؤال هو إزاي ممكن فى ظل انظمة حرة تقوم على المساواة والعدالة الاجتماعية ان تساعد من هم تحت خط الفقر للعبور الى حياة أفضل وتمكينهم من مساعدة انفسهم وتلبية احتياجات اسرهم .. معنا اليوم دكتور محمد كامل المدير التنفيذى لحملة فوق الخط هنعرف منه إجابات للأسئلة دي

معنى كلمة لجنة الإنتخاب الفرعية

تمويل الجمعيات الأهلية والمجتمع المدني



مع

الكاتب الصحفي أ. عبدالقادر شهيب


والكاتبة الصحفية أ. منال لاشين

الوضع الامني فى مصر وبوتن سيصبح رئيساً لروسيا من جديد

تقرير عن دور وزارة الخارجية المصرية

لقاء خاص مع محمد كامل عمرو وزير الخارجية المصري
ج1

ج2

ج3

مجلس الوزراء يقر تعديلات قانوني مجلس الشعب والشورى

دعوات لمليونية استرداد الثورة الجمعة المقبلة بسبب تاجيل الانتخابات

فيديو لحظة نطق المحكمة بحبس الفقى واسامة الشيخ ومهاجمة اهالى الشيخ لهيئة المحكمة

الوضع في مصر .. ليلة جمعة استرداد الثورة


الإسرائيليون يعيدون اعتقال ثلاثة أطفال مصريين بعد أن أفرجت عنهم إحدى محاكمهم و أدلة في حوزة هذا البرنامج على تقصير متعمد من جانب القنصلية المصرية.
لا تقصير على الإطلاق عندما يتعلق الأمر بقناة الجزيرة مباشر مصر التي اقتحم اليوم مكتبها مرة أخرى من قبل ما تقول القناة إنهم خمسة عشر شخصاً ينتمون لشرطة المصنفات الفنية.
يأتي هذا عشية عودة جانب من الروح إلى ميدان التحرير فيما يعرف بجمعة استرداد الثورة التي أعلنت قوى إسلامية متعددة مقاطعتها إياها. في الوقت نفسه الحكومة تكلف وزير المالية بتوفير احتياجات الشرطة من تسليح و تأهيل. عيسوي في اجتماع مغلق مع طنطاوي لبحث الطوارئ و الانتخابات. طنطاوي لن يترشح للرئاسة وفقاً لمصدر عسكري و هيلاري كلينتون تأمل في رفع الطوارئ قبل يونيو من العام القادم بينما تتوقع الواشنطن بوست ألا تنعقد انتخابات الرئاسة في مصر قبل سبتمبر من العام القادم و تقول مجلة فورين بوليسي الأميريكية إن سياسات المجلس العسكري قصيرة النظر. لكن ستة من أبرز المرشحين المحتملين للرئاسة يعتبرون أن حالة الطوارئ منتهية بدءاً من يوم غد، أو بالأحرى بعد أقل من ساعة من الآن و يطالبون المجلس الأعلى قبل قليل في بيان رسمي بتسليم السلطة قبل مارس من العام القادم. سفينة مصر لا تزال في بحر من العواصف و الضباب.
هذه ليلة تدعونا إلى الوقوف لحظة أمام مشهد مصري معقد متشابك الأطراف تسيطر عليه مشاعر مختلطة نحتاج معها إلى أن نفصل الثابت عن المتحرك، و أن نميز بين الباقي و الزائل، و أن نتخذ خطوتين إلى الوراء علنا نستطيع أن نضع ما يحدث في مصر الآن في جملة مفيدة

مع :الدكتور علاء الأسواني الروائي و الكاتب الصفي المعروف و الأستاذ بلال فضل السيناريست و الكاتب الصحفي المعروف

إعلان دستوري سكيتي .. في السر


سؤال لسة من غير رد غطاه، لكن بالمفتشر كدة وبصريح العبارة: " يعني إيه يبقى الإسم إعلان ويطلع كدة سكيتي ولا من شاف ولا من دري.. ومسافة ما نرفع راسنا نبص على العصفورة، إلا وعنها وهاتك يا طراطيش كلام ماحناش فاهمين أصلها من فصلها عن خير اللهم اجعله خير، قال "إعلان دستوري"، والمعرف ب"ال" العايدة على (الإعلان السري) بين قوسين!!! أما عجايب.. القوسين دول اتفتحوا امتى وفين؟!ومين اللي كان نايم في الدرة ومين اللي كان نايم على ودانه؟! والتعسيلة ديه آخرتها إيه؟!! يعني بصريح العبارة كدة: احنا صباحنا نادي ولا يا فتاح يا عليم يا رزق يا كريم.. اصطبحنا واصطبح الملك لله؟!!! وب وعشان نحاول نلاقي رد وغطا للأخماس في الأسداس والحيص بيص اللي احنا فيه دة، هنقول يا هادي يا رب ونحاول نفهم أصل وفصل "الإعلان الدستوري" اللي اتنشر يا دوب اتنشر في الجريدة الرسمية وكان الله بالسر عليم لحد ما وقفت الدنيا على رجل!!! الإعلان الدستوري اتنشر في العدد رقم 38 مكرر من الجريدة الرسمية، اللي هي "الوقائع المصرية"، يوم 25 سبتمبر ونصه كالآتي: المجلس الأعلى للقوات المسلحة بعد الإطلاع على الإعلان الدستورى الصادر فى 13 من فبراير سنة 2011 وعلى الإعلان الدستورى الصادر فى 30 من مارس 2011
يعدل نص المادة (38) من الإعلان الدستورى الصادر فى 30 من مارس سنة 2011 ليصبح
على النحو الآتى:
"ينظم القانون حق الترشيح لمجلسى الشعب والشورى وفقا لنظام انتخابى يجمع بين القوائم الحزبية المغلقة والنظام الفردى بنسبة الثلثين للأولى والثلث الباقى للثانى".

التحقيقات في فيديو تعذيب المواطنين


آخر تطورات التحقيقات اللي بدأتها امبارح هيئة القضاء العسكري بأمر من المشير حسين طنطاوي، بخصوص الفيديو اللي انتشر امبارح على الانترنت وفيه عدد من ظباط الجيش والشرطة أثناء تعذيب عدد من المتهمين في قسم شرطة الكردى التابع لمدينة منية النصر في الدقهلية

رسالة المجلس العسكري رقم 75

المجلس الأعلى للقوات المسلحة أصدر النهاردة رسالته رقم 75 للشعب المصري العظيم وشباب الثورة ونصها كلآتي:

مطالب جمعة استعادة الثورة


بالنسبة بقة للقوى اللي دعت للمظاهرة، عددهم 30 زي ما احنا عارفين من امبارح ما بين أحزاب قديمة زي التجمع والناصري والجبهة وغد أيمن نور، وجديدة زي المصري الديمقراطي الاجتماعي ومصر الحرية والتحالف الشعبي الاشتراكي، غير الحركات والاائتلافات زي الجمعية الوطنية للتغيير، الجبهة القومية للعدالة والديمقراطية، ائتلاف شباب الثورة، وحركة شباب 6 إبريل واتحاد شباب الثورة.. أما صفحة "ثورة الغضب المصرية الثانية" على "فيسبوك" فأعلنت في بيان ليها النهاردة عن إنها هتتجه للاعتصام من بكرة، بدل من يوم 6 أكتوبر بعد أن كان رأي المنظمين عدم الاعتصام مراعاة لنبض الشارع وحتى لا يستخدم الاعتصام في الدعاية المضادة ضد الثوار. وحدد البيان 8 مطالب اعتبرها أساسية وغير قابلة للتفاوض، وطالب المجلس العسكري بتلبيتها قبل 6 أكتوبر.

رأي الشارع في جمعة استعادة الثورة



طيب دة موقف القوى السياسية على اختلافها من جمعة "استرداد الثورة"، تعالوا بقة نجس نبض الناس في الشارع.

التحقيق في إهانة مريم عزمي


النائب العام المستشار عبد المجيد محمود، بدأ النهاردة التحقيق فى واقعة إهانة الطبيبة مريم عزمى في مستشفى الغردقة العام أيام 21 و22 من الشهر دة، بعد ما أهانها أحد وكلاء النيابة وحط الكلابشات في إيديها، لرفضها استجواب عدد من المرضى نظراً لظروفهم الصحية. في نفس الوقت نظم عدد من من الأطباء وقفة احتجاجية قدام مكتب النائب العام وهددوا بالدخول في اعتصام مفتوح في حالة عدم اتخاذ الإجراءات القانونية ضد وكيل النيابة.

عمال النقل العام يستأنفون إضرابهم وموقف القوى العاملة


لسه الأزمات ما خلصتش .. فاكرين إمبارح لما عرضنا في فقرة الصحافة عنوان بيؤكد أن أزمة سائقي النقل العام خلصت .. فجأة وكأن وزارة القوى العاملة بتنيم الناس .. العاملون بهيئة النقل العام المتظاهرون أمام مجلس الوزراء، قرروا الاستمرار فى الإضراب عن العمل داخل الجراجات التابعة للهيئة، بمحافظتى القاهرة والجيزة، انتظاراً لاجتماع الدكتور عصام، رئيس الوزراء، مع محافظ القاهرة الدكتور عبد القوى خليفة، ومنى مصطفى، رئيسة الهيئة، بالإضافة إلى وزير المالية الدكتور حازم الببلاوى، لبحث زيادة أجور العاملين بالهيئة.

العاملون في هيئة النقل العام عاوزين حقوقهم وشايفين إن وزراة القوى العاملة بتماطل رغم إنهم كانوا قد تراجعوا عن تعليق إضرابهم عن العمل حتى يوم 10 أكتوبر المقبل، انتظاراً لرد وزارة المالية حول إمكانية زيادة أجورهم عقب لقاء الدكتور أحمد البرعى وزير القوى العاملة والهجرة. اللي اتعصب على فؤاد إمبارح..
عشان نعرف موقف وزارة القوى العاملة من استمرار الإضراب وتفسيرهم لفشل الاجتماع مع الوزير في حل الأزمة رغم الإعلان عن حلها الاستاذ علاء عوض مستشار وزير القوى العاملة

صحافة الخميس 29 سبتمبر 2011 -- الفنان نصير شمة


أول ما تسمع اسم نصير شمة .. على طول هيخطر في بالك العود المميز اللي خلاه قريب من قلوب كل العرب .. ألحانه اللي أمتعت ونمت مشاعر العروبة في كل واحد بيحب الوطن ده .. عراقي مصري فلسطيني سوري تونسي ليبي .. نصير شمة عربي وبيعتز بعروبته .. لكن مالا يعرفه كثيرون عن نصير شمة إنه صاحب رأي سياسي يحترم
هذا الفنان المحترم .. العربي ضيفنا النهاردة واحنا قررنا في صباح أون إننا نستكشف مناطق جديدة في شخصية هذا المبدع .. أهلا بيك الأول يا نصير .. أول حاجة هنعملها نشوف الصحافة بعين الفنان .. إزاي هيقرأ معانا عناوين النهاردة

الناس عايزة إيه من صباح 29 سبتمبر 2011


موعد فقرتنا لاستعراض ما يريده الناس من البرنامج .. الفقرة دي هنخصصها كل أسبوع عشان نعرف الناس عاوزة ايه .. عاوزة ايه من الحكومة .. عاوزة ايه من البرنامج. محتاجين ايه نتكلم فيه .. ايه الملفات اللي شاغلة بالكم ونفسكم الاعلام يتكلم عنها .. البرنامج ده صوتكم وهدفنا نفضل نبض الشارع .. هننزل لكم كل يوم أربعاء الشارع في كل حتة هنعرف منكم انتوا اهتمامتكم وهنحاول على قد ما نقدر نلبي كل طلباتكم وتطلعاتكم ..
الأسبوع اللي فات يمكن ما صورناش تقرير من الشارع بس ناقشنا خلال الاسبوع حاجات اتطلبت مننا .. مشاهدينا طلبوا بداية الأسبوع نفتح ملف منجم السكري وفتحناه .. وحد طلب عرض ازمة الفشل الكلوي وناقشناها .. وإضراب المعلمين كان مطلب أساسي طول الأسبوع وفعلا عملنا فقرة مطولة عنه .. يعني البرنامج ده ليكم انتوا .. ابعتوا لنا مقترحاتكم واحنا هناخدها في اعتبارنا.. امبارح نزلت كاميرا صباح أون صورت مع عدد من المواطنين وسالتهم هما عاوزين إيه .. وكان لينا اللقاءات دي.

الصحافة المصرية النهاردة 29/09/2011



قراءة في الصحافة المصرية المطبوعة والإلكترونية مع جابر القرموطي

أخبار وفعاليات محافظات وأقاليم مصر 29/09/2011

حركة التداول ومؤشرات البورصة اليوم 29/09/2011

وزارة الصحة تستعد لمليونية استرداد الثورة


بدأ عدد كبير من الاحزاب والقوى السياسية الاستعداد للمشاركة في مليونية جمعة استرداد الثورة المقرر تنظيمها غدا. من جانبه أعلن وزير الصحة والسكان الدكتور عمرو حلمى رفع درجة الاستعداد بجميع المستشفيات واقسام الطوارىء على مستوى الجمهورية اعتبارا من اليوم وحتى بعد غد السبت، لتأمين التظاهرة، حيث وضعت خطة طبية شاملة لتظاهرات الغد بميدان التحرير، إضافة لتوفير خمس وثلاثين سيارة اسعاف مزودة بالأدوية اللازمة، مع كادر طبي يضم مختلف التخصصات.