أستفزنى المواضيع إلى مكتوبة فى القسم عن السيارة نانو أيجيبت و دى حاجة نصب كدة فى نصب و على فكرة أنا متابعة السيارة دى من أول الأفكار قبل التنفيذ يعنى من حوالى 3 سنين كدة و أنا متابعة كويس جدا إلى بيحصل و كنت فرحانه أوى أن مصر ممكن تنتج حاجة لكن فى الأخر لقيت أن رضا غازى بيعمل كالأتى

أولا بيروح الصين و يجيب شوية عربيات هناك بتتباع لطلاب المدارس عشان توصل مدارسهم و يحط عليها لوجو يعنى كمان بيسرق حقوق ملكية السيارة الصينى إلى بتتباع هناك برخص التراب زى ماسرق حقوق ملكية تاتا نانو الهنديه أرخص سيارة فى العالم بس حولها لنانو أيجيبت يعنى كتر خيره الراجل تعب فى الموضوع برضة

العربيه سرعتها القصوى 80 كيلو يعنى أسرع من التوك توك شوية و مفيهاش مارشدير بسبب ضعف المحرك الواحد سلندر

سعرها طبعا بيقولك من أول 25 ألف لحد 42 ألف جنيه طبعا دا سرقة علنى و أى عربيه مستعمله بالسعر دة هتكون أفضل مليون مرة من الهبل دة زى الماروتى سعرها مش هيعدى 25 ألف أصلا

السيارة بالكامل بتيجى من الصين زى ماقولت يعنى مفيش 1% فيها حتى مصرى مش تقولولى 100% و الكلام دة و طبعا مالهاش قطع غيار و روح شوف شغل بير السلم قبل ماتفرح و تقول سيارة مصريه

مصنع الأنتاج الحربى غرم الأخ رضا غازى عشان نصب على بعض العملاء و قالهم أن نانو إيجيبت بيتم تصنيعها فى مصنع الأنتاج الحربى و تم تغريمه بناءا على قرار المحكمة مبلغ قدرة 100 ألف جنيه للتربح من خلال أسم مصنع الأنتاج الحربى



و إن شاء الله لما تظهر فضايح تانيه هجيبهالكم فى الموضوع دة و نكشفلكم النصاب إلى ضحك على الناس

يا‏ ‏انا‏ ‏اعرف‏ ‏الكلام‏ ‏دا‏ ‏بقالي‏ ‏سنة‏ ‏تقريبا‏ ‏من‏ ‏سنة‏ ‏
عندي‏ ‏صدي‏ق‏ ‏ليا‏ ‏معايا‏ ‏التوكيل‏ ‏في‏ ‏الشرقية‏ ‏
ههههههه‏ ‏بس‏ ‏راجل‏ ‏دماغ‏ ‏هههههههه‏ ‏‏ ‏ميرسي‏ ‏للخبر

ربنا يقدرك على فعل الخير
وتعيشى وتفضحى فى مخاليق ربنا

كويس أن الناس فهمت النصب و الخدعة وشكرا على الردود و إن شاء الله هنفضحه أكتر وأكتر

دى مدونه أسمها نانو أيجيبت سكام
بتوضح كل إلى بيحصل فى سيارة نانو أيجيبت دى من سرقة و نصب و كل شئ بالتفصيل من بدايه تفكير رضا غازى فى المشروع لحد دلوقتى

http://nanocarscam.blogspot.com

انا لما سمعت عن العربية روحت اخد فكر ه .. وكنت عازم على الشرءا لو كان الكلام ده حقيقي .. تشجيعا للصناعة المصرية .. لكني فوجئت بحاجات كتيييييييييييييييير
1- دوخت على ما وصلت المكتب .. مكتب مهجور في مكان غريب .. ليس له اي علامه ولا عنوان حتى ولا على باب المكتب
2- لما وصلت للمكتب باخبط صوت رد عليا اتفضل .. يعني مفيش حد كمان يستقبلني ولا حتى عامل بوفيه .. ثم دخلت المكتب باسأل ده مكتب السيارة نانو ايجبت رد عليا غازي .. قالي آيوه .. قولت ولا فيه يافطه ولا عنوان على المكتب ولا اي دليل على نانو ايجيبت .. رد عليا رد غريب ومفاجئ وقالي
( اصل احنا حراميه )
3-طيب فين العربيات اتفرج عليهم واختار اللي يناسبني .. رد عليا عليا .. في واحده بره اللي كنت باجرب فيها اختراعي
قولت طب وانا مالي باللي جربت فيها اختراعك .. انا عاوز اشوف انتاجك علشان اختار واشتري
قالي احجز وبعدين بعد 25/12/2011 تعالى جرب العربية وشوفها واشتري
طب فين المعارش .. مفيش يعني مفيش عربية تتشاوف
والحقيقية المكان مريب .. وطريقته في الحديث مستفزه .. وتنك .. ومغرور .. الحقيقية .. انا غلطت اني روحت المكان ده
واتعرفت على شخصية زي دي .. ويا اسفاه على المصريين اللي بالطريقة دي
تحياتي .. واتمنى الاختراع المصري الحقيقي بدون خداع .. تحياتي

خد من ده كتير مبقاش فى ضمير الله يرحمه ويرحمنا جميعا