فى انباء شبه مؤكده على اكثرمن صحيفه قوميه تشير الى انه فى خلال ايام قليله تبحث مصر تسليم الجاسوس الاسرائيلى ايلان وبعد انباء عن زياره والديه له وعدم الموافقه على اعطاء اى تصريحات حول الزياره وفى تكتم تام اعتقد ان كل الاتجاهات تشير انه تم الاتفاق على تسليمه ووردت بعض الاخبار ان هذا التسليم سيكون فى خلال ايام قليله وكان اللواء سامح سيف اليزل الخبير الاستراتيجي المصرى قد طالب السلطات بالتعقل واعلنها صراحه ان المعونه الامريكيه افضل من الجاسوس ايلان وصرح فى مداخله تليفونيه مساء السبت ببرنامج 90 دقيقه بأن المتهم مريض بمرض خطير وهو يملك الجنسيه الامريكيه ويعامل كأمريكى ولم يحاكم الى الان وان مصر من مصلحتها ان تستفاد بالمعونه الامريكيه وخاصه اننا فى اشد الحاجه لها قى الظروق الاقتصاديه الصعبه التى تمر بينا الان هذا بعد تصريح عضو بالكونجرس الأمريكي جاري اكليمان بأن الإفراج عن إيلان جرابيل المتهم بالتجسس على مصر مقابل زيادة المعونة الأمريكية لمصر

ولكن نحن نناشد المجلس العسكرى انه فى حاله تم قرار تسليمه لانقايضه بزياده المعونه ولكن بأبناء مصر الموجودين بالسجون الاسرائيليه فأبنائنا ليس بأقل ابدا من الاسرائيلين او الامريكان

جريده الاهرام اليوم كذلك بها تنويه عن تسليم ايلان





وده تفاصيل الخبر مكبر

اما اليوم السابع فيؤكد الخبر

"يديعوت": الجاسوس الإسرائيلى سيعود لـ"واشنطن" مع "بانيتا" عقب زيارته للقاهرة

زعمت صحيفة "يديعوت أحرونوت" الإسرائيلية أن صفقة إطلاق سراح المواطن الإسرائيلى، الذى يحمل الجنسية الأمريكية، "إيلان تشايم جاربيل"، المعتقل فى مصر بتهم التجسس والعمل على إثارة الفتن بين قوات الجيش المصرى والشعب، أوشكت على الانتهاء، مشيرة إلى أن واشنطن اقترحت على مصر زيادة المساعدات الاقتصادية مقابل الإفراج عن "جاربيل"، وأنه سيعود لواشنطن خلال الأسبوع الجارى بصحبة وزير الدفاع الأمريكى "ليون بانيتا"، بعد ختام زيارته للقاهرة غداً الثلاثاء.



وزير الدفاع الأمريكى ليون بانيتا

رأى السفير "حسن عيسى"، قنصل مصر سابقا بإيلات، أنه من الأكرم لمصر مبادلة الجاسوس الإسرائيلى بالسجناء المصريين المحبوسين فى إسرائيل على ذمة قضايا مختلفة، كما يحدث فى كل دول العالم عند التفكير فى الإفراج عن جاسوس لدولة أخرى.

وقال عيسى، إن ربط الإفراج عن "جاربيل" بحزمة مساعدات ومعونات اقتصادية أمريكية لمصر هو أمر مهين لا يجب قبوله مهما حدث.

موضوعك جميل قوى يا بشمهندس واسمحلى اتناقش معاك فى كام سؤال

لما تم القبض ع الشخص ده كان بيتجسس فعلا ولا هو كان فى زيارة ؟؟؟؟

ده لو جاسوس هيحط صورة ع الاكونت بتاعه ع الفيس بوك وهو ببدلة الجيش

اللى طلب تسليمة امريكا مش اسرائيل يعنى ازاى هنطالب بالتبادل مع المسجونين المصريين عندهم ؟؟؟

وياترى مصر كشفت عليه عشان تشوفة مريض فعلا زى ما بيقولوا ولا ضحك ع الدقون ؟؟

ولو مصر حاكمته بتهمه الجاسوسيه عندنا الادلة الكافيه لكده ولا محامى شاطر هيعرف يخرجه ؟؟

دى كلها اسئلة اتمنى حد يجاوبنا عليها عشان نعرف نتصرف

اما عن الافراج عنه مقابل الزياده فدى ارفضها لو ثبت انه متهم بالجاسوسيه يتحاكم وطظ فى امريكا انما احنا مش بلد قليله عشان يرشونا مقابل الافراج عنه يعنى كده بنسمح باى كلب يدخل بلدنا يتجسس وبعد كده نسيبه مقابل قرشين

لازم نتصرف كويس فى الموقف ده وربنا يرشد حكومتنا للتصرف صح

شكرا ع التغطية الجميلة يا بشمهندس

ما دخل أنه مريض وراثيا بالجاسوسية؟ هل أى جاسوس يعفيه مرضه من معاقبته قانونيا؟ هل هناك أى علاقة لمرض الجاسوس ومرض أمه هل يعفيه هذا من المحاكمة؟ هل هو جاسوس فعلا وهل هناك دليل على هذا؟ لماذا تم القبض عليه إذن؟ هل هو بريئ من هذه التهمة فعلا إذن لماذ لا تطلقون سراحه بدون شرط زيادة المعونة الأمريكية ولما كل هذه الفضائح ووضع مصر فى موقف التسول والشحاتة؟ هل هو فعلا متورطا بالجاسوسية؟ إذن كيف تطلقون سراحه مقابل المال؟ أين كرامتنا وأين عزتنا؟ لماذا تشحتون عليه من أمريكا والعالم ونحن نملك سارقى وناهبى أموال الدولة فى السجون وهم يملكون كرامتنا وعزتنا الذى تفرطون فيها رخيصا؟ من الذى فى يده أتخاذ مثل هذه القرارات المنتقاة؟ هل معنى هذا أن أى قاتل أو رجل أعمال حرامى أو أى من المتورطين فى خراب مصر وأى سارق وأى مدون وأى فرد يفعل أى شيئ ضد القانون يستطيع أن يشترى حريته بالمال؟ من من؟ من الحكومة أم من المجلس العسكرى أم من السلطة الغامضة هنا أم من أمريكا؟ تحياتى وتهانئى لكم ياحاكمى مصر لقد جعلتم شخصية زينب ترجع إلى القانون فهنيئا لنا بكم وربنا معانا

لما تم القبض ع الشخص ده كان بيتجسس فعلا ولا هو كان فى زيارة ؟؟؟؟

ده لو جاسوس هيحط صورة ع الاكونت بتاعه ع الفيس بوك وهو ببدلة الجيش

اللى طلب تسليمة امريكا مش اسرائيل يعنى ازاى هنطالب بالتبادل مع المسجونين المصريين عندهم ؟؟؟

وياترى مصر كشفت عليه عشان تشوفة مريض فعلا زى ما بيقولوا ولا ضحك ع الدقون ؟؟

ولو مصر حاكمته بتهمه الجاسوسيه عندنا الادلة الكافيه لكده ولا محامى شاطر هيعرف يخرجه ؟؟

دى كلها اسئلة اتمنى حد يجاوبنا عليها عشان نعرف نتصرف

اما عن الافراج عنه مقابل الزياده فدى ارفضها لو ثبت انه متهم بالجاسوسيه يتحاكم وطظ فى امريكا انما احنا مش بلد قليله عشان يرشونا مقابل الافراج عنه يعنى كده بنسمح باى كلب يدخل بلدنا يتجسس وبعد كده نسيبه مقابل قرشين

لازم نتصرف كويس فى الموقف ده وربنا يرشد حكومتنا للتصرف صح

شكرا ع التغطية الجميلة يا بشمهندس

أختى الفاضله بنت المنوفيه
لما تم القبض ع الشخص ده كان بيتجسس فعلا ولا هو كان فى زيارة ؟؟؟؟

فعلا كل الصحف ووسائل الاعلام اعلنت لنا انه قبض عليه وهو يتجسس ولكن بالظاهر طبعا كان بزياره فى مصر اما وسائل الاعلام الغربيه اكدت انه فى زياره فقط ولم يقم بالتجسس ولكنه ودود يحب التقرب للمصريين

ده لو جاسوس هيحط صورة ع الاكونت بتاعه ع الفيس بوك وهو ببدلة الجيش
ملحوظتك لها قيمتها وخاصه بعض الشباب علقت على ان ايلان ليس من الغباء لتلك الدرجه حتى يكشف نفسه
اللى طلب تسليمة امريكا مش اسرائيل يعنى ازاى هنطالب بالتبادل مع المسجونين المصريين عندهم ؟؟؟
بالفعل اللى طلب التسليم امريكا ولكن بالطبع لصالح اسرائيل وممكن ان نطرح التبادل به بمقايضته بأكثر من سجين مصرى لدى اسرائيل اشرف الف مره من ان نقايضه بأموال المعونه وتنشر اسرائيل اننا مثل القراصنه الذين يطالبون بالمال بأطلاق سراح المحتجزين

وياترى مصر كشفت عليه عشان تشوفة مريض فعلا زى ما بيقولوا ولا ضحك ع الدقون ؟؟
اعتقد حكايه المرض دى بصراحه هى احدى الحجج الواهيه لتمرير عمليه التسليم ولجلب تعاطف الشعب المصرى للموافقه فى ظل الظروف القائمه

ولو مصر حاكمته بتهمه الجاسوسيه عندنا الادلة الكافيه لكده ولا محامى شاطر هيعرف يخرجه ؟؟
فى حقيقه الامراعتقد بعد مرور اشهر وعدم تقديمه للمحاكمه الى الان انه قد تم الاتفاق من بدايه الامر على عدم محاكمته اما مسئله مدان ام لا فبلتأكيد مدان والا لماذا يقدمون لنا تسهيلات وزياده معونات لانهم لو فى ثقه من انه سيحصل بمحامى جيد على البراءه لدفعوا الى احسن المحاميين للدفاع عنه
اما عن الافراج عنه مقابل الزياده فدى ارفضها لو ثبت انه متهم بالجاسوسيه يتحاكم وطظ فى امريكا انما احنا مش بلد قليله عشان يرشونا مقابل الافراج عنه يعنى كده بنسمح باى كلب يدخل بلدنا يتجسس وبعد كده نسيبه مقابل قرشين

لازم نتصرف كويس فى الموقف ده وربنا يرشد حكومتنا للتصرف صح

شكرا ع التغطية الجميلة يا بشمهندس
بالفعل اوافقك الرأى مع اضافه اذا كانت هناك ضغوط ولابد من تسليمه فبلمقاضه مع ابناء مصر المسجونين فى اسرائيل سيكون الحال احسن بكثير وشكرا كثيرا على المناقشه المثمره

لان الجاسوس ده يهودي الديانه امريكي الجنسيه علشان كده امريكا هانم متصدره وكده اكيد امريكا هانم هدافع عنه حتي لو مكنش امريكي الجنسيه
ولو مصر عايزه تفرج عن فيلسوف الغبره الجاسوس يبقي لازم تبادله بأسري مصريين وفلسطنيين في السجون الاسرائيليه
قال زيادة المعونه قال طظ في المعونه فعلا

حاجة غريبة والله الامريكان دول ناس طيبين ازاي يدفعوا فلوس علشان يخلصوا جاسوسهم هو يعنى لما تراقب الشغالة اللى عندك او السواق بتاعك وتعرف هو بيعمل ايه من وراك يبقى لازم تكرمشله قرشين علشان ظبطك الناس دول لازم حد يطلع فيهم ويزعق لهم خشوا خدواالراجل بتاعكوا ولاحد يقدر يقول بم

هنفضل لحد امتى بنرضخ للضغوط الخارجيه امتى هنتغير

على راى المثل لو عرفت ديته اقتله فضلو يعملو دوشه وبرامج وحوارات وادعاء بطولات وفي الخر الحكايه تخلص بشوية دولارات

انا مش فاهم مش المفروض بيقولوا ان مصر بعد الثورة بقت بلدنا طب باى حق ماياخدوش راينا ولا هيا بلد اللى مسكينها بس

كم من مصرى القى فى سجون امريكا واسرائيل وهنا وهناك ولم يجد احد يدافع عنه
على الرغم من كرهى لامريكا وكرهى لمعظم افعالها ولكنى احترم دفاعهم عن رعاياهم لدرجة انهم على استعداد ان يدخلو فى حروب ويدفعو كل غالى و نفيس من اجل شخص واحد
اليست هذه هى العزة التى نفتقدها نحن ؟؟؟؟؟؟؟؟؟؟

نحن نناشد المجلس العسكرى انه فى حاله تم قرار تسليمه لانقايضه بزياده المعونه ولكن بأبناء مصر الموجودين بالسجون الاسرائيليه فأبنائنا ليس بأقل ابدا من الاسرائيلين او الامريكان

هى دى الخلاصه
و تحيا مصر

لو الشعب خاف علي بلده واشتغل و كف عن الاعتصامات و الاقتصاد منهارش علشان مطالب فئويه انانيه ماكنش همنا معونه ولا غيرها احنا اللي بنضيع كرامتنا روحوا حسبا الله ونعمه الوكيل فيهم وبعدين نشرط بتبديله باخواتنا المصرين لكن فلسطنين ليه خليكوا في حالكم بكره تشوفوا هيعملوا ايه فينا اول ميبقي دوله وفيه سؤال مين اللي اخرج المساجين من السجون المصريه ؟ خلينا نهتم بمصر الاول ولما نقف علي ارض صلبه نفكر في الاخرين لاننا الان ضعفاء نريد من يقف بجوارنا حتي نعبر هذه المرحله ( مصر اولا ) يارب أستر علي مصر وارفع شأنها يا الله

بربي العرب ما بيفلحوا

الجاسوس يسلم معزز مكرم لأنه يهودي والعربي يهان في السجون العربية

انا اقول ان الفلوس عند الحكمومه احسن من ابناء البلد واحنا بنتحرق في الخارج والداخل وبينقال علينا شحتين
لاننا بنجري ورى الفلوس ودم اللي ماتوا على الحدود فين حقهم ولا اللي مات مات !

تعبان اية دة احنا اللى تعبنين هو احسن من المصريين اللى هناك بلا قرف

شكرا جزيلا يا بشمهندس ع ردك وتوضيحك بعض الامور لى

بأذن الله هيتم تبادل المسجونين وكمان هناخد اسلحة متطورة رفضوا الامريكان يعطوها لينا قبل كده

ونتمنى ان ربنا يصلح حالنا ويعمل الخير لمصر

شكرا بشمهندس