بعد طول العناء وبعد ان بدء فقد البعض الامل فى ادانه من قتل المتظاهرين وبعد محاوله مستميته من وزاره الداخليه لطمس الحقائق وتغير اقوال الشهود فى قضيه قتل المتظاهرين المتهم فيها المخلوع والعادلى وسته من مساعديه وسمعنا الاعاجيب تاره بأن من قتل المتظاهرين هم عناصر خارجيه تاره اجنبيه وتاره اخرى مجهوله حتى تصور البعض ان المتظاهرين هم من قتلوا انفسهم او الاشباح هم من قتلوهم ولكن
قال الله تعالى( يمكرون ويمكر الله والله خير الماكرين)وبأيمان كبير منا ان الله لن يضيع دماء الشهداء التى سالت لاجل الوطن وينزل الله على قلوب اهاليهم البرد والسلام اخيرا ظهر الحق وزهق الباطل ان الباطل كان زهوقا فها هى مستندات وزاره داخليه العادلى تكشف كل شىء واوامر اطلاق النار على المتظاهرين حصلت عليها النيابه لتضمها للقضيه ففى دفتر احوال العمليات غرفة رئاسة الأمن المركزى بتاريخ 26 ينايروبالنص( البند رقم 63 أحوال الساعة4.30 ص كتوجيهات السيد اللواء/ مساعد الوزير يتم خروج قوات الانتشار صباح اليوم بالتسليح الكامل)المقصود باللواء مساعد الوزير هنا أحمد رمزى




دفتر احوال غرفة الامن المركزى تثبت اوامر لاحمد رمزى بالتسليح الكامل يوم 26 يناير
اما البند 56 احوال بتاريخ 30 يناير والذى ينص على انه تم التعامل بالفعل بأستخدام السلاح الالى وجاء بالنص (البند رقم 56 احوال الساعة 6.15 إخطار من السيد الرائد/ احمد فؤاد وأثناء سير السيد/ 1م فى طريق امتداد رمسيس اعترض الطريق حوالى 200 شخص بالعصا وتم التعامل بالرصاص من خمس دقائق وتمام هدوء الحال وتم إحاطة السيد 703 م و 801م)

اخطار من رائد بالامن المركزى بالتعامل بالرصاص مع المواطنين يوم 30يناير

الحمد لله حاجه تفرح شويه وسط كل مايحيط بنا يارب نريد قصاص عادل

الحمد لله بس ياريت يحافظوا ع الوثائق دى لحسن حد يسرقها

شكرا ع التغطية

يمهل ولايهمل شكرا جزيلا علي الخبر فعلا حاجه تفرح وربنا يتمها علي خير بالقصاص العادل

ربنا يظهر الحق ويجعل لنا فى الظالمين عبره

ما ضاع حق ورائه مطالب والحمد لله على ظهور هذه الادله

حقيقى حسبى الله ونعم الوكيل فيهم

نطلب من الله امام عادل وليس عادل امام لاعطى الحق لاصحابه

يارب العادلي وحسني يعدمو في ميدان عام

مش غريبة أن الاخطار مكتوب فيه بعدها بربع ساعة عودة جميع القوات يعني هم قتلوهم كلهم في ربع ساعة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

كلنا نعرف ان الداخلية هى من قتلت المتظاهرين ولو ارادت النيابة ان تثبت التهمة لما احتاجت لكثير من العناء لكى تثبتها ولكن هناك من يريد ان لا يتم الحكم فى هذه القضية الان لشىء ما يدبرونه

احلى خبر سمعته النهارده
الحمد لله با رب العالمين
يا رب انصر الحق و اظهره كمان و كمان
كل الكلام ده انا قلته (ما ضاع حق وراءه مطالب) (و يمكرون و يمكر الله و الله خير الماكرين)
الحمد لله يا رب تمم علينا نعمك بالستر و الاستقرار و الامن و الامان و العداله الاجتماعيه و الكرامه و الحريه
و تحيا مصر

ماتتفائلوش اوى كده
يومين بالضبط والورق ده يضيع او يتحرق ونرجع تانى للموال القديم
ياجماعه دى قضيه منتهيه ولو كانوا عاوزين يحكموا فيها كانوا حكموا
هم سايبين كل حاجه كده عايمه
وبيتبعوا معانا سياسه النفس الطويل

ربنا ياخدهم أخذ عزيز مقتدر ........... بدل ما يرعوا الناس ويشوفوا مطالبهم يموتوهم ............ أل عشان الشرعية .......... ما هى الشرعية انتهت بسحب الشعب ليها ......... وبعدين من الآخر كده مكنش فيه شرعية لقيادات الدولة أساساً ...... عشان يحالوا يحافظوا عليها ويموتوا أصحابها الفعليين أصحاب الحق فى أعطاء هذه الشرعية ...............

أعتقد أن المستندات دى لو موجوده هتغير مجرى التحقيقات جذرياً ........... ومفتكرش أنها ممكن تضيع لأنها انتشرت فى كل مكان .......... ممكن يمطلوا ويطعنوا بالتزوير .... لمدة ....... وفى الآخر اللى رايده ربنا يكون.

اخونا الفاضل / انج .. تحياتى .. معلش العنوان غير صحيح مطلقا ؟؟؟ لانه لا توجد بدفاتر الاحوال المنشورة اى تعليمات بخصوص اطلاق نار .. انما ماهو موجود بالمنشور دفتر خروج ماموريات و متابعتها و ليس اطلاق نار ...
لذا لزم التنويه و يجب تغيير العنوان الى ( حصول النيابة على مستندات من الداخلية تساعد بالتحقيقات ) مش بها اوامر ضرب النار ؟؟ مش كده و الا ايه ؟؟؟؟ و نسيت حاجة مهمة جدا الا و هى ان هذه الاوراق من بداية التحقيقات و هى لدى النيابة يعنى الموضوع عدى عليه اكثر من 6 اشهر تقريبا .. يبقى مصدر الخبر تسخينة مش اكتر لانه لم تضاف و لن تضاف اى مستندات لقضية منظورة امام القضاء مهما حدث .. الاضافة فقط بعد صدور الحكم و الدخول فى مرحله نقضه سواء من النيابة محركة الدعوى او المحكوم عليه .. حينئذ فقط لو هناك مستندات جديدة تضاف للاوراق .. لذا لزم التنويه للعلم الصحيح قانونا .....
و خير الختام ذكر النبى عليه الصلاة و السلام *****

هذا يعنى /الحكم باعدام حبيب العادلى ورئيس المجلس الأعلى للشرطة أو اثبات أن تلك المستندات مزورة ومدسوسة أو الغاء النيابة العامة من البلاد أو لو أضطروا الغاء الدولة وحرق الشعب

والله ماحد فاهم حاجه وكله عمال يفسى وخلاص

يوم 30 يناير ماكنش فى داخلية الرجاء التأكد قبل فبركة الاخبار

يامسهل الخال ياااااااااااااااارب

يوم 30 يناير ماكنش فى داخلية الرجاء التأكد قبل فبركة الاخبار

تصدق يظهر ان الشهداء يوم1و 2فبراير يظهر انهم انتحرواو مافيش حد من الداخليه قتلهم
ياعزيزى الداخليه موجوده طوال الوقت