عزيزى الراجل دقيقة من فضلك..ومتعملش نفسك عارف كل حاجة..هقولك على شوية حاجات كل البنات بتموووت فيها حتى لو معترفتش بكده.
نتيجة لاختلاف طريقة تفكير الرجل والمرأه بيحصل بينهم كتير من المشاكل و كل واحد من الطرفين بيشوف نفسه هو اللى صح وأشهر مثال للموضوع ده هو ان كتير من الرجالة بيحبوا زوجاتهم وبيظهروا الحب ده من خلال تصرفاتهم معاهم بشكل عملى وفى نفس الوقت الست بتبقا منتظرة كلمتين حلوين وشوية بكش وبالتالى لما هى تستنى الكلام الحلو ومتلاقيهوش والراجل يتصرف تصرفات كويسة تعبيرا عن حبه والست متقدرهاش, هيا بتتهمه انه مبقاش زى زمان وهو بيقول عليها مبتقدرش تعبه عشانها.
بس خلينى اكون اكثر تحديدا فى النقطة اللى عايزة اقولها واللى كتير من البنات متقدرش تقولها لحبيبها وهيا ببساطة “ممكن تحبنى أدام الناس شوية يا حبيبى؟” ومتستغربش .. مش بقولك احنا مختلفين..يعنى لا أنا غلط ولا أنت غلط.. وبعدين انا قريت الكلام ده فى مجلة هندية اسمها “انا مش مظهرية .. انا عايزة أتحب وأدلع يا عنيا”.
المقصود بأنك تحبنى أدام الناس هو انك تقدملى بوكيه ورد بسيط أدام الناس او واحنا أعدين فى مكان ومعانا أصدقاء ممكن تمسك إيدى ومتقوليش “ما أحنا عندنا بيت أمسك فيه إيدك زى ما أنتى عاوزة” ليه ياعم هو انا قولتلك بوسها فى الشارع؟!! أوقات كتير تصرفات صغيرة منك أدام الناس بتحسس الست انها مهمة بالنسبالك ومتقدرة مش بينك وبينها بس…لمسة بسيطة على كتفها…همسة سريعة فى وسط الزحمة بدون توقعها تقولها فيها بحبك..او حتى طبطبة حنينة…وأنتم فى تجمع عائلى مش معقول كل مرة تقولوا نفس الكلام “العيشة غالية” ”هو مش مقدرنى” ”يا مفترية اهى اللى أودامك دى مافيش طلب بيترفضلها” ليه ميبقاش الكلام “ربنا يخليهالى مش عارف من غيرها كنت عملت ايه فى العيشة الغالية اللى احنا فيها؟” “هو انتى فيه حد زيك يا مزة” مع اختلاف الثقافات والافاظ
مع غمزة عين هيا تفهمها..صدقنى بتفرق كتيييييييير .. تعرف..؟ لو هيا ست مفترية , الكلمة او الحركة هتفرق معاها وهتكسفها من نفسها وهتقدرلك انك عززتها ورفعتها أدام الناس.
البنات بتختلف عن بعض يعنى ممكن واحده ميفرقش معاها الكلام ده وتشوف ان دى كلها مظاهر ملهاش تأثير وواحده تانية يفرق معاها كتير انك تفتحلها باب العربية وتكرمها زياده شوية أدام الناس وبالتالى افهم حبيبتك كويس واعرف ايه اللى بيفرحها وأعملهولها ..
الست من المخلوقات اللى من السهل انك تملك عقلها بشوية بكش وكلام وحركات…وفيه مقوله عجبتنى اوى بتقول: “الرجل العادى تغار حبيبته من الفتيات اما الرجل العاشق تغار الفتيات من حبيبته”.. عايز تبقا عادى ولا عاشق؟
نتيجة لاختلاف طريقة تفكير الرجل والمرأه بيحصل بينهم كتير من المشاكل و كل واحد من الطرفين بيشوف نفسه هو اللى صح وأشهر مثال للموضوع ده هو ان كتير من الرجالة بيحبوا زوجاتهم وبيظهروا الحب ده من خلال تصرفاتهم معاهم بشكل عملى وفى نفس الوقت الست بتبقا منتظرة كلمتين حلوين وشوية بكش وبالتالى لما هى تستنى الكلام الحلو ومتلاقيهوش والراجل يتصرف تصرفات كويسة تعبيرا عن حبه والست متقدرهاش, هيا بتتهمه انه مبقاش زى زمان وهو بيقول عليها مبتقدرش تعبه عشانها.
بس خلينى اكون اكثر تحديدا فى النقطة اللى عايزة اقولها واللى كتير من البنات متقدرش تقولها لحبيبها وهيا ببساطة “ممكن تحبنى أدام الناس شوية يا حبيبى؟” ومتستغربش .. مش بقولك احنا مختلفين..يعنى لا أنا غلط ولا أنت غلط.. وبعدين انا قريت الكلام ده فى مجلة هندية اسمها “انا مش مظهرية .. انا عايزة أتحب وأدلع يا عنيا”.
المقصود بأنك تحبنى أدام الناس هو انك تقدملى بوكيه ورد بسيط أدام الناس او واحنا أعدين فى مكان ومعانا أصدقاء ممكن تمسك إيدى ومتقوليش “ما أحنا عندنا بيت أمسك فيه إيدك زى ما أنتى عاوزة” ليه ياعم هو انا قولتلك بوسها فى الشارع؟!! أوقات كتير تصرفات صغيرة منك أدام الناس بتحسس الست انها مهمة بالنسبالك ومتقدرة مش بينك وبينها بس…لمسة بسيطة على كتفها…همسة سريعة فى وسط الزحمة بدون توقعها تقولها فيها بحبك..او حتى طبطبة حنينة…وأنتم فى تجمع عائلى مش معقول كل مرة تقولوا نفس الكلام “العيشة غالية” ”هو مش مقدرنى” ”يا مفترية اهى اللى أودامك دى مافيش طلب بيترفضلها” ليه ميبقاش الكلام “ربنا يخليهالى مش عارف من غيرها كنت عملت ايه فى العيشة الغالية اللى احنا فيها؟” “هو انتى فيه حد زيك يا مزة” مع اختلاف الثقافات والافاظ
مع غمزة عين هيا تفهمها..صدقنى بتفرق كتيييييييير .. تعرف..؟ لو هيا ست مفترية , الكلمة او الحركة هتفرق معاها وهتكسفها من نفسها وهتقدرلك انك عززتها ورفعتها أدام الناس.
البنات بتختلف عن بعض يعنى ممكن واحده ميفرقش معاها الكلام ده وتشوف ان دى كلها مظاهر ملهاش تأثير وواحده تانية يفرق معاها كتير انك تفتحلها باب العربية وتكرمها زياده شوية أدام الناس وبالتالى افهم حبيبتك كويس واعرف ايه اللى بيفرحها وأعملهولها ..
الست من المخلوقات اللى من السهل انك تملك عقلها بشوية بكش وكلام وحركات…وفيه مقوله عجبتنى اوى بتقول: “الرجل العادى تغار حبيبته من الفتيات اما الرجل العاشق تغار الفتيات من حبيبته”.. عايز تبقا عادى ولا عاشق؟