فــــي مصــر تـــمـ تـــأجيل الدراســـهـ لمـــدة اسبـــوع......


طيب التأجيل ده ايه اللى هيحصل فيه ... ؟؟

وحتى لو تم تاجيل اسبوع او شهر اى مده

هى مش الدراسه هتستمر بعد المده دى ؟

المبرر اللى عند الوزاره بيقول :

فترة الحضانه بتبقى من 7 - 8 ايام لمرض (( انفلونزا الخنازير ))

وده لان العائدين من العمره هيبقى فى بينهم وبين اهاليهم اختلاط يعنى لو حد مصاب ممكن ينتقل المرض لحد تانى وبعد كده اللى اخد المرض ده لو راح المدرسه

وطبعا ما ادراك ماالمدرسه والتكدس اللى بيبقى فى الفصول

عندنا فى المنوفيه فى مدارس وصل عدد الطلاب فى الفصل الواحد لـ (( 60 )) طالب

يعنى التنفس اساسا بيبقى بالعافيه يعنى اى مرض ممكن ينتشر بسهوله جدا



فى الوقت اللى انشغلت مصر فيه بالاعلانات الوقائيه كانت ((( الصين ))) وصلت لانها بتعمل مصل ضد انفلونزا الخنازير
علشان تعالج المرض

طيب يبقى ليه احنا نقعد نضيع وقتنا وجهدنا فى اعلانات واننا ناجل العمل مع اننا ممكن نشتغل ضعف الوقت اللى هنأجله واحنا كمان ننتج مصل ضد المرض

وزى ماحصل السنه اللى فاتت لما حقنوا الطلاب ضد الحصبه الالمانيه وشبه منعوا المرض

ليه منوصلش لمصل ونلحق اللى لسه مش اتصابوا ؟؟

يعنى لو اجلنا الدراسه ماهى كده كده الدراسه راجعه راجعه واللى فيه المرض لا قدر الله هيفضل فيه

احنا لسه موصلناش لعلاج للمرض ده

ماهو كده يعدى الطلاب التانيين ولا فاد تاجيل ولا فادت اعلانات

وكمان مش بس انفلونزا الخنازير ده كمان الطيور مش سيبانا فى حالنا والمرض مش خلص زى ماكتير فاكرين


ايه رايك فى القرار بتاع تاجيل الدراسه ؟ وياتري هيجيب نتيجه ؟
ولا ده من ضمن اى تصريع بلا فائده قامت بيه الدوله ؟؟

شكرا على الموضوع الجميل والرائع ده
اولا قرار التاجيل قرار صائب جدا لانه زى ما انتى قولتى الناس اللى هترجع من العمرة واللى ممكن تكون حاملة للفيروس هيكون لسه مش اتعرفوا فيكون فرصة لمعرفة وحصر الحالات اللى لا قدر الله ممكن تتصاب بالفيروس
ثانيا قرار التاجيل هوه فرصة للحكومة لكى تستعد جيدا وللعلم هذا القرار من الرئيس نفسه خلال الاجتماع الوزارى اللى عقد من يومين
وبالنسبة لموقفك انك شايفة ان الحكومة مش قراراتها مش ليها فايدة انا مختلف معاكى فى الراى ده
على العموم ربنا يتسر والفيروس ضعيف يا جمعة وسهل علاجه زى الانفلونزا العادية بس المهم اكتشافه مبكرا حتى يتم علاجه
وكفانا الله شر هذا المرض

طيب ماشى ضعيف ونعالجه بس مش لما يبقى عندنا علاج ليه ؟

ولا هنستورد علاج للفيروس كمان ؟

ومش اقصد بان قرارات الحكومه مش ليها فايده اللى اقصده ان فى قرارات كتير اتاخدت ومجابتش نتيجه وكانت فى الهوى


شكرا لمرورك

جميل الكلام
بس الفيروس ليه علاج فعلا اومال الناس اللى بتتعالج دى اتعالجت ازاى هوه العلاج موجود وفيه كمية تانية هتوصل فى شهر اكتوبر ان شاء الله وعلى فكرة المصل بتاع الصين ده فشل ومش جاب نتيجة وبعدين قرارات الحكومة دى قرارات بشر ممكن تنجح وممكن لا

هههههههههههههههههههههههههههه يا بختكم والله

انا كنت سمعت ان القرار دا هيتنفد هنا في السعوديه بس هما اعلنوووو العكس مبررين ان القرار ملوش اهميه ومش هيفيد الوضع العام

وانا رئي من رئيهم والله يعني هما عاملين حمله جامده لي الوقايه على التلفزيون وفي كل مكان يكملوووو جميلهم ويعملوها في المدارس


انا مش مع القرار دا

هو اكيد مفيد عشان نستمتع بالاجازه شويه كمان


هههههههههههههه تحيا مصر


واللي مكتوب له حاجه هيشوفها


حتى لو الدراسه اتاجلت خالص


يسلموووووووووووووو علي التوبيك

جميل الكلام
بس الفيروس ليه علاج فعلا اومال الناس اللى بتتعالج دى اتعالجت ازاى هوه العلاج موجود وفيه كمية تانية هتوصل فى شهر اكتوبر ان شاء الله وعلى فكرة المصل بتاع الصين ده فشل ومش جاب نتيجة وبعدين قرارات الحكومة دى قرارات بشر ممكن تنجح وممكن لا

انت بتقول فى كميه هتوصل يعنى بنستورد العلاج على اساس اننا منقدرش نعمل زى العلاج ده ؟ ولو عملناه هتبقى التكاليف اقل بكتير
وبتقول ان مصل الصين فشل
بس هما حاولوا يعملوا حاجه بدل مايقعدوا يعملوا فى اعلانات وقائيه وتحذير وبس
ومقولتش ان قرارات الحكومه فاشله دايما او ناجحه دايما
نورتنى مره تانيه

هههههههههههههههههههههههههههه يا بختكم والله

انا كنت سمعت ان القرار دا هيتنفد هنا في السعوديه بس هما اعلنوووو العكس مبررين ان القرار ملوش اهميه ومش هيفيد الوضع العام

وانا رئي من رئيهم والله يعني هما عاملين حمله جامده لي الوقايه على التلفزيون وفي كل مكان يكملوووو جميلهم ويعملوها في المدارس


انا مش مع القرار دا

يمكن فى حمله كمان جايه للمدارس ربنا معاهم وماعانا
نورتينى

هو اكيد مفيد عشان نستمتع بالاجازه شويه كمان


هههههههههههههه تحيا مصر


واللي مكتوب له حاجه هيشوفها


حتى لو الدراسه اتاجلت خالص


يسلموووووووووووووو علي التوبيك

شكرا ليكي ياهمسات ياقمر
بس احنا مش بنتكلم عن حتة الاجازه تطول او لا احنا بنتكلم عن مرض موجود وحالات الاصابه بيه كترت
واكيد الاعمار بيد الله واللى مكتوبله حاجه هيشوفها بس احسن اننا نعالج الناس المصابه ونلحق الباقيين علشان بعد الشر محدش يفقد حد غالى عليه
نورتينى

انا شايفة انو قرار صائب جدا لان حالات الانفلونزا في السعودية سجلت اكبر رتفاع مقارنة مع باقي الدول العربية

وكمان جريت في جردية ان نظيف طالب خلال الاجتماع أيضا باتخاذ إجراءات أخرى لمكافحة أي انتشار وبائي للمرض، منها الحد من التجمعات وإلغاء الندوات والمهرجانات وتنظيف الفصول الدراسية والحد من الكثافة فيها

واتمنى تنفيذ دة فعلا

ميرسي يا قمر على التوبيك

شكرا لمرورك
نورتيني

مواضيعك بئه جامده اوى يا ايناس الواحد بئه يخاف منك على كده
ميرسى على التوبيك

ههههههههههههههه تخافوا منى ليه كده
ربنا يخليك
نورتنى

والله انا مش حاطه في بالي بصراحه المرض ده كله بيد الله يعني مش هو ده الي شاغل بالي قوي بس
بجد ربنا يستر لان بيقولو مفيش بيت هيخلي الا لما تكون في حاله
وانا سمعت والله اعلم ان العلاج الي موجود يدوب يكفي بس ربع الي في مصر بعني لازم يبقي في احطياتات
وبجد ندعيربنا انها تعدي علي خير ومايكنش في حاجه تاني بعد الخنازير

يا جماعة قيروس انفلونزا الخنازير لما واحد بيجيلوا المرض دة باخد مصل انفلونزا الطيور

بس لو اتلحق فى اول اربعة وعشرين ساعة من ظهور اعراض المرض

اما لو متلحقش فمفيش مصل يقدر يعالجه وبتكون نهايتة الوفاة

لان محدش اخترع مصل ضد المرض الصين او امريكا او اليابان

اما بانسبة لتاجيل المدارس فمن وجهة نظرهم علشان يكون المعتمرين رجعوا
وفترة الحضانة خلصت علشان يتاكدو ان مفيش اصابات

لكن مصر لا باليد حيلة اذا كانت اليابان وامريكا معرفوش يخترعوا المصل يبقى مصر اللى هاتخترعه

وشكرا للموضوع والنقاش المفيد

والله حضرتك عندك حق يا أستاذ أحمد
مصر دي بلد أصلا مش متقدمة في أي حاجة
وانا نفسي حد م المسؤلين يحس بقي شوية بالشعب
ربنا يسامحهم بقي الشعب مات وهما قاعدين ياخدوا شاور

ههههههههههههه يارب ياجلوها علطول علشان لسة مش استمتعنا با لاجازة
بجد موضوع كويس وانا من رايى ياجلوها شوية

شكرا ليك على الموضوع

شكرا ليكوا كلكوا ياجماعه
نورتونى

???????????

انا عن نفسي
المفوض يعملوا المصل ويوزعوه على الشعب
يعني بمعني اصح اكيد اول ناس اخدت المصل هما الوزراء والحكومة والشعب في داهية

بس انا بصراحة
نفسي ياجلوها مليون سنة

اه يارب تتاجل لكن معدش فايده

شكرا لمرورك ياقمر

ميرسي على الموضوع

انا مش عايزاها تتأجل
احنا ممكن ما نروحش و نعتمد على البرامج التعليمية و الدروس و نروح على الامتحانات
و كدة هيبقى احسن

ميرسي على الموضوع

انا مش عايزاها تتأجل
احنا ممكن ما نروحش و نعتمد على البرامج التعليمية و الدروس و نروح على الامتحانات
و كدة هيبقى احسن

مش احسن
اولا البرامج التعليميه مش بتفهم حاجه اساسا ده باعتبار ان الطلاب هيقعدوا قدامها اصلا
ثانيا الجامعات : ازاى هتبقى ليها برامج تعليميه يعنى كل محافظه وكل كليه وكل قسم ليهم برنامج لوحدهم طيب هيتعرضوا امتى ؟؟
يعنى دلوقتى انا طالبه فى جامعه بمحافظة كذا
الدراسه بتاعتى مش معتمده كدراسه عامه على الجامعات كلها اللى فى فرقتى
دى حاجه بيقررها الدكتور بتاع مادتى وبس
يعنى هيبقىى فى كام برنامج لكام ماده


شكرا لموروك

احسن حاجة يلغو الدراسة

حرام يلغوها مش سهل سنه تضيع من العمر كده

لا ما هما يلغوها بس السنة تتحسب

لا ما هما يلغوها بس السنة تتحسب

هههههههههههههه
اذا كان كده ماشى

المشكله ياجماعه ان فى مصل بس تكلفته للواحد 5000 دولار يعنى الى معاه يشترى طبعا معروف من الى هياخد المصل

مش احسن
اولا البرامج التعليميه مش بتفهم حاجه اساسا ده باعتبار ان الطلاب هيقعدوا قدامها اصلا
ثانيا الجامعات : ازاى هتبقى ليها برامج تعليميه يعنى كل محافظه وكل كليه وكل قسم ليهم برنامج لوحدهم طيب هيتعرضوا امتى ؟؟
يعنى دلوقتى انا طالبه فى جامعه بمحافظة كذا
الدراسه بتاعتى مش معتمده كدراسه عامه على الجامعات كلها اللى فى فرقتى
دى حاجه بيقررها الدكتور بتاع مادتى وبس
يعنى هيبقىى فى كام برنامج لكام ماده


شكرا لموروك

لا انا قصدي ان البرامج التعليمية هي الكلام اللي هتقوله الوزارة لكن اكيد الدروس هي اللي هتفيدنا مش البرامج التعليمية
و الجامعات ممكن يتعلموا عن طريق الايميل يعني الدكاترة يحددوا معاد و يكلموهم و يعملوا فيديوهات للحاجات العملي او الدكتور يسجل الشرح بتاعه
يعنيي كأنكم في الجامعة بالظبط