مكتوب عليا الحلم احلم بيه اقوم فرحان . يقوم يمشى
مكتوب عليا اخون واحده ماتعرفنيش فمتغيرش ..
ومااعرفهاش وما اعرفش بحبها ليه
وان فكرت ف عنيها بتكره ايه بتزعل ليه مابفهمش
وان قررت ابقى حقيقى وانساها ما بقدرش
واقول مكتوب واقرر اتوب واقول اتقل بلاش اكتب
اروح اكتب وما اتقلش .
واسمع جوا منى كلام يتقال يفرحنى ويتعبنى
يبكينى ويسعدنى .
ووسط الزحمه بين الضحكه والدمعه .
الاقينى بطلع طاقه مكبوته علشان خاطر كلام ف الاصل ما اتقلش ..
اقولك كلمه من الاخر ..
يا فكره عايشه جوايا ماتتشفش ..
اكيد قلبى وقع فيكى ع حاسس مابيشوفش ..
وطلبه بسيط يغير امتى يغير ازاى ..
وامتى يحس بالنشوه يسهرنى وماينمش
وامتى لما يوم ازعل يواسينى فمزعلش
ومن حلمى ما خدتش غير قرار واحد
انام تانى واحاول انى ما احلمش
..