السلام عليكم ورحمة الله وبركاته

وانا بقرا في القسم دة

شوفت ناس كتير عندهم مشاكل مخبيين جواهم حجات

وقولت ليه مش نفضفض لبعض ونساعد بعض ونخلي نفسنا مكان الناس دي

خليك مكانهم واسمعهم وقدم ليهم النصيحة

ايوة انت واحنا كلنا هنعمل دة

طب انتو كلكم عاوزين تفضفضو فضفضي لكن بشرط!!

فضفضو براحتكم ع الاخر بكل ما يهمكم ويشغل بالكم حياتكم,اهلكم, شغلكم, جيرانكم, حتي الشارع بس بشرط

الشرط هو ان اي عضو يدخل ويرد على اي موضوع يرد باحترام ومن غيير تجريح في بعض او نخرج على سياق الموضوع

اتمنى ان الفكرة تعجبكم

وتنال رضاكم

ومستنية تفاعلكم

اختكم في الله miss.karawana

انبقة نفسى افضفض اوى بس مش عارفة ااقول اللى جوايا بصراحة
يمكن انا لسة مخطوبة ومش عارفة افهم خطيبى خالص او اللى جرخنى انى مش عارفة لو كان بيحبنى ولا لا وهو بيقولى دايما انة بيتكسف يقول اللى جواة وانا مش عارفة ازاى اعرف ان انا بنسبة ليه حاجة كبيرة ولا لا ياريت تسعدونى

بصي انا عندي فكرة لطريقة تخليكي تعرفي ازا كنتي كبيرة عندو ولالا

غيبي عنو مدة كدة وحاولي مش تكلميه انتي سافري او ي حاجة المهم يعرف انك مش هتوفيه ولا تكلميه

فمن هنا هتعرفي انتي تهميه فعلا ولا مجرد واحدة هيجوزها وخلاص

فهمتي حاولي ولو مش نفعت
هقولك على طرق تانية
وربنا يسعدك ياااااااااارب

اولا شكرا علي الفكرة دية لاني محتاج اتكلم اوووي
انا مشكلتي اني عمري ما كلمت بنت في حياتي كلها
وفي يوم اعجبت ببنت في النت ومش عارف اقولها ازاي ان انا معجب بيها
وهي ساعات بتبادلني الاعجاب وساعات لا
اعمل ايةبس......

يمكن هي معتبراك مجرد صديق
واحيانا البنات بيعجبو بالصدقاء فبيبان كانه حب

فكرة جميلة منك يا مس

او ممكن تكون بتحبك يا هنري بس خايفة لتكون مش بتبادلها نفس الشعور

فحاول تعرفها انك مهتم بيها علشان تتاكد هي من حبك وانت تتاكد من حبها

لو كنتو بتحبو بعض فعلا

انا نفسي اوى افضفض بس تقريبا وصلت لمرحلة انى مبقتش قادرة اتكلم عارفين لما تكونو مفيش حاجه قاسيه مشوفتوهاش الواحد وقتها بيحس انه فقد النطق اهو ده بالظبط اللى انا حاساه فاقده النطق ونفسي اوى اروح فى غيبوبه او افقد الذاكره تعبت اوى نفسي اوى حد يحضني ويحس باللي فيا من غير ما اتكلم احساس بشع ياساتر يارب

بصي يا نور

هقفولك حل هيريحك لاني تقريبا زيك وبهرب للنوم علشان انسى الي بعيشو

قربي من ربنا

وان شاء الله خير ليا وليكي لاني زيك كدة بالظبط

السلام عليكم ورحمه الله وبركاته
موضوعى يا جماعه انا هختصره فى كلمتين ومش هطول ان شاء
الحكايه وما فيها انى ن%

والاسم الا هو ابو ندى لان يا جماعه اتزوج من بنت محترمه وانجب منها لطفله واسمها ندى لان ندى اسم جميل

مبروك
وميرسي على المرور

انا بقى هقولك على النهاردة بس يعنى فضفضة على الى حاسة بية النهاردة بس
حاسة بوجع كبير اوى فى قلبى لانى افتقدت انسانة بحبها اوى يكفى ان اقولك
الوحيدة الى عمرى ما اتكسفت وانا ببكى فى حضنهاوالحاجة الى وجعانى اكتر
انها كانت الصلة الوحيدة الى ممكن كنت اشوف حبى الاول عندها وكان نفسى اروح
احضر الجنازة بس اهلى منعونى وبكدة يمكن ما اشوفهوش تانى لانة حلف لى انة
مش هينزل المكان الى انا ساكنة فية تانى بعد ما سبنا بعض بس هوة واحشنى اوى






يعنى النهاردة فراق الى الابد للاحباب بس انا اطمنت علية ووالدتى قالت انة كويس وبيسلم علية

فية حد حاسس بالوجع دة حاسة انى عايزة اصرخ واقول انى تعبانة وللاسف الكلام عمرة ما هيريح الى بيحكى

الله يرحمها

ويفك عنك همك وكربك يا قمرر

طبعا محدش بيحس بحد مية بالمية

بس الفضفضة هي الي بتريح من ان الناس تحس بينا

ربنا معاكي يا قمر

انا بحب واحد متجوز وهوكمانبيحبنى بس انا بنت وهوبيقلى ان اهلى مش هيوفقو بية

الشرع ادا للراجل يجوز اربعة وانتى لو موافقة تبقي زوجة تانية اكيد هتقدري تقنعى اهلك او حاولي
متخليش كلامو ياثر وكمان قويه وقوليله هيوافقو

دى حياتك الشخصية انتى الى هتعيشيها مش امك او والدك بس الشورى واخد النصيحة منهم واجب علينا

ربنا يوفقك يا قمر ويجيبلك الى فيه الخير

انا دلوتى حسه انى فى ضيق كبير لانى بعيدة عن زوجى لسبب انى مكسورة وعند اهلى وعندما عاتبتو بالكلامات انةلم يفكر حتى فى كلمت وحشتينى او يقول انو محتاجنى انى فقط احتاج لدقائق وانى اعرف انهو مشغول ولكن فى نهايت الكلام على الهاتف لم يقول شى بل بالعكس قال انى تفكيرى فاضى الشي المحزن انى اصبحت اتاكد من احساسى انهو لايكن المشاعر التى اكنها له اسعه الية دئما ولكن بدون جدو قررت شى وهو ان ابعد فعلين لا اهتفه ولااسئل لكى يشعر بى حقا بادرينى بالرائى ارجوكى

بجد انا ما دلتش هنا علشان اقرا مشاكل الناس بس قولت اكتب مشكلت لعل و عسى الاقى الحل عند حد
انا مشكلتى بيعانى منها كتير انا احمد عندى 15 سنه قاعد مع اهلى فى البيت اللى عمرى ما حسيت بوجدهم
بس حاولت كتير ان انا اللى اقرب لهم مع ان المفروض هما اللى يعملوا كدة بس كل مرة كنت بكتشف ان ما فيش
حدفيهم اهل انى اديهم الامان و الثقة لان كذا مرة احكى لحد فيهم عن مشاكلى و يقولها لغيرى اللى هو ابويا وبعدها
بكتشف ان ابويا بيعاقبنى كانى ارتكبت جريمة بس ما بقاش عندى ثقة فى اى حد فى اهلى لدرجة انى بقيت اتكلم مع نفسى كان فى شخص جوايا بيكلمنى وبعديها بفترة اتفاجئت ان هما اللى عايزين يقربولى ويتكلموا معايا بس كان فات الاوان على دة لانى فقدت الثقة فيهم لدرجة ان اى شى ان كان هو ايه خاص بحياتى بس انا عايش حياتى و بتمتع بسنى الل لو راح مش ها يتعوض و الحمد للة ان ليا اصدقاء اتكم معاهم و يتكلموا معايا ونفضفض لبعض لان اى كانت المشكلة او الموضوع اللى بنتكلم فيه حتى لو كان مصيبة كلنا بنتكلم مع بعض بكل هدوء و بساطة و انا اكتشفت بعد التجربة دى ان لو انت قفدت الثقة فى اهلك و كانت 0% اتاكد ان ليك اصدقاء ها يعوضوك الاحساس ده

السلام عليكم
مشكلتي اني اتجوزت من سنتين وعندي طفل عمره سنة، من غير ما ادخل في التفاصيل والخلافات انا مصممة على الطلاق ومش هو ده المشكلة ، المشكلة إني لو طلبت الطلاق هياخد ابني،، أعمل ايه، انا قلت له مستعدة اتنازل عن المؤخر والنفقة ومش عايزة كمان حضانة للولد، ده غير إنه اصلا استرد اكتر من تلتين المهر، يعني زي ما تقولو شبه متجوزني ببلاش،،، المصيبة ان الدولة اللي انا فيها القانون بتاعها انه ياخد الولد لو طلب الطلاق من طرفي، وانا ما عدتش قادرة استحمل الحياة معاه بأي شكل،،، وكل اللي عرف حاجة عنا قاللي اطلبي الطلالاق ومن ضمنهم تلات مفتيين شرعيين من دول مختلفة، يعني انا مش طالباه كدا دلع ولا على الفاضي، بس قانون الدولة اعمل فيه ايه واتصرف ازاي؟؟؟