ياتري ايه رايكو في الشغل بالنسبة للبنات المفروض البنت تشتغل ولا اشغل ليها يعتبر بهدلة والاولي هو الولد يلا شاركو معايا بأراكو ؟؟

اقولكو انا رايي الاول هو انا بنت وممكن كلامي يزعل بنات كتير اوي بس انا هتكلم بصراحه اي شغل لاي بنت بيعتمد اهم حاجة علي مظهرها واللي مظهرها ميعجبش البيه صاحب الشغل ميشغلهاش فيه دلوقتي بنات هتزعل وتقول لاء انا بشتغل ومحجبة هسألها سؤال اي حجاب اللي انتي لابساه؟؟؟ الموضة والسبانش يعني البنت بتبقي مغطية شعرها ورقابتها باينة ومفيش مانع لو ودنها كمان عشان الحلق اصله غالي اوي ولازم تبينه عشان تبقي لايقة ببرستيج المكان اللي شغالة فيه والا صاحب الشغل يزعل وطبعا لازم تخاف موووووت علي زعله يابنات والله العظيم القاعدة في البيت أكرملكو وده ابدامش تقليل من شأن البنات بالعكس ده عزة ليها ومحافظة عليها من اي حد يقولها كلمة او يبصلها بصة وطبعا دلوقتي بقي في لمس كمان مش بص وبس مهما كانت البنت لابسة حتي لو نقاب برده هيطلع حد يضايقها القاعدة في البيت اكرملكو يابنات ...

متزعلوش مني بس ده رأيي انا كمان مستنية اعرف رأيكو ؟؟؟

أنا رأيى مش تشتغل بس لسبب أخر الولد أولى يشتغل ممكن أحنا نقعد بس على جنب شوية لما الولاد كلهم يشتغلوا ولو فاض لينا شغل نبقى نشتغل وفى كمان حاجه مؤذيه جدا ومش قصدى يعنى أغلط فى موظفات كتير متعينين من أيام لما كان التعين فى الوظائف الحكومية بالأعدادية ودلوقت تلاقى شاب معاه بكالريوس بتقدير وقاعد على القهوه ونفسه يتعين ومش لاقى وتدخلى المكتب على الموظفه دى تلاقيها بتعمل أى حاجه بعيد عن الشغل تتكلم فى التليفون بتقشر خضار بجد الحاجات دى بتحصل بجد مش شغل سينما وبس فأنا عندى حل نطلع الناس دول معاش الموظفات مش الموظفين ونشغل الولاد المتخرجين من كليات مكانهم بس خلاص ده رأيى

مرسي اسيرة علي مرورك

بصى البنت الازم تشتغل لكن قبل ماتفكر لازم تحب الشغل الاول
اما بقى بالنسبة للمحجابات فهم مظلومين جدا انا منهم فى شغل كتير
مش بقدار اشتغل فية علشان انا محجابةوعلى فكرة انا محجبة عادية جدا
يعنى مافيش اسبنش ولا بنطلون اسلم ولابضى كلو عادى بس برضة
مش خمار يعنى هو عادى يبقى البنت مظلومة المحجبة ولا لا

و الله شغل البنات هو اللى زاد من معدل البطاله فى العالم

انا مش ضد شغل البنات لكن انا يوم ما هفكر اتجوز اول شىء هعمله انى هخلى مراتى تشتغل لمده سنه او اتنين

علشان تراعى ان الواحد بيرجع من الشغل مهموم و بعد كده هخليها تقعد فى البيت

و ده لمجرد انها تجرب و تحس

مرسي هاري علي مشاركتك بس ليه الانتقام ده ههههههه؟؟

بصى انا حقلكوا حاجة احنا لوبصينا ان البنات بيأخدوا مكان الولاد فى الشغل فده مش صحيح

ليه ؟؟ علشان البنت اللى بتشتغل دى واللى بتقولوا هتاخد مكان الولد دى برده متعلمة زى الولد ده المتعلم اللى كان هيشتغل مكانها يعنى تستحق الشغل ده لكن لو هى واحدة مش متعلمة واقل منه والمفروض انه هو الاولى انه ياخد الوظيفة دى يبقى هو اللى عنده الحق فى الشغل

لكن بالنسبة لشغل البنت عامة فأنا معاه لو هى محافظة ع كرامتها وع احترامها وع دينها اولا لكن لو ضاع ده كله يبقى فى دهية الشغل ده

وبالنسبة للست المتجوزة لو شافت ان الشغل ده هيقصر ع بيتها وجوزها يبقى ملوش لازمة

ده رأى المتواضع وشكرا يايسمين لطرحك الموضوع

مرسي ياجوليت علي رايك بس هي مش فكرة مين ياخد مكان مين احنا بنبص للبنت ان الشغل ده بجد بهدلة ليها تمام هي هتحافظ علي كرامتها وتعمل حدود وكل حاجة بس اسمحيلي الناس دلوقتي مبقتش تحترم حدود حد بقي كله يتخطي الخطوط اللي التاني عاملها بدون اي احترام او حياء وبعدين الناس بقت وحشة ومحدش هيحافظ علي حد فالافضل ان هي تحافظ علي نفسها وتقعد في البيت وكفاية عليها انها اتعلمت والتعليم ده لاولادها ولنفسها مش لازم تترجمه شغل لان اساسا هي مش هتشتغل باللي اتعلمته ومرسي ياجوليت للمرة التانية

الشغل ليه مزايا وعيوب مزاياه ان البنت وهى فى البيت مش فاهمه ولا عارفه ايه اللى بيحصل فى الدنيا والشغل بيديها فرصة تفهم وتتعلم امور الحياة والاهم من كده انها تعرف الشباب والرجالة بتعمل ايه بره البيت . ده غير انه تسليه وبيديها فرصة تتعلم مواقف كتير فى الحياة وتعرف ازاى تتصرف فى المواقف دى . اما بالنسبة للعيوب فالشغل فعلا بهدلة وقلة قيمة وصاحب الشغل لو مش محترم مش هتفرق عنده البنت منقبه ولا بشعرها لانه اصلا مش محترم ولو ان الاحترام قليل جدا فى الزمن ده

مرسي kakiعلي مشاركتك الجميلة دي بس والله لو قارنتي المزايا بالعيوب هتلاقي ان العيوب اخطر بكتير ومرسي ياقمر علي مرورك

موضوع مشوق،،
أنا من وجهة نظري المتواضعة،، العمل مناسب للمرأة في حالتين:
هو انه المرأة لما بتحتاج فلوس-- ظروف عائلية قهرية يعني لازم الفلوس عشان تعيش اولدها و عائلتها.
او بتكون تحب العمل -- مثل الفنانات (الرسم و الكتابة و الطرز،، فنون محترمـــــــــه)، لانها مبدعة و المجتمع محتاج ليها.

و اذا لم تكن هناك هاتين الحالتين: فيجب عليها العمل و الالتزام بالدين الاسلامي و الحجاب الشرعي.

و مشكورين على الموضوع المشوق ده.

انا ضد عمل المراة الا فى اضيق الحدود...كمن لا تجد من يعولها ...لكن هناك بعض البنات لا تريد ان تفهم ان جلوسها فى المنزل اكرم لها...فهى تريد الخروج الى المجتمع لشعورها بالكبت والملل ... ولتشعر انها حرة وتتخلص من استعباد الرجل فى رايها....لكن المجتمع الاسلامى والشرقى كرم المراة وجعل جلوسها فى المنزل كرامة لها وفى القرآن الكريم يقول الله تعالى( وقرن فى بيوتكن......)...وانا شاهدت بعينى كثيرا من التجاوزات فى اماكن العمل تحدث للبنت...بالاضافة الى اننى سمعت باذنى بعض الموظفات تدخل فى حديث عن علاقتها السرية مع زوجها على الملا وامام زملاءها من الرجال...وطبعا كلنا سمعنا عن موضوع ارضاع الكبير...يكفى للبنت او للمراة جلوسها فى منزلها معززة مكرمة...تجد من يلبى لها طلباتها وهى تجلس فى بيتها كالملكة...كان هذا راييى الشخصى..

مرسي best buplisherعلي ردك الجميل ورايك بس انا نفسي اسالك سؤال ايه الاسم الصعب اللي انت مختاره ده بكتب كل ده؟؟؟؟ انا بهزر معاك اوعي تزعل ومرسي ياجميل علي مشاركتك

مرسي كتير كتير كتير ليك ياعصفور المطر انا متفقة جدا جدا جدا ومؤيدة بشدة لرأيك الجامد ده

شكرا يا فيرجينيا علي الموضوع الجامد ده

وانا مع ان المراه تضع بيتها وزوجها واولادها في المرتبه الاولي


اما اي شئ تاني فممكن ييجي في المرتبه التانيه او ممكن التالته



سوري لسه منجدين بس

مرسي ياروميو ياقمر علي رايك ومرورك الجميل ده بس هو انتو منجدتوش علي المرتب بس ولا ايه الشتا جاي ونبي نجدلينا لحاف ولا حاجة :

انا مع رأى حضرتك
مشكورة كتير

مرسي ادسنس علس مرورك

بجد تحية كبيره ليكي على الموضوع

وعموما انا راي ان الشغل للبنت هو حاجه كويسه جدا ومش بتاخد مكان ولد مش لاقي شغل

لأن لو من المنظور ده يبقى مش لازم تتعلم ولا تاخد شهاده كمان

يبقى شهادتها لازمتها أيه

مرسي يامحمد علي مشاركتك بس التعليم ده هيبقي لاولادها وليها عشان تعرف تتفاهم مع جوزها وبعدين الفكرة مش مين ياخد مكان مين الفكرةان ده بهدلة بجد للبنت من كل النواحي وبقي في ظواهر كتير اوي وحشة في المجتمع ومحدش هيسيبها في حالها انت فاهمني طبعا انا بنت ولما اخلص الكلية مش هفكر اني اشتغل لاني بجد مش هقدر علي اللي بيحصل في الدنيا وابسط حاجة من اللي بيحصل التحرش اللي بقي منتشر بشكل رهيب ككاننا مش بلد اسلامي ابدا وده كله في وشنا احنا ومتقوليش البنت اصلها بتبقي لابسه الولد برده بيبقي متجاوز حدوده مع الليلاسة كويس او لاء ومرسي ياقمر علي ردك

شوفي انا معاكي ان تعليم البنت لبيتها اولا وأخيرا

بس بالشكل ده يبقى تعليم محدود علشان البيت وخلاص

وإذا كان بسبب ان البنت مينفعش تنزل الشارع علشان التحرش اللي بيحصل اليومين دول فده من رأي أنا

بقى كله البنت والولد والله ده في بنات مش ممكن اللي بيعملوه

صحيح حالات محدوده جدا بس موجوده وحالات التحرش اللي حصلت اليومين دول فعلا كان حقيقي في بنات وستات كبار في السن ومنقبات كمان يعني مش لابسين اولابسين

وشباب حاولو انهم يتحرشوا بيهم

في واجب على الناس كلهم ان تبقى في حالة توعية للشباب

وكمان عقوبات لأي حد يفكر يعمل حاجه زي كده تاني ومتقوليش ان في عقوبات فعلا

لأن العقوبات الموجوده مش كفايه أبدا

وتحياتي ليكي

مرسي ليك يامحمد بس معلش يعني التعليم اللي احنا بنتعلمه اساسا هو محدود خلقة هيبقي محدود اكتر من كده ايه وبس انا هدفي ان البنت تحافظ علي نفسها وتقعد في بيتها معززة مكرمة وبكده هتحافظ علي نفسها وعلي الشاب كمان ومرسي ليك ياقمر

انا مع رايك يا ياسمين

لان هو ده راي الصواب







بجد البنت لازم تهتم ببيتها وزوجها واولادها

والراجل اللي ميقدرش يكفي بيته بقي يبقي يقعد مكانها في البيت بس لازم يكون بيعرف يقشر كوسه كويس اوي

وممكن يقمع باميه كمان








وبالمناسبه يا ياسمين انا لسه منجدلك لحاف عشان بالليل الجو بيسقع اوي


اي خدمه

مرسي ليك ياروميو وعندك حق فعلا هو ده الصح والمفروض احنا نخلص الجامعه ونشتغل طيب هما يعملو ايه ؟؟؟ وعلي فكرة مش لازم يكون بيعرف يقشر كوسة وبامية تبقي مراته تجيبلو تكاواي ده راجل برده ولا ايه!!!!!!!!!!!!!؟ ومرسي علي اللحاف ياروميو الدنيا بقت تلج

اقولك حاجه بجد انا بقرا موضوعك من الاول ووالهى العظيم بقول سبحان الله الطيور على اشكالها تقع احنا للدرجه دى متفقين رايى هو رايك من غير ما تسمعيه بتقولى اللى نفسى اقوله من غير ما اقوله ليكى بجد ربنا ما يحرمنا من بعض وطبعا رايك هو رايى ومتفقه معاه ماانتى قلتى اللى كنت عايزه اقوله يا قلبى وبجد بيت البنت هو مملكتها لانها كالجوهره اللى يجب المحافظه عليها من عيون كل الناس فى مكانها الطبيعى الفترينه الجميله والعلبه القطيفه طبعا هما بيتها وربنا يصون ويعف كل الجواهر الجميله اقصد البنات كلهم يارب

مرسي ياجيسي علي مروروك وربنا يحفظنا ويعف شباب المسلمين

موضوعك جميل جدااا

بس بصراحه انا لسه ماجربتش ايه المشاكل اللى هاتواجهنى لما اجى اشتغل علشان حجابى

بس يعنى الافضل ان الشباب يشتغلوا الاول لان فى البدايه والنهايه هما اللى هايعولوا اسره بعد كده

مش البنات

واظن ان البنت احسن لها واجمل واصعب مليون مره انها تتفرغ لتربية اولادها(ده بعد الجواز اذا حصل يعنى)

وبعدين ياجماعه مش لما يبقى فى شغل اصلا نقول البنات تشتغل ولا لا

تقبلى مرورى

مرسي سينس اوف ورلد علي مرورك ماهو في شغل بس كلة مطلوب انسة للعمل حسنة المظهر متقوليش هتعمل اعلانات مش ممكن والله

انا من رايي ان البنت مالهاش غير بيت زوجها واولادها بس

مرسي يااقلب ياطيب علي مرورك واله يانفس رايي بس تقول لمين بقي كل واحده تيجي تقول المساواة والبتاع طيب يعني وبعدين