فى بدايه الموضوع أحب أكد أننا مع الأعتصامات والأضرابات مادامت سلميه و مفيهاش تعطيل للمرور أو مشاكل لناس تانيه يعنى سيبوا الناس قاعدة بأحترامها مفيش أحتكاك لحد ماالحكومة تبصلهم
و مع حتى المطالب الفئوية رغم أنها هتودينا فى داهيه بس دا إلى ماشى مع الحكومة دلوقتى يعنى الحكومة مش بتبص للناس إلى ساكتة و مظلومة لأ لازم صوتها يعلى
و دا إلى حصل مع جماهير الأتحاد لما وقفت أدام المنطقة الشماليه و قعدت تشتم وتصوت و كأنهم فى جبلايه القرود و ساعتها الأتحاد فضل فى الدورى و سابوه يلعب فى الممتاز عادى جدا
و مش هنقول بعد كدة بالليل لما ناس جت تقف وقفة أحتجاجيه عاديه جدا تطالب بطرد المشير أية إلى حصل عشان منغيرش سياق الموضوع
بس ضد أوى الأضرار بالناس يعنى متجيش عشان أنت مظلوم فى حياتك تنزل تكسر فى عربيات و تولع فى بيوت و تسرق و تنهب فى المحلات مش دة الحل يعنى و مش ذنب ناس شغاله شغل محترم و بتمتلك عربية أو شقة و دافعه دم قلبها فيها
و كمان ضد الضرر الفكرى و المستقبلى زى المدرسين ماعملوا و برضة ضربوا أطفال فى المدارس و ضد أن مفيش حد فيهم بص لمستقبل التعليم و قال عايزين نطور المناهج و التعليم أو أضافة مواد علمية و بكدة تم الأضرار بالطلبه و تم الأضرار بمستقبل جيل كامل بحالة لأن الشخص دة المفروض هيكون قدوة للطالب و حتى لو مكانش قدوة فخلاص كدة أحنا ضمنا أن الناس دى هتكون معقده نفسيا و عندها عنف غير طبيعى لأ و الأجمل أنهم عايزين يلغوا أمتحان الكادر ماهو لو مدرس فاشل يبقى عايزين طالب ينجح أزاى !؟ ماعلينا من المدرسين برضة عشان منخرجش عن موضوعنا
بالنسبه بقى للى أتفقوا مع بعض و هو محمد أبو كريشة رئيس النقابة المستقلة للعاملين بالشركة المصرية للأتصالات أنه يقطع خدمة الأنترنت على مصر بالكامل بعد أسبوع و دا يعتبر تهديد لو الحكومة منفذتش المطالب
طيب أية هيا المطالب بقى !؟
1- أقالة مجلس إدارة الشركة
2- الأفراج عن الخمسه المقبوض عليهم فى تهمه شروع فى قتل الرئيس التنفيذى للشركة
3- زيادة الأجور و الحد الأدنى و الحد الأقصى للمرتبات
طيب المطلب الأول و التانى لو فيه ناس شهود على الحالتين أو فيه أدله يبقى الناس دى عندها حق و أنا مؤيده تماما لكل المطالب دى , المطلب التالت برضة عندهم حق رغم أنه مطلب فئوى و ناس كتيرة ممكن تعترض معايا بس برضة حقهم
بس لو قولتلكم أقل واحد فيهم بيقبض كام هتشتمونى أصل الحد الادنى للمرتبات عندهم 1800 جنيه و الأقصى 4000 جنيه فى خدمة الدليل بس برضة هحاول أقنع نفسى و أقول حقهم
طيب الناس دى أحنا دلوقتى بنفكر فى مصلحتهم
بس يا ترى الناس دى زى مافكرت فى مصلحتها فكرت فى مصلحتنا !!!!!؟
أنتوا عارفين بقى النت لو أتقطع فيه ناس هتخسر أد أية !!!؟
أنتوا متخيلين أن كل الناس إلى شغالة على النت عددهم كام مش هقول شركات الانترنت زى لينك و تى أى داتا و الكلام دة كله , لأ أنا هقولكم إلى شغالين مبرمجين و مكودين و ناس أخدة أجازات فى مصر هنا و بتخلص شغلها و بتبعته للشركة الأجنبيه إلى كانت شغاله فيها , عارفين أن فيه مجالات كتيرة أوى متنفعش تشتغل إلا بالأنترنت , عارفين أن مينفعش أصلا خمس دقايق يتم قطع النت فيهم لو أحنا دولة بجد كويسة , عارفين لو النت قطع برة فى أى دولة فى العالم ممكن شركات الأستضافة ترفع قضية على الدولة و تخسرها أد أية , عارفين الداتا سنتر الثانيه عنده بتفرق فى سرعة النت أد أية , عارفين أن أغلب التغطيات الأعلامية بتكون على النت
عارفين يعنى أية العالم كله بيتطور و أصبحت فيه دول عندها التحميل غير محدود و اقل سرعة 3 ميجا و بـ5 دولار فى الشهر لأ و الجميل أية بقى أنك لوحدك و مش بتشتكى من الناس إلى معاك فى الوصلة ولا إلى مركبلك نت , عارفين أن فيه أماكن كتيرة جدا فيها واى فاى دلوقتى و بتدخل على النت ببلاش منها !؟ عندنا فى مصر كام مكان كدة ؟ لو حد مسافر برة يقولنا كام مكان بقى و نقارن !؟
بس انا مش بقارن مصر بدولة تانيه فى التكنولوجيا بس أحنا عايزين نتطور نحاول نزود من نفسنا مش نقلل من نفسنا لدرجة أننا نرجع لأكتر من 30 سنه ورا
عارفين أن دة مخالف لبنود و نصوص حقوق الإنسان !؟
يا ترى لو الكلام دة أتنفذ مين يجيب حق الناس إلى أتضررت بسبب الموضوع دة ؟
و مع حتى المطالب الفئوية رغم أنها هتودينا فى داهيه بس دا إلى ماشى مع الحكومة دلوقتى يعنى الحكومة مش بتبص للناس إلى ساكتة و مظلومة لأ لازم صوتها يعلى
و دا إلى حصل مع جماهير الأتحاد لما وقفت أدام المنطقة الشماليه و قعدت تشتم وتصوت و كأنهم فى جبلايه القرود و ساعتها الأتحاد فضل فى الدورى و سابوه يلعب فى الممتاز عادى جدا
و مش هنقول بعد كدة بالليل لما ناس جت تقف وقفة أحتجاجيه عاديه جدا تطالب بطرد المشير أية إلى حصل عشان منغيرش سياق الموضوع
بس ضد أوى الأضرار بالناس يعنى متجيش عشان أنت مظلوم فى حياتك تنزل تكسر فى عربيات و تولع فى بيوت و تسرق و تنهب فى المحلات مش دة الحل يعنى و مش ذنب ناس شغاله شغل محترم و بتمتلك عربية أو شقة و دافعه دم قلبها فيها
و كمان ضد الضرر الفكرى و المستقبلى زى المدرسين ماعملوا و برضة ضربوا أطفال فى المدارس و ضد أن مفيش حد فيهم بص لمستقبل التعليم و قال عايزين نطور المناهج و التعليم أو أضافة مواد علمية و بكدة تم الأضرار بالطلبه و تم الأضرار بمستقبل جيل كامل بحالة لأن الشخص دة المفروض هيكون قدوة للطالب و حتى لو مكانش قدوة فخلاص كدة أحنا ضمنا أن الناس دى هتكون معقده نفسيا و عندها عنف غير طبيعى لأ و الأجمل أنهم عايزين يلغوا أمتحان الكادر ماهو لو مدرس فاشل يبقى عايزين طالب ينجح أزاى !؟ ماعلينا من المدرسين برضة عشان منخرجش عن موضوعنا
بالنسبه بقى للى أتفقوا مع بعض و هو محمد أبو كريشة رئيس النقابة المستقلة للعاملين بالشركة المصرية للأتصالات أنه يقطع خدمة الأنترنت على مصر بالكامل بعد أسبوع و دا يعتبر تهديد لو الحكومة منفذتش المطالب
طيب أية هيا المطالب بقى !؟
1- أقالة مجلس إدارة الشركة
2- الأفراج عن الخمسه المقبوض عليهم فى تهمه شروع فى قتل الرئيس التنفيذى للشركة
3- زيادة الأجور و الحد الأدنى و الحد الأقصى للمرتبات
طيب المطلب الأول و التانى لو فيه ناس شهود على الحالتين أو فيه أدله يبقى الناس دى عندها حق و أنا مؤيده تماما لكل المطالب دى , المطلب التالت برضة عندهم حق رغم أنه مطلب فئوى و ناس كتيرة ممكن تعترض معايا بس برضة حقهم
بس لو قولتلكم أقل واحد فيهم بيقبض كام هتشتمونى أصل الحد الادنى للمرتبات عندهم 1800 جنيه و الأقصى 4000 جنيه فى خدمة الدليل بس برضة هحاول أقنع نفسى و أقول حقهم
طيب الناس دى أحنا دلوقتى بنفكر فى مصلحتهم
بس يا ترى الناس دى زى مافكرت فى مصلحتها فكرت فى مصلحتنا !!!!!؟
أنتوا عارفين بقى النت لو أتقطع فيه ناس هتخسر أد أية !!!؟
أنتوا متخيلين أن كل الناس إلى شغالة على النت عددهم كام مش هقول شركات الانترنت زى لينك و تى أى داتا و الكلام دة كله , لأ أنا هقولكم إلى شغالين مبرمجين و مكودين و ناس أخدة أجازات فى مصر هنا و بتخلص شغلها و بتبعته للشركة الأجنبيه إلى كانت شغاله فيها , عارفين أن فيه مجالات كتيرة أوى متنفعش تشتغل إلا بالأنترنت , عارفين أن مينفعش أصلا خمس دقايق يتم قطع النت فيهم لو أحنا دولة بجد كويسة , عارفين لو النت قطع برة فى أى دولة فى العالم ممكن شركات الأستضافة ترفع قضية على الدولة و تخسرها أد أية , عارفين الداتا سنتر الثانيه عنده بتفرق فى سرعة النت أد أية , عارفين أن أغلب التغطيات الأعلامية بتكون على النت
عارفين يعنى أية العالم كله بيتطور و أصبحت فيه دول عندها التحميل غير محدود و اقل سرعة 3 ميجا و بـ5 دولار فى الشهر لأ و الجميل أية بقى أنك لوحدك و مش بتشتكى من الناس إلى معاك فى الوصلة ولا إلى مركبلك نت , عارفين أن فيه أماكن كتيرة جدا فيها واى فاى دلوقتى و بتدخل على النت ببلاش منها !؟ عندنا فى مصر كام مكان كدة ؟ لو حد مسافر برة يقولنا كام مكان بقى و نقارن !؟
بس انا مش بقارن مصر بدولة تانيه فى التكنولوجيا بس أحنا عايزين نتطور نحاول نزود من نفسنا مش نقلل من نفسنا لدرجة أننا نرجع لأكتر من 30 سنه ورا
عارفين أن دة مخالف لبنود و نصوص حقوق الإنسان !؟
يا ترى لو الكلام دة أتنفذ مين يجيب حق الناس إلى أتضررت بسبب الموضوع دة ؟