|
علقت العديد من الجرائد ووسائل الاعلام علي ما فعلة الممثل العالمي جون كلود فاندام في لقاؤة مع الاعلامية لبني عسل مقدمة برنامج الحياة اليوم علي قناة الحياة الفضائية حيث قام باداء حركة بعينة " غمزة " مما للاعلامية لبني اثناء البرنامج علي الهواء مباشرة مما جعل الاعلامية لبني تشعر بالحرج بينما ارتبك شريف عامر لثوانى ولكنه واصل حديثه للخروج من الموقف الغريب ولكن لا يعد هذا هو الموقف الاول المحرج الذي تتعرض لة لبني ولكنها تتلقي العديد من كلمات الاعجاب وعروض الزواج في البرنامج عل الهواء مباشرة من بعض الضيوف او من اتصالات هاتفية ولكن هذة المرة مع فاندام
|
|
ان شاء الله الحاجة دية هتتجوز وتلبس نقاب وتقعد فى البيت والحاج شريف هيربى دقن وربنا يهدية وان شاء الله الاعلام هيركز على الانتاج والبناء وهيغير رسالتة انا طبعا بهزر بس دة شى مقرف ان راجل تتعاكس جنبة مسلمة ويبقى رافع الاريال مع واحد امريكى قد كدة وصلنا هى دية الدولة المدنية وحرية المراءة ان تختلط بالرجال اصعب حاجة ان الرجالة مايبقوش رجالة والعملية تبقى عادددددددددددددددددددددددددددددددددددددى
|
|
جامدة اللقطة دي
شكرا علي الموضوع |
|
قال تعالى ( قرن في بيوتكن ولاتبرجن تبرج الجاهلية الأولى ) هذه من نتاج التبرج والاختلاط وهلم جرة ؟؟؟؟؟؟؟
|
|
للتصحيح ( وقرن في بيوتكن )
|
|
علي فكرة يا جماعة انا هحاول ارفعلكم اللقاء كلة
|
|
يا نهار ازرق الراجل عينه تحركت قد تكون عن عمد او عن غير عمد احتسبت غمزة ومعاكسة يا نهار ازرق على الجرايد كويس ما قلوش محاولة اغتصاب كمان . دا كويس الجرايد ما قلتش فندام جي مصر متعمد علشان يعاكس لبنى عسل . لو اللي كتب الخبر في الجريده اخته تعرضت لهذا الموقف هل سيكتب وينشر ويفضح الدنيا كده |
|
على فكرة يا جماعة الغمزة جت بناء على الموقف مش معاكسه شريف سأله سؤال وفندام كان بيرد انه مش بيحب الخناق وهو شخص لطيف حتى كررها انه شخص لطيف وابتسم وبعد كده غمز وضحك بصوت عالى عندهم الغمزة دى مش معاكسه زى عندنا كل بلد وليها معتقداتها بلاش استهبال وكلام هيفضح الدنيا وهو ضيف عندنا واول مره ينزل مصر غير كده انا من معجبيه وهو مش بيغمز غير ليا انا بس ههههههههههههههههههه حته فكاهه شكرا ع الخبر وربنا يستر والكلام ده مش يوصله عشان ميبقاش تشهير |
|
بصراحة تفاهه الى ابعد الحدود
مننساش انه الراجل رياضى ويوجد حركات لا ( ارادية ) نتيجة توتر فى الاعصاب وعدم الاسترخاء واذا تم تحليلها فى علم النفس ستكون حركة غير ارادية( يعنى مش حاسس بيها اصلا ولا علشان ابتسم بعديها يبقى قاصدها وهناك عدة حركات لا ارادية (تحريك الحاجب _غلق العين _ضم كف الايدى وطرقها على الساق _تعريج الانف مع سحب الشفة العلوية _ اخراج اللسان _ هز الرأس (كل هذة حركات فيوجد منها الارادية وغير الارادية نسأل الله الهداية والهدى |
|
ده انسان مهذب جدا بحديثه ويتكلم عادى خالص وحركة عينيه غير مقصودة بالمرة
شكرا باراديس مان |
|
عن نفسى بحترم المذيعة لبنى وطريقة كلامها وحورها واحترمها لنفسها ولضيوفا .
وعلى فكرة انا بتابع برامجها من ايام القناة الرابعة , كانت بتقدم تقريبا برنامج عن الفلاحين او حاجة زى كده . وكون ان ضيف سمج عاكسها او غمز ليها , فده مش زنبها !! . |
|
على فكرة يا جماعة الغمزة جت بناء على الموقف مش معاكسه شريف سأله سؤال وفندام كان بيرد انه مش بيحب الخناق وهو شخص لطيف حتى كررها انه شخص لطيف وابتسم وبعد كده غمز وضحك بصوت عالى عندهم الغمزة دى مش معاكسه زى عندنا كل بلد وليها معتقداتها بلاش استهبال وكلام هيفضح الدنيا وهو ضيف عندنا واول مره ينزل مصر غير كده انا من معجبيه وهو مش بيغمز غير ليا انا بس ههههههههههههههههههه حته فكاهه شكرا ع الخبر وربنا يستر والكلام ده مش يوصله عشان ميبقاش تشهير وانا اؤيدك فى كلامك بصفتى راجل مقيم بامريكا والغمزه دى هنا لا تعنى شىء |
|
علي فكرة انا ىاتفق معاكوا كليا وجزئيا بس مكنش ينفع كدة في لقاء علي الهوا علشان البلبلة اللي حصلت دي
|
|
أنا بلاحظ أخطاء فى الإملاء رهيبة سواء من المعلقين على الأخبار أو من ناقلين الأخبار أرجو أن تتم مراجعة النصوص والتعليقات حفاظاً على الذوق العام وشكراً
|
|
اولا لبنى دى زى السكر ودمها خفيف وشخصيتها جميلة وعسولة جدا
 وثانيا الغمزة دى بعد الموقف اللى كان بيحكيه مش لوحدها كده من الباب للطاق وليها علاقة بكلامة وثالثا الغمزة دى فى بلاد برة مش معاكسه دى زى ماتقول كده (معايا ؟) بس منار |
|
وانا اؤيدك فى كلامك بصفتى راجل مقيم بامريكا والغمزه دى هنا لا تعنى شىء اتفضلوا ادى شهاده من احد سكان امريكا غير كده اللى متابع اللقاء من الاول هيلاقى فندام غمز مره كمان وهو لابس النظارة قبل ما يخلعها بلاش ندقق فى التفاهات فاندام شخصيه زى العسل وطبيعيه جدا بنقول غمز للبنى تخيلوا بقى فى لقائه مع رولا سعد هيعمل ايه ؟؟! هههههههههههه خلينا نتعامل مع ضيوفنا باحترام وبدون تشهير عشان يحبوا يرجعوا مصر تانى |
|
مرحبًا ، أنا تابعت الحلقة كاملة ، جميلة .. و كان لقاء عَفوي جدًا ، فاندام من النوع العَفوي لا تبدو عليه أي سِمات رسمية .. الخ
وبالنسبة للغمزة فـ مش غريب على فاندام يعني عادي وزي ما يحكوا " ثقافة شعوب " أما لبنى عسل ، آنسة جميلة ورائعة فـ وين الغريب بالموضوع كله يعني ؟ أصلًا هو كان حيبوسها يَ جماعة .. لكن الآنسة ما تسمح وقت ممتع . |