نجوم مصرية
منتديات نجوم مصرية المنتدى العام أخبار مصرية

تابع نجوم مصرية على أخبار جوجل



تعليقات غاضبه من " تويتر " و " فيس بوك " حول الحكم في قضيه خالد سعيد



 

بعد حكم محكمه الجانيات اليوم بالحكم 7 سنوات بالسجن على المخبرين المتهمين بقتل خالد سعيد ، مفجر ثوره 25 يناير ، سادت حاله من الغضب على تعليقات الشباب على توتير و على الفيس بوك .

و عبرت صفحه خالد سعيد على الفيس بوك قائله " خالد - لسه - مش سعيد "

كما جاءت تعليقات غاضبه كثيره من على توتير ، تعقب فيه على الحكم و الذي يعتبره الكثيرين ضعيفا :

** حقك بيضيع يا خالد

** يظهر عايزين ثوره تانيه عشان يرجعلولك حقك من تاني

** مفجر ثوره 25 يناير يخلع مبارك ، و الى قتلوه يخدوا 7 سنين حبس بس .. و عجبي !!!

** هو الى بيقتل دلوقتي بياخد حبس ، مش اعدام ؟؟!! في اي شرع ده

** سبع سنين بس , حسبي الله ونعم الوكيل.

** سبع سنوات على قاتلي مفجر الثورة المصرية .. هذا ليس حكماً إنه انتقام ! ‎

** يا حرقة قلب أمهات الشهداء على ولادها حسبي الله ونعم الوكيل.

** لما قتلة خالد سعيد ياخدوا سبع سنين، يبقى قتلة سيد بلال هياخدوا براءة، وقتلة الأقباط هياخدوا بوسة!!!

** إنا لله وإنا إليه راجعون ٠٠ بجد أنا حاسة إني أنا اللي اتقتلت إنهاردة.

** مع كل احترامي للقضاء ... لكن مادام المحكمة اطمأنت إن المتهمين قاموا بعملية القتل ..يبقى إزاى 7 سنين بس...مستنى بجد حيثيات الحكم.

** يبقي المدنين يأخذوا 15 سنة في محاكمات عسكرية و قتلة خالد سعيد 7 سنين . على كده حسني مبارك و عياله هيكسبوا رحلة حج و عمرة.

ال* شعب يريد تطهير القضاء.

** الشعب يريد حق الشهيد.

** هو فاضل إيه كده ؟ يحطولنا سم هاري في مية النيل؟

** طبعا هيطلعنا كام واحد يطالبنا باحترام القضاء أنهي قضاء ده!!

** خالد سعيد.. حقك علينا ...قضاءنا ليس بعادل و ماعرفناش نطهره...ربنا يصبرك يا أم الشهيد.

** مش عارف إقول إيه حسبي الله ونعم الوكيل بس حق الشهدا مش هيضيع هيرجع يعني هيرجع.

** ادعو لخالد سعيد هو بين إيدين ربنا - اقروا الفاتحة


تحديث لإضافه تعليقات جديده :

** الشعب المصرى,,والثورة بتنفخ فى قربة مخرومة






** قضية الحكم في خالد سعيد تحتااااااااااااااااااااااا​ااج مليونية يا مصريين

** على كده الواحد لو متدايق من واحد يقتله واحتمال يدوه سنة مع ايقاف التنفيذ

** يبقي المدنين يأخذوا 15 سنة في محاكمات عسكرية و قتلة خالد سعيد 7 سنين.. علي كده حسني مبارك وعياله هيكسبو رحله حج و عمره !

** الشارع وليس "الولولة" وليس التشاؤم هو الذي غيّر الحكم في قضية خالد سعيد من براءة القتلة إلى حكم ليّن.. والشارع قادر على تغيير الحكم اللين

** سيسجل التاريخ انه فى زمن العسكر .. حُكم على قتلة خالد سعيد بـ7 سنين .. وعلى خارقى الحظر بـ 15 سنة"

** حقك ودمك عند ربك يا خالد يا سعيد.. وربنا ينتقم من كل ظالم.. واحنا يكفينا أوى الى انت عملته فى مصر وانك غيرتها وقدرت تفوقنا وحقك محفوظ عند ربك







المقال "تعليقات غاضبه من " تويتر " و " فيس بوك " حول الحكم في قضيه خالد سعيد" نشر بواسطة: بتاريخ:
الحق ولو على رقبتى
سينما أونطة هاتوا فلوسنا. صباحوا كدب. الفيل فى المنديل. وداع ياصاحبى. حاكموا المخبرين وسيبوا القيادات. أبلف الشعب تعيش معاه ورقصه على قانون من فات قديمه تاه... الحلوة دى من السبتية أنت أقتل والقانون ده لية وإنشاء الله مصر بقت ديمقراطية... ياشعب ياعبيط يانايم وشك فى الحيط وقفاك لية... هى دى الست ذكية طباخة أحلى ملوخية... وياللا ياشعب هانيمك بدرى بدرى متوجعش دماغى بقى أصل أنت مش أدى... ياعينى على قانون ساكسونيا المصدى. أحيـــــــه ٧ سنين يا بلاش
drspiderman
drspiderman
استكاملا للتعليقات :

** الشعب المصرى,,والثورة بتنفخ فى قربة مخرومة

** قضية الحكم في خالد سعيد تحتااااااااااااااااااااااا​ااج مليونية يا مصريين

** على كده الواحد لو متدايق من واحد يقتله واحتمال يدوه سنة مع ايقاف التنفيذ
drspiderman
** يبقي المدنين يأخذوا 15 سنة في محاكمات عسكرية و قتلة خالد سعيد 7 سنين.. علي كده حسني مبارك وعياله هيكسبو رحله حج و عمره !

** الشارع وليس "الولولة" وليس التشاؤم هو الذي غيّر الحكم في قضية خالد سعيد من براءة القتلة إلى حكم ليّن.. والشارع قادر على تغيير الحكم اللين

** سيسجل التاريخ انه فى زمن العسكر .. حُكم على قتلة خالد سعيد بـ7 سنين .. وعلى خارقى الحظر بـ 15 سنة"

** حقك ودمك عند ربك يا خالد يا سعيد.. وربنا ينتقم من كل ظالم.. واحنا يكفينا أوى الى انت عملته فى مصر وانك غيرتها وقدرت تفوقنا وحقك محفوظ عند ربك
مجده
ان الله لا يظلم مثقال ذره لو فلتوا من يد العداله او حتي اخذوا حكم سبع سنين فلن يفلتوا من عقاب الله الاليم والمهين
سارة النودى
ايه نزاة القضاء القضاء المصرى دة كنت عندى يقين ان قضائنا نزيه لكن بعد اللى بيحصل بدا اليقين يبقى سراب لكن بجد الشعب مش هيسكت تعبنا من السكوت والظاهر فعلا كل حاجة فى البلد دلوقتى بتيجى بالوقوف فى التحرير خلاص نفضل فى التحرير طالما كل حاجة مش بتيجى غير كده
الحكيم ايبور
احب ابشرك ان قضائنا معظمهم داخلها كوسه هيبقى فين النزاهه بقى وعلى فكره الكلام ده مش بقوله كده
لا انا جربته وشوفته بعنيه ومن النائب العام واعضاء مجلس القضاء الاعلى
وسلملى على القضاء
toto_lolo2670
المفروض ان فى حاجة اسمها طعن فى الحكم اين القصاص العادل من قتل يقتل ومازالوا منتظرين ايضا فى الحكم على قتلة شهداء ثورة 23 يناير وايضا المشير طنطاوى معمول له حملة تدعيم ابشروا رئيس البلد القادم جدو المشير خلاص عليه العوض فى كل حقوق الشعب بجميع فئاته البلد مازلت فى قبضة مبارك واعوانه احمد شفيق هرب لهم الاموال والمشير ح يلم الشمل حتى لا يتفرقوا
Dera
سلام مربع للقضاء النزيه الى مشرفنا ومستتنا ومهنينا تراررراترالام
%u0632%u0627%u0626%u0631
لما قتلة خالد سعيد ياخدوا سبع سنين، يبقى قتلة سيد بلال هياخدوا براءة، وقتلة الأقباط هياخدوا بوسة

ده انا كده اقوم افجر اللى مضايقنى واتفنن بقى فى قتلهم واستحمل 7 سنين احسن ما كنت هستحملهم العمر كله



منار
بديعه أحمد على
لو واحد مصرى مسك واحد مصرى تانى و عذبه و ضربه للموت و عمل فيه اللى اتعمل فى خالد سعيد كان حيكون نالحكم ايه؟
حكم التعذيب و التنكيل و القتل مع سبق الاصرار و الترصد ايه؟
حكم الاسلام و المسيحيه و اليهوديه و كل مله و دين فى اللى يعمل كده ايه؟
حكم القبائل و رعاه الغنم و البدو فى القاتل ايه؟
حكم الغاب فى القاتل ايه؟
اكيد الاعدام و العين بالعين و السن بالسن و البادى اظلم فى كل مله و دين و اخلاق و غرف و قبيله

لكن حكم القضاء المصرى لو كان ضابط نقص له ضوافره و نحلق شعره و نشوف له زنزانه نضيفه او يروح بيته السبع سنين دول و عيب يا وله .... و لو كان مواطن نطلع عين ...............
يحيا العدل
طايشه بس عايشه
* لما قتلة خالد سعيد ياخدوا سبع سنين، يبقى قتلة سيد بلال هياخدوا براءة، وقتلة الأقباط هياخدوا بوسة!!!



حسبى الله ونعم الوووووووووووووووكيل
%u0632%u0627%u0626%u0631
يا جماعة انا خريج حقوق وده ضرب ادى الة موت والعقوبة من 7 سنين الى 10 سنين.........وشكرا
%u0645%u062D%u0645%u062F
ولو سمحتم لو كان المقتول حسني مبارك ياتري كام سنه
asdasd2011
طالما ان الحد الاقصي للعقوبة 10 سنوات وانتم عارفين اللي اتعمل في خالد سعيد ليه القاضي حكم بالحكم المخفف اللي ح يتزل كمان في النقض


%u0632%u0627%u0626%u0631
"** هو فاضل إيه كده ؟ يحطولنا سم هاري في مية النيل؟"
فعلا هوده الحلالامثل ليهم
جريمة قتل خالد جريمه لوحدها
وجريمة الحكم على القتلة جريمة تانية
الذمة يا قضاة مصر....!!!!!
ايتن
** حقك ودمك عند ربك يا خالد يا سعيد.. وربنا ينتقم من كل ظالم.. واحنا يكفينا أوى الى انت عملته فى مصر وانك غيرتها وقدرت تفوقنا وحقك محفوظ عند ربك

حسبي الله ونعم الوكيل

ثاااااااااااااااانكس
nonosh
** لما قتلة خالد سعيد ياخدوا سبع سنين، يبقى قتلة سيد بلال هياخدوا براءة، وقتلة الأقباط هياخدوا بوسة!!! وحسنى مبارك هيرجع رئيس


افضل رد وده فعلا اللى بيحصل وهيحصل
بديعه أحمد على
يا جماعة انا خريج حقوق وده ضرب ادى الة موت والعقوبة من 7 سنين الى 10 سنين.........وشكرا
كان نفسى خريج حقوق يرد عليا هل اللى اتعمل فى خالد سعيد جريمه واحده؟
اولا هو ليه اتمسك؟
علشان كان بيحاول بيصور الضباط بيتاجروا فى المخدرات و الحشيس عرفوا انه حيصورهم عملو فيه كده

هل فى اجراءات سليمه فى القبض عليه؟ هل يحاكم القانون على عدم صحه الاجراءات؟
هل فى جريمه اصلا عملها خالد سعيد؟ هل هناك حكم قانونى على القبض بدون تهمه؟

الضباط دول كانوا بيهربوا ايه و الا جريمه ايه اللى كانوا بيعملوها و اتقتل خالد علشان كشفهم؟
هل حيتحاكموا على الجريمه دى؟

المحامى اللى وصل العقوبه لاخف عقوبه هل حيعرف ينام بالليل؟
لو كان ابنه اللى اتعمل فيه كده كان جاب للجناه اخف عقوبه مقابل عشر الاف جنيه اخدها من الداخليه؟

و خالد سعيد بالذات رمز ثوره مصر زى بو عزيزى رمز ثوره تونس يستاهل ان اللى قتلوه ياخدوا اخف حكم ممكن ؟
الله اعلم
الحق ولو على رقبتى
إلى سيادة القاضى المحترم المبجل أوجه اليك سؤال واحد يشغلنى ويشغل كثيرا من القانونيين ومنهم أيضا قضاة مثلك بخصوص قضية خالد سعيد.... على أى أساس أصدرت حكمك هذا وهل هذا هو شرع الله كما أوصانا به؟ والآن أسأل شعبى وناسى وأحبابى ومعارفى وجيرانى.... هل سوف تثقون فى كل حكم يصدر بخصوص أى قضية تنظرها محاكمنا حاليا والمتعلقة بأحداث ثورتنا العظيمة؟؟؟ هل تثقون فى عدم تزوير الأنتخابات القادمة؟؟؟ من يضمن لنا هذا وهل يجب أن نثق فيه؟؟؟ هل كل مايحدث من تأجيل قضايا مهمة وتسويف وخداع البشر والضحك على عقولهم يطمئن بمستقبل مصر الباهر؟؟؟ هل تثقون فى حكوماتنا ووزرائنا ومسؤولينا الثقة العمياء فى أدارة شؤون مصر لصالح المصريين؟؟؟ أنا لا أثق فى أحدا منهم وللأسف حتى لو ظهر لى على شكل ملاك لأن الملاك لا ولن يستطيع أن يعيش وسطهم لأن الملائكة فى هذا المكان قلة قليلة مغلوبة على أمرها يقومون بأغتيالها سريعا حتى لا ينتشر الخير. ولكن الذى لايعلمونه الشياطين أن دوام الحال من المحال وسيأتى اليوم الذى سيحلق أسم مصر عاليا سواء رضى الشياطين أم لم يرضوا
mohamad ayman
يا جماعه لو واحد قتل واحد ياخد اعدام لكن واحد قتل واحد وقعد يعذبه الاول وخصوصايكون المقتول ده فجر ثوره ياخد 7سنين وخصوصا كمان تكون الثوره دي خلعت الرءيس واول حرف من اسمه حسنى مبارك ياخد 7 سنين وغجبى
drspiderman
ده الناس كلها عندها كميه غضب محصلتش بسبب الموضوع ده
و ده الى هيبان بكره في مظاهرات الجمعه



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
تفاصيل الحكم النهائى فى قضية خالد سعيد .. "تغطيه حيه"
رئيس المباحث المشرف على قتل "خالد سعيد"بعد هتك عرض "عماد الكبير" يفعلها ثانيا
صفحتا "كلنا خالد سعيد"و"حركة 6أبريل":سلمى الصاوى كاذبة
ايقاف صفحة "كلنا خالد سعيد" على الموقع الاجتماعى "فيس بوك" لمدة اسبوع

Powered by vBulletin Version 3.8.8
Copyright ©2000 - 2021, Jelsoft Enterprises Ltd
جميع الحقوق محفوظة © fmisr.com منتديات نجوم مصرية