بعد ان اعلن الفريق احمد شفيق عن ترشحه الرسمي لمنصب رئيس الجمهورية, اختلفت الاراء وتعددت وجهات النظر, فاي من وجهات النظر تؤيد؟ وما رأيك في ترشحه للمنصب في الانتخابات الرئاسية القادمة؟؟

-موافق علي ترشيحه وسأنتخبه.

-لا امانع ان يترشح ولكني سأنتخب شخصا اخر.

-لن انتخبه لانه من النظام السابق.

-لن انتخبه لانه غير قادر علي ادارة البلاد.

-لم احسم الامر بعد.

-وجهة نظر اخري , نرجو كتابتها كرد علي الموضوع

من فلول النظام السابق
و ان شاء الله يسقط

بيضحكوا على الشعب المصرى الطيب وعلى مشاعره. هاينزلوا علينا زى المطر برجالهم ( رجال النظام السابق) مثل أحمد شفيق أو عمر سليمان أو عمرو موسى أو أى مشير أوعميد منهم علشان فى النهاية ينجح أحدهم ويقال أن الشعب أختار وألف ألف مبروك للناجح الفل وبعد كدة تبقى مصر فى أيديهم هم ويصبح كل شيئ على قديمه. مش فاهم أحنا عملنا ثورة ليه؟ وهى فين أنجازات الثورة دى؟ من الذى يقوم على تدمير الثورة؟ فليكن هذا الشفيق رجلا لا مثيل له ولكنه رجل النظام السابق. كل من كان مع وفى النظام السابق لا يصلح لرئاسة هذا الشعب المصرى العريق لأن كل ولائه لأسياده فمعهم عاش ومعهم أستفاد ومعهم ظلم ومعهم أمتلك ومعهم حاز الكثير والآن وعند وصولهم للغرض المنشود لا بد من رد الجميل وكل هذا تم وسيتم على حساب الشعب المصرى ومصلحته. حذارى من أنتخابهم لرئاسة مصر فالمثل القائل من أأكل عيشه أضرب بسيفه صحيح مائة فى المائة وسيتم رد هذا الجميل سواء رضينا أم لم نرضى. لقد كانوا جميعا فى الحكم ولم يفعلوا أللا ما طلب منهم فما هو الفرق الآن؟ ماذا ننتظر منهم ثانيا؟ لا شيئ سوى الندم على أختيارنا لهم... أنهم جميعا وبدون أستثناء لم يعملوا لخدمة ومصلحة مصر بل لخدمة أسيادهم ثم أقاربهم ثم عملائهم فى الخارج والداخل... أيها المصرى الأصيل لا تقل لى أنهم ضحوا بما يملكون لمصر وتفانوا فى خدمة مصر وصانوا كرامة مصر بدون مقابل؛ لا وألف لا لقد كانو يأخذون المقابل الطاق ألف وألفين ومائة ألف وأكثر، رسمى وغير رسمى والآن لماذا هم مصممون على ترشيح أنفسهم لحكم مصر؟ لقد كانوا يوما يحكمون ويتحكمون فى مصر لماذا لم نشعر أللا بالذل والفقر والهوان؟ نعم أنهم يريدون حكم مصر ما هو الفرق الآن وما مضى؟ بصراحة كدة أنا أشعر بأن هناك مخطط مدروس ومحكم من قبل القيادة العليا الحالية أوهذا الذى يسمى أو يطلق عليه مصدر سيادى فيما يخص أنتخاب الرئيس القادم.. يمكن أكون غلطان ويمكن أن أكون مجنون، ولكن هناك شيئ أثق فيه وهو أننى لا أثق فيما يحدث فى مصر الآن سواء أحكام القضاء الساكسونية (الغير عادلة بالمرة مثل قضية خالد سعيد) أو كم وتكرار التأجيلات فى قتل الثوار ومحاكمة الفاسدين وغيره وغيره وغيره من التخاذل والسلبية التى تحدث عينى عينك، ثم يأتى رئيس مصرى حزب وطنى ويحكمنا من تانى؟؟؟ لا وألف لا؛ لا يجب أن نقوم بثورة ثانية كفانا ما فقدنا وخسرنا على يديكم يامن حكمتونا فى الماضى وفشلتم وترشحون أنفسكم الآن لتحكمونا ثانيا هذا لا ينفع بل أنه الضرر بعينه لهذه الثورة العظيمة يامن يهمكم مصر... لا لشفيق ولا للبلوفر حتى لو كان هذا فيه نجدة مصر،،، مصر هى الثورة، والثورة هى الشعب الذى يريد ولا حياة لمن ينادى للأسف

لا تعليق .. التعليق الصح سيظهر بصناديق الاقتراع مش كده و الا ايه ؟؟؟؟؟؟
و خير الختام ذكر النبى عليه الصلاة و السلام ****

كلامك سليم يا زيزو, بس الاستفتاء ده بروفة عشان نعرف مدي قابلية الناس او رفضها للفريق شفيق, لحد دلوقتي النسبة الاكبر في الاستفتاء هتنتخبه, عكس اللي انا توقعته الصراحة

انا برشحوا لسجن طره ومالوش مكان فى مصر الاطره

"" مثل الجليس الحسن جليس السوء ,كمثل حامل المسك اما ان تبتاع منه او يصيبك منه ريح طيبة اما نافخ الكور فاما ان يصيبك ريح كريهة او يصيبك منه اذى ,, ..... وهذا الشفيق جليس السوء ... لك ولنا الله يا مصرنا الغالية ..

بكل تأكيد أرفض طبعا
اى شخصية من النظام السابق وكانت مقربة منه مرفوض ترشيحها نهائيا

شكرا كرم

انضف واحد فى الى موجودين - ياريت يمسك حكم مصر

ده ساقط بالثلاثة ليه مصر مابقاش فيها رجالة؟

رسالة الى ادارة المنتدى والموقع بقولكم اية مبلاش استفتئات امن الدولة الفكسانة دية والنسبة المضروبة والنبى منتوش مكسوفين من نفسكم دة بنى ادم الناس كلها مقبلتش بيو رئيس وزراء وانتو كاتبين نسبة الاستفتاء 48يقبل و50 لايقبل بلاش استخفاف بعقول الناس

مودي01000: التشكيك اصبح سمة اساسية من سمات الشعب المصري, بس انا عاوز اقولك ياصديقي اننا مالناش دعوة بامن دولة ولا غيره, انا عملت اللي عامل الاستفتاء ده عشان نشوف وجهة نظر الناس,

وللعلم, ماحدش قال ان الناس كانت بتكره احمد شفيق وهو رئيس وزراء, لان مصر كلها مانزلتش الميدان ساعتها, وزي ماقال زيزو الفيصل هو الصندوق, واسمحلي افكرك بنتائج الاستفتاء علي تعديل الدستور, اللي حوالي 80% وافقوا عليها مع ان الميدان كان عمال يعمل في مليونيات رفض ليها, فياريت ماتحكمش علي الحاجة من منظور الميدان فقط,

وبعدين الديموقراطية بتسمح ان اي حد يترشح طالما ماعليهوش حكم قضائي او فاسد, وانك بتكرهه مش سبب يخليك ترفض الاستفتاء او الترشح, انت مجرد واحد من وسط 80 مليون واحد وزي مابيقولوا: العالم ليس ماتراه عيناك فقط,

اخيرا: انا مش من المؤيدين ولا المعارضين لشفيق, ومازلت لم احسم الامر بعد في المرشح اللي هانتخبه, انما انا موافق علي اعطاء الفرصة للجميع زي ماعندنا مرشحين اسلاميين ومرشحين ليبراليين ومرشحين وسط ومرشحين من النظام السابق (عمرو موسي) فايه المانع يكون في مرشح عسكري والناس هي اللي هتختار


شكرا لردك

انضف واحد فى الى موجودين - ياريت يمسك حكم مصر

فعلا بيلبس على طول ملابس نظيفة وشيك وبيحط ديو ريحته حلوة. أهم شيئ أن كل ملابسه مغسولة بمسحوق الغسيل آريل الألمانى ونعم النظافة.. إنشاء الله يمسك البلد وينظفها خالص أكتر من الأول.. ربنا يعينه

مبقاش غير شفيق يا راجل الى يحكمنا

دانا اهاجر من البلد او انتحر لو شفيق او عمرو موسي كسبوا في الانتخابات

مبقاش غير شفيق يا راجل الى يحكمنا

دانا اهاجر من البلد او انتحر لو شفيق او عمرو موسي كسبوا في الانتخابات

لا يا nonosh بعد الشر يروحوا هم أى نجع تانى بس أنتى لأ خليكى معانا هنا هما كدة كدة مش هاينجحوا أللا بالتزوير.... ومفيش تزوير طبعا يبقى مفيش نجاح

ومفيش تزوير طبعا

ياااااااااااااااااااااااااااااااااااااااااااا رب

وشمعنا الراجل ده عليه استفتاء...؟
ياجماعة رئيس الجهمورية مش كل واحد نجح بشغله يبقى رئيس
الرئاسة تتطلب حاجات كتيره منها شئ مهم الكريزما
يعني احمد زويله لما اختارو احسن عالم
لايصلح ان يكون رئيس جمهوريه مثلا

اشمعني الراجل ده عليه استفتاء؟ عشان هو حالة خاصة من المرشحين لانه كان رئيس وزراء للنظام السابق وقت الثورة فلازم يكون عليه كلام, اما باقي المرشحين فماكنش ليهم سابقة احتكاك بالنظام السابق الا عمرو موسي ومن فترة كبيرة مش دلوقتي

ثانيا قلنا هو يترشح زي ماهو عاوز لانه مواطن مصري, القضية ننتخبه او ماننتخبوش, وعشان كده حبيت اشوف النسبة الاكبر مين هينتخبه ومين مش هينتخبه, شكرااااااا