بسم الله الرحمن الرحيم
حمل القاهرة اليوم مفاجأة للمشاهدين, تمثلت فى سامية فهمى ، البطلة الحقيقية لقصة مسلسل حرب الجواسيس التى تقوم ببطولته الفنانة منه شلبى والفنان هشام سليم .
سامية فهمى ظهرت لأول مرة على الشاشة ، وباسمها الحقيقي وهى الصحفية ليلى عبد السلام ، نائب رئيس تحرير جريدة الأحرار ....
روت ليلى أو سامية فهمى وقائع حكايتها بالكامل والتى تشابهت فى اجزاء كثيرة مع حلقات المسلسل ، وقالت أن اغلب الشخصيات حقيقية مثل هشام سليم وشريف سلامة.
استهل عمرو اديب الحوار بالاشارة الى دور الموساد فى قتل اشرف مروان وعلاقة الموساد بالعرب ..
ولنا فى دفتر التجسس والمخابرات صفحات مكتوبة من ذهب ...نتوقف عندها وعايزين عيالنا يشوفوا نماذج اخرى غير سرق وهرب وخرّب ....حشّش ...وباقى الحاجات اللى بنشوفها فى المسلسلات
النهاردة معانا مفاجأة جميلة جداً هى الاستاذة ليلي عبد السلام او سامية فهمى الحقيقية التى قامت بها الفنانة سامية فهمى ، فى اول ظهور تليفزيونى لها
تحدثت سامية أو ليلي لتروى ماجرى
الحكاية بسيطة وممكن تحصل لأى مصري ..وبدأت بانى كنت اعرف شخص مصري اسمه مجدى ، وكانوا بيسموه ماريو ، لأنه كان بيروح ايطاليا كتير ...
وبيجيب عربيات للناس من هناك ، من روما واتعرفنا على ماريو ده ورحنا ايطاليا ، وهناك سكنا فى اوتيل صغير ، خدنى مطعم وكان متفق مع الموساد لقيتهم بيقولوا اتفضلوا هنا ، وعزمونا على ترابيزة تانية وانا عنيا بتلقط أى حاجة ، كنت صحفية فى دار الهلال ورايحة ايطاليا اجيب عربية مستعملة ، لقيت فى ايده جريدة عليها نكتة ضد مصر ، خفت
بعد كده خدونا فى مطعم تانى فى يوم تانى ، كان دورين وانا طالعة كنت بابص على طريقة كلامهم مع بعض ، كنت خايفة على نفسي وكنا بنسمع عن التجنيد للتجسس وكانوا بيكلموا بعض والمصري ظهر انه صديقهم مش لسة متعرف عليه ، جابوا واحد تانى قعد معانا وقاللى تيجى تشتغلى معانا واحنا عندنا وكالة وممكن تعملى فلوس كتيرة جدا وتستفيدى ...
انا والله العظيم ماخدتش منهم فلوس خالص ، قلتلهم عايزين ايه بالضبط قالولى أى حاجة عن مصر ...
أنا شكيت فى الكلام ده وقلت لو جواسيس هتقعى فى المطب ....أنا لعبت ب 3 من الموساد ، سألت على مكان السفارة المصرية وخدت تكسي ورحت هناك ، قابلت السفير المصري واتمشيت معاه فى الجنينة وحكيت له وقاللى برافو انك اتصرفتى كده ...
كان راجل عظيم جدا وقاللى ماتقلقيش...
كنت باحس ان ماريو بيسلمنى لهم ويهرب ، خدونى على المعرض الايطالى وقالولى ممكن نشتغل فى منتجات زى دى وعرضوا على فلوس كتير ، فرجونى على حاجات هناك واشترالى من هناك "بوبى صينى ومعاه ابنه " ...طلبوا منى اجيب لهم أخبار واديها لماريو
رجعت مصر لقيت المخابرات سايبالى خبر فى البيت ، قالولى المخابرات جت سألت عليكى ، ناس ذوق جدا رحت لهم وحكيت لهم ، قالولى إن ماريو ده بيجند المصريين
** زى نبيل فى المسلسل ..
- بالضبط ، قالوا هتتعاملى مع ماريو وتديله شغل ....وكانوا عايزين يقبضوا عليه ولبسونى جهاز حجمه كبير وادونى ورق أوديهوله حسب الاتفاق معاهم ...
رحنا كازينو فى المنيل على البحر ، ورحت وكانت المخابرات بتراقبنى ...وكنت مرعوبة واكتب كل حاجة بتحصل ...
المخابرات قبضت عليه فى الكازينو بعد ما اخذ الورق ، وكانوا قاعدين حوالينا فى الكازينو ، واتحكم عليه ب25 سنة فى السجن وكان له سوابق منها انه ابلغ عن بحر البقر
نبيل اللى فى المسلسل مش موجود فى الواقع وانا لم اتزوج حتى الآن ،أنا مش منه شلبى بالضبط لكن بيفكرونى باللى حصل لى ، ولغاية النهاردة بيستشهدوا بقضيتى ..
كل القضية فى الحكاية دى وكانت اسرع قضية المخابرات عملتها ...حوالى 10 ايام فى روما ، وشهر فى مصر
لما شفت المسلسل فيه حاجات حصلت باشوفها بالضبط ، زى فرناندو مثلاً
المخابرات لم تجندنى لكن انا التى ابلغت ولازم يبقى عندنا انتماء لمصر
** ماذا عن التكريم ألم يحن موعد ذلك ؟
- انا مش منتظرة مقابل انا باخدم بلدى ، واذا كانت الدولة مابتكرمش حد وكل واحد بيقول يالله نفسي ، ده الواحد مليان من اوجاع مصر ، وانا لا انتظر مقابل ...هم فاضيين لنا خليهم يجيبوا رقاصة بصاجات يكرموها ...!!!!
حمل القاهرة اليوم مفاجأة للمشاهدين, تمثلت فى سامية فهمى ، البطلة الحقيقية لقصة مسلسل حرب الجواسيس التى تقوم ببطولته الفنانة منه شلبى والفنان هشام سليم .
سامية فهمى ظهرت لأول مرة على الشاشة ، وباسمها الحقيقي وهى الصحفية ليلى عبد السلام ، نائب رئيس تحرير جريدة الأحرار ....
روت ليلى أو سامية فهمى وقائع حكايتها بالكامل والتى تشابهت فى اجزاء كثيرة مع حلقات المسلسل ، وقالت أن اغلب الشخصيات حقيقية مثل هشام سليم وشريف سلامة.
استهل عمرو اديب الحوار بالاشارة الى دور الموساد فى قتل اشرف مروان وعلاقة الموساد بالعرب ..
ولنا فى دفتر التجسس والمخابرات صفحات مكتوبة من ذهب ...نتوقف عندها وعايزين عيالنا يشوفوا نماذج اخرى غير سرق وهرب وخرّب ....حشّش ...وباقى الحاجات اللى بنشوفها فى المسلسلات
النهاردة معانا مفاجأة جميلة جداً هى الاستاذة ليلي عبد السلام او سامية فهمى الحقيقية التى قامت بها الفنانة سامية فهمى ، فى اول ظهور تليفزيونى لها
تحدثت سامية أو ليلي لتروى ماجرى
الحكاية بسيطة وممكن تحصل لأى مصري ..وبدأت بانى كنت اعرف شخص مصري اسمه مجدى ، وكانوا بيسموه ماريو ، لأنه كان بيروح ايطاليا كتير ...
وبيجيب عربيات للناس من هناك ، من روما واتعرفنا على ماريو ده ورحنا ايطاليا ، وهناك سكنا فى اوتيل صغير ، خدنى مطعم وكان متفق مع الموساد لقيتهم بيقولوا اتفضلوا هنا ، وعزمونا على ترابيزة تانية وانا عنيا بتلقط أى حاجة ، كنت صحفية فى دار الهلال ورايحة ايطاليا اجيب عربية مستعملة ، لقيت فى ايده جريدة عليها نكتة ضد مصر ، خفت
بعد كده خدونا فى مطعم تانى فى يوم تانى ، كان دورين وانا طالعة كنت بابص على طريقة كلامهم مع بعض ، كنت خايفة على نفسي وكنا بنسمع عن التجنيد للتجسس وكانوا بيكلموا بعض والمصري ظهر انه صديقهم مش لسة متعرف عليه ، جابوا واحد تانى قعد معانا وقاللى تيجى تشتغلى معانا واحنا عندنا وكالة وممكن تعملى فلوس كتيرة جدا وتستفيدى ...
انا والله العظيم ماخدتش منهم فلوس خالص ، قلتلهم عايزين ايه بالضبط قالولى أى حاجة عن مصر ...
أنا شكيت فى الكلام ده وقلت لو جواسيس هتقعى فى المطب ....أنا لعبت ب 3 من الموساد ، سألت على مكان السفارة المصرية وخدت تكسي ورحت هناك ، قابلت السفير المصري واتمشيت معاه فى الجنينة وحكيت له وقاللى برافو انك اتصرفتى كده ...
كان راجل عظيم جدا وقاللى ماتقلقيش...
كنت باحس ان ماريو بيسلمنى لهم ويهرب ، خدونى على المعرض الايطالى وقالولى ممكن نشتغل فى منتجات زى دى وعرضوا على فلوس كتير ، فرجونى على حاجات هناك واشترالى من هناك "بوبى صينى ومعاه ابنه " ...طلبوا منى اجيب لهم أخبار واديها لماريو
رجعت مصر لقيت المخابرات سايبالى خبر فى البيت ، قالولى المخابرات جت سألت عليكى ، ناس ذوق جدا رحت لهم وحكيت لهم ، قالولى إن ماريو ده بيجند المصريين
** زى نبيل فى المسلسل ..
- بالضبط ، قالوا هتتعاملى مع ماريو وتديله شغل ....وكانوا عايزين يقبضوا عليه ولبسونى جهاز حجمه كبير وادونى ورق أوديهوله حسب الاتفاق معاهم ...
رحنا كازينو فى المنيل على البحر ، ورحت وكانت المخابرات بتراقبنى ...وكنت مرعوبة واكتب كل حاجة بتحصل ...
المخابرات قبضت عليه فى الكازينو بعد ما اخذ الورق ، وكانوا قاعدين حوالينا فى الكازينو ، واتحكم عليه ب25 سنة فى السجن وكان له سوابق منها انه ابلغ عن بحر البقر
نبيل اللى فى المسلسل مش موجود فى الواقع وانا لم اتزوج حتى الآن ،أنا مش منه شلبى بالضبط لكن بيفكرونى باللى حصل لى ، ولغاية النهاردة بيستشهدوا بقضيتى ..
كل القضية فى الحكاية دى وكانت اسرع قضية المخابرات عملتها ...حوالى 10 ايام فى روما ، وشهر فى مصر
لما شفت المسلسل فيه حاجات حصلت باشوفها بالضبط ، زى فرناندو مثلاً
المخابرات لم تجندنى لكن انا التى ابلغت ولازم يبقى عندنا انتماء لمصر
** ماذا عن التكريم ألم يحن موعد ذلك ؟
- انا مش منتظرة مقابل انا باخدم بلدى ، واذا كانت الدولة مابتكرمش حد وكل واحد بيقول يالله نفسي ، ده الواحد مليان من اوجاع مصر ، وانا لا انتظر مقابل ...هم فاضيين لنا خليهم يجيبوا رقاصة بصاجات يكرموها ...!!!!