انا حكاية مكررة بتحصل لناس كتير كل يوم من جوجل الله لا يسامحهم .. حسابي اتقفل وفية 1500 دولار وكان باقي 5 ايام واقبض الفلوس .. يعني حسابي اتقفل بعد ما نزلت في جداول المستحقين للدفع
المهم وعلشان مطولش عليكم .. والله العظيم انا كنت بشتري المقالات الاجنبية يعني حصرية 100% واستلمت من نفس الحساب شهر قبل كدة ودة كان الشهر التاني
المهم انا متأكد مليون في المية اني معملتش اي حاجة غلط وبجد هتجنن
بس الحاجة الوحيدة اللي ممكن تكون حصلت في اليوم المشؤم دة ان الراجل اللي انا موصل النت من عنده كان كل شوية يعمل ريستارت للراوتر وكنت ساعتها فاتح الحساب ولما اجي ادخل علي صفحة داخلية جوة الحساب كان بيظهرلي رسالة خطأ ودا لان الراجل كان بيعمل ريستارت وطبعا زي ما انتوا عارفين ان الاي بي بيتغير مع كل ريستارت
وكان لازم عليا اني اقفل الصفحة وافتح الحساب تاني وبعدين هو يعمل ريستارت وتظهرلي رسالة خطأ وهكذا .. الموضوع دة اتكرراربع مرات ورا بعض في نفس الساعة.
وطبعا بعت للدعم الفني وردوا عليا النهاردة وقالولي نشاط غير طبيعي ومفيش اي تفاصيل
يا ريت الخبراء اللي فاهمين في الموضوع دة يفيدوني .. هل ممكن تغيير الاي بي وانا فاتح الحساب 4
مرات متالية يكون دة السبب ؟؟
ويارب ماحدش يحصلو اللي حصلي .. لاني خلاص بقيت حاسس ان جوجل دول حرامية فعلا وبيقفلوا الحسابات ويروحوا يتبرعوا بفلوسنا للصومال ويعملوا مسابقات زي مسابقة ابدا مع جوجل ويبعتوا للناس كوبونات ادوردز ببيلاش علي حسابنا