في محاولة منها لتطبيق قوانين النقابة التي استهان بها الكثير من الصيادلة, قررت لجنة تأديبية الصيادلة شطب الدكتور احمد العزبي مالك صيدليات العزبي المشهورة والتي لها الكثير من الفروع, قررت شطبه من سجلات النقابة نظرا لان القانون يمنع ان يمتلك اي صيدلي زيادة عن صيدليتين.

كانت تحقيقات اللجنة قد اثبتت ان العزبي اشتري اسماء العديد من الصيدليات في العديد من محافظات مصر وبالاضافة للعديد منها في القاهرة الكبري وحدها.

القانون يأتي لمحاربة استغلال امراض الناس في التجارة, فكيف لفرد يمتلك الكثير من الصيدليات ان يشرف بنفسه علي صرف الادوية الصحيحة للمرضي؟!!

فعلا العزبي ليه 3 صيدليات تقريبا بطول شارع الهرم بس

و كويس ان النقابات بدأت تشوف شغلها

العزبى محطة مصر
العزبى جرين بلازا
العزبى سان استيفانو
العزبى محطة سيدى جابر
العزبى تحت السلم
ههههههههههههه
واللة الاستغلال بقى فى كل شئ
طقم العيد لطفل 4 سنوات 380 جنية واللة حرام
ليفة حمام 10 جنية واللة ظلم
كيلو اللحمة 70 جنية افترى
الشقة فى العمارة 350 الف مش مشكلة
يارب الاقى مطبعة فلوس
لك اللة يا مصر وخاتم سليمان

قررت اللجنة التأديبية للنقابة العامة للصيادلة برئاسة الدكتور خالد سيد ناجى شطب الدكتور أحمد العزبى صاحب اكبر واشهر صيدليات فى العديد من محافظات مصر صيدليات العزبى من سجلات النقابة وذلك لقيامه شراء أسماء صيادلة ليقوم بقتح فروع جديده لصيدليته ويعد هذا مخالفا لقانون النقابه التى تمنع اى صيدلى من امتلاك اكثر من صيدليتين فقط وذلك وفقا للمادة 30 من القانون 127 لسنة 55 والخاص بمزاولة المهنة ويعد بهذا العمل يتحايل على القانون ليقوم بأحتكار السوق
وتعد صيدليات العزبى لها 15 فرع فى القاهرة الكبرى و 5 فروع فى الجيزة و 4 فى الاسكندريه و واحده فى العاشر من رمضان و 4 فى الساحل الشمالى و 2 فى شرم الشيخ

الحمد لله ان التطهير شغال فى كل مجال
و ان شاء الله تطهر مصر من الفساد و الاحتكار و كل اللى كان بيعملوا فينا النظام السابق
و لازم الكل يعرف ان اللى كان بيمشى قبل الثوره من فساد لن يعدى على خير بعد الثوره
و ان شاء الله مصر بخير طول ما فيها شعب عارف حقوقه و بيطالب بيها

لسه مصر فيها خير طول مافي إيمان بقدرة الله وأبنائها الشرفاء المخلصين ان شاء الله

اشمعنى دة ما عندك فروع صيدليات سيف سايبينها ليه ؟؟؟؟
يقدر حد يقوللى
ولا دة رفض تعليمان من الكبار ولا حصل ايه اكيد فيه حاجة مش مظبوطة

وصيدليات سيف فين
ولا سيف بيشرف بنفسة ؟

الطمع مرض عند البعض
شكرا جهاد

والله يستاهل لما يفتح العدد ده من الصيدليات طب الشباب هيعمل ايه

الحمد لله ان الحقيقه بانت ربنا بيظهر الفساد فى كل مكان عشان يتم القضاء عليه

شكرا جهاد

ما الطرشوبى شغال نفس النظام اشمعنى ده

فيه العديد من الصيدليات شغاله بنفس النظام بما أن ده ممنوع يبقى يجب تطبيق الكلام ده على كله ، وبعدين فيه كمان مخازن أدوية بتبيع الادوية ودي كارثة تانية

صيدلي لديه اموال بيستغلها بفتح صيدليات تانيه
والصيدليه دي بالذات توفر كل الادويه
تسحب رخصتة كونه صيدلي منه
وتبقى وتستمر الصيدليات واصحابها التي تورد ادويه منتهيه المفعول المسممه
هل في هذا اي نوع من المنطق....!!!!

لك الله يا مصر

طب كدة بي هتتقفل الصيدليات بتاعته ولا هتفضل مفتوحة

على ايمدج * سيف * الطرشوبى
وكثير المهم هل تم غلق الصيدليات ام ان هناك توفيق اوضاع بعد كام يوم
تجد تغيير فى العقود مع الاحتفاظ بالاسم التجارى
حاسس ان فية حاجة مش مفهومة

اهي خطوة ايجابية, عقبال باقي الصيادلة والمستشفيات الخاصة كمان, الناس حولت الطب لتجارة,

شكرا لردكم نورتوا الموضوع

العزبى بتقولة علية كدة طيب والنقابة ساكتة لية على واحد زى حسام عمر عمال يمص فى دم ال7000 موظف اللى عندة ولا دا ماحدش دارى بية

سبحان الله على الناس البتعلق وكأن العزبى ده سرق مال ابوهم أو أخذ حقوقهم رجل مجتهد وربنا يوفقه بطلوا حقد على الناس الناجحه وبدل تعليقاتكم على العزبى علقوا على أس الفساد ومراته الفاسده الماتحكتش لحد دلوقتى أقصد طبعآ بالفساد أذا ذكر الساديبقى بنتكلم عن حسنى والحيزبونه عدوة الأحترام (مش تعلقوا بكلام فاضى على رجل مجتهد) ربنايهديكم

صيدلي لديه اموال بيستغلها بفتح صيدليات تانيه
والصيدليه دي بالذات توفر كل الادويه
تسحب رخصتة كونه صيدلي منه
وتبقى وتستمر الصيدليات واصحابها التي تورد ادويه منتهيه المفعول المسممه
هل في هذا اي نوع من المنطق....!!!!

لك الله يا مصر

انا مع هذا الرأي
العزبي
يعني حاجات كتير
24 ساعة
و فروع كتير
و تسأل اي حد يدلك بسرعة علي مكانها
و ادوية مصرية و مستوردة مش موجودة في اغلب الصيدليات و تلاقيها عنده
و
لأ الموضوع ده مش كويس خاااااااااااااالص
هوا عشان مشهور
و الصيدليات اللي فاتحة في الحواري
و بتبيع القرف
تفضل مفتوحة ايه الهبل ده و مين اللي اخذ القرار المنيل ده

صيدلي لديه اموال بيستغلها بفتح صيدليات تانيه
والصيدليه دي بالذات توفر كل الادويه
تسحب رخصتة كونه صيدلي منه
وتبقى وتستمر الصيدليات واصحابها التي تورد ادويه منتهيه المفعول المسممه
هل في هذا اي نوع من المنطق....!!!!

لك الله يا مصر

معاك حق يا زهير
و مش فاهم ليه (صيدليتين بس الحد الأقصى لامتلاك الصيدلى) طب ما ممكن يكونوا عشر صيدليات بس المهم يكون موجود صيدلى فى كل صيدلية

حاجة غريبة فعلا!!!!!!!!!!!!!

معاك حق يا زهير
و مش فاهم ليه (صيدليتين بس الحد الأقصى لامتلاك الصيدلى) طب ما ممكن يكونوا عشر صيدليات بس المهم يكون موجود صيدلى فى كل صيدلية

حاجة غريبة فعلا!!!!!!!!!!!!!

والمشكلة يا اخي مش بيكتفو ويقفلو الصيدليات لاء
بيسحبه منه ترخيص صيدلي.....!
طيب ده عمل مهني وعمل تجاري
حاسبه على عمله التجاري
واتركو مهنته عشان يعمل بيه

كلمة ابرك من مليون .......
اعداء النجاح و الحاقدين و ما اكثرهم
و خير الختام ذكر النبى عليه الصلاة و السلام *****

صح.. دي عداوة لنهظة مصر.. وحقد على النجاح.. لسة كتير على ما المصرين يتعلموا ميخربوش الحاجة الكويسة,. بدل ما يطوروا قوانين من سنة 55 يستخدوها لاغراض تدميرية. كان احسن كتير لو اتكونت لجنة لتويق اوضاع الناجحين.

لا ياجماعه اللى بيحصل ده الصح لان كده فعلا احتكار

يعنى واحد غنى يفتح 50 فرع وباقى الصيادله ميبقاش عنهدهم فرصه انهم يفتحوا صيدليتهم وتتشهر هى كمان
ولازم نراعى ان فى مسافه اجباريه بين كل صيدليه وصيدليه يعنى هو علشان يفتح فرع فى منطقه حيحرم حد تانى انه يفتح فى نفس المنطقه دى الا بعد البعد بالمسافه المطلوبه

دى اونطة
كل شئ متكيف قانونى وهيطلع براءة

يارب يتم البيع بالقرعه العلنيه للصيادله المحترمين

طيب وصيدليان خليل اية وضعها ولا دة علي راسة ريشة

أشهد شهادة لوجة الله تعالى حرام جداً ما يحدث مع هذا الرجل المحترم د/أحمد العزبى المؤتمن على أكثر من 10000 نفس فاتحين بيوت دا غير مساهماتة فى التعليم والعمليات الجراحية وصرف الأدوية المجانية لأكثر من 5000 أسرة فقيرة بأضافة إلى مرتبات شهرية لذوى الأعاقة ( يارب أخفس كل جاحد ظلوم يارب أحمى عبدك الطيب فى الأرض وأبعد عنة ظلم الحاقدين الحاسدين الذين يريدون خراب الأف الأسر المصرية المحتاجة والأف العاملين فى أمن وطمأنينة كفاكم ظلم وحقد وأتركم العباد الذين أختصهم الله بأمور الدنيا لمساعدة الناس فى حالهم والله على ما أقول شهيد

ما الطرشوبى شغال نفس النظام اشمعنى ده

الوضع مختلف بالنسبة لمجموعة صيدليات الطرشوبي حيث أن كل السلسلة تشترك في الاسم العام الطرشوبي لكن في الحقيقة الملاك مختلفين لأن عائلة الطرشوبي بكاملها صيادلة وكل واحد لية صيدليتين وعلشان كدة هم وضعهم قانوني بخلاف العزبي حيث أن المالك شخص واحد وهو الصيدلي أحمد العزبي